(མྱ་ངན་རྗེས་དྲན་གྱི་གཞས་ཚིག)
གཅིག བཅུ། བརྒྱ།
ཚེ་སྲོག་བརྒྱ་བོ་གནམ་གྱི་སྐར་མ་
མཛུབ་མོ་ཀེར་ནས་བརྩི་རྒྱུ་སླ་མོ
ཚེ་སྲོག་བརྒྱ་བོ་ཐང་གི་མེ་ཏོག་
སྟོན་ནམ་སད་ཀྱིས་བཅོམ་རྒྱུ་སླ་
ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ།
གཅིག བཅུ། བརྒྱ།
ཚེ་སྲོག་བརྒྱ་བོ་ལག་མགོའི་ཕྲེང་
མ་ཎི་བགྲང་བགྲང་བྱ་རྒྱུ་སླ་མོ་
ཚེ་སྲོག་བརྒྱ་བོ་ཐབ་ཀྱི་འབུད་ཤི
དམར་བོ་མེ་ལ་བསྲེགས་རྒྱུ་སླ་མོ་
ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ།
གཅིག བཅུ། བརྒྱ།
ཚེ་སྲོག་བརྒྱ་བོ་རྒྱ་མཚོའི་ནོར་
ཡང་ནས་ཡང་དུ་རྙེད་རྒྱུ་སླ་མོ་མ་
ཚེ་སྲོག་བརྒྱ་བོ་ས་འོག་གསེར་ནག་
རུམ་གྱི་སྒོར་མོས་ཉོ་རྒྱུ་སླ་མོ
ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ། ཨོྃ་མ་ཎི་པདྨེ་ཧཱུྃ།
མཆན། གོང་གི་གཞས་ཚིག་འདི་བོད་ཕྱི་ནང་
ཡིན་ནའང་། མཇུག་མཐའི་བསྐྱར་བཅོས་ད་དུང་གྲུ
ཡག་པོ་བྲིས་འདུག
ཉེ་སྔོན་གླུ་བ་གདུགས་བྷེས་བླངས་ཤིང་ཁྱེད་ཀྱིས་གཞས་ཚིག་བྲིས་པ་དེ་དང་འདི་གཉིས་བསྡུར་ཚེ་སྔོན་མ་དེ་ལེགས་པའི་ཚོར་སྣང་བྱུང་། གང་ལྟར་སེམས་ན་ཚོར་བ་ཡོད་པ་དེ་བསྟན་པར་དགའ་བསུ་ཞུ།
ཚེ་སྲོག་བརྒྱ་བོ་ས་འོག་གསེར་ནག་མ་རེད། །
རུམ་གྱི་སྒོར་མོས་ཉོ་རྒྱུ་སླ་མོ་མ་རེད། །
འདི་དུ་ཁ་བོར། ཆི་ཟིག་ཟེར་གི་ཡོད་ནི་མི་གོ་འི། ད་དུང་རིགས་བསྒྲེས་བའི་བཅད་དུམ་གཞན་དེ་ཚོ་ཡང་་་་་་།
སྐད་སྙན་མོ་ཞིག་གིས་ལྷོད་ཀྱིས་དབྱངས་རྟར་དྲངས་ཏེ་ལན་ཐུབ་ན་་་འོ་ཙམ་ཡོང་ས་རེད་བསམ་བསམ་ཞིག་འདུག་ག
མེ་སྲེག་དཔའ་བོ་ཁྱེད་ཅག།
མགོན་སྐྱབས་མི་འདུག་མ་བསམ།།
རྒྱལ་བ་བཎ་ཆེན་རྣམ་གཉིས།།
ཐུགས་རྗེའི་སྤྱན་གྱིས་གཟིགས་ཡོད།།
གྱེས་ཁའི་ཁ་ཆེམས་དྲོན་པོ།།
ཉན་མཁན་མི་འདུག་མ་བསམ།།
གཞིས་བྱེས་བོད་མི་ཡོངས་ཀྱིས།།
སེམས་པའི་གཏིང་ལ་བཞག་ཡོད།།
འབར་བའི་མེ་ལྕེ་རེ་རེར།།
བདག་མེད་ཁེར་རྐྱང་མ་བསམ།།
མདོ་དབུས་ཁམས་གསུམ་ཡུལ་ནས།།
མྱ་ངན་མཆོད་འབུལ་བྱས་ཡོད།།