ཁྲིམས་ལུགས་སློབ་མ། བློ་བཟང་གྲགས་པ།
མཚོ་འགྲམ་གྱི་རྦ་རླབས
དྲག་ཆར་གྱི་ཤུལ་ཏུ
དྲག་རླུང་གིས་འདེགས་པའི
ལྷོ་མཐའི་རྒྱ་མཚོའི་རྦ་རླབས
ངར་ངར་ཤུགས་ཀྱིས་མཚོ་འགྲམ་དུ་མཆོང་པར
སུ་ཞིག་ཧུབ་གང་གིས་མིད་པའི་ཚུལ་ཏུ
ཡང་ཡང་མཚོ་འགྲམ་དུ་མཆོང་པར
བྱེ་མ་ཁྲི་ཕྲག་གི་ཚེ་སྲོག་དུས་དེ་ནས་བཟས་ཞིང
ཁུ་སིམ་གྱི་ཁོར་ཡུག
ངར་སྒྲ་ཡིས་བཅོམ་པར
ལྷིང་འཇགས་ཀྱི་ཉིན་མཚན་རེ་རེར
འཇིགས་སྣང་གིས་དཀྲོགས་སོང
མཚོ་འགྲམ་གྱི་རྦ་རླབས
ཚེ་སྲོག་ཁྲི་སྟོང་གིས་ངུ་འབོད་ཁྲོད་དུ
སྙིང་རྗེའི་དྲི་ཙམ་གྱིས་མ་གོས་པར
ངར་ཤུགས་ཀྱིས་བཟི་ཞིང
འདོད་རྔམས་ཀྱིས་སྨྱོ་ཞིང
མཚོ་འགྲམ་ལ་འཐབ་པའི་ངང་ཚུལ་ནི
ཅི་འདྲ་བའི་འཇིགས་སུ་རུང་བ་ཞིག་མ་ཡིན་ནམ
མཚོ་འགྲམ་གྱི་རྦ་རླབས
ཁྱོད་ནི་ཇི་ལྟར་སྙིང་རྗེ་མེད་པ་དང
ཁྱོད་ཀྱི་ངར་ཤུགས་ཇི་ལྟར་ཆེ་རུ་སོང་མོད
ཉོམ་ཆུང་གི་བྱེ་མ་ཁྲི་ཕྲག་མང་པོས
ཚེ་སྲོག་གི་བློས་གཏོང་བྱུང་མོད
ཞུམ་མེད་ཀྱི་སྙིང་སྟོབས་རེ་རེས
སླར་ཡང་ཚེ་སྲོག་ཁྲི་སྟོང་མང་པོ་བསྐྱེད་བསྲིངས་ཀྱིས་
ནམ་ཡང་མཚོ་འགྲམ་ལ་སྐམ་ས་བསྐྲུན་ལ
རྦ་རླབས་ལ་འཐབ་འཛིང་བྱེད་
བགྲང་བྱ་ཁྲི་སྟོང་གི་ལོ་ཟླའི་ནང
རྦ་རླབས་རིམ་གྱིས་མཚོ་འགྲམ་དུ་མཆོང་མོད
བྱེ་མ་གཏན་ཏུ་ཞུམ་མེད་དུ་གནས
༡༧/༠༧/༢༠༡༤ཉིན་རྒྱ་གར་གྲོང་ཁྱེར་ཀེ་རེ་ལའི་མཚོ་འགྲམ་དུ་བྱུང་བའི་སེམས་ཚོར་ཞིག
དྲ་གྲོགས་ཚོ
འདི་ནི་ངས་བྲིས་པའི་རང་མོས་སྙན་ངག་ཡིན་ཁུལ་ཡིན་མོད། ངའི་གྲོགས་པོ་ཁ་ཤས་ཀྱིས་འདི་ནི་རང་མོས་སྙན་ངག་མ་རེད་ཟེར། རྣམ་པ་ཚོས་དགོངས་ཚུལ་གསུང་རོགས་ཞུ།
རང་མོས་ཡིན་ཚེ་སྙན་ངག་ཡིན་ཆོག་རྒྱུ་རེད།
རང་མོས་ཡིན་རྒྱུ་རེད། མགོ་སྔ་ཞིག་མེད་ཀི། སྙན་ངག་ཡིན་རྒྱུ་མ་རེད། སྡེབ་སྦྱོར་ཞིག་མེད་ཀི། ཧ་ཧ་རྩེད་མོ་ཡིན། དཔེ་དོན་གྱི་བར་ན་བརྗོད་འདོད་པའི་གབ་ཚིག་ཞིག་བསྒྲིགས་ཡོད་རྒྱུ་རེད་འདོད་པ་ཙམ་ལས། འདི་འོ། གན་རེད་ཟེར་ས་ཞིག་མ་རག་ཐལ།
དོན་པར་བྱིན་རླབས་ཤིག་མེད་ན།
དཔྱད་ནས་ཤེས་ས་ནི་མ་རེད།
རང་མོས་རང་དབང་ལ་ཤོར་བས།
དོན་མེད་དུས་ཚོད་ནི་རྐུས་སོང་། ཧ་ཧ་ཧ། ཁྲིམས་ཆད་མ་གཅོད་རོགས།
དྲ་གྲོགས་དཔལ་དོན་ལགས་དང་གནམ་ལགས་གཉིས་ཀྱིས་དགོངས་ཚུལ་གསུངས་པར་ཐུགས་རྗེ་ཆེ།