ཙི་ནའི་རྨི་ལམ།

ཐེ་བོ་སངས་རྒྱས།

རྒྱལ་པོ་ཁྲི་ཁར་ཉིན་མོའི་རྨི་ལམ་ལས།།
རྒྱུད་གཅིག་ལམ་གཅིག་ཤར་ནས་ནུབ་ཏུ་བརྟོལ།།
ཧྭ་ཝེ་5G འཕྲུལ་གྱིས་གླིང་ལྔ་བསླུས།།
ཚོང་གིས་US མགོ་སྐོར་ཡམ་ཡོམ་བཏང་།།
ཉ་པ་HK ཆུ་ནང་གཡུགས་དང་ལྷན།།
ཐའེ་ཝན་གླིང་ཕྲན་ཧུབ་ཆེན་གཅིག་གིས་འཇིབ།།
འཛམ་གླིང་སྣ་ཐག་འབད་མེད་རང་ལག་ཐེབས།།
དེའི་ཚེ་CCP ཉིད་ལོ་རྒས་ཤིང་།།
བདུན་ཅུ་གཟིམ་ཁྲིའི་མཐའ་ཅན་ཡིན་པར་སོང་།།
རྨི་ལམ་མི་བདེན་རྨི་ལམ་རྫུན་པ་ལ།།
གཅིན་པ་རྡོ་ཐོག་བཏང་ཡང་གདན་ཐོག་ཏུ།།
ཞེས་པའི་དཔེ་དྲན་ངུ་མ་དགོད་ཅིག་ཤོར།།

ཕྱི་ཟླ་༡༠ ཚེས་༠༡ ལ་བྲིས།