གནས་ཚུལ་གཏོང་མཁན། ཚེ་བཀྲ།
ཁེ་སྔོན་མོན་གྷོ་འདོད་རྒུ་གླིང་དུ་རྒྱ་གར་བས་བོད་པའི་སློབ་ཕྲུག་བུ་མོ་ལ་བཙན་གཡེམ་བྱས་པའི་གནས་ཚུལ་བྱུང་ཡོད་པ་རེད། དེ་ཡང་གནས་ཚུལ་ཐོན་གསལ་ལྟར་ན། ཁེ་ཉིན་ཕྱི་དྲོ་ཆུ་ཚོད་ལྔ་ནས་དྲུག་གི་བར་དེར་མོན་གྷོ་ཊི་གཞིས་གྲོང་བཞི་བ་དང་ལྔ་བའི་བར་གྱི་ཐང་སྟོང་དུ། བོད་པའི་སློབ་ཕྲུག་བུ་མོ་གསུམ་གྱིས་སློབ་སྦྱོང་བྱེད་བཞིན་པའི་སྐབས་དེར། རྒྱ་གར་ཕོ་གསར་གསུམ་སླེབས་ཏེ་རེ་རེ་བྱས་ནས་འཇུས་ཏེ་བཙན་གཡེམ་བྱེད་རྩིས་བྱས་ཡོད་པ་དང་། བུ་མོ་གཅིག་གིས་སོ་བཏབ་པ་སོགས་ཕྱིར་ཡ་ལན་བྱས་ཏེ་རྒྱ་གར་ལག་ནས་ཐར་བ་དང་བྲོས་ནས་གཞིས་གྲོང་གསུམ་པར་ཕྱིན་ཏེ་བོད་མི་ཚོར་བརྡ་བརྒྱབ་ཡོད་པ་དང་། དེ་མ་ཐག་བོད་མི་ཚོ་གནས་ཚུལ་འབྱུང་སའི་ས་རུ་རྒྱུག་པ་དང་། ནོར་བུ་རིའི་ཉེ་འགྲམ་ན་ལྕགས་དྲ་སྐོར་བཞིན་པའི་བོད་མི་སྐོར་ཞིག་གིས་ཀྱང་མཐོང་སྟེ་བུ་མོ་དེ་སྐྱོབ་པར་རྒྱུག་ཡོད།
འོན་ཀྱང་ཁོ་ཚོ་དེར་སླེབས་དུས་རྒྱ་གར་ཕོ་གསར་གཉིས་ཀྱིས་སྦག་སྦག་སྐོར་ཏེ་བྲོས་ཕྱིན་པ་དང་། ཕོ་གསར་གཅིག་དེ་གཅེར་བུར་ཕུད་པའི་བུ་མོའི་སྟེང་དེ་ག་རང་ནས་འཛིན་བཟུང་བྱས་ཡོད། དེ་རྗེས་ཕོ་གསར་དེ་རྒྱ་གར་ཉེན་རྟོག་པར་རྩིས་སྤྲོད་བྱས་མོད། གོ་ཐོས་ལ་ཉེན་རྟོག་པས་དེ་ཙམ་ཡ་བྱེད་ཀྱི་མེད་པར་སྣང་མེད་ལྟ་བུ་བྱེད་ཀྱིན་ཡོད་འདུག་ལ། ལྷག་པར་དུ་གནོད་འཚེ་ཐེབས་མཁན་བུ་མོ་དེའི་ཕ་ཡིན་པར་གྲགས་པའི་རྒྱ་གར་བ་ཞིག་ཡོད་པ་དེས་ཀྱང་གཏུག་གཤེར་སོགས་བྱེད་ཀྱིན་མེད་པར་སྣང་མེད་དུ་བཞག་ཡོད་འདུག
བཙན་གཡེམ་བྱེད་མཁན་གྱི་རྒྱ་གར་བ་གསུམ་པོ་ནི་ཧོབ་ལི་གྲོང་ཁྱེར་ནས་ཡིན་པ་དང་། དེ་ཡང་རྒྱ་གར་རྐང་གསུམ་གླ་འཁོར་གཏོང་མཁན་ཚོས་ཁྲིད་ཡོང་ནས་བུ་མོ་དེ་ཚོ་རྩིས་སྤྲོད་བྱས་ཡོད་ཚུལ་འདུག་པ་དང་། གནས་ཚུལ་འགྲེལ་བརྗོད་ལྟར་ན། དུས་རྒྱུན་བོད་པའི་བུ་མོ་ཚོས་རྒྱ་གར་གླ་འཁོར་གཏོང་མཁན་དེ་ཚོ་དང་ལྐོག་འབྲེལ་བྱེད་བཞིན་ཡོད་སྟབས། གླ་འཁོར་ཁ་ལོ་བ་སོགས་སྐྱག་ལང་ལ་ཤོར་ཏེ་ས་གནས་གཞན་ནས་ཀྱང་ཁོ་ཚོའི་ངོ་ཤེས་མིན་གྱི་ཕོ་གསར་གཞན་ཁྲིད་ཡོང་བཞིན་ཡོད་པ་དང་། ད་ཐེངས་སྟབས་མ་ལེགས་པར་སློབ་ཕྲུག་ཡིན་པའི་བུ་མོ་དེ་ཚོས་དང་ལེན་མ་བྱས་པས་བཙན་པོ་བྱེད་དགོས་ཐུག་པར་མ་ཟད་མི་མང་གི་འཛིན་བཟུང་འོག་ཏུ་ཐེབས་པ་རེད་འདུག
རྒྱུས་ཡོད་ཀྱི་མི་ཞིག་གིས་བཤད་པ་ལྟར་ན། རྒྱ་གར་བའི་གཙན་གཡེམ་གྱི་གནས་ཚུལ་འདི་ལྟ་བུ་དུས་རྒྱུན་བོད་པའི་སྤྱི་ཚོགས་ནང་མང་བོ་བྱུང་བཞིན་པ་དེའི་རྒྱུ་མཚན་ནི། རྒྱ་གར་བ་དེ་དག་གིས་གཅིག་ནས་བོད་མོ་ཚོར་བཙན་གཡེམ་བྱས་ན་ཡང་གཏུག་བཤེར་མི་བྱེད་པ་ཤེས་ཀྱི་ཡོད་པ་དང་། གཉིས་ནས་རྙོག་དྲ་སོགས་བཟོས་ན་ཡང་ཕྱིར་གནོན་ཤུགས་སྤྲོད་ཆོག་ཆོག་ཡིན་པའི་བསམ་བློ་ཡོད་པས། བཙན་གཡེམ་སོགས་མ་བྱས་ན་རང་གར་མ་བྱས་པའི་འདུ་ཤེས་ཡོད་པས་རེད་ཟེར། དེ་བས་ད་ཐེངས་རྒྱ་གར་ཕོ་གསར་དེ་འཇུ་བཟུང་བྱས་སྐབས་ཀྱང་ཁོས་སྐད་འབོད་རྒྱག་གི་ཡོད་ཚུལ་འདུག
ཧཧཧཧ་བོད་པ་ཚོའི་ཡོད་ཚད་ནས་ཡོད་ཚད་རྒྱ་གར་བ་ལ་སྐྱབས་བཅོལ་ནས་ཡོད། ཚ་བ་དང་ནད་རིག་མང་ལ་རིག་
རུས་ཀྱི་དབྱེ་འབྱེད་དང་དབུལ་པོའི་ལུང་པ་གང་བའི་ཡུལ་དེ་ལ་འཕགས་པའི་ཡུལ་ཞེས་བོད་པ་ཚོའི་བསྟོད་པ་བྱེད།
ད་ཡིན་ན་ལྟད་མོ་འདུག
གཞིས་ཆགས་འདི་ཚོ་ལ་འདི་དགོས། དེ་མིན་རང་ཉིད་བོད་པ་ཡིན་པའང་བརྗེད་ཀི་ཡོད།
འདི་གསར་འགྱུར་རེད་དམ། སྲང་ལམ་གྱི་དཀྲོགས་གཏམ་རེད། ལགས།