མི་ཉག་དུང་བརྡ།
གཅིག༽
མེ་དཔུང་གཅིག
མེ་དཔུང་གཉིས།
མེ་དཔུང་བརྒྱ་ཁ་བསླངས་པའི་མེ་ལྕེ་མཆེད་ཚུལ་རེ་རེ་འདི།
མེ་ཡི་སྣང་བརྙན་ཙམ།
མེ་ཡི་ཁ་དོག་ཙམ།
མེ་ཡི་ལྟད་མོ་ཙམ།
མེ་དཔུང་འདི་ནི་དྲོད་ཁོལ་དབེན་པའི།
མེ་ཡི་འཇའ་རིས་ཤིག
གཉིས།༽
མེ་ཡིས་རྣམ་ཤེས་བསྐྲུན་ཞིང་།
མེ་ཡིས་སྐྱིད་སྡུག་འཆད་ཅིང་།
མེ་ཡིས་ལོ་རྒྱུས་སྨྲ་དུས།
ད་དུང་་་་་་་་་་་་་་
མེ་རླབས་དང་མེ་ཞག་རེ་རེ་ལས།
མེ་ཡི་ཆོད་སེམས་དང་མེ་ཡི་ཕུགས་བསམ་གྱིས་ཇི་ཙམ་རྒོད་ཀྱང་།
མེ་དཔུང་འདི་ནི་དྲོད་ཁོལ་དབེན་པའི།
མེ་ཡི་འཇའ་རིས་ཤིག
གསུམ།༽
མེ་ལྕེ་འདི་ཡི་མཆེད་ཚུལ།
མེ་དཔུང་འདི་ཡི་འབར་སྲོལ།
མེ་ངར་འདི་ཡིས་བསྲེགས་སྟངས།
མིག་ལམ་ན་ཡལ་དཀའ་ལ།
ཡ་ཆུང་སྙིང་ཁམས་ནས་གསུབ་དཀའ་བའི།
ཁྱོད་ཀྱི་སྐུ་ལུས་མེ་སྦྱིན་གྱི་མེ་སྟག་ཆེན་མོ་འདི།
རི་སྤྱང་ཤོག་ཁག་ཅིག་དང་།
ཝ་ཙེ་ཚོ་བ་ཆུང་ཆུང་ཞིག་གི་གཡོ་འཕྲུལ་ལས།
མེ་ཚོགས་འདི་ནི་ཁ་ལྕེ་འགུག་སྟངས་ཤིག་གི་འོག་ནས།
ནམ་ཡང་གྲང་ཤུར་ཤུར་གྱི །
འཇིག་རྟེན་གྱི་མིག་ཁར་མཛེས་པའི་མེ་ཡི་འཇའ་རིས་ཤིག །
༄༅།རྒྱལ་བཅེས་པ་ཁོང་གཙོ་བའི་སྐུ་ལུས་མེ་ཆོས་སུ་སྒྲོན་པའི་སྙིང་སྟོབས་དང་ལྷག་བསམ་ལ་ཞུམ་པ་མེད་ཁོང་རྣམས་ལ་སྙིང་དབུས་ནས་གུས་སྐུར་དང་དལ་འབྱོར་གྱི་མི་ལུས་བཟང་པོ་ཞིག་ཁྱུང་པར་ཤོག།
སླར་ཡང་བོད་བསྟན་སྲིད་འཛིན་ཁན་གྱི་སྐྱི་བུ་དམ་པ་ཞིག་ལ་ཁྲུང་པའི་སྨོན་ལན་ཞུ།
ཨོྃམཎེཔདྨེ
ཚེ་སྐྱབས་ལགས་ཀྱིས་བསམ་ཕྱོགས་གསུངས་པར་ཐུགས་རྗེ་ཆེ།