མིང་མཐའི་པ་བའི་འཇུག་ཚུལ་སྔོན་བྱོན་མཁས་པའི་བཞེད་རྒྱུན།

Comments (13) on “མིང་མཐའི་པ་བའི་འཇུག་ཚུལ་སྔོན་བྱོན་མཁས་པའི་བཞེད་རྒྱུན།”

1. བཀའ་གྱུར་བསྟན་འགྱུར་པོད་སུམ་བརྒྱ་དང་། རྙིང་མའི་རྒྱུད་འབུམ། སྔོན་བྱོན་མཁས་པ་དང་ལོ་ཙ་བའི་གསུང་འབུམ་ཁྲི་ཚོ་བརྒལ་བར་བརྒྱ་ཆ་༩༩་༩༩ཡིས་རྐང་པ་དང་། ཁང་པ། ལུང་པ། རལ་པ། མ་གཏོགས་ཁང་བ་ཞེས་བཀའ་བསྟན་གྱུར་ནང་མཐོང་རྒྱུ་མེད། རྐང་བ་དང་ཁང་བ་ཞེས་པ་འདི་ཡང་༡༩༥༠རྗེས་ལ་ཐོན་འདུག

   ཨ་མདོ་ཕྱོགས་ཀྱི་མཁས་པར་འཛིན་པ་དགེ་ཆོས་ཀྱིས་ཀྱང་རྐང་པ་མ་གཏོགས་རྐང་བ་ཞེས་བྲིས་མ་མཇལ་རྒྱུ་མི་འདུག ད་རྩོད་པ་གང་ཡོད་གསུངས་དང་།

   ལུང་པའི་ཕྱོགས་ཞེན་གཅིག་པུ་ནས་རིགས་པ་དང་རྒྱུ་མཚན། ཞིབ་འཇུག་སོགས་ཁྱོན་ནས་འགྲོ་ས་མི་འདུག

2. སུམ་རྟགས་མ་སྦྱངས་ཨོ་རྒྱན་སྐྱབས། །དུས་གསུམ་མ་ཤེས་ཨོ་རྒྱན་སྐྱབས། །གོ་བརྡ་མི་འཕྲོད་ཨོ་རྒྱན་སྐྱབས། །པ་བ་བདག་སྒྲའི་འཇུག་ཚུལ་དང་། །བརྗོད་བདེ་རྟགས་མཚུངས་འདྲེན་ཚུལ་སོགས། །རིག་པའི་རྩལ་གྱིས་དཔྱོད་པ་ལས། །མདོ་དབུས་གཉིས་ཀྱི་ཞེན་ཁོག་ཅིག །སྐབས་འདིར་རྩོད་གཞི་ཡེ་ནས་མེད། །བརྡ་སྤྲོད་དཔྱད་བསྡུར་དོ་ར་འདིར། །བཀའ་བསྟན་གླེགས་བམ་གྲངས་འབོར་གྱིས། །གཞན་ལ་འཇིགས་སྐུལ་མ་གནང་ཀྱེ། །

3. #1 ཨོ་རྒྱན་སྐྱབས། ་ལགས་ནི། མཁས་དབང་དྲང་ཚུགས་ཅན་ཞིག་རེད་འདུག
   ་
   ཡིན་ན་ཡང་།
   #2 ཉི་མ་རང་གྲོལ། ་ལགས་ཀྱིས་སྤེལ་དོན།:
   January 28th, 2020 at 10:58 pm
   སུམ་རྟགས་མ་སྦྱངས་ཨོ་རྒྱན་སྐྱབས། །
   དུས་གསུམ་མ་ཤེས་ཨོ་རྒྱན་སྐྱབས། །
   གོ་བརྡ་མི་འཕྲོད་ཨོ་རྒྱན་སྐྱབས། །
   ཟེར་བ་འདི་ནི་སྲིན་བྱའི་སྐད། །
   ་
   ལུང་ཚན་འཐེན་འཁྱེར་ཉི་མ་ཁྱོད། །
   བཀའ་བསྟན་རྒྱབ་སྒྱུར་རང་གྲོལ་ཁྱོད། །
   ཁ་བརྡར་འོངས་པ་ངོ་མི་ཚ། །
   ད་ནས་བ་པའི་སྐོར་ལ་སྦྱོངས། །

4. ཨོ་རྒྱན་སྐྱབས་ལགས། འདི་ལ་ཞིབ་འཇུག་མ་བྱས་ཟེར་རྒྱུ་མི་འདུག བཀའ་འགྱུར་དང་རྙིང་མའི་རྒྱུད་འབུམ་སོགས་ཀྱིས་ཁུངས་མི་འཁྱོལ། དེ་དག་གི་དཔར་དང་ཞུ་དག་ལ་སྔ་ཕྱི་འགྱུར་བ་མང་དུ་བྱས་པ་རེད། དཔར་ན་སྡེ་བཀའ་འགྱུར་ལ་ཞུ་དག་སི་ཏུ་མཛད་པ་རེད། དབུས་ནས་མཐའ་མ་དེ་སྐུ་མདུན་སྐུ་ཕྲེང་བཅུ་གསུམ་པའི་སྐབས་ཕ་བོང་ཁ་བ་སོགས་ཀྱིས་བྱས་པ་མིན་ནམ།

5. སི་ཏུས་མཛད་ཅེས་གོ་བ་ཡོང་རྒྱུ།

6. བདག་སྒྲའི་པ་བ་དང་། སྤྱིར་སྟངས་པ་ཕ་དང་པོ་ཕོ། བ་མ་དང་བོ་མོ། གཉིས་ཀྱིས་ཁྱད་འབྱེད་པའི་སྟེང་དུ། རྟགས་མཚུངས་བྱས་ག་ཚད་ཡོད་པ་དང་། རྗོད་བདེ་འདྲེན་པ་ག་ཚོད་འདུག སོ་སོར་དབྱེ་དགོས་འདུག་སྙམ་མོ།།

7. མིང་མཐའའི་བ་པའི་འཇུག་ཚུལ་དང་། བདག་སྒྲའི་བ་པའི་འཇུག་ཚུལ་གཉིས་ལ། ཁྱད་པར་ག་འདྲ་ཟེ་འབྱེད་དམ། ལགས།

8. གོང་གསལ་ཨང་ ༩ པའི་སྐོར་བསམ་ཚུལ།
   བོད་ཀྱི་མིང་ཚིག་དག་གི་མིང་མཐར་ཞིབ་སྐབས་དེ་ཁོངས་བརྒྱ་ཆ་མང་ཆེ་བ་རྟགས་མཚུངས་ལྡན་པ་དང་། མི་ཉུང་བ་ཞིག་རྟགས་མཚུངས་དང་མི་མཐུན་པའང་ཡོང་འདུག་པ་གང་ལྟར་བོད་ཀྱི་མིང་ཚིག་རྣམས་རིག་གནས་གཞུང་ལུགས་གཅིག་ཏུ་འདུས་ཕྱིར་སྔོན་བྱོན་བོད་ཀྱི་མཁས་པ་ཚོས་བརྗོད་བདེ་འདྲེན་པ་ཞེས་མན་ངག་གསར་བཏོད་མཛད་པར་ངོ་མཚར་ཆེ་ཞིང་། དེ་རྗེས་རྟགས་མཚུངས་
   དྲང་ཚུལ་དང་། བརྗོད་བདེ་དྲང་ཚུལ་གཉིས་སུ་དབྱེ་སྟེ་རྗེས་སློབ་རྣམས་བྱ་བདེར་གྱུར་ཅིང་།
   དེ་མིན་རྟགས་མཚུངས་གཅིག་པུར་འདོད་ཚེ་དཔེར་བརྗོད་འདི་གསུམ་ལ་རྟགས་མཚུངས་དྲང་ཚུལ་
   ཇི་ལྟར་ཡིན་ནམ། མཚན་མོ། ལྷག་མ། སྟོང་པ་ (ཉིད)
   མཚན་མོ་ཐད་རྗེས་འཇུག་ན་མ་ནིང་དང་མིང་མཐར་མོ་ཡིན་པས་རྟགས་མཚུངས་མིན་ཅིང་།
   མཚན་པོའམ། མཚན་ཕོ་ཞེས་འབྲི་རྒྱུ་ཡིན་ནམ།
   ལྷག་མར་ལྷག་པ་ཞེས་འབྲི་རྒྱུ་ཡིན་ནམ། ལྷག་པ་ཞེས་བྲིས་ན་ལྷག་མ་དང་གོ་དོན་གཅིག་གྱུར་
   བཏོན་གྱི་འདུག་གམ། ཁྱད་པར་དུ་ལྷག་མ་ཞེས་པ་ནི་རྟགས་འཇུག་རྩ་ཚིག་ཏུ་གལ་ཆེས་ཉིས་བསྟུད་དུ་གསལ་པར་གཞིགས་ན་བརྗོད་བདེ་འདྲེན་པའི་ཤུགས་བསྟན་ཅིག་མིན་ནམ་སྙམ་པས་མཁྱེན་ལྡན
   ་ཚོས་དཔྱད་པར་མཛོད།
   སྟོང་པར་སྟོང་བ་ཞེས་བརྗོད་བདེ་མེད་ཅིང་། ༸རྒྱལ་བའི་བཀའ་བསྟན་མང་པོ་བཀླགས་
   མྱོང་མེད་ཀྱང་། བརྒྱད་སྟོང་པ་དང་། ཤེས་རབ་སྙིང་པོ་སོགས་སུ་སྟོང་པ་ཉིད་ཅེས་གསལ་འདུག་པ་ནི་རང་རེ་ནང་པའི་ལྟ་གྲུབ་དང་འབྲེལ་བའི་ཆོས་ཚིག་གལ་ཆེ་ཞིག་ལ་སོང་ཁྱེད་ཅག་ཚོས་ངག་ནས་སྟོང་བ་ཉིད་ཅེས་འདོན་ནའང་ཡིག་ཐོག་ཏུ་སྟོང་པ་ཉིད་ཅེས་འབྲི་གནང་ཡོང་བ། དེ་མིན་རྒྱ་ཆེའི་
   མང་ཚོགས་མགོ་བོ་རྨོངས་སུ་འཇུག་རྒྱ།་ གོང་གསལ་དཔེར་བརྗོད་གསུམ་པོ་བརྗོད་བདེ་འདྲེན་པའི་
   ཁོངས་ཡིན་པ་བཅས

9. ཉི་མ་རང་གྲོལ་དང་ཐུབ་རྒྱམ།

   ཏུན་ཧོང་ཡིག་རྙིང་དང་། སྣར་ཐར་སྤར་མ་དང་། འཇང་བཀའ་འགྱུར། དེ་བཞིན་ཏོག་སྤར་མ་སོགས་ལ། སྟོང་བ་ཉིད་དང་རྐང་བ་བྲིས་པ་བསྟན་དང་། ངས་ཁྱེད་ཨ་མདོ་བ་གཉིས་ལ་ཁ་བརྡའི་ཀློག་མཁན་ཚང་མའི་མདུན་ལ་ཕྱག་འཚལ་འོང་།

   གལ་ཏེ་བསྟན་རྒྱུ་མེད་ན། ཁྱེད་གཉིས་ཀྱང་འདི་ལྟར་གྱིས་ཤོག ད་རིགས་པ་ཡང་བསྐྱུར་ཞོག དཔང་པོ་འདེད་ཀོ།་

10. January 31st, 2020 at 9:42 pm
    ཀརྡོ་ལགས། ཁྱེད་ལ་འོ་བརྒྱལ་གཏད་ཡོད་པ་འདྲ། ཏུན་ཧོང་ཡིག་རྙིང་དེ་བརྗོད་དོན་ཆ་ནས་དེ་སྐབས་ཀྱི་བོད་བཙན་པོའི་ལོ་རྒྱུས་གནས་བབ་མཚོན་པའི་ཡིག་ཆ་ཞིག་ཡིན་སྟབས་གལ་ཆེན་ཡིན། འོན་ཀྱང་རྗོད་བྱེད་ཀྱི་ནས་ཡིག་ནོར་ཧ་ཅང་མང་བ་ཕྱིས་མཆན་བུ་འདེབས་མཁན་ཚོའི་མཆན་ལ་གཟིགས་དང་ཤེས། ངས་དེ་དག་ལ་མ་བལྟས་པ་མིན། པ་བའི་མིང་མཐའི་ཐོབ་ཐང་འདི་བོད་སྔ་རབས་པའི་བརྡ་སྤྲོད་མཁན་པོའི་ཚོའི་དགོངས་འགྲེལ་དང་བསྟུན་རྒྱུ་ལས། སུམ་རྟགས་དག་གསུམ་ལ་རྨོངས་པའི་ཡིག་ཆ་དག་ལ་ཆ་འཇོག་ཇི་ལྟར་བྱེད།

11. གཅིག
    བཀའ་བསྟན་དེ་དག་སྟོད་མངའ་དང་དབུས་གཙང་ཆོས་ཀྱི་ཞིང་སའི་སྐད་དང་བསྟུན་ནས་སུམ་རྟགས་བཟོས་ཡོད་པ་ལས། མིའི་ཆོལ་ཁ་དང་། རྟའི་ཆོལ་ཁའི་མིའི་ཁ་སྐད་དང་བསྟུན་ནས་བཟོས་པ་མ་རེད།

    གཉིས།
    སུམ་་རྟགས་གཉིས་ཀྱང་། མཁས་པའི་ཨུ་བཙུགས་ཀྱིས་ཁྲིམས་སུ་བཅས་ནས་བཟོས་པ་རེད། དེ་ནས་ཡུལ་མི་རང་བཞིན་གྱི་སྐད་བསྟུན་དགོས་དུས། རྗོད་བདེ་འདྲེན་དགོས་པ་དེ། བརྩིགས་ཆེན་དུ་གྱུར་པ་རེ།

    གསུམ།
    ། འབྲུག་པ་དང་། ལ་དྭགས་པ་དང་། ཁམས་དང་ཨ་མདོ་བ་རྣམས་བོད་ཡུལ་དབུས་ཀྱི་ཡུལ་མི་རང་བཞིན་སྐད་ལ་ཆུང་དུས་སྦྱང་པ་མེད་ཙང་ཁག་མེད། ད་དེ་ཙམ་གྱི་འཐུས་པར་བྱསོ།། །།

12. དུས་ཕྱིས་སུ་ཕེབས་པའི་བོད་རིགས་མཁས་པ་ཨ་མདོ་དགེ་འདུན་ཆོས་འཕེལ་ལགས་དང་གཅིག ཁུ་ནུ་བླ་མ་བསྟན་འཛིན་རྒྱལ་མཚན་མཆོག་དང་གཉིས། དབུས་གཙང་གི་སྐུ་དྲག་བརྒྱུད་པར་འཁྲུངས་ཤིང་དགེ་ཆོས་ལགས་ཀྱི་སློབ་མ་བཀྲ་མཐོང་རཀ་ར་རིན་པོ་ཆེ་མཆོག་བཅས་ལ་ཁ་མིག་ཡར་ལྟ་བྱེད་དགོས་པ་ལས།

    དེ་མིན་དིང་བླ་མ་སྐད་གྲགས་ཅན་གྱི་གསུང་བཤད་གནང་དུས། ང་ཚོ་གིས། དེ་བཞིན་དྷ་སའི་སྤྱི་འཐུས་སྐད་གྲགས་ཅན་ཚོས། ང་ཚོ་གིས། ཟེར་མཁན་ཚོའི་རྗེས་སུ་ནམཡང་མི་འབྲངས་བར་ཞུ་བ་འཐེན་བཞིན་ཡོད་དོ།།

13. ང་ཡི་ལ། ང་གི་དང་། ང་ཚོའི་དང་ང་ཚོ་ཡི་ལ། ང་ཚོ་གིས་སོགས་ལབ་མཁན་མང་དུ་མང་དུའགྲོ་བགྱིན་འདུག