མྱ་ངན་སྨྲེ་སྔགས།

ཐོག་ལྕེ།

 
ཞིང་ཁམས་དམྱལ་བ་ཡིན་པའི་གླུ་པ་ཞིག།
ལག་པ་གཡས་པའི་སྤྲང་རྒྱུག་པི་ཝང་ཐོགས།།
གཡོན་པས་དུག་ཆང་ནག་པོ་ཁ་ལ་བཤོལ།།
བར་དོའི་འཕྲང་ལམ་ནང་དུ་གར་ལ་ཞུགས།།

མྱི་ཡི་རུས་པ་འཐོར་བའི་དུར་ཁྲོད་དུ།།
པི་ཝང་འབྲུག་མགོ་ཅན་ཞིག་ཁེ་རུ་ལུས།།
དབྱངས་ཀྱི་ཞྭ་མོ་ཐོགས་པའི་གླུ་པ་འགའ།།
ཐབས་ཟད་མགོ་བོ་རུམ་དེ་གཅོང་སྐད་སྨྲ།།

གཉེན་དང་ཁང་ཁྱིམ་དག་དང་གྱེས་བའི་ཉིན།།
བསྟོད་གླུ་གཞུག་ནས་བླངས་པ་བོད་པའི་གཤིས།།
ཆང་དང་ཉིན་མཚན་སྦྲེལ་བའི་ལོ་དུས་ལ།།
ར་བཟི་འདི་ལ་གཉེན་གྲོགས་མེད་དོན་ཅི།།

དབྱངས་དང་སྒོར་མོ་བརྗེས་ཏེ་མི་ཚེ་རྫོགས།།
མཆིན་པའི་མནར་གཅོད་མྱོང་དུས་སློང་མོ་རྒྱག།
གྲགས་ཅན་གླུ་པ་ཞིག་གི་སྐྱོ་གདུང་འདི།།
གངས་རིའི་གླུ་པ་སུ་ལའང་མེད་པའི་སྨོན།།