ཚུལ་ཁྲིམས་ཟླ་བ།
ཤར་གླིང་ཕྱོགས་སུ་ཞག་གསུམ་མུན་པ་འཐིབས་ནས།།
གྲང་བའི་ནུས་ཚད་ཧ་ཅང་འཕེལ་འགྲོ་ཟེར་ཀི།
ཆུ་དང་མེ་ཤིང་ལ་སོགས་གྲ་སྒྲིག་བྱས་ཏེ།།
འབྱུང་བའི་འཇིགས་པ་སྐྱོབ་ཐབས་བྱེད་དགོས་ཟེར་ཀི།
ནུབ་གླིང་ཕྱོགས་སུ་ཞག་གསུམ་ཉི་མ་ཤར་ཏེ།།
ཚ་བའི་དྲོད་ཚད་ཧ་ཅང་འཕེལ་འགྲོ་ཟེར་ཀི།
ཚ་དྲོད་སྐྱབ་པའི་ཡོ་བྱེད་གྲ་སྒྲིག་བྱས་ཏེ།།
འབྱུང་བའི་འཇིགས་པ་སྐྱོབ་ཐབས་བྱེད་དགོས་ཟེར་ཀི།
ཉིས་སྟོང་བཅུ་གཉིས་ཟླ་བ་བཅུ་གཉིས་ཤར་ཞིང་།།
ཚེས་གྲངས་བཅུ་གཉིས་ཆུ་ཚོད་བཅུ་གཉིས་དང་ནི།།
སྐར་མ་བཅུ་གཉིས་དབུགས་ཆ་བཅུ་གཉིས་སྟེང་དུ།།
གོ་ལ་ཟླུམ་པོ་མགོ་གཏིང་སློག་འགྲོ་ཟེར་ཀི།
ཞག་གསུམ་མུན་པ་འཐིབ་པའི་དུས་ཚོད་རྫོགས་སོང་།།
ཞག་གསུམ་ཉིན་མོར་གྱུར་པའི་དུས་ཚོད་རྫོགས་སོང་།།
ཉིས་སྟོང་བཅུ་གཉིས་ཟླ་བ་བཅུ་གཉིས་ལ་སོགས།།
རེ་རེ་བཞིན་དུ་བདེ་བདེ་ལྷོད་ལྷོད་ཕྱིན་སོང་།།
ཚན་རྩལ་རིག་པའི་མིག་ཟུང་ཞར་བ་འདྲ་འདུག།
དངོས་གཙོ་སྨྲ་བའི་མངོན་སུམ་ལོག་ཤེས་འདྲ་འདུག།
རྒྱང་ཤེལ་གསལ་པོ་རྡུལ་གྱིས་སྒྲིབ་པ་འདྲ་འདུག།
རྟོག་དཔྱོད་མཁན་པོའི་དཔྱོད་ཤེས་བུལ་བ་འདྲ་འདུག།
2012.12.22.
ཚན་རིག་པ་དེ་ལྟར་བཤད་མཁན་བྱུང་མེད། NASA ནས་གཅིག་བཤད་འདུག་ཟེར་བ་དེ་རྫུན་ཡིན་པ་གསལ་པོ་ཆགས་ཡོད།
བཤད་མཁན་མེད་པའི་རྒྱུ་མཚན་ཡག་དག་གསུངས་ཤོག།
རྫུན་ན་རྫུན་རྐུབ་བཏོལ་བའི་ཁུངས་ལུང་དྲངས་ཤོག།
ཚན་རྩལ་བས་བཤད་པ་མ་རེད་བོད་བླ་གསེར་རྟའི་མཁན་པོས་བཤད་རེད་ཟེར་ནས་ཉེ་སྔོན་རང་ཁ་བརྡའི་དྲ་རྒྱར་རྩོམ་ཞིག་སྤེལ་སོང
གནམ་ཡིག་གཏེར་ཡིག་བསྩལ་མཁན་དེ་ཚོ་མིན་ནམ
མཁན་ཆེན་ཚུལ་ཁྲིམས་བློ་གྲོས་ཀྱིས་ཁོང་གིས་དེ་ལྟར་གསུངས་ཚུལ་གསལ་བཤད་བྱས་འདུག མ་གཞི་ནས་དེ་དག་བཟོ་འདུག་མཁན་ངོ་མ་དེ་ནི་ཁ་ཕྱི་རོལ་དུ་གདང་སྐྱག་པ་ནང་དུ་བཏང་བསྡད་མཁན་གྱི་མི་བུ་ཁྱུ་གཅིག་ལས། བོད་ལ་ཞེན་པ་དཀར་པོའི་གང་ཟག་ཞིག་ཡིན་ཚེ་མཁན་ཆེན་ཁོང་ལ་མཚན་སྨད་མི་རིག་པ་དངོས་སྟབས་ཀྱིས་གྲུབ་པ་འདི་རེད།
གསུངས་མེད་ཚུལ་གསལ་བཤད་བྱས་འདུག་རེད་གོང་གི་ནོར་འདུག
ངོ་མ་དེ་འདྲ་བྱུང་ཡོད་ན་དེ་དུས་ཚན་རིགས་གི་ཤེས་འདུག་ཟེར་ཞིང། ཅི་ལྟར་བཤད་པ་ལྟར་མ་བྱུང་ན་དེ་ཚེ་བོད་གྱི་བླ་གྲྭ་སོགས་ཀྱི་སྟེང་དུ་གཡུག་ཅི་ཐུབ་བྱེད་པ་འདི་ནི། སངས་རྒྱས་ཆོས་ལུགས་ཀྱི་གཏིང་མ་ཤེས་ཤིང་སུམ་རྟགས་ཅུང་ཙམ་ལ་རྟེན་ནས་སྨྱུག་ཁ་རྐོར་ཤེས་པ་ཙམ་གྱིས་ང་རྒྱལ་ལ་རྟེན་ནས་བོད་གྱི་རིགས་གཞུང་དྲི་མ་མེད་པ་ལ་འབག་རྩོག་བགོ་བར་བྱེད་པ་དང། དིང་དུས་གྱི་ཚན་རིགས་ལ་རྟེན་ནས་བཟོས་པའི་འཕྲུལ་རིགས་གྱིས་ཡིད་སེམས་དབང་མེད་དུ་འཕྲོག་ནས། རྟེན་འབྱུང་དབུ་མའི་ལྟ་གྲུབ་དང་ལས་འབྲས་གྱི་རྣམས་བཞག་ལ་ཡིད་དཔྱོད་ཙམ་གྱིས་ཀྱང་ཡུལ་ལས་འདུས་པའི།་ མི་རིགས་གཞན་དང་ཤེས་བྱ་གསར་བ་ལ་ཡིད་སྨོན་བྱེད་པའི་ར་མ་ལུག་རྣམས་གྱི་ནམ་རྒྱུན་སྒྲོག་བཞིན་པ་ཡིན་པའི། དེ་དག་གི་ཚོད་ཟིན་པར་བྱེད་ན་མི་ཡག་གམ།
ཁ་ནས་ལ་རྒྱ་མི་བཤད་ཁ་མེད་ལྟོ་རྒྱབ་ཁེབ་པའི་གོར་མོ་མེད།
ཁོག་ནས་རང་རིགས་རྩ་ནས་དོར་བའི་སྙིང་བོ་མེད་པའི་སྡོང་དགེན་བཞིན།
ཆེ་འདོད་གྲགས་འདོད་ཁོག་དུ་འཚང་ནས་ང་རྒྱལ་དྲེགས་པའི་ང་རོ་སྒྲོགས།
འོན་ཀྱང་བསམ་མེད་སྨྱོན་པ་ཞིག་ལ་ཤེས་ལྡན་སུ་ཞིག་ཡ་ལན་བྱེད།
རྨོངས་དད་བཤད་ཡམས་ཀྱི་གནས་ཚུལ་དེ་རིགས་ཀྱི་འབྱུང་ཁུངས་ཡེ་ཤུའི་ཆོས་ལུགས་ཀྱི་ཚོགས་པ་ག་གེ་མོ་འམ་གཅིག་བྱས་ན་སའི་གོ་ལ་ཞེས་པའི་གཟའ་ཆེན་པོ་འདི་ལ་དོ་སྣང་ཞིག་ཡོང་ཕྱིར་ཚན་རིག་གིས་བཤད་པ་དང་འབྲེལ་བ་ཏན་ཏན་ཡོད་སྲིད། འཇིག་ཉིན་དེར་སི་ཝི་སིའི་རི་ག་གེ་མོ་ཞིག་གི་སྟེང་ལ་འཛེགས་ཐུབ་ན་ལྷ་ཡུལ་ལ་འགྲོ་ཐུབ་ཅེས་བའི་ཆོས་ལུགས་པའི་བཤད་ཡམས་ཤིག་ཀྱང་ཡོད་པ་གོ་ཐོས་བྱུང་། མཛོད་ལས་བཤད་པ་ལྟར་འཇིག་བསྐལ་དང་སྟོང་བསྐལ་བཤད་པ་དུས་ཡུན་ཧ་ཅང་རིང་པོ་ཞིག་རེད། ཚན་རིག་པས་ངོས་འཛིན་བྱས་པ་ལྟར་ན་སའི་གོ་ལ་ལོ་ངོ་ཐེར་འབུམ་ལྔ་ཡི་ཚེ་ཚད་ཡོད་པར་བཤད་ཀྱང་ཡིན་ན་ཡང་དེའི་རིང་ལ་འཇུག་ཉེན་ཞིག་ཡོང་མི་སྲིད་པ་གཏན་ནས་མ་རེད། གཟའ་རྣམས་ཀྱི་འཁོར་ལམ་གཏན་འཇགས་ངང་གནས་པ་ཡིན་སྟབས་གདོང་ཐུག་རྒྱག་པའི་ཉེན་ཁ་མེད་ཀྱང་ཁོར་ཡུག་འབགས་བཙོག་དང་སའི་གོ་ལའི་གདོས་ཚད་ལ་འགྱུར་བ་འགྲོ་གི་ཡོད་པ་གསལ་བོ་རེད། དེ་ཡང་སའི་དཀྱིལ་སྙིང་ཚ་ཚད་ལྔ་སྟོང་ལྷག་ཡོད་པ་དེས་ཞ་ཉེ་དང་བྲག་རྡོ་བཞུས་ཐུབ་པ་ཡིན་པས། གལ་ཏེ་ས་འགུལ་ལྟ་བུ་ཤུགས་ཆེན་པོ་བརྒྱབ་པ་ཡིན་ན་སའི་དཀྱིལ་སྙིང་ལ་འགྱུར་བ་འགྲོ་བས་སའི་གོ་ལ་གས་འཐོར་འབྱུང་སྲིད་པ་རེད། དེས་ན་ཁོར་ཡུག་ནང་ན་རྩི་ཤིང་ནགས་ཚལ་ནི་ཞེ་དྲག་གལ་ཆེན་པོ་རེད། དེས་རླུང་ཁམས་གཙང་མ་བཟོ་བར་མ་ཟད། སའི་གོ་ལ་སྲུང་སྐྱོབ་ཐུབ་པའི་རྒྱུ་མཚན་གཅིག་ནི་ནག་རྫས་ཉིས་འགྱུར་ཉུང་དུ་གཏོང་ཐུབ་ཀྱི་ཡོད། ནག་རྫས་ཉིས་འགྱུར་ཉུང་དུ་སོང་ན་ཚ་དྲོད་ཉུང་དུ་འགྲོ་བར་རོགས་བྱེད། ནག་རྫས་ཉིས་འགྱུར་གཏན་ནས་མེད་ན་ཡང་མི་འགྲིག །ཐམས་ཅད་རྟེན་ཅིང་འབྲེལ་བར་རང་བཞིན་རེད།
ཚན་རིག་གིས་ཀྱང་དེ་ལྟར་ཡོང་སྲིད་པའི་འགྲེལ་བཤད་རྒྱབ་གི་ཡོད་པ་རེད། ཚན་རིག་གིས་གནའ་བོའི་སྐར་རྩིས་དང་ཆོས་ལུགས་ཀྱི་འགྲེལ་བཤད་མང་པོ་ཞིག་ལ་དཔེ་བླངས་ནས་བརྟག་དཔྱད་གསར་བ་དང་བྱེད་ཐབས་གསར་བ་ལ་བརྟེན་ནས་སའི་གོ་ལའི་ཡང་ལྕི་ཚད་གཞལ་བྱས་ཚར་བ་རེད། ཚན་རིག་པ་གྲངས་ཅན་ཨ་ཡེན་སི་ཊན་གྱིས་མ་འོངས་སྔོན་དཔགས་ལྟ་བུ་ལུང་བསྟན་མང་པོ་བཤད་ཡོད་པ་རེད། ཁོང་གིས་བཤད་པ་དེ་བཞིན་ལ་རྒྱུ་མཚན་མེད་པ་མ་རེད། གཟའ་དང་ཉི་མའི་ལྕི་ཚད་ཉིན་ལྟར་འགྱུར་བ་འགྲོ་གི་ཡོད་པ་ཚིག་ཐག་ཆོད་པོས་བཤད་ཡོད་པ་རེད། སྟོན་པས་དངོས་པོ་ཐམས་ཅད་སྐད་ཅིག་སྐད་ཅིག་གིས་འཇུག་པའི་རང་བཞིན་ཡིན་པ་གསུངས་ཡོད་པ་ཡིན་ཀྱང་ང་ཚོ་ལ་དེ་ལྟར་སྣང་མི་ཐུབ་པ་རེད། གཏན་ཚིགས་ཀྱི་སྒོ་ནས་འཇུག་པ་ཕྱིས་འབྱུང་ལྟོས་མེད་དུ་གྲུབ་པ་མ་ཡིན་པ་དང་སྐྱེས་ཙམ་ནས་འཇིག་པའི་ཆོས་ཅན་དུ་གྲུབ་པ་རེད། དཔེར་ན་ལོ་ལྔ་བཅུ་ལྡང་ངེས་ཀྱི་ཅ་ལག་ཅིག་གློ་བུར་ཆག་སྲིད་པ་རེད། ལོ་ཐེར་འབུམ་ལྔའི་ཡུན་ཚད་སྡོད་ཐུབ་པའི་ང་ཚོའི་འཛམ་གླིང་འདི་ཡང་གས་འཐོར་གྱི་རྒྱུ་གྲུབ་ཙམ་ཉིད་ནས་ཡོད་པ་རེད། འཇུག་རྒྱུ་ནི་ཕྱི་ལོགས་ཀྱི་རྐྱེན་དང་ནང་གི་རྒྱུ་གཉིས་ཀ་ལ་ཡོད་པ་རེད། མི་རྟག་པ་དྲན་ནས་སྐྱབས་རེ་ས་དཀོན་མཆོག་མ་གཏོགས་འཇིག་རྟེན་འདི་ན་སུ་ཡང་མེད། འཆི་བ་ནི་སྔ་གཞུག་མ་གཏོགས་ཡོང་དགོས་པ་ནི་གཏན་འཁེལ་བ་རེད། རྣམ་ཤེས་ཕྲ་མོ་བར་དོར་འཁྱམས་ནས་འགྲོ་ཡ་རེད། རྣམ་ཤེས་ཕྲ་མོའི་སྟེང་དུ་ལས་བཟང་པོ་བསགས་ཡོད་ན་སླར་ཡང་ལུས་རྟེན་བཟང་པོ་ལེན་ཐུབ་གི་རེད། དེའི་ཕྱིར་ལས་འབྲས་ལ་ཡིད་ཆེས་བྱ་དགོས་པ་དང་དཀོན་མཆོག་ལ་སྐྱབས་འགྲོ་བྱ་དགོས་པ་དང་། འཆི་བ་མི་རྟག་པ་སྒོམ་པ་ནི་ཚེ་ཕྱི་མའི་ཆེད་དུ་བྱ་བ་བཟང་པོ་སྒྲུབ་པའི་ཆེད་རེད། བསམ་བློའི་ནང་དེ་འདྲ་འཁོར་ས་མེད་ན་མི་ལུས་བླངས་ཀྱང་དོན་མེད་རེད། མི་ཤི་བ་དང་བུམ་པ་ཆག་པ་གཉིས་གཏན་ནས་མི་འདྲ། མིའི་ལུས་རྟེན་ནང་ལ་མི་ཤུགས་པའི་ཐིག་ལེ་དེ་སྙིང་དབུས་སུ་གནས་ཡོད་པ་རེད། དེ་ནི་སྲོག་གི་རྩ་བ་རེད། ཤི་བའི་ཚེ་ཐིག་ལེ་དེ་ཁ་ཕྱེས་ནས་གཉུག་མའི་ཤེས་བ་དེ་འཕོ་འགྲོ་བ་རེད། སྲོག་ལྡན་སྲོག་མེད་ཀྱི་ཁྱད་པར་གཙོ་བོ་དེ་ལ་ཐུག་ཡོད་པ་རེད། རང་གི་སྙིང་ཉེ་བའི་མི་ཞིག་ན་ནས་ཤི་ན་རང་ལ་སྡུག་བསྔལ་འབྱུང་བ་དང་རྩ་ཆེ་བའི་དངོས་པོ་ཞིག་གློ་བུར་ཆག་སོང་ན་དེ་ཙམ་སྡུག་བསྔལ་མི་འབྱུང་བ་ནི་སེམས་ཡོད་མེད་ཀྱི་ཁྱད་པར་ཙམ་རེད།
གོང་དུ་བན་དེ་ཞེས་པ་དེས་ཚན་རྩལ་བས་བཤད་པ་མ་རེད་བོད་བླ་གསེར་རྟའི་མཁན་པོས་བཤད་རེད་ཟེར་ནས་ཉེ་སྔོན་རང་ཁ་བརྡའི་དྲ་རྒྱར་རྩོམ་ཞིག་སྤེལ་སོང། གནམ་ཡིག་གཏེར་ཡིག་བསྩལ་མཁན་དེ་ཚོ་མིན་ནམ་ཟེར། བན་དེ་ཞེས་པ་ཁྱེད་རང་མིག་ཟུང་ཕྱོགས་ཞེན་གྱི་ཐལ་བས་བསྒྲིབས་པ་རེད་མ་གཏོགས་གསེར་རྟ་མཁན་པོ་སུས་ཀྱང་དེ་འདྲ་གཏན་ནས་གསུངས་མེད། ཁྱེད་ཀྱི་གསེར་རྟ་མཁན་པོ་ཞེས་པ་དེ་གསེར་རྟའི་མཁན་པོ་སུ་ཞིག་ལ་གོ་དགོས་ཀྱིན་ཡོད། གསེར་རྟ་མཁན་པོ་ཞེས་པ་ཡོངས་གྲགས་སུ་ཆོས་རྗེ་འཇིགས་མེད་ཕུན་ཚོགས་ལ་གོ་དགོས་ཀྱིན་འདུག མཁན་ཚུལ་ཁྲིམས་བློ་གྲོས་ལ་ནི་དེང་སང་ཡོངས་གྲགས་སུ་བླ་རུང་མཁས་དབང་ཞུ་བ་རེད། གང་ལྟར་ཁྱེད་ཀྱིས་བཤད་པ་དེ་མཁན་འཇིགས་ཕུན་ལ་གོ་དགོས་ན་ཁོང་གིས་གསུང་འབུམ་གང་ན་གསུངས་འདུག མཁན་ཚུལ་བློ་ལ་གོ་དགོས་ཡོད་ན་དམ་པ་ཁོང་གིས་གསུང་འབུམ་དང་སྒྲ་ཐག་གང་གི་ནང་ན་གསུངས་འདུག མ་གཞི་ཁྱོད་དང་ཁྱོད་འདྲ་བ་འགའ་རེ་ལོག་པའི་ལམ་ལ་མོས་དྲགས་པ་དང་ཕྱོགས་ཞེན་གྱི་མིག་ཟུང་ཆེ་དྲགས་ནས་མཁན་ཆེན་གྱིས་དེ་ལྟར་གསུངས་ཡོད་པའི་གཏམ་འཆལ་ཞིག་བཀྲམས་ཡོད་ཀྱང་། རྗེས་སུ་ཁོང་རང་གི་པོད་ཕྲན་ལས་དེ་གཏམ་འཆལ་ཡིན་པ་དང་ཁོང་གིས་ད་ལོ་གོ་ལ་འཇིག་པའི་ཡིད་ཆེས་མེད་གསུངས་པ་རེད། དེ་མཁན་པོ་ཁོང་གིས་སྔོན་ནས་གསུངས་པ་ཞིག་རེད་མ་གཏོགས་གོ་ལ་འཇིག་ཀྱིན་ཡོད་པ། ཉིན་གསུམ་ཉི་མ་མི་ཤར་ཞེས་པའི་དུས་ཚོད་ཀྱི་རྗེས་སུ་གསུངས་པ་ཞིག་མ་རེད། དེ་འདྲའི་གནམ་ཡིག་དང་གཏེར་ཡིག་ཅིག་མཁས་དབང་ཁོང་གིས་གནང་མི་འདུག་ན་གཟུ་བོའི་བློས་འཇུག་ལྡོག་བྱས་ན་མི་ལེགས་སམ།
སྤྱིར་ཚན་རིག་པས་གང་བཤད་པ་ཐམས་ཅད་ལ་ཡིད་རྟོན་བྱེད་རྒྱུ་དེ་ནོར་འཁྲུལ་རེད་ལ། ཚན་རིག་པས་བཤད་ཚད་རྫུན་རེད་ལབ་ན་ནི་མངོན་སུམ་ལ་བསྙོན་བའི་བླུན་སྤྱོད་ཅིག་ལས་མ་འདས། ཚན་རིག་གིས་བཤད་པའི་ལེགས་ཆ་ནི་ང་ཚོའི་མི་རིགས་འདི་དང་། ཁོར་ཡུག་འདི། དུས་སྐབས་འདི་དག་དགོས་ངེས་རེད་ཀྱང་། བསམ་གྱིས་མི་ཁྱབ་པའི་བརྟེན་འབྱུང་དང་། སྟོང་ཉིད། བདེན་བཞིའི་ཤེས་སྤོང་ཡང་ངེས་པར་དུ་དགོས་དེ་དག་ནི་དངོས་པོའི་གཤིས་ལ་གྲུབ་པར་རིགས་པ་ཡང་དག་གི་ལམ་ནས་གསལ་བས་སོ།།
མགོ་སེར་པོས་བཤད་ཚད་ཚན་རིག་པས་བཤད་པ་རེད་མ་དྲན་ཞིག ཚེས་༢༡འཛམ་གླིང་འཇིག་པར་བཤད་པ་ནི་མ་ཡའི་མི་རིགས་ཀྱི་གནའ་སྔ་མོའི་ལོ་ཐོ་ལ་བརྟེན་ནས་དཀྲོག་གཏམ་མམ་གཏམ་འཆལ་དེ་བྱུང་བ་རེད།