མི་རྟག་དྲན་སྐུལ།

Comments (51) on “མི་རྟག་དྲན་སྐུལ།”

1. ཆོས་བྱེད་དང་མ་བྱེད་དེ་སྒེར་སོ་སོས་བསམ་བློ་བཏང་ནས་ཐག་གཅོད་ཡག་ཅིག་རེད། འཆི་བ་མི་རྟག་པ་ལ་སོ་སོ་ཞེད་ན་ཡག་པོ་རེད་ཁ་བརྡ་འདིར་ཡོང་ནས་མི་གཞན་ལ་འཇིགས་སྣང་སློང་ཡག་དེ་ཐལ་ཆ་ཆེ་དྲག་འདུག།

2. ལར་ནས་སོ་སོ་དེ་འདྲ་འཇིགས་ན་ཆོས་བྱེད་ནས་མ་བསྡད་པ་བྱས་འདིར་ཁ་རྒྱག་རྐྱང་བཤད་ནས་དུས་ཚོད་ཆུད་ཟོས་སུ་བཏང་མདོག་ཁ་པོ་མ་རེད། ད་ལན་དེ་ཙམ་ཡིན།

3. སྟེས་དབང་གིས་དི་རིང་འཛིན་གྲྭར་རྗེ་སྒམ་པོ་པ་ལྷ་རྗེ་བསོད་ནམས་རིན་ཆེན་གྱི་དམ་ཆོས་རིན་པོ་ཆེ་ཐར་པའི་རྒྱན་ན། མི་རྟག་པའི་ལེའུ་ཀློག་དགོས་པ་དང་དུས་འཛོམས། ལྷག་པར་དུ་གོང་གི་གཟུགས་བརྙན་དེ་འཆི་བ་མི་རྟག་པ་སྒོམ་པ་ལ་བདག་གམ། ང་ཡང་འདི་ལས་མ་འདས་སོ་ཞེས་ཐར་རྒྱན་ན་མང་དུ་གསུངས་པ་ལ་ངེས་པ་འདྲེན་པ་ཞིག་འདུག ཁྱེད་ཀྱིས་རྙེད་ནས་འདིར་བཀོད་པ་དེ་རང་གཞན་མང་པོ་ལ་ཕན་པར་གྱུར་ཅིག མིག་བརྒྱད་པ་མཁྱེན་ནོ།།

4. མ་གཞི་ནས་མི་རྟག་པ་རེད་ཟེར་ནས་གཉའ་ཆག་ འཛམ་གླིང་འདིར་ཡར་ཐོན་གྱི་སྤྱི་ཚོགས་ལྟ་ཞོག་ཐ་ན་རང་གི་རྒྱལ་ཁབ་དེ་ཡང་མེད་པ་ཆགས་ཡག་དེ་ཚོ་ལ་བསམ་ན་ བོད་འདི་ལ་བསམ་བློའི་ལྟ་ཚུལ་ཆུང་དྲག་པའམ་ཡང་ན་ཕྱོགས་རེ་བའི་ལྟ་ཚུལ་ཆེ་དྲག་པའི་སྐྱོན་ཏན་ཏན་འདུག་ ཆོས་ཟེར་བ་དེ་སྒེར་གྱི་བྱེད་ཡག་རེད་མ་གཏོགས་སྤྱི་ཚོགས་ཀྱིས་བྱེད་ཡག་མ་རེད་པ་ འོན་ཀྱང་ང་ཚོར་དེ་ཙམ་གྱི་གོ་རྒྱ་ཡང་མེད་པ་དེ་ཡ་མཚན་རེད་འདུག་

5. ལ་དྭགས་ལགས་དགོངས་པ་མ་ཚོམ་ཁྱེད་རང་བསམ་པ་རྣམ་དག་ཅིག་ཡིན་པས་ཟོ་འདྲ་འདུག་བྱས་ཙང་བསམ་པ་རྣམ་དག་གི་ཁ་ཐུག་བཤད་པ་ཡིན་།།

6. རྟག་འཛིན་བློ་ཡིས་འཇིག་རྟེན་ཕུང་ལ་སྦྱོར།།
   དཔེར་ན་སྒེར་དོན་ཙམ་ཡང་འཁྱོངས་དཀའ་བ།།
   རང་ས་རང་གིས་ཤོར་བའི་ཉེར་ལེན་དེ།།
   འཛམ་གླིང་འགྱུར་བ་མིག་གིས་མ་མཐོང་སྐྱོན།།

7. གོས་ནག་ནོག་གྱོན་པའི་མི་ཞིག་གིས།
   རང་སུག་བཞི་དམ་པོ་ཐག་པས་བསྡམ།
   སྐྱུག་བྲོ་ཞིང་རྒྱབ་སྤྲོད་བྱས་ནས་འཁུར།
   བྱ་རྒོད་པོ་རྣམས་ཀྱི་དཀུན་ནས་བསྐོར།
   དུས་དེ་ཚེ་འཕན་པ་དམ་པའི་མཆོད་།
   མཆོད་བྱས་ན་ད་ལྟ་རང་ནས་བྱེད་།
   སྡིག་སྤོང་ན་ད་ལྟ་རང་ནས་སྤོང་།
   དགེ་སྒྲུབ་ན་ད་ལྟ་རང་ནས་སྒྲུབ།

8. ལ་དྭགས་ལགས་ལ་ཁ་སང་བཤད་པར་མི་ཉན་ཀི ཡང་ཞབས་འདྲེན་ཞུས་འདུག་ཀ་ ཁྱོད་རང་གིས་ཞིབ་བལྟ་ཞིག་བྱོས་དང་།

9. ད་ག་རེ་རེད། ཁ་བརྡ་ཚང་ལ་ཆོས་པའི་སྐད་ཆ་རྐྱང་རྐྱང་རེད་འདུག ཆོས་ཟེར་ཡ་འདིས་བོད་པ་ཕུང་ལ་སྦྱར་བ་
   མ་རེད་པས། བོད་པའི་ཁ་ལག་ལ་ཆོས་ཀྱིས་ཇུས་གཏོགས། ཆབ་སྲིད་ལ་ཆོས་ཀྱིས་ཇུས་གཏོགས། ཁ་བརྡ་ལ་ཆོས་
   ཀྱིས་ཇུས་གཏོགས། བོད་པའི་ནང་ལ་བོན་པོ་དང་བན་དེས་རྙོག་དྲ། རྙིང་མ་དང་དགེ་ལུགས་ཀྱིས་རྙོག་དྲ།
   བཀའ་བརྒྱུད་དང་དགེ་ལུགས་ཀྱིས་རྙོག་དྲ་སོགས་ད་ལྟ་བར་དུ་བོད་པ་ཚང་ཐུག་པ་དཀྲུག་དཀྲུགས་སོང་ང་།
   ད་ཁ་གོག་བཙུམ་ན་ཡག་་ས་རེད། ཁ་ནས་འདྲ་ཆགས་པོ་ད་སུས་ཀྱང་བཤད་ཀྱི་རེད། ང་ནི་རྙོག་གི་འདུག

10. འོ་རེད་་་་་་ད་ང་ཚོ་བོད་པ་ཚོས་་་་་་འཆི་བ་མི་རྟག་པ་སྒོམ་ཡག་རང་རེད་་་་་་ཡག་པོ་བྲིས་ཤག་་་་མིག་བརྒྱད་པ་མ་ཟད་་་མིག་དགུ་པ་ཡང་ཡིན་ས་རེེད།།

11. ང་ཚོ་རྗེས་ལུས་ཀྱི་ཕྱོགས་ནས་སྐུལ་དགོས་པ་ལས། འདི་ལྟར་མི་རྟག་པ་དང་འཆི་བ་འཇིག་རུང་ལྟ་བུའི་ཁ་ཏ་སྤེལ་བའི་དུས་སྐབས་མིན་པས། དུས་དང་བསྟུན་པའི་ཡིག་བརྡ་རེ་གནང་ན་མི་བཟང་ངམ།

    དཔའ་འབྱོར་དང་ཚན་འཕྲུལ་སོགས་ཀྱི་རྗེས་ཟིན་དགོས་པ་ནི་ང་ཚོའི་མདུན་དུ་ལྷག་པའི་ལས་སྣེ་ཛ་དྲག་ཏུ་མཐོང་།

12. སངས་རྒྱས་ལུགས་བྱེད་ན་འཆི་བ་ལས་ཐར་ཐུབ་པ་སུས་དཔང་པོ་བྱེད་ཐུབ་པ་རེད། ཤཱཀྱ་ཐུབ་པས་ཀྱང་འཆི་བདག་ཟློག་མ་ནུས་བ་གྲོངས་ཚར་ཞིང་། རྗེས་འཇུག་གི་ཆོས་པ་ས་ཡ་མང་པོའང་དེ་བཞིན་གྲོངས་ཚར་འདུག འཆི་བདག་ལ་མངའ་དབང་སྒྱུར་རྒྱུ་ལྟ་ཞོག་ཐ་ན་ལོ་ཚད་ཙམ་ལའང་བཏང་འཛིན་བྱེད་ཐུབ་ཀྱི་མེད། རྒས་བས་མ་ཐུབ་མཁན་གྱི་ཆོས་པ་ཞིག་སྟོན་དུ་མེད། མཁས་མཆོག་དབྱུག་གཉེན་ཡོད་ཟེར་བའི་ངག་རྒྱུན་ཙམ་ལས་དོན་ལྡན་གྱི་དཔང་པོ་རྣམ་དག་ཅིག་ད་བར་དུ་མེད། མགོ་སྐོར་མ་བཏང་། རང་མགོ་དེ་བས་མ་བཏང་། རང་མི་རིགས་ལ་མགོ་སྐོར་མ་་བཏང་། ཅི་ཡང་མེད་པ་བྲག་ཕུགས་སུ་ཚེ་གང་སྡད་ན་ཅི་ལ་ཕན་གྱི་རེད། མི་རྟག་པ་ཡོད་པ་ནང་པས་བཤད་མ་དགོས་བ་ཆོས་ལུགས་ཀུན་དང་ཆོས་མེད་སྨྲ་བ་ཀུན་གྱི་གཅིག་མཐུན་གྱི་སྐད་ཆ་ཞིག་རེད། རང་གི་ལུས་ཕུང་འགྱུར་འགྲོས་དང་དུས་ཚིགས་འགྱུར་ཀུན་ལས་མཐོང་ཐུབ་ཞིག་རེད། དེ་ནི་ནང་བ་བདག་པ་འདོད་ན་ནོར་འཁྲུལ་རེད། རང་རྩིས་ཆེ་དྲགས་པས་རེད།

13. མི་རྟག་དྲན་གྱིན་དྲན་གྱིན་ཨ་རིར་ཕེབས།།
    མི་རྟག་རྩོད་ཀྱིན་རྩོད་ཀྱིན་ཌོལ་ལ་རྩི ། །
    མི་རྟག་ཟེར་གྱིན་ཟེར་གྱིན་གང་ཡང་ཉོ། །
    འདི་དག་བསམས་ན་མུ་སྟེགས་ལས་ཀྱང་དམན། །
    ཁ་ནས་མི་རྟག་མི་རྟག་བརྒྱ་བརྗོད་ཀྱང་། །
    སེམས་ཀྱི་ཕུག་ན་རྟག་འཛིན་ཨ་འཐས་སྒོམ། །
    གཞན་ལ་མི་རྟག་ཆོས་བཤད་མཁས་གྱུར་ཀྱང་། །
    རང་གིས་རྟག་འཛིན་སྐྱབས་སུ་བསྟེན་པ་མཚར། །

14. ཤ་ཁྲག་ལས་གྲུབ་ཕུང་པོ་རྟག་འཛིན་བརྟན།།ཁ་ནས་མི་རྟག་དྲན་སྐུལ་བྱ་ཁུལ་བྱས།།ནམ་འཆི་ཆ་མེད་རང་དབང་མེད་ཤེས་ན།།ཕྱི་མ་སྨན་པའི་བདེན་བཞིའི་བླང་དོར་འཇུག། སྤྱིར་ང་ཚོ་བོད་པས་ཆོས་ནི་རྩ་ཆེན་ཞིག་རྩིས་ཀྱི་ཡོད་ལ།འོན་ཀྱང་ཆོས་ནི་གང་ཞིག་ལ་ཟེར་བ་དང་གང་ཞིག་བྱེད་དགོས་པ་ཧ་གོ་མཁན་ཤིན་དུ་ཉུང་།དངོས་ནས་བྱས་ན་གྲྭ་བ་དང་ཨ་ནི་ཚོས་ཧ་གོ་དགོས་པ་ཡིན་མོད། ཕལ་ཆེར་ཤིན་དུ་དཀོན་མོ་རེད།དེང་སང་གྲྭ་ས་གྲྭ་ཚང་ཁག་དང་ཨ་ནི་དགོན་པ་རྣམས་དམག་སྒོར་འདྲ་ཞིག་ལས་ཆོས་ཀྱི་འབྱུང་གནས་ལྟ་བུ་ཞིག་མི་འདུག ལོ་ཤོས་རྗེས་ལ་དེ་ལས་ཀྱང་སྐྱོ་རུ་འགྲོ་ངེས་རེད། ངས་ལྟས་ན་གདན་ས་ཁག་ལ་མིང་བསྒྱུར་ཞིག་བྱེད་ན་མི་ལེགས་སམ།

15. འཆི་འདོད་མེད་པ་ཀུན་གྱི་གཤིས། །
    འཆི་བ་མི་བསམ་གླེན་པའི་གཤིས། །
    འཆི་དགོས་ཡོད་པ་ཀུན་གྱིས་ཤེས། །
    འཆི་བ་མི་རྟག་ཆོས་པས་ཤེས། །

    འཆི་བ་དྲན་ན་འཇིགས་པ་སྐྱེ། །
    འཆི་བ་དྲན་ན་དད་པ་འཕེལ། །
    འཆི་བ་དྲན་ན་ལེགས་ཉེས་ཤེས། །
    འཆི་བ་དྲན་ན་སྤང་བླང་འཇུག །

    འཆི་བ་མི་རྟག་མ་བསྒོམས་ན། །
    འཆི་དུས་འགྱོད་སེམས་གདུང་བར་ངེས། །
    འཆི་བ་མི་རྟག་བསྒོམས་པས་ན། །
    འཆི་མེད་བག་ཡོད་བདུད་རྩི་ཐོབ། །

16. རྟག་འཛིན་བློ་ཡིས་རང་དབང་རང་བཙན་ཤོར།།
    རྟག་འཛིན་བློ་ཡིས་ཕ་མའི་མགོ་སྐོར་གཡོགས།།
    རྟག་འཛིན་བློ་ཡིས་རང་རྒྱལ་གཞན་ཕམ་རྩོད།།
    རྟག་འཛིན་བློ་ཡིས་རྒྱ་མིས་བོད་ས་བཟུང་།།

    རྟག་འཛིན་བློ་ཡིས་སློབ་སྦྱོང་འཐུས་ཤོར་འགྲོ།
    རྟག་འཛིན་བློ་ཡིས་རང་དོན་ཁོག་ཏུ་གཉེར།།
    རྟག་འཛིན་བློ་ཡིས་མི་ཚེ་འཕྲོ་བརླག་གཏོང་།།
    རྟག་འཛིན་བློ་ཡིས་སྐལ་ཆད་བསོད་ཟད་གྱུར།།

    རྟག་འཛིན་བློ་ཡིས་སྡིག་འདུན་ཆོས་མིན་འཕེལ།།
    རྟག་འཛིན་བློ་ཡིས་གཅིག་གིས་གཅིག་ལ་འཚེ།།
    རྟག་འཛིན་བློ་ཡིས་སྙིང་རྗེའི་རླན་དང་བྲལ།།
    རྟག་འཛིན་བློ་ཡིས་ནང་བསྟན་རྗེས་ལུས་སྒོམ།།

    རྟག་འཛིན་བློ་ཡིས་སྤྲང་མདོག་དྲན་འཕྲུལ་རྒོད།།
    རྟག་འཛིན་བློ་ཡིས་རང་སྐྱིད་ཁོ་ནར་གཞོལ།།
    རྟག་འཛིན་བློ་ཡིས་བྱ་བ་ཕྱིར་གཤོལ་བྱེད།།
    རྟག་འཛིན་བློ་ཡིས་རྒུད་པའི་སྣ་འདྲེན་བྱེད།།

    རྟག་འཛིན་བློ་ཅན་རྭ་མེད་གླང་གི་ལུགས།།
    རྟག་འཛིན་བློ་ཅན་ལེ་ལོའི་མལ་དུ་ཉལ།།
    རྟག་འཛིན་བློ་ཅན་ཡ་རབས་ལུགས་ལས་འགོངས།།
    རྟག་འཛིན་བློ་ཅན་རྣམས་ཀྱིས་དཔྱད་འོས་མང་།།

17. སྦྲ་དཔལ་ལྡན།
    ང་ཁྱོད་ལྟ་བུ་འཆལ་གཏམ་དང་། ཡི་གེ་མ་དག་པ་མང་ཙམ་ལ་དགའ་མཁན་ཞིག་མ་ཡིན།

18. ཞི་བ་ལྷས།
    བྱ་རྒོད་ཤ་ལ་ཆགས་པ་ཡིས། །
    ཕན་ཆུན་ཀུན་དུ་བཤལ་ཁྲིད་ཀྱང་། །
    ཡིད་ཁྱོད་མི་དགར་མི་བྱེད་ན། །
    ད་ལྟ་ཅི་ཕྱིར་ཁ་ཏ་བྱེད། །
    ཞེས་གསུངས་པའི་ཚིག་འདི་དཔར་འདི་ལ་བརྟེན་ནས་དྲན་བཅུགས་སོང་།

19. འཛིན་གྲྭར་རྗེ་སྒམ་པོ་པའི་ཐར་རྒྱན་ན་མི་རྟག་པ་སྒོམ་ཚུལ་ཀློག་རྗེས་གོང་གི་གཟུགས་བརྙན་དེ་གནས་བརྟན་སྡེ་པའི་དགེ་སློང་མང་པོ་ཞིག་གིས་གཟིགས་ཏེ། གཅིག་གིས་དེ་ཉིད་མི་སྡུག་པ་སྒོམ་པ་ལ་ཕན་ནོ་ཞེས་གསུངས་སོ།།

20. ཆོས་མེད་ན་ང་ཚོ་འཛམ་གླིང་ནང་མགོ་བོ་བཀྱག་ནས་འགྲོ་མི་ཐུབ།
    ཆོས་མེད་ན་ང་ཚོར་བླང དོར་གྱི་བསམ་བློ་རྙིད་མི་སྲིད།
    ཆོས་མེད་ན་ང་ཚོར་སྟོབས་ཤུགས་མེད།
    མདོར་ན་ཆོས་ནི་ང་ཚོའི་སྲོག་རྩ་དང་།
    ཆོས་ནི་ང་ཚོའི་ཡོད་ཚད་ཀྱི་ཡོད་ཚད་ཡིན།
    མཆོད་ནི་སྔོན་བྱོན་མེས་པོ་དམ་པའི་བཟུང་ཁྲག་དང་།
    འབད་བརྩོན་ལས་བྱུང་བ་ཞིག་རེད།
    ཆོས་མེད་ན་ང་ཚོའི་ཡོད་ཚད་ཤོར་ཚར་བ་རེད།

21. འཆི་བ་དེ་རིང་ཡོང་ན་དེ་རིངཤོག།
    འཆི་བ་སང་ཉིན་ཡོང་ན་སང་ཉིན་ཤོག།
    འཆི་བ་ག་དུས་ཡོང་ན་ག་དུས་ཤོག།
    ཁྱོད་ཀྱི་ཆེད་དུ་བདག་གིས་ཆོས་མི་བྱེད།
    སངས་རྒྱས་ཆོས་དང་དགེ་འདུན་དཀོན་མཆོག་ལ།
    སྐྱབས་སུ་སོང་ནས་མགོ་བོ་གཏུག་པ་ན།།
    མཐུ་དང་ནུས་བ་ཡོད་ན་ད་རེ་ཡིན།

    ཕྱི་མར་དམྱལ་བ་ཡོད་ན་དམྱལ་བ་ཡོད།
    ཕྱི་མར་ལྟོགས་སྐོམ་ཡོད་མ་ལྟོགས་སྐོམ་ཡོད།
    ཕྱི་མར་ག་རེ་ཡོད་ན་ག་རེ་ཡོད།
    ཁྱོད་ཀྱི་ཆེད་དུ་བདག་གིས་ཆོས་མི་བྱེད།
    སངས་རྒྱས་ཆོས་དང་དགེ་འདུན་དཀོན་མཆོག་ལ།
    སྐྱབས་སུ་སོང་ནས་མགོ་བོ་གཏུག་པ་ན།།
    མཐུ་དང་ནུས་བ་ཡོད་ན་ད་རེ་ཡིན།

    སྐྱེ་བ་མྱི་ལུས་བླང་ན་མྱི་ལུས་བླང་།།
    སྐྱེ་བ་ཟོག་ལུས་བླང་ན་ཟོག་ལུས་བླང་།།
    སྐྱེ་བ་ཁྱི་ལུས་བླང་ན་ཁྱི་ལུས་བླང་།།
    ཁྱོད་ཀྱི་ཆེད་དུ་བདག་གིས་ཆོས་མི་བྱེད།།
    སངས་རྒྱས་ཆོས་དང་དགེ་འདུན་དཀོན་མཆོག་ལ།
    སྐྱབས་སུ་སོང་ནས་མགོ་བོ་གཏུག་པ་ན།།
    མཐུ་དང་ནུས་བ་ཡོད་ན་ད་རེ་ཡིན།

22. དངོས་གནས་དམ་ཆོས་བྱེད་མཁན་དཀོན། །
    དངོས་གནས་མི་རྟག་དྲན་མཁན་དཀོན། །
    དངོས་གནས་ཕྱོགས་རིས་མེད་མཁན་དཀོན། །
    དངོས་གནས་གཞན་དོན་སེམས་མཁན་དཀོན། །
    གྲུབ་མཐའི་ཁ་འཛིན་མེད་མཁན་དཀོན། །
    མཁས་པ་ང་རྒྱལ་མེད་མཁན་དཀོན། །
    བླ་མ་ངེས་འབྱུང་ཡོད་མཁན་དཀོན། །
    སྤྲུལ་སྐུ་དམའ་ས་འཛིན་མཁན་དཀོན། །
    ལུང་ཚན་འཐེན་འཁྱེར་མེད་མཁན་དཀོན། །
    ༧རྒྱལ་བའི་བཀའ་བཞིན་སྒྲུབ་མཁན་དཀོན། །
    བོད་དོན་སེམས་མཁན་བོད་པ་དཀོན། །
    བོད་སྐད་གཙང་མ་རྒྱག་མཁན་དཀོན། །

23. བླ་ཆེན་དྲན་པ་ནམ་མཁས།

    ནང་བཅུད་སེམས་ཅན་ཐམས་ཅད་མི་རྟག་སྟེ།།
    བདག་དང་བདག་གི་དགྲ་གཉེན་སེམས་ཅན་རྣམས།།
    འཆི་བར་ངེས་ཏེ་ནམ་འཆི་མ་ངེས་དང་།།
    ཅིས་ཀྱང་མི་སྡོངས་འཆི་བ་མངོན་སུམ་འབྱུང་།།
    དེ་སྔོན་ཐོག་མེད་སྤྲུལ་པའི་སྐུ་ཡང་འགྱུར།།
    གྲུབ་ཐོབ་རྣམས་འདས་ཐ་མལ་སྨོས་ཅི་དགོས།།
    ལུང་ལས་རྟག་ཏུ་རེ་རྣམས་སུན་དབྱུང་ཕྱིར།།
    ལན་གཅིག་མྱ་ངན་འདས་ཚུལ་བསྟན་ཞེས་གསུངས།།

24. ཚེ་སྲོག་གི་ལྟ་ཚུལ་

    ནང་ཆོས་ནས་མིའེ་ཚེ་སྲོག་ནི་གཡང་གཟར་གྱི་ཆུ་ལྟར་ཡུད་ཙམ་ལ་ཡང་སྡོད་དབང་མེད་པར་སྐད་ཅིག་རེ་རེ་བཞིན་ཟད་ཀྱིན་ཡོད་པར་མ་ཟད་ནམ་འཆིལ་ངེས་པ་མེད་ཅིང་སྐྱེ་བའི་ཐ་མར་འཆི་ངེས་ཡིན་པའི་གནས་ལུགས་མང་པོ་གསུངས་ཡོད་། སྤྱིར་བཏང་ཙེ་སྲོག་གཉིས་དོན་གཅིག་ལ། ཁམས་རང་རང་གི་རྟེན་རྣམས་འཚོ་ཞིང་འཛིན་པ་དེ་ལ་བྱ་དགོས་། བྱེ་བྲག་རླུང་སེམས་དབྱེར་མེད་ཀྱི་ཆ་དེ་ལ་བྱ་དགོས་ཏེ། མརྫོད་ལས་ཀྱང། སྲོག་ནི་ཚི་ཡིན་དྲོད་དང་ནི། རྣམ་ཤེས་རྟེན་གང་ཡིན་པའོ། ཞེས་གསུངས་པ་དང་དེ་ཡང་རྟེན་གྱི་སྒོ་ནས་བཤད་ན་ལུས་ཀུན་ལ་ཁྱབ་པའི་སྲོག་རྩ་དཀར་པོ་སྤྱི་དང་དེར་རྒྱུ་བའི་རླུང་སྲོག་འཛིན་དང། སྲོག་རྩ་ནག་པོ་ཁྲག་རླུང་གཉིས་འདོམ་གྱི་འཕར་ རྩ་སྙིང་དང་འབྲིལ་ནས་ལུས་ཀུན་ལ་ཁྱབ་དང་། མགོ་ལུས་ཀུན་ལ་ཁྱབ་དུ་འཇུག་པའི་དབུགས་སོགས་ཡིན། དེ་དག་ལས་ནི་སྲོག་རྩ་དཀར་པོ་དེ་ཇི་ལྟ་བུ་ཞེ་ན་ལུས་ཐིག་ཤེལ་་དཀར་མེ་ལོང་ལས་ཀླད་པའི་རྗི་ཞབས་མན་དང་གཞུག་ཆུང་ཡན། སྒལ་རུས་སྦབས་སུ་གནས་པའི་རྒྱུངས་པ་དེ། ཀླད་པ་དང་འབྲིལ་སྲོག་གནས་རྩ་བྱེད་ཅིང་ ནང་དུ་བདོག་དཀར་སྲོག་རྩ་ དཀར་པོ་བཤད་ དེ་ལས་གྱིས་པའི་རྩ་དཀར་ཕྲ་མོ་ཡིས་སྟོས་སྨད་ཕྱི་ནང་ཀུན་ཏུ་ཁྱབ་པར་གནས། དབང་པོ་ཡུལ་ལ་འཆར་་བར་བྱེད་པ་དང་ཡུལ་ལྔའི་རྣམས་ཤེས་བདག་ཏུ་འཛིན་པར་བྱེད། ཅེས་དང་ འདི་ལ་དེང་སྐབས་ཚན་རིག་འཚོ་བྱེད་པ་རྣམས་ཀྱི་མིའེ་ཤེས་རིག་གི་གཞི་དང་ རྣམས་ཤེས་ཞེས་པ་དེ་ཀླད་པ་ཡིན་ པ་དང། དེ་ལས་ལོགས་སུ་ཤེས་པ་ཤིག་མེད་པའི་སྒྲུབ་བྱེད་དུ་སྟོན་པ་རེད ་ཡང་གསོ་རིག་གིས་གཞུང་ལས་འབྱུང་བ་ལྟར་རྩ་གསུམ་པོ་དེས་ཀྱང་ཐོག་མར་སྙིང་འགྲུབ་པའི་རྒྱུ་མཚན་སམྦ་ཏིའི་རྒྱུད་ལས་་ཀྱང་ མི་གསལ་གསལ་བའི་རང་བཞིན་ཅན་ཆ་མེད་མཆོག་ཏུ་ཕྲ་བ་སྟེ་ གཟི་བརྗིད་ཆེན་པོ་འོད་དང་ལྡ་ སྟག་ཏུ་་སྙིང་གི་དབུས་ན་གནས། ཞེས་དང སྐབས་འདིར་འགའ་ཞིག་གི་བསམ་པར་ འོ་ན་མིའེ་སྙིང་དུ་གནས་པའི་རླུང་སེམས་ཕྲ་མོ་སྲོག་ཡིན་ན་ ད་ལྟ་ཕན་ཚུལ་གྱི་སྙིང་བཅད་དེ་བརྗེས་ན་ཡང་ཆོག་པ་མངོན་སུམ་གྱིས་གྲུབ་ལ་ དེ་ན་ཚེ་སྲོག་དང་རྣམས་ཤེས་རང་རང་གི་ཐུན་མོང་མ་ཡིན་པའི་ཁྱད་ཆོས་མ་ཡིན་ནམ་ཟེར་ ན་མི་འགལ་ཏེ། མི་རང་རང་གི་ཁང་པ་རང་རང་གི་ཐུན་མོང་མ་ཡིན་པའི་སྡོད་གནས་ཡིན་ན་ཡང་། རྒྱུ་རྐྱེན་གཞན་གྱི་སྟོབས་ཤུགས་ལ་བརྟན་ནས་ཁང་པ་ཕུན་ཚུན་བརྗེ་བ་ལྟར་ཡིན་ལ་ ཁང་པ་དེ་ལྟར་བརྗེས་པའི་ཚེ་མི་རང་རང་ལ་སྔར་མ་བྱུང་བའི་ཕན་གནོད་བསྐྱེད་པ་ལྟར། སྙིང་བཅད་དེ་ཕན་ཚུན་བརྗེས་ན་ཡང་སྔར་མེད་པའི་བདེ་སྡུག་ཕན་གནོད་སྣ་ཚོགས་འབྱུངབ་སྨོས་ཅི་འཚལ། དེ་ཕྱིར་རྩ་དབུ་མ་རོ་རྐྱང་གསུམ་དེ་ཡང་མིའེ་ལུས་ཕུང་སྟིང་ཆུ་བུར་མིག་གིས་དངོསསུ་མཐོང་དཀའ་ཡང། རླུང་རྩལ་རིག་པ་གོང་དུ་འཕེལ་བའི་རྨང་གཞིའི་སྟིང་ནས་ར་སྤྲོད་འབྱུང་ངེས་རེད། དེ་ལྟར་ཐོག་མར་སྲོག་རླུང་གི་རྟེན་དུ་རྩ་རྣམས་ཀྱི་དང་པོར་རྩ་དབུ་མ ་གྲུབ་ པས་རླུང་གི་ཁམས་རྣམས་བརྐྱེད་ཅིང་སྨྱིན་པའི་གཞིར་གྱུར་ཏེ་ཆུའི་ཁམས་དཀར་ཆ་འཕེལ་བ་བརྟེན་ནས་དབུ་མའི་གཡས་ཕྱོགས་སུ་རྩ་རྐྱང་མ་བྱུང་། དེ་གཉིས་ཀྱི་བྱེད་པ་ལ་བརྟན་ནས་མེའི་ཁམས་སྨིན་ཏེ་དམར་ཆ་ཁྲག་རྒྱུ་བའི་རྩ་རོ་མ་བྱུང་ བ་ན། ཕུང་པོ་འགྲུབ་བྱེད་ཀྱི་གཙོ་བོ་དཀར་ནག་རླུང་དང་བཅས་པའི་སྲོག་རྩ་རྣམས་གསུམ་འཛོམས་པ་རེད མིའི་ལུས་ཕུང་ཆ་ཚང་བ་ཞིག་མངོན་པར་གྲུབ་ འོན་ཀྱང
    ནང་པས་དཔྱད་པའི་ཚེ་སྲོག་རྟེན་འབྲེལ་གྱི་རྣམས་གཞག་གྲུབ་འབྲས་ཀྱི་ཁྱད་པར་ལྡུམ་རའི་མེ་ཏོག་ལྟར་ཅིག་ལ་ཅིག་བརྟེན་ནས་བྱུང་།གོང་གསལ་གྱི་སྐད་ཆ་འདི་དག་མདོར་བསྡུས་ན། མིའི་ཚེ་སྲོག་མི་རྟག་ཅིང་མི་དང་མིའི་བར་གྱི་འབྲེལ་བ་ཟབ་ཅིང་མཐའ་མེད་པའི་རྒྱུ་མཚན་གྱིས་གཞན་ལ་རིགས་བསྒྲེ་རྒྱུ་དེ་ཡིན་། ལྟ་ཚུལ་འདི་ནི་དངོས་ཡོད་གནས་ཚུལ་དང་འབྲེལ་ཞིང་མཐུན་པ་ཞིག་ཡིན་པར་མ་ཟད་རྩོད་སྒྲུབ་ དངོས་གཙོ་སྨྲ་བའི་གཞུང་ཞིག་ཏུ་འགྱུར་བས་འཇིག་རྟེན་ལྟ་ཚུལ་གྱི་ཁྱོན་ཇེ་ཡངས་སུ་འགྲོ་ངེས་རེད་ ངས་ད་དུང་ཚེ་ལ་བར་དུ་གཅོད་པའི་གནོད་བྱེད་དང་དེའི་གཉེན་པོའི་རིགས་ལས་འཕྲོད་ཏེ་མིའེ་ཚེ་སྲོག་གི་རང་བཞིན་དང་། འཕོ་འགྱུར་སོག་ལ་ཞིབ་འཇུག་བྱེད་འདོད་ཀྱང་མངས་ཀྱི་དོགས་སོ།

25. ཤེས་དགའ་མཆོག ཁྱེད་ཀྱིས་ང་ལ་ཕོག་དགོས་པ་ཞིག་གང་ཡང་བྲིས་མི་འདུག ཆོས་བྱེད་རུང་མ་བྱེད་རུང་། འཇིག་རྟེན་གང་དུ་དེ་འདྲ་གང་གིས་བྱུང་བ་ཡིན། རང་རེས་ཤེས་དགོས་པ་ཡིན། བོད་ནས་བྲོས་པ་ན་མི་མང་པོ་ཞིག་ལ་དེ་ལྟ་བུའི་དཀའ་ངལ་བྱུང་བ་དྲན་དགོས་པ་མ་ཡིན་ནམ། ངའི་གཉེན་ཚན་ཞིག་དང་གཞན་གྲྭ་པ་ཞིག་ཀྱང་རྒྱ་གར་དུ་ཇི་ལྟར་གྲོངས། དེ་དག་ལ་ལྟོས་ཏེ་ད་ལྟ་ང་གསོན་པོར་ཡོད་པས་བོད་ཀྱི་རིག་གཞུང་ལ་གང་ནུས་ཞབས་ཏོག་ཞུ་བསམ་པ་་ལ་ཕན་པ་ཞིག་མི་འདུག་གམ།

    དུར་ཁྲོད་མ་ཡིན་པའི་ས་ཞིག་ཏུ་ཕུང་པོ་དེ་བྱ་རྒོད་ཀྱིས་ཟ་བ་མཐོང་ནས། ལོ་ངོ་བདུན་ཅུ་དོན་གྲངས་སྔོན་དུ་བྱུང་བའི་ལ་དྭགས་པ་གྲྭ་རྒྱུན་རྒྱ་གར་བརྒྱུད་བོད་ལ་འགྲོ་བའི་ལམ་དུ། ཚང་མ་ལ་རྒྱ་གར་གྱི་ཚ་ནད་འབྱར། ལམ་དུ་དང་པོར་དཀའ་ཆེན་བྲང་ཟོས་པ་ཞུ་བ་དེ་གྲོངས་ནས་བྱ་ཐབས་མེད་པར་སྐུ་པུང་དེ་སྤང་གཤོང་ཞིག་ལ་བཞུགས་སུ་གསོལ་ནས་འགྲོ་དགོས་པ་བྱུང་། རྗེས་སུ་གཞན་རྣམས་ཀྱང་བཀྲ་ཤིས་ལྷུན་པོར་སླེབས་ནས་ཞག་འགའ་ལུས་ཀྱང་གཅིག་་མ་གཏོགས་ཚང་མ་ཕྱི་མའི་ལམ་དུ་ཞུགས་པར་མ་ཟད་གྲྭ་པ་གཞན་དག་ལ་ཡང་ཚ་ནད་འབྱར་ཏེ་གྲོངས། གཅིག་ལུས་པ་དེ་ཡང་ལུས་པོ་རིད་པ་གཅོང་ནད་ཀྱིས་ཟིན་པ་ལྟ་བུ་ཞིག་ཏུ་མཐོང་ནས། ནོར་བུ་བྲང་ཁང་གི་གྲྭ་པ་ཞིག་གིས་སྙིང་རྗེས་ནད་པ་དེ་ལ་ལོ་མང་སོང་བའི་སྣུམ་རོ་ལུས་ལ་བཅུག་སྟེ། ཚད་རོ་ལུས་ནས་བཏོན་ཏེ། ལུས་པོ་བདེ་ཐང་ཆགས། ཁོང་གི་མཚན་བློ་བཟང་མཐར་ཕྱིན་ཟེར་གཏམ་བརྒྱུད་འདི་ཁོང་ནས་དངོས་སུ་ཐོས། སྐུ་མདུན་ལ་དྭགས་ལ་གསུང་ཆོས་སྩོལ་སྐབས་བླ་རྒན་ཁོང་བོས་ཏེ་ཁ་སྤུ་ནས་ཤད་ཙམ་མཛད་པས། ཀླུ་འཁྱིལ་དགོན་གྱི་བླ་མ་ཟུར་པ་སྐལ་ལྡན་གྱི་སྐྱེས་བུ་ད་ལྟ་དགུང་ལོ་དགུ་ཅུ་ཟིན་པ་ལ་ཉེའོ།།

26. རྣམ་པ་ཚོས་དྲང་ལྡོག་ཅི་རིགས་ནས་བསམ་ཚུལ་བཏོན་པ་གསེར་ལྟར་རྩ་ཆེ། སེམས་ཀྱི་རང་བཞིན་ལ་བསླད་མེད་ཀྱང་གློ་བུར་རྐྱེན་གྱིས་བསླད་ཞུགས་པའི་དབང་གིས་འཁོར་བ་སྡུག་བསྔལ་གྱི་རང་བཞིན་འབྱུང་བའི་ཚུལ་ནང་བསྟན་ལས་བཤད་ཅིང་། མི་རྟག་པའི་བརྒྱུད་རིམ་ནས་འཇིག་རྟེན་ལ་ལྟ་ཚུལ་དེ་ཚན་རིག་དང་མཐུན་ཏེ། འཇིག་རྟེན་རྡུལ་ཕྲ་རབ་ལས་གྲུབ་ཅིང་མཐར་རྡུལ་ཕྲ་རབ་ཀྱི་ངོ་བོར་འཕོ་ཚུལ། འབྱུང་བ་དང་འབྱུང་འགྱུར་གྱི་ལུས་ཀྱི་རྩ་རྫས་དེ་ཚོ་ཐོག་མར་ཕ་མའི་ཁུ་ཁྲག་ནང་དུ་གྲུབ་ཡོད་པ་ནས་རིམ་གྱིས་མངལ་གྱི་གནས་སྐབས་ལྔ་དང་བཙས་པའི་གནས་སྐབས་ལྔ་པོ་འབྱུང་བ་རླུང་གི་གཡོ་བ་ལས་སྨིན་པ་དང་མ་རུལ་བ། འཕེལ་བ་སོགས་ཀྱི་འགྱུར་བའི་བརྒྱུད་རིམ་ལ་བརྟེན་ནས་ལུས་འདི་བྱུང་བ་མ་ཡིན་ནམ།

27. ཡག་པོ་འདུག། མི་རྟག་པ་སྒོམ་པ་འདིས་ང་ཚོའི་དཀའ་ངལ་ཚང་མ་ཐག་གཅོད་ཐུབ་པ་འདུག

    ལུང་པ་ཤོར་ན་མི་རྟག་ཡང་ཡང་སྒོམས།
    བཙན་བྱོལ་ཆགས་ན་མི་རྟག་ཡང་ཡང་སྒོམས།
    བཟའ་ཚང་འཁྲུག་ན་མི་རྟག་ཡང་ཡང་སྒོམས།
    ལས་ཀ་ཤོར་ན་མི་རྟག་ཡང་ཡང་སྒོམས།
    ཆུང་མས་གཡུགས་ན་མི་རྟག་ཡང་ཡང་སྒོམས།
    ཁ་བརྡར་ཡོང་ནས་མི་རྟག་ཡང་ཡང་སྒོམས།
    བུ་མོ་མཐོང་ན་མི་རྟག་ཡང་ཡང་སྒོམས།
    རྒྱོ་ལ་བརྔམས་ན་མི་རྟག་ཡང་ཡང་སྒོམས།
    དངུལ་ལ་ཆགས་ན་མི་རྟག་ཡང་ཡང་སྒོམས།

    སྤྲང་པོར་གྱུར་ན་མི་རྟག་ཡང་ཡང་སྒོམས།
    ཚུལ་ཁྲིམས་ཆལ་ན་མི་རྟག་ཡང་ཡང་སྒོམས།
    བཟོད་པ་ཤོར་ན་མི་རྟག་ཡང་ཡང་སྒོམས།
    རྩོན་འགྲུས་ཡལ་ན་མི་རྟག་ཡང་ཡང་སྒོམས།

    ལག་དམར་ཆགས་ན་མི་རྟག་ཡང་ཡང་སྒོམས།
    ཁྲིམས་ལ་གཏུགས་ན་མི་རྟག་ཡང་ཡང་སྒོམས།
    ན་ཚ་ཕོག་ན་མི་རྟག་ཡང་ཡང་སྒོམས།
    ཤི་བའི་ཚེ་ན་མི་རྟག་ཡང་ཡང་སྒོམས།
    སྐྱེ་བར་རྗེས་མར་མི་རྟག་ཡང་ཡང་སྒོམས།
    རྒྱོ་བའི་སྐབས་ལ་མི་རྟག་ཡང་ཡང་སྒོམས།
    སྐྱིད་པོ་བཏང་དུས་མི་རྟག་ཡང་ཡང་སྒོམས།

28. ཕྱིར་ཆོས་ཞེས་པ་དོན་དགུ་ལ་འཇུག་པར་བཤད་ཅིང་སྐབས་འདིར་ནི་ཆོས་གྱི་མཆོག་མྱང་འདས་ལའཇུག་ལ། མྱང་འདས་དེ་ལ་ཡང། མི་གནས་པའི་མྱང་འདས་དང། རང་བཞིན་མྱང་འདས་དང། ལྷག་བཅས་མྱང་འདསདང། ལྷག་མེད་མྱང་འདས་སོགས་དབྱེ་ཚུལ་དུ་མ་ཡོད་ལ། དེ་དག་ཐམས་ཅད་ཆོས་དཀོན་མཆོག་ཅེས་བཤད་པའི་ཆོས་དེ་ཡིན་ལ། དེ་མངོན་དུ་བྱེད་པ་འམ་འཐོབ་པའི་ཐབས་སངས་རྒྱས་ཀྱི་གསུང་བ་ལྟར་ནན་དན་ལག་ལེན་བྱེད་པ་དང་གཙོ་བོ་གཞན་ལ་འཚེ་བ་མི་བྱེད་པ་ཆོས་ལ་སྐྱབས་སུ་འགྲོ་བ་ཞེས་བྱ་ལ། དེ་བསྒྲུབས་པ་ལ། ཐབས་ཤེས་ཀྱི་རྟོགས་པ། ལུས་ངག་ཡིད་ཀྱིས་མི་དགེ་བ་བཅུ་སྤོངས་བ་ལ་སོགས་པ་དགེ་བ་སྣ་གཅིག་སྒྲུབ་པ་ནས་བཟུང་མྱང་འདས་ཐོབ་གྱི་བར། མྱང་འདས་སུ་བསྔོས་ནས་དགེ་བ་གང་བསྒྲུབ་ཐམས་ཅད་ལ་ཆོས་སྒྲུབ་ཅེས་བཤད་པ་ཡིན་ལ། དགེ་བ་དེ་དག་ལས་སྟོང་བ་ཉིད་ཀྱི་ལྟ་བ་ནི་མཆོག་ཡིན་ཏེ། སྟོང་ཉིད་ལྟ་བའི་གྲོལ་གྱུར་གྱི། སྒོམ་པ་ལྷག་མ་དེ་དོན་ཡིན། ཞེས་གསུངས་བ་ལྟར། མི་རྟག་སོགས་བཅུ་དྲུག་རྟོགས་པའི་བློ་ནི་སྟོང་ཉིད་ཀྱི་ལྟ་བ་རྒྱུད་ལ་སྐྱེ་བའིཐབས་སུ་གསུངས་ཤི། ཡང་ དོན་དང་བོ་ཆོས་ལ་བསྐུལ་བའི་མི་རྟག་ཆོས། ཁྱོའི་བར་དུ་ཐར་བ་འདོད་པའི་ངེས་འབྱུང་བློ། བློ་ཐ་མ་གཞན་དོན་སེམས་པའི་ཐེག་ཆེན་སེམས། ཞེས་མི་རྟག་པ་རྟོགས་པའི་བློ་ལ་རྟེན་ནས་ངེས་འབྱུང་སྐྱེ་དགོས་པར་གསུངས་ཤིང།་ ངེས་འབྱུང་མ་སྐྱེ་ན་རང་དོན་ཡིད་བྱེད་ཀྱི་ངར་འཛིན་བཟློག་མི་སྲིད་ལ་རང་དོནཡི་བྱེད་ཀྱི་ངར་འཛིན་ནི་དངོས་རྒྱུད་ཅི་རིགས་གྱི་སྒོ་ནས་ཕ་རོལ་ལ་སྡུག་བསྔལ་འབྱུན་ཅིང་བསྒྱུད་ནས་རང་ལ་མི་འདོད་པ་ཐམས་ཅད་འབྱུང་ལ། མདོར་ན་རྒྱལ་ཁབ་ཕན་ཚུན་འཁྲུག་ལོང་དང་མི་རིགས་བར་གྱིས་ཤི་རྨས་ཕི་ནུ་ཕན་ཚུན་ནང་འཛིང་སོགས་མི་འདོད་པ་ཐམས་ཅད་རང་ཉིད་གཅེས་འཛིན་འདིའི་དབང་གི་བྱུང་བར་གསུངས་ཏ། རྣམ་བཤད་ལས། ཉོན་མོང་བའི་དབང་གི་སྐྱེ་བ་ལ་སོགས་པའི་སྡུག་བསྔལ་མ་སྤང་བས། གཞན་དོན་ལྟ་ཅི་རང་དོན་ཡང་ཅི་ལྟར་འདོད་པ་བཞིན་བསྒྲུབ་པར་བྱ་མི་ནུས་སོ། ཞེས་གསུངས་བ་སོགས་མང་བས་སོ། དེ་ལྟ་ན་བདེ་བ་འདོད་པས་གང་ཟག་སུ་ཡིན་ཡང་བདེ་བ་བསྒྲུབ་པའིཐབ་དེ་གླེང་བར་རིགས་མོད་འོན་ཅང་བསམ་བློ་བཏང་ཕྱོགས་ལ་རྟེན་ནས་གོ་བ་ལོན་ནུས་མི་ནུས་དང་བསྟུན་དགོས་པར་སེམས་སོ།

29. ཨ་རོགས་ཚོ། མི་རྟགས་དྲན་བསྐུལ་ཞེས་པ་དེ་ཆོས་གཅིག་པོར་མ་གོ་ཆོག་གི་བསམ།
    ང་ཚོའི་སྤྱི་ཚོགས་མང་མི་བློ་རྒྱ་ཅན་དང་དཔའ་གཤེད་ཅན་དཔལ་འབྱོར་ཅན་སོགས་མང་པོ་ཡོད་པས་དེ་ཚོས་མི་རྟགས་པ་ལ་བསམ་ནས་རང་མི་རིགས་གྱི་དོན་ལ་ལས་དོན་ཅུང་རེ་བསྒྲུབ་ན་ཡག་པོ་རེད། རང་ཚོས་ཀྱང་ཁ་རང་བཤད་ནས་མ་བསྡད་པར་རང་ཡོད་སའི་ས་ཆ་ནས་རང་ནུས་དང་བསྟུན་པའི་སྒོ་ནས་མི་རིགས་ཀྱི་ཆེད་དུ་བྱ་བ་རེ་བསྒྲུབ་ཅི་མོ་རེད། མི་རྟགས་པ་ཡིན་པས་གཅིག་གྱིས་གཅིག་སྡིགས་མོ་བྱེད་རྒྱུ་དེ་ཡང་མཚམས་བཞག་ཏེ་དེ་ལས་བཟློག་རེ་འཆམ་མཐུན་ཞིག་ལ་འབད་ན་མི་དྲགས་གམ།

30. རྣ་བ་བརྒྱད་པས་གསུངས་པ་ལྟར་མི་འདོད་པ་ཐམས་ཅད་རང་དོན་ཡིད་བྱེད་ཀྱི་ངར་འཛིན་ལ་བརྟེན་ནས་བྱུང་། བྱང་ཆུབ་སེམས་དཔའ་རྣམས་ཀྱིས་བཙུན་མོའི་འཁོར་དུ་རོལ་ནས་འདོད་ཡོན་ལ་ལོངས་སྤྱོད་ཀྱང་མི་རྟག་པ་མི་སྒོམ་པ་མ་རེད། ནང་པའི་གཞུང་ནས་བཤད་པ་ལྟར་སྟོང་ཉིད་རྟོགས་པའི་རྒྱུད་སྨིན་བྱེད་ལ་མི་རྟག་པ་སྒོམ་པ་མཆོག་ཏུ་གསུངས་ཏེ། རྣམ་འདྲེན་ལས། དེའི་ཕྱིར་མི་རྟག་ལས་སྡུག་བསྔལ།།སྡུག་བསྔལ་ལས་ནི་བདག་མེད་གསུངས།།འཇིག་རྟེན་པ་ཞིག་ལ་མཚོན་ན་ཡང་མི་རྟག་པ་སྒོམ་པ་གལ་ཆེ་སྟེ། མི་རྟག་པ་ཟེར་བ་དངོས་པོའི་འགྱུར་བ་ཞིག་ལ་ཟེར་གི་ཡོད་པ་རེད། བོད་ལ་འགྱུར་བ་ག་ཚོད་བྱུང་མིན་གསལ་ཐིང་རེད། དེ་ང་ཚོས་བསླབ་བྱར་ལེན་དགོས་པ་རེད།

31. མིག་བརྒྱད་པ་ཁྱོད་ཨོའུ་ཙམ་ཡོད་བསམ་བྱུང་མོད་ཁྱོད་ཀྱིས་ཟེར་ན་བོད་པ་བོད་ས་ཤོར་བ་བོད་པས་མི་རྟག་པ་མ་དྲན་པའི་སྐྱོན་རེད་ཨེ་ཟེར་ ཧཧཧཧ ཁ་ལང་ལ་ཤོར་བ་ནས་ཟེར་རྒྱུས་འཕོངས་པ་ཙམ་དུ་མཐོང་ངོ་།།

32. ཤེས་དགའ་ལགས། ང་དངོས་གནས་ཁྱེད་ལ་འཇིག་གི་གོང་གི་དཔར་རིས་དེར་རྒྱུ་མཚན་ཡོད་པ་ཤེས་གསལ་རེད་ནམ་འཆི་ཆ་མེད་འཆི་བ་མི་རྟག་པ་ཞེས་པ་ཀུན་ལ་མི་འདོད་བཞིན་དུ་ཡོད་པ་ཁྱེད་ཀྱི་ཤེས་འོན་ཀྱང་ཁྱེད་འདྲ་བའི་བླུན་པོ་འགའ་ཞིག་གི་ཤེས་བཞིན་ཁྱད་གསོད་བྱས་ནས་གཞན་གྱི་ལས་རྒྱུ་འབྲས་འཆི་བ་མི་རྟག་པ་སྒོམ་ཚུལ་གྱི་དཔར་རིས་ཙམ་ལམ་དུ་སྟོན་ན་ཡང་ཁྱེད་ང་དང་ཁོ་ཞེས་ཀྱི་ངན་བརྒྱབ་དོན་ཅི་རྟག་པ་ཐེར་བཟུང་དུ་བཟུང་མཁན་ཁྱེད་མ་གཏོགས་ནང་ཆོས་པ་ཞིག་ལ་ཕན་ཐོགས་ཤིན་དུ་ཆེ་བར་མཐོང་འདི་ནི་སྣང་བསྐུལ་བ་ཙ་བ་ནས་མ་རེད་དེ་ཤེས་པ་བགྱིས་
    མིག་བརྒྱད་པ་ཐུགས་རྗེ་ཆེ་ཡག་པོ་འདུག་

33. ངས་བསམ་ན་ནང་པ་ཆོས་བྱེད་པ་ཞིག་གི་ངོས་ནས་རོ་ལས་བྱེད་པ་དེ་དག་རོ་བདག་གི་ཆོག་མཆན་མེད་ན་ག་ས་གང་དུ་བཀྲམ་ན་་བཟང་རྒྱུ་མ་རེད་བསམ། ༡ གལ་སྲིད་གོང་གི་རོ་དེ་རྩོམ་འབྲི་བ་ཁོང་གི་ཨ་ཕའི་རོ་ཡིན་པའི་དབང་དུ་བཏང་ན་ཁོང་གིས་དྲ་ལམ་ལ་བཀོད་ཀྱི་འེ་རེད། འདི་འཇིག་རྟེན་པའི་བསམ་བློ་ལ་བརྩི་བཀུར་བྱེད་མ་ཤེས་པའི་སྐྱོན་རེད། ༢ དེང་སང་༧ གོང་ས་མཆོག་གིས་ཀྱང་དུས་དབང་གསུང་སྐབས་རུས་རྒྱན་བསྣམས་ནས་དུས་དབང་གསུང་ཐུབ་ཀྱི་མེད། འདི་གཞན་མང་པོ་ཞིག་གི་འདོད་ཚུལ་མཁྱེན་པའི་དབང་གིས་ལོས་ཡིན། ༣ ད་དུང་སྔོན་ཆད་ཡིན་ན་རྣལ་འབྱོར་ཕོ་མོ་མང་པོ་ཞིག་གིས་རྐང་གླིང་གི་སྟེང་དུ་ཤ་དམར་འབྱར་ཡོད་ན་ཡང་ཁས་ཀྱི་ཡོད། ད་དུང་ཁ་ཤས་ཀྱི་མིའི་ཐོད་པའི་ནང་དུ་ཐུག་པ་འཐུང་པ་སོགས། སྤྱི་ཡོངས་ནས་སྦས་བའི་ཚུལ་མཛད་ན་བསྟན་པ་ལ་ལོས་ཕན་སྙམ།

34. ཁ་ནས་མི་རྟག་པ་མི་རྟག་པ་བརྗོད་མཁན་དེ་རིགས་རྟག་འཛིན་ཤུགས་ཆེ་བ་འདུག
    མ་གཞི་ནས་ངེད་ཚོས་མི་རྟག་པ་སྒོམ་ཆེ་ཟེར་ནའང་འདྲ་ཚེ་མི་འདི་དར་ཙམ་ཡུད་ཙམ་རེད་ཅེས་ཆུང་དུས་ནས་དགེ་རྒན་ཕ་མ་རྣམས་སློབ་གསོ་རྒྱབ་པ་ལ་བརྟེན་ནས་ངས་ནི་བོད་འབྲི་ཀློག་ཤེས་ཙམ་ལས་ཡོན་ཏན་གང་ཡང་བསླབ་མེད། གང་ཡིན་ཟེར་ན་མི་ཚེ་འདི་དར་ཙམ་ཡུད་ཙམ་ཞིག་ཡིན་དུས་དེ་འདྲ་སྦྱང་ལོངས་མི་འདུག་བསམ་ནས་དུས་ཚོད་རྫོགས་སོང། མི་རྟག་པ་ཡང་ཡང་བཤད་རྒྱུ་འདི་འཇིག་རྟེན་ཕུན་སུམ་འཚོགས་པ་དང་རྒྱལ་ཁབ་ཀྱི་ཆབ་སྲིད་ལས་སོགས་འཇིག་རྟེན་འདིར་སྣང་གི་གནད་དོན་ཐོག་ལ་གེགས་བར་ཆོད་བྱེད་ཐག་ཆོད་རེད་འདུག
    གཞོན་ནུ་ཟླ་མེད་ཀྱི་སྐད་ཆ་ལ་གོ་རྒྱུ་འདུག

35. གོང་གི་པར་རིས་དེ་ནང་པའི་དགེ་སློང་མང་པོ་ཞིག་གིས་རྒྱལ་སྤྱིའི་དྲ་ལམ་ཁག་ཏུ་ཡོངས་སུ་བཀྲམ་ཟིན་པ་ཞིག་རེད། རྒན་ལ་དྭགས་པས་གསུངས་པ་ལྟར་ནང་པ་མང་པོ་ཞིག་གིས་དེ་ལ་དོ་སྣང་ཧ་ཅང་ཆེན་པོ་གནང་ཡོད་པ་འདྲ། རང་རེའི་སྟོན་པས་མི་སྡུག་པའི་གཉེན་པོ་ཀེང་རུས་སྒོམ་པ་གསུངས་ཡོད་པ་མ་གཏོགས། མི་རོ་སྒོམ་གསུངས་པ་མི་འདུག །དེ་གཉིས་ལ་ཁྱད་ཡོད་ས་རེད། ཀེང་རུས་ནི་ཤ་མེད་རུས་ཁོག་དང་མི་རོ་ནི་མི་ཤི་བའི་ལུས་ཕུང་ལ་ཟེར་གི་ཡོད།
    རྟག་འཛིན་ཅན་ལ་འཇིགས་སྣང་ཡེ་རེ་བ།།
    མཐོང་དང་མ་མཐོང་ཀུན་ལ་ཁྱད་པར་མེད།།
    འབྱུང་བའི་ལུས་འདི་འབྱུང་བཞིའི་ཁམས་ལས་གྲུབ།།
    མཐར་ཐུག་འབྱུང་བ་ཉིད་དུ་ཐིམ་པར་འགྱུར།།

    ཕ་དང་མ་དང་རང་གི་དགའ་མ་དང་།།
    ཡིད་འཕྲོག་ལྷ་བུ་གཞོན་ནུ་དར་མའི་ལུས།།
    མཐར་ཐུག་ཀེང་རུས་གཟུགས་སུ་འགྱུར་བའམ།།
    གཅེར་བུར་འགྲོ་བ་བཟང་ངན་དབྱེ་བ་མེད།།

36. ngaris ses1་ལགས།
    མི་རྟག་པ་སྒོམ་པ་ཆབ་སྲིད་ལ་གེགས་བྱེད་ཨེ། གེགས་བྱེད་ཡིན་མིན་གསལ་བོར་གསུངས་དང་། ང་ཚོས་ག་དུས་ཡིན་ཡང་ནང་བསྟན་ལ་དགག་པ་རྒྱག་གི་མེད། བོད་རང་བཙན་ལས་ཀྱང་བོད་ཀྱི་སྐད་ཡིག་དང་ནང་བསྟན་གལ་ཆེན་པོ་འཛིན་གི་ཡོད། ། ཁྱོད་ཚོས་འཆལ་གཏམ་སྤེལ་ཆོག་ན་ང་ཚོས་ནང་བསྟན་སྤེལ་མི་ཆོག་པ་ག་ལ་ཡོད། ཚང་མ་ཐོབ་ཐང་གཅིག་པ་རེད། བོད་ནང་གི་བོད་མིའི་ཐོབ་ཐང་རྩོད་མཁན་ཚང་མ་ནང་བསྟན་ལ་དད་པ་ཡོད་མཁན་རྐྱང་རྐྱང་རེད། རང་གི་ལུས་སྲོག་མཆོད་མེ་ལ་བསྒྲོན་མཁན་ཚོས་རྟག་འཛིན་གྱི་བློ་དོར་ནས་ཤི་གོ་ཆོད་པ་ཞིག་འདེམས་པ་རེད།

37. ལྷོ་འབྲུག་གི་བསམ་ན་ཁོས་བསམ་ཚུལ་དང་མ་མཐུན་པའམ་མ་མཐུན་པ་ལྟར་སྣང་བ་གང་ཡིན་རུང་བསམ་ཚུལ་འཛིན་མཁན་གྱི་མི་དེ་བླུན་པོ་རེད་སྙམ་གིན་ཡོད་ས་རེད་

    གཅིག་ ངས་གོང་དུ་བཤད་པའི་སྐད་ཆ་གང་ཡང་གང་ཟག་སྒེར་ལ་སྐྱོན་བརྗོད་དམ་དམིགས་འབེན་བྱས་པ་ཅིག་རྐྱང་མེད་ལ་བསམ་ཚུལ་ལམ་ཡང་ན་བྱ་སྤྱོད་ལ་དགག་པ་བྱས་པ་ཤ་སྟག་ཡིན་།

    གཉིས་ རང་ལྟ་ཆོག་འཛིན་གྱི་ཀླད་རྙིང་དོར་ནས་སྤྱི་ཚོགས་ཀྱི་དགེ་སྐྱོན་གླེང་བའི་བར་གང་ཟག་སྒེར་གྱི་བསམ་ཚུལ་དང་མ་རན་པ་ཡོང་སྲིད་ཀྱང་དེ་ཙམ་གྱིས་གང་ཟག་སྒེར་ལ་ཀླན་ཀ་འཚོལ་ལོ་བསམ་ན་བགྲོ་གླེང་གི་གཞི་རྩའི་ཆ་རྐྱེན་དང་པོ་དེ་མ་ཚང་བ་ཡིན་པས་ཆོས་ལྟ་ཞོག་ཤེས་ཡོན་གྱི་ལྟ་སྤྱོད་ཙམ་ཡང་མེད་པས་ཁྱོད་རྩོད་འདོད་ཡོད་སྲིད་མོད་ང་ལ་མེད་།

38. བདེན་པར་མེད་ལ་བདེན་གྲུབ་བོ་དང་།།
    མི་རྟག་པ་ལ་རྟག་གོ་ཟེར་བ་སོགས།།
    མངོན་སུམ་ཉིད་ལ་སྙོན་པ་མ་བྱེད་ན།།
    ཧ་ལས་ཧོན་འཐོར་བྱེད་དགོས་ཅང་འདུག་གས།།

    རང་གི་གང་བསམ་གཞན་གྱི་མ་བསམ་ན།།
    གཞན་དག་དེ་ཚོ་བླུན་པོ་ཡིན་ནོ་སྐད།།
    མཁས་པ་བྲག་གི་ཕུག་ན་ཡོད་སྲིད་ཀྱང་།།
    དེ་མིན་ཐམས་ཅད་བླུན་པོ་མ་རེད་དོ།།

    རང་ལྟ་མཆོག་ཏུ་འཛིན་པ་དོར་དགོས་པ།།
    ཐུབ་པས་ཡང་ཡང་གསུང་པ་མ་དྲན་ན།།
    གཞུང་ལུགས་ཆེན་པོར་རྩོད་པའི་ཁུལ་བྱས་ནས།།
    ལག་མཐིལ་རྡོལ་ཡང་སྡུག་གྱོང་ཡིན་པར་སེམས།།

    རང་གི་ལྟ་ལ་ཆགས་དང་དེ་བཞིན་དུ།།
    གཞན་གྱི་ལྟ་ལ་འཁྲུག་གང་རྟོག་པ་ཉིད།།
    དེ་ཕྱིར་འདོད་ཆགས་ཁོང་ཁྲོ་རྣམ་བསལ་ཏེ།།
    རྣམ་དཔྱོད་པ་ནི་མྱུར་དུ་གྲོལ་དགོས་གསུང་།།

    ཆོས་ལ་དད་པ་ཞེད་པོ་ཡོད་མདོག་མདོག།
    དགག་པ་རྒྱབ་ནས་གསར་བརྗེ་ཡིན་མདོག་མདོག།
    གཉིས་ཀའི་བྱེད་ཡག་སོ་སོ་ཡིན་སྲིད་ཀྱང་།།
    ང་ཡི་མིག་ལ་བྱེད་སྟངས་གཅིག་པར་མཐོང་།།

39. ཤེས་དགའ་ལགས། ཁྱོད་ཚོས་ནང་བསྟན་ལ་ཡིད་ཆེས་བྱེད་མཁན་ཚང་མ་ཀླད་རྙིང་མཁྲེགས་འཛིན་ཞིག་ཏུ་བརྩི་གི་འདུག །དོན་ངོ་མས་ཀླད་རྙིང་མཁྲེགས་འཛིན་ཟེར་ན་ག་འདྲ་ཞིག་ལ་ཟེར་གི་ཡོད། ཅིག་གསུངས་དང་། གནས་ལུགས་དང་མཐུན་པ་ཞིག་བཤད་ན་ཀླད་རྙིང་ཟེར་གི་ཨེ་རེད། མི་རྟག་པའི་སྐད་ཆ་བཤད་ན་གནས་ལུགས་དང་མ་མཐུན་པ་ཨེ་རེད། ངས་བལྟས་ན་ཀླད་རྙིང་མཁྲེགས་འཛིན་ཟེར་བ་རང་ལྟ་མཆོག་འཛིན་ལ་གོ་ན་ཡག་པོ་འདུག །ནང་པའི་གཞུང་ནས་བཤད་པ་ཐམད་ཅད་སྐྱོན་དུ་མཐོང་མཁན་ཚ་བ་འདམ་ཉོག་དང་ལོག་རྟོག་སྙིང་སྟོབས་སོགས་སྙིང་སྟོབས་དྲུག་པོ་རྩོམ་པ་པོ་དེ་ཚོ་ལ་བསམ་ཚུལ་བརྗེ་ལེན་གྱི་ལྟ་བ་མེད་པས་རང་གི་བསམ་ཚུལ་མཐའ་གཅིག་ཏུ་བདེན་པར་འཛིན་པ་དེ་ཚོ་ཀླད་རྙིང་མཁྲེགས་འཛིན་ནམ་རང་ལྟ་མཆོག་འཛིན་ཟེར་ན་རན་པོ་འདུག །

40. ཀ་དག་གདོད་ནས་སྐྱེ་འཆི་བྲལ་གྱུར་ཀྱང་།
    ཁ་ལུས་ཡིད་གསུམ་སྡིག་སྤྱོད་རྣམ་སྨིན་ལས།
    ག་རུ་ཕྱིན་ཀྱང་སྐྱེ་རྒ་ན་འཆི་ཡིན།
    ང་ཚོས་འདི་ལ་ཡ་མཚན་ཆེ་རྒྱུ་མེད།

41. འདི་མོ་འདི་དྲ་ཐོག་ལ་འཇོག་པ་ནི་དཔལ་ཡོན་པ་དར་བའི་མི་རིགས་ཤིག་བྱ་སྤྱོད་རེད། ཚེ་མི་རྟགས་པ་དྲན་དགོས་ཀྱང་དྲན་སྟངས་འདི་མ་རེད།

42. རྟག་འཛིན་བློ་དེ་འཁྲུལ་བར་གསུངས། །
    རྟག་འཛིན་བློ་ཡིས་བསླུ་བར་གསུངས། །
    རྟག་འཛིན་བློ་ཡིས་ཕོངས་པར་གསུངས། །
    རྟག་འཛིན་བློ་དེ་དགོག་དགོས་གསུངས། །

43. མིག་བརྒྱད་པ་ཁྱོད་ཀྱིས་བཤད་པའི་སྐད་ཆ་དེ་གནས་སྟངས་ཞིག་གི་འོག་ནས་ཆོས་རྭ་ལ་ཆོས་དང་གཞས་རྭ་ལ་གཞས་ཟེར་བའི་སྐབས་བབས་ཀྱི་གནས་སྟངས་དང་མཚམས་མ་མཚམས་བཤད་པ་དེས་། ནང་བསྟན་ལ་ཡིད་ཆེས་བྱེད་མཁན་ཚང་མ་ལ་དགག་པ་རེད་ཟེར་བ་དེར་བསམ་ཞིབས་ཡག་པོ་ཞིག་བྱོས་དང་། དེ་ཁྱོད་ཚོ་ནང་བསྟན་རྗེས་འབྲང་ཡིན་ཟེར་མཁན་གྱི་དོལ་ཚོགས་ཀྱི་བྱ་སྤྱོད་དང་ཕྱོགས་འདྲ་ཞིག་མི་འདུག་གམ་། ངས་དང་ཐོག་ནས་ང་དང་ཁྱོད་ཟེར་བ་ཚིག་ཟུར་ལའང་མེད་པ་ཞིག་ཁྱོད་ཀྱི་སྒྲོ་འདོགས་ཆེན་པོ་དེ་འདྲ་བྱེད་དགོས་དོན་གང་ཡིན་ནམ། འཇོན་པོ་ཡོད་ན་ངས་བཤད་པའི་སྐད་ཆ་དེ་ཚོ་ལུང་འདྲེན་བྱས་ནས་ཁྱོད་ཀྱིས་འདི་བཤད་ལ་སྐྱོན་འདི་དང་དེ་བཤད་ལ་དེ་དགོས་པ་ལས་སྒྲོ་བཏགས་ཐུབ་ཙམ་གྱིས་བསམ་པ་བདེ་བ་དེ་རྨོངས་པའི་བྱ་སྤྱོད་ཁྲུས་ནས་མ་དག་པ་ཅིག་མ་རེད་པས།

44. ལར་ནས་ཁྱོད་ཚོ་ཆོས་པ་ཡིན་ཟེར་མཁན་གྱི་གང་ཟག་ལ་སྐྱོན་འཛུགས་བྱེད་དགོས་དོན་དང་བྱེད་འདོད་གཉིས་ཀ་མེད་ཀྱང་། དགོས་པའི་དབང་གི་ཁྱོད་ཚོའི་བྱ་སྤྱོད་གཅིག་གཅིག་གཉིས་གཉིས་ཀྱིས་ཐེར་འདོན་བྱ་དགོས་ན་མི་རེ་བཟུང་མ་གཏོགས་ཆོས་དང་མ་འགལ་བའི་ཆོས་པ་ཞིག་ལྷག་རྒྱུ་དཀའ་བ་དེ་ང་ལ་ཁ་ནས་བཤད་རྒྱུ་ཡོད་ལ་ཁྱོད་ཀྱི་ཁོག་ན་གོ་གོ་བ་དེ་རེད་།

    རྒྱལ་སྲས་ལག་ལེན་ལས

    རང་གི་འཁྲུལ་བ་རང་གིས་མ་བརྟགས་ན།།
    ཆོས་པའི་གཟུགས་ཀྱིས་ཆོས་མིན་བྱེད་སྲིད་པས།།

    གསུང་པ་བཞིན་རེད་དོ།།

45. (སྟོན་པ་ཐུབ་པའི་དབང་པོས།)
    སྲིད་གསུམ་མི་རྟག་སྟོན་ཀའི་སྤྲིན་དང་འདྲ།།
    འགྲོ་བ་སྐྱེ་འཆི་གར་ལ་བལྟས་དང་མཚུངས།།
    འགྲོ་བའི་ཚེ་འགྲོ་ནམ་མཁའི་གློག་འདྲ་སྟེ།།
    རི་གཟར་རྦབ་ཆུ་ལྟ་བུར་མྱུར་མགྱོཊ་འགྲོ།
    ཞེས་གསུངས་པ་ལྟར་མི་རྟག་དྲན་སྐུལ་ནི་ཤིན་ཏུ་གལ་ཆེ་བ་སྨོན་ག་ལ་དགོས།

46. ཤེས་དགའ་ལགས། རང་གི་འཁྲུལ་བ་རང་གིས་མ་བརྟགས་ན།།ཆོས་པའི་གཟུགས་ཀྱིས་ཆོས་མིན་བྱེད་སྲིད་པས།།ཞེས་པའི་ལུང་དྲངས་ནས་བསླབ་བྱ་གནང་བ་ཐུགས་རྗེ་ཆེ། ང་ཚོ་ཚང་མ་དེ་ལྟར་ཡོང་བར་ཤོག །

47. ངོ་མ་འཆི་བ་དྲན་ནས་འཇིགས་དགོས་ན་

    རྐང་འོག་གི་ས་དང་མགོ་ཐོག་གི་ནམ་མཁས་

    ཅི་བྱེད་ཅིང་འདུག་

    ཚན་རིག་གི་ལམ་ནས་འགྲེལ་བཤད་ཅི་བྱེད་དང་བྱས་མུས་རེད་

    མཐོང་ཐོས་གཉིས་ཀས་འཇིགས་ཡེ་རེར་བཏང་བ་ཡའུ་ཀྲུབ་ཀྱི་ལེ་ཚན་འདིར་གཟིགས་རོགས་

    http://www.youtube.com/watch?v=Hk-3MU-rc0M

48. ཐུགས་སེམས་སྐྱིད་པོ་ཡོང་དགོས་ན་མ་གཟིགས་རོགས་གནང་།།

49. ཤེས་དགའ་ལགས་ཁྱེད་གང་ཟག་བྱེ་བྲག་པ་ཞིག་ལ་དམིགས་པ་མིན་ན་མིག་བརྒྱད་པ་ལ་ཟུར་ཟ་དེ་འདྲ་བྱེད་དགོས་དོན་ཅི་ཡིན་ཁྱེད་ཀ྄ི་ཟེར་ན་ནང་ཆོས་ལས་ཀྱང་ཚན་རིག་ཟབ་པར་ཡུའུ་ཀྲུབ་རྟགས་སུ་བཀོད་པ་ཡིན་ནམ?ཧཧཧཧཧཧ་ཁྱེད་ཡ་མཚན་
    འོན་ཀྱང་ཁྱེད་ཀྱི་ལུང་འདྲེན་སྙན་པོ དྲང་འདུག་འོན་ཀྱང་་རྒྱུད་ལ་དེ་ལྟར་ཉམས ་སུ་བླངས་ནས་ཡོད་ན་མིང་དོན་མཚུངས་འདུག་དེ་མིན་་
    རང་སྐྱོན་་རི་བོ་ཙམ་ཡང་ཁོང་དུ་སྦད་ གཞན་སྐྱོན་ཏིལ་འབྲུ་ཙམ་ཡང་སྒྲོག་ཅིང་སྨོད་་ཞེས་པ་ལ་མ་འཇུག་ན་ཡག་གི་ ཨརོ་

50. ད་བླ་རྒན་དེ་ཚོས་རང་གཟུགས་བསྟན་གྱི་འདུག་ག བོད་ཤོར་བ་ཁོང་ཚོ་ལན་པ་རེད་ཅེས་ལབ་ཚེ་ཁས་ལེན་མི་བྱེད་ཀྱང་། ཆོས་ནི་བོད་ཀྱི་རང་དབང་རང་བཙན་ལས་གལ་ཆེ་བ་བཤད། མིག་བརྒྱད་པ། ནད་རྙིང་དེ་འདྲ་བོད་ཀྱི་སྤྱི་ཚོགས་ནང་མ་སྤེལ་རོགས།

51. འཁྱོག་བཤད་ལ་ཡོ་བསྲང་།།
    དྲང་གཏམ་ལ་འགྲེལ་བཤད།།
    བསྐྱར་བཤད་ལ་ཡང་བཤད།།
    བྱེད་དགོས་ཅིག་མ་མཐོང་།།

    གོང་མཆན་སོ་བདུན་དང་།།
    འོག་གི་ཞེ་སུམ་ལ།།
    ཡག་པོ་གཟིགས་རོགས་གནང་།།
    ལྷོ་འབྲུག་བདེ་མོ་བྱོས།།