ཚགས་ཤོག་བྷོ་ཊིའི་སྟེང་ན་རླུང་སྡོམ་པོ་ཞིག

ཁྲོ་གཏུམ།

ཚགས་ཤོག་འདིའི་<<པར་རིས་རྒྱུད་ནས་ཤེས་བྱ་ཁག་ཅིག་ངོ་སྤྲོད་>>ཞེས་པའི་ལེ་ཚན་དུ། “པར་རིས་འདི་ནི༧རྒྱལ་མཆོག་བཅུ་བཞི་པ་བསྟན་འཛིན་རྒྱ་མཚོ་མཆོག་གི་འཁྲུངས་གཞིས་ཡིན་ཞིང་། བོད་ཤར་ཕྱོགས་ཨ་མདོ་བླ་བྲང་དང་ཁ་ཐག་ཉེ་བའི་སྟག་འཚེར་ཞེས་པའི་གྲོང་པར་ཡོད་པ་རེད”འདི་ལྟར་རང་གི་ལོ་རྒྱུས་མི་ཤེས་པའི་ནགས་ཀྱི་སྤྲེའུ་བཞིན་ངོ་སྤྲོད་ཡ་ང་བ་ཞིག་གིས་ང་ལ་ཡང་ཡང་གཅར་སོང་།
ངོ་སྤྲོད་ཅེས་པ་ལ་ཁ་ངོ་ཞིག་ཡོད་ན། འདི་ལྟ་བུའི་ནོར་མི་ཉན་པ་དང་ནོར་མི་ཆོག་པའི་གཞིས་ཁྱིམ་དྲོན་མོ་ཞིག་གི་གནས་ཡུལ་ལ་དོ་སྣང་བྱ་དགོས་ལ། ༧གོང་ས་མཆོག་གི་འཁྲུངས་གཞིས་ནི་བོད་པ་ཞིག་ཡིན་དུས་སེམས་ན་གསལ་གསལ་ཐིང་ཐོང་ཞིག་མེད་མཁན་ཨེ་ཡོད་ལ། དངོས་ནས་ངོ་སྤྲོད་ཀྱི་རིན་ཐང་ལ་འགན་མ་འཁུར་བ་མཚོན་པར་འདུག
ཨ་ཀ་མ་ལ་བསམ་བློ་ཞིག་བཏང་ན། གཞིས་ཁྱིམ་འདིའི་ཉེ་འཁོར་རེ་ལ་འགྲེལ་བྱེད་ཡག་ཐག་ཆོད་ཅིག་འདུག འདི་ནས་ཁྱོད་ཀྱིས་༧གོང་ས་མཆོག་གི<<ངོས་ཀྱི་ཡུལ་དང་། ངོས་ཀྱི་མི་མང>>ལ་ཡང་བལྟས་མ་མྱོང་བ་ལྟ་བུའི་བསམ་བློ་ཞིག་སྐྱེས་ཡོང་གིན་འདུག
བོད་ཁམས་ལ་སྐད་གྲགས་ཆེ་བའི་ཡུལ་ཞིག་དང་སྦྲེལ་ནས་ངོ་སྤྲོད་བྱེད་ན། འཁྲུངས་ཡུལ་དང་ཁ་ཐག་ཉེ་བའི་སྐུ་འབུམ་མི་ཤེས་མཁན་སུ་ཞིག་ཡོད། འདི་ནས་ཁྱོད་ཀྱིས་རང་བློར་གང་ཤར་གྱིས་ལས་ཀ་སྒྲུབ་ཐུབ་ཙམ་བྱས་པ་གསལ་བོར་མཐོང་གི།
ཚགས་ཤོག་གི་ཕན་འབྲས་ལ་བསམ་བློ་བཏང་ན། ངེས་པར་དུ་ནོར་རྟགས་འགོད་མི་དགོས་པ་དང་ནོར་ན་ཤེས་བྱ་སྤྲོད་སར་གོ་ལོག་ཐེབ་འགྲོ་བའི་ཉེན་ཁ་འདུག དེ་བས་འདི་འདྲའི་ཚབས་ཆེན་དང་གཞན་གྱིས་འཕྱ་དམོདཤོར་འགྲོ་བའི་རིགས་ལ་དོ་སྣང་བྱེད་དགོས་པའི་འབོད་སྐུལ་ཞུ་ཡི་ཡོད། བདེ་མོ།
2012/9/1ཉིན་བྲིས།