m2009ལོའི་ཟླ་བདུན་པའི་ཚེས་ཉི་ཤུའི་མཚན་མོར། རྨ་ཆུ་རྫོང་གི་མཐའ་འཁོར་གྱི་གྲོང་སྡེ་རུ་ཆུ་ལོག་གིས་གནོད་སྐྱོན་ཚབས་ཆེན་བཟོས་སོང༌།
མི་དམངས་ཀྱི་སྡོད་ཁང་བགྲང་ལས་འདས་པ་ཞིག་ཆུས་ཁུར་ཞིང༌། རྒྱུ་ནོར་ལ་གྱོང་གུད་མི་ཆུང་བ་ཞིག་ཐེབས། དེ་ལས་གལ་ཆེ་བ་ནི་ལོ་འགའི་སྔོན་དུ་བྱིས་པ་སློབ་གྲྭར་མངག་པར་དམིགས་ནས་རྫོང་ཐོག་ཏུ་ཡོང་སྟེ་ཞོར་ལས་བགྱིས་ནས་རང་ཁ་རང་གསོ་བྱེད་པའི་དབུལ་ཕོངས་ཀྱི་ཁྱིམ་ཚང་ཞིག་ལ་ཆུ་ལོག་དྲག་ཏུ་རྒྱུགས་ཏེ། ཁྱིམ་ཚང་གི་རེ་བའམ་བསོད་ནམས་སུ་སྒོམ་པའི་བྱིས་པ་གསུམ་པོ་ཆུས་ཁུར་སོང༌། བྱིས་པ་གསུམ་གྱི་ཨ་མ་ནི་ངང་ཚབ་དང་སྐྱོ་སྡུག་གིས་ཇི་ལྟར་གདུང་ནའང༌། རང་གི་བགྲོད་ལམ་ཡང་མི་མཐོང་བའི་མུན་ནག་གི་ཁྲོད་ནས་བྱིས་པ་ཚོ་འཚོལ་དུ་ཅི་ལྟར་འགྲོ།
ད་ནངས་ཞོགས་པར་ང་གནས་དེ་རུ་འབྱོར་དུས་ཁ་ཆག་སྣ་རལ་དུ་གྱུར་བའི་ཁྱིམ་ཤུལ་དག་དང༌། བྱིས་པ་གསུམ་གྱི་ཨ་མའི་ངུ་ངག་གིས་བདག་གི་མགོ་རུས་སྐམ་པོའི་གསེང་ནས་མིག་ཆུ་བཙན་གྱིས་བཙིར་བྱུང༌།
ཡིད་ཕངས་པ་ཞིག་ལ། ཆུ་ལོག་གིས་གནོད་སྐྱོན་ཐེབས་པའི་ཁྱིམ་ཚང་གི་བདག་མོ་དེ། ཡོང་སྒོ་བཙལ་མཁན་ནི་དབང་བོ་སྐྱོན་ཅན་ཞིག་ཡིན་པ་མ་ཟད་ཞི་མོ་ནད་པ་ཞིག་ཀྱང་གཉོར་རྒྱུ་འདུག འདང་ཞིག་བརྒྱབ་ན་ཁོ་མ་བུ་གཉིས་ཀྱི་རྗེས་ཕྱོགས་ཀྱི་འཚོ་བ་ལ་དཀའ་ཁག་ཆེན་པོ་ཡོད་རྒྱུ་རེད། ཁྲག་གསོག་རྣག་གསོག་བྱས་པའི་རྒྱུ་ནོར་དང་དཔྲལ་བའི་མིག་ལྟར་གཅེས་པའི་བྱིས་པ་ཚོ་ཆུས་ཁུར་སོང་བས། ཁོ་མོ་གཉིས་ཡིད་ཐང་ཆད་ནས་འཇིག་རྟེན་འདིའི་མུན་ནག་ལ་སྐྲག་སྟེ་མུ་མཐུད་དུ་འཚོ་བའི་འདུན་པ་གཞི་ནས་མི་འདུག
ང་ནི་ཉམ་ཆུང་འཁོས་ཞན་གྱི་སློབ་མ་དཀྱུས་མ་ཞིག་ཡིན་པས་རིགས་རུས་གཅིག་པའི་ཁོ་ཚོར་རོགས་རམ་ཅི་ཡང་བྱེད་མ་ཐུབ། དེ་བས་ངས་འདི་ནས་ཁ་བ་རུ་བའི་ནང་མི་སྤུན་ཟླ་དག་ལ་རེ་བ་ཞིག་ཞུ་རྒྱུ་ཡོད་པ་ནི། ཁྱེད་ཅག་གིས་ཁོང་མ་བུ་གཉིས་ཀའི་རྗེས་ཕྱོགས་ཀྱི་འཚོ་བར་ཐུབ་ཚོད་ཀྱིས་མཐུན་རྐྱེན་རེ་སྦྱོར་རྒྱུ་ཤིན་ཏུ་ནས་ཀྱང་གལ་ཆེའོ།།
འབྲེལ་གཏུགས་ཁ་པར་ 13893995415
བོད་ནས་མི་སྣ་ཁ་ཤས་གྱི་རེ་བ་ལྟར་འདིར་བཀོད་པ་ཡིན་འབྲོག་བུ་དཀོན་བཀྲས་བྲིས།
ཨ་ཙི་འདི་འདྲའི་ཡ་ང་བ་ལ། སྙིང་ཐག་པ་ནས་གདུང་སེམས་མཉམ་སྐྱེ་ཞུ། རྒྱལ་སྤྱིའི་རོགས་ཚོགས་འདི་ཚོས་ཁོང་ཚོར་རོགས་རམ་སྤྲོད་ཐུབ་པ་ཤོག
དཀོན་མཆོག་གསུམ་དང་བླ་མ་རིན་པོ་ཆེ་མཁྱེན། སེམས་ཅན་འདི་དག་སྡུག་བསྔལ་ལས་ཐར་བར་སྨོན། ལྷག་པར་ཏུ་བོད་གངས་ཅན་གྱི་སྐྱེ་འགྲོ་ཡོད་མཁན་དང་ཐུབ་མཁན་ཚོས་རོགས་རེ་བྱེད་ཐུབ་པ་ཡིན་ན་དངོས་ནས་ཆོས་ཟེར་བ་ནི་དེ་རེད་འདོད།
ལྷག་བསམ་དང་རིགས་ཞེན་ལྡན་པའི་དྲ་གྲོགས་སྤུན་ཟླ་རྣམ་པ་ལགས།
གལ་ཏེ་ཁྱེད་ཚོར་སྙིང་རྗེ་དང་ཤ་ཚ་ཞིག་ཡོད་ན། རིགས་ཞེན་དང་ལ་རྒྱ་ཞིག་ཡོད་ན། ལྷག་བསམ་དང་གཏོང་ཕོད་ཞིག་ཡོད་ན། མནན་ན་མི་ནོན་པའི་སྡུག་བསྔལ་དང་། བརྗོད་ན་མི་ཚར་བའི་དཀའ་སྡུག་ཁྲོད་ལུས་པའི་ཉམ་ཆུང་མ་བུ་དེ་གཉིས་ལ་གང་ནུས་ཀྱི་ཞལ་འདེབས་རེ་གནང་རོགས་སྙིང་ནས་ཞུ་བ་ཡིན། གལ་ཏེ་ཁྱེད་ཚོས་ཞལ་འདེབས་འབུལ་འདོད་ཡོད་ཚེ་དགེ་འདུན་རབ་གསལ་ལམ། ཡང་ན་གུས་པར་འབྲེལ་བ་གནང་རོགས་ཞུ།
འབྲེལ་བ་གནང་ཡུལ།
རིག་པའི་རྡོ་རྗེ།
ཁ་པར་ཨང་གྲངས། ༤༣༤ ༢༩༣ ༧༧༣༩
གློག་འཕྲིན་ཁ་བྱང་། knd1@tcbci.org