རྡོ་རྗེ་བསྟན་འཛིན།
དེ་རིང་དགོས་དབང་ཞིག་གིས་རྡ་རམ་ས་ལ་བོད་ཀྱི་དཔེ་མཛོད་ཁང་གི་དྲ་རྒྱ་ལ་བལྟས་པ་ཡིན། དྲ་རྒྱ་དེ་ན་བོད་ཡིག་མེད་པ་འདྲ། དཔེ་མཛོད་ཁང་འདི་དབྱིན་ཡིག་ཀློག་མཁན་ཁོ་ནའི་ཆེད་དུ་ཡིན་ནམ། དྲ་རྒྱ་ལ་བརྟེན་ནས་ཞིབ་འཇུག་གི་རྒྱུ་ཆ་མཁོ་འདོན་བྱེད་པའི་ལམ་བུ་ཇེ་ཡངས་ལ་ཕྱིན་ཏེ་ལོ་ངོ་བཅུ་ཕྲག་གཉིས་ཙམ་ཕྱིན་ནའང་ད་དུང་བོད་ཡིག་གི་དྲ་རྒྱ་མེད་པ་འདི་ནི་ཞབས་འདྲེན་རང་རེད། ཁ་ནས་བོད་ཀྱི་ཆོས་དང་རིག་གཞུང་མི་ཉམས་གོང་འཕེལ་ཉམས་པ་སླར་གསོ་ཞེས་མཐོ་རྒྱལ་བ་རིན་པོ་ཆེར་དབུ་སྐོར། དམའ་སློབ་གྲྭའི་བུ་གུ་ལ་མགོ་སྐོར་བཏང་ནས་ཅི་བྱེད། གཤམ་དུ་བཀོད་པའི་ཚོགས་པ་འདི་དག་གིས་བོད་ཡིག་ཀློག་མཁན་གྱི་བོད་མི་ས་ཡ་དྲུག་བདུན་ལྷག་ལ་མཐོང་ཆུང་བྱས་པ་རེད། སྨན་རྩིས་ཁང་དང་སྤྱི་འཐུས་ཀྱི་དྲ་རྒྱ་དེ་ཚོ་དཔེ་ཡག་པོ་འདུག ད་བོད་ཀྱི་སྐད་ཡིག་ལ་དངོས་གནས་ཉམས་པ་སླར་གསོ་དང་མི་ཉམས་གོང་འཕེལ་གཏོང་ན་འདི་རིགས་ལ་འགྱུར་བ་གཏོང་དགོས་པ་རེད།
ད་དུང་བཙུན་མའི་དགོན་པ་དེ་ཚོ་ལ་ཡང་དྲ་རྒྱ་ཞིག་འདུག དེ་ན་ཡང་བོད་ཡིག་མི་འདུག
http://tnp.org
བོད་ཁྱིམ་སློབ་གྲྭའི་དྲ་རྒྱ་ནའང་བོད་ཡིག་མི་འདུག
http://www.tibetanyouthcongress.org
བོད་ཀྱི་གཞོན་ནུ་ལྷན་ཚོགས་ཀྱི་དྲ་རྒྱ་ནའང་བོད་ཡིག་མི་འདུག
http://www.tibetanyouthcongress.org
དེ་འདྲ་ཡིན་ན་ཐེལ་འདོན་གནང་བ་ཡག་པོ་རེད། སྐུལ་སློང་གི་རྐྱེན་དུ་འགྱུར་སྲིད།
ཨ་སྒོར་སྒྲུབ་དགོས་པས་རེད། རྒྱུ་མཚན་གཞན་ཁག་ཙམ་གདའ།
དེ་ཙམ་གྱིས་ག་ལ་ཚད། གཞུང་འབྲེལ་དོན་གཅོད་ཁང་ཁག་དང་། ཆོས་ཚོགས་ཁག བོད་རིགས་སྤྱི་མཐུན་ཚོགས་པ་ཁག་མང་པོ་ཞིག་གི་དྲ་རྒྱ་ན་ཡང་བོད་ཡིག་གཏན་ནས་མཐོང་རྒྱུ་མི་འདུག
འདི་ཚོས་ཁ་ནས་བོད་དང་བོད་ཀྱི་རིག་གཞུང་གི་ཉམས་ཆག་སྐོར་མང་ནས་མང་དུ་བརྗོད། དེ་ཡང་བོད་དང་རྒྱལ་བ་རིན་པོ་ཆེ་མཚན་ནས་དྲངས་ཏེ་ཚར་རྒྱུ་མེད་པའི་མུག་མུག་མང་པོ་རྒྱུན་དུ་བརྗོད། སོ་སོའི་མཚམས་ལ་སླེབས་དུས་སྦྲགས་སྐད་དང་གཞན་ཡིག་རྐྱང་བ་མ་གཏོགས་བཀོལ་སྤྱོད་མི་བྱེད། དོན་དངོས་སུ་བྱེད་སྟངས་འདི་ཚོ་ནི་བོད་ཀྱི་སྲོག་རྩ་གཅོད་མཁན་གཙོ་བོ་དེ་རེད།
དེའི་ནང་ནས་ཀྱང་བོད་ཀྱི་དཔེ་མཛོད་ཁང་དང་། བོད་ཕྲུག་ཁྱིམ་སྡེ་ཚོགས་ལ་བོད་ཡིག་གི་དྲ་རྒྱ་ངེས་པར་ཡོད་དགོས་སྙམ།
རང་གི་སྐད་ཡིག་ལ་ཞེན་པ་ནི་དགའ་ཞིང་བསྟོད་འོས་ཀྱང་། བུ་གུ་ཞེས་པའི་ཚིག་འདི་རང་སྐད་དག་པ་ཞིག་ཨེ་ཡིན། དེས་མཚོན་༼ཁྱོའི༽ ༼ཁྱོས༽ ༼མི་བུ༽ ༼མི་གཞི༽
༼སངས་རྒྱས་ཆོས་ལུགས༽ སོགས་གནའ་རབས་དང་དེང་གི་མཁས་པའི་གཞུང་ན་མི་གསལ་བའི་ཚིག་མང་ཞིང་། དེ་དག་ཕལ་ཆེར་བོད་ནང་གི་ཤེས་ལྡན་པ་ཡིན་ཟེར་མཁན་ཁག་ཅིག་གིས་སྤྱད་དེ། ཕྱིས་ཡི་གེ་ཤེས་མ་ཤེས་ཀྱི་མཚམས་ན་ཡོད་པའི་མི་མང་པོས་འབྲི་བཞིན་པ་འདི། རང་སྐད་རང་གིས་གཏོར་བཞིན་འདུག་སྙམ། གཞན་ཡང་ཚོགས་པ་དང་སྡེ་ཚན་ཁག་འགར་བོད་ཡིག་གི་དྲྭ་རྒྱ་མིན་འདུག་ཅེས་པར། བོད་ཡིག་འཕེལ་རྒྱས་འགྲོ་མུས་སུ་ཡོད་ལ། སྔར་མེད་པ་ནས་ཡོད་པར་གྱུར་བའི་ཚད་ནི། དེང་ལག་ཐོག་ཁ་པར་ཕལ་མོ་ཆེར་བོད་ཡིག་བདེ་སྤྱོད་ཐུབ་པ་དང་། བོད་མིའི་དྲྭ་རྒྱ་མང་ཆེ་བར་བོད་ཡིག་བཀོལ་བཞིན་འདུག སྤྱིར་གནས་ལུགས་སུ། ཡོད་མེད་གཉིས་ལས་ཡོད་པ་དང་། རྟག་དངོས་གཉིས་ལས་རྟག་པ་དང་། མང་ཉུང་གཉིས་ལས་མང་གཙོ་ཞེས་མང་ཉུང་དང་གཙོ་ཕལ་གྱི་དབྱེ་བ་བཞག་ནས་བསམ་བློ་གཏང་དགོས་འདུག
བོད་ཕྱི་ལ་ཡོད་པའི་སྒྲིག་འཛུགས་ཀྱི་ལྷན་ཁང་ཁག་དང་སྐུ་ཚབ་དོན་ཁང་། བོད་རིགས་སྤྱི་མཐུན་ཚོགས་པ་སོགས་ཚོགས་སྡེ་ཁག་གི་མཛད་གཙོ་རྣམ་པར་བོད་ཀྱི་སྐད་ཡིག་གི་རྒྱུན་ཤེས་ཀྱི་གནས་ཚོད་ཙམ་ཡང་མེད་ལ་དེར་དོ་སྣང་ཡང་མེད། འོན་ཀྱང་རྒྱ་ནག་གཞུང་གིས་བོད་མིར་བོད་སྐད་ཡིག་བཀོལ་སྤྱོད་བྱེད་རྒྱུར་རང་དབང་སྤྲོད་ཀྱི་མེད་པའི་དྲིལ་སྒྲགས་ནི་རྒྱུན་དུ་ཡོད། བཙན་བྱོལ་ནང་དུ་བོད་སྐད་ཡིག་ལ་སྦྱོང་པ་དང་རྒྱུན་ཤེས་ཀྱི་ཤེས་ཡོན་ཡོད་མཁན་ནི་བརྒྱ་ཆ་༩༩%གསར་འབྱོར་བ་རེད། གལ་སྲིད་གསར་འབྱོར་བ་ཚོ་བཙན་བྱོལ་དུ་སླེབས་མེད་པ་ཡིན་ན། བཙན་བྱོལ་དུ་བོད་ཀྱི་སྐད་ཡིག་ནི་མིང་ཙམ་ལས་མེད་པར་གྱུར་ཡོད་པ་ནི་གསལ་པོ་རེད། དེང་སྐབས་བཙན་བྱོལ་སྤྱི་ཚོགས་ཀྱིས་བོད་ཀྱི་ཆོས་དང་རིག་གཞུང་འདི་ཉིད་འཛིན་སྐྱོང་སྤེལ་གསུམ་བྱེད་རྒྱུ་ནི་མི་རིགས་འདི་ཉིད་ཛ་གྲགས་ཀྱི་དཀའ་རྙོགས་སོགས་ཤི་གསོན་གྱི་སོ་ཁ་ནས་སྐྱོབ་ཐབ་བླ་ན་མེད་པ་དེ་ཡིན་ཚུལ་བཤད་བཞིན་ཡོད། འོན་ཀྱང་དེའི་སྐོར་དོན་དངོས་ཀྱི་ལག་ལྟར་གནང་ཕྱོགས་ལ་བསམ་ན་ཡིད་སེམས་སྐྱོ་བའི་གནས་ལས་མེད། བོད་མི་རིགས་འདིའི་ཆོས་དང་རིག་གཞུང་སྐད་ཡིག་དང་བཅས་པ་སྲུང་སྐྱོབ་བྱེད་སྟངས་དེ་བོད་ཕྱི་ནང་གཉིས་སུ་གནས་པའི་བོད་རིགས་ཚོས་སུའི་འགན་འཁུར་མང་བ་གནང་གི་འདུག་གམ།
འདི་གནད་དོན་ཆེ་ཞིག་རེད། ཕྱི་ཕྱོགས་ལ་ཁྱབ་བསྒྲགས་བྱེད་དགོས་པ་དག་དབྱིན་ཡིག་ཡིན་དགོས་དང་དགོས། ཧང་སངས་ཧོན་འཐོར་དགོས་པ་ཞིག་ལ་བཙན་བྱོལ་བོད་མིའི་འཕྲོད་བསྟེན་དྲ་བའང་དབྱིན་ཡིག་རྐྱང་པའི་ཐོག་ཏུ་བཟོས་འདུག་ཅིང་། བཙན་བྱོལ་དུ་ཡོད་པའི་སློབ་ཕྲུག་ཚོར་མདུན་ལམ་སློབ་སྟོན་དྲ་བའང་དབྱིན་ཡིག་རྐྱང་པའི་ཐོག་བཟོས་འདུག
འཕྲོད་བསྟེན་ལས་ཁུངས་ཀྱིས་འཕྲོད་བསྟེན་ཤེས་བྱ་སྒྲོག་ས་བཙན་བྱོལ་དུ་ཡོད་པའི་བོད་མི་ཚོ་ཡིན་པས་དེ་དབྱིན་ཡིག་གིས་བཟོས་དགོས་དོན་ཡོད་དམ། གལ་སྲིད་དབྱིན་ཡིག་གིས་བཟོ་རྒྱུ་ཡིན་དེ་ལ་དམིགས་བསལ་གྱིས་འགྲོ་སོང་གཏོང་དགོས་དོན་ཡོད་དམ། དབྱིན་ཡིག་གི་ཐོག་ཏུ་འཕྲོད་བསྟེན་ཤེས་བྱ་ཁེངས་བསྡད་ཡོད་པ་མ་རེད་དམ།
མདུན་ལམ་སློན་སྟོན་དྲ་བ། འདི་ཡང་གོང་དང་ཧ་ཅང་མཚུངས་པ་རེད་དོ།
གནད་དོན་འདི་དག་གིས་་་་དོན་ངོ་མའི་་བཙན་བྱོལ་ནང་་བོད་ཀྱི་ཆོས་དང་རིག་གཞུང་གི་་གནས་སྟངས་མཚོན་ཡོད།
བོད་ཡིག་མི་མཁོ་བའི་ཚོགས་པ་དེ་དག་བོད་པ་ཚང་ལ་དགོས་མཁོ་མེད།
ཡག་པོ་གསུངས་འདུག
བོད་ཡིག་གི་དྲ་རྒྱ་མེད་པའི་ཚོགས་པ་ཚོའི་སྒོར་ཁུག་ཕྱི་རྒྱལ་ན་ཡོད་ཙང་། བོད་ཡིག་གི་དྲ་རྒྱ་བེད་སྤྱོད་བྱས་ཏེ་འགྲོ་སོང་ཐེ་བ་གཏོང་འདོད་མེད་པ་མིན་འགྲོ། བོད་ཡིག་མི་སྤྱོད་པའི་ཚོགས་པ་དགོས་མཁོ་མེད་ཟེར་བ་ནི་སྐྱག་རྫུན་ཡིན་ཏེ། བོད་ཀྱི་དཔེ་མཛོད་ཁང་ནི་རྡ་སའི་གཡས་གཡོན་གྱི་དཔེ་ཀློག་པ་དང་ཞིབ་འཇུག་པ་ཚོར་མེད་དུ་མི་རུང་པའི་དཔེ་མཛོད་ཁང་ཞིག་ཡིན།
བོད་ཀྱི་དཔེ་མཛོད་ལ་ཨིན་བོད་དྲ་ཚིགས་གཉིས་ཀ་སྔ་ནས་ཡོད། ཕྱི་ལོ་ ༢༠༡༤ ལོར་དྲ་ཚིགས་ཆ་ཚང་ལ་དྲ་དུག་གི་གཏོར་སྒོལ་ཐེབས་ཏེ་བསྐྱར་འཇུག་བྱེད་དགོས་ཁེལ། དབྱིན་ཡིག་དྲ་ཚིགས་དེ་སྔོན་དུ་བཟོ་ཐུབ་པར་བརྟེན་དེ་སྒྲིག་ཐུབ་བྱུང་བ་རེད། དེ་དང་མཉམ་དུ་བོད་ཡིག་དྲ་ཚིགས་དེར་སྐྱོན་ཆེ་ཤོས་ཤོར་ཡོད་པར་བརྟེན་བསྐྱར་སྒྲིག་མང་ཤོས་དང་དུས་ཚོད་མང་ཤོས་འགོར། བོད་ཡིག་དྲ་ཚིགས་བསྐྱར་བཅོས་མ་སྒྲུབ་བར་དྲ་ཐག་དེ་དབྱིན་ཡིག་དྲ་ཚིགས་ངོས་ལས་ཕར་ཙམ་རིང་བཀག་པ་མ་གཏོགས་མེད་པ་མིན། དྲ་ཐག་འདིར་གཟིགས་ http://tib.ltwa.net/ གསལ་བཤད་དུ་བྲིས།