ཚོགས་སྐྱིད་མཉམ་སྦྲེལ་གྱིས་རྟག་ཏུ་མཆོད་འབུལ་སྨོན་ལམ་གནང་བཞིན་པ།

Comments (27) on “ཚོགས་སྐྱིད་མཉམ་སྦྲེལ་གྱིས་རྟག་ཏུ་མཆོད་འབུལ་སྨོན་ལམ་གནང་བཞིན་པ།”

1. མི་ཞིག་ཤི་བར་ཤི་ཆོས་སྒྲུབ་པ་དེ་ནི་མ་འོངས་པ་ན་བོད་སྤྱི་མཐུན་བསོད་ནམས་གོང་འཕེལ་གཏོང་བར་བྱ་བ་རླབས་ཆེན་བསྒྲུབ་པ་ཞིག་ཡིན་པར་མཐོང་དཀའ། མི་ཤི་བའི་རྗེས་ང་ཚོས་ཆོས་མང་པོ་ཞིག་འདོན་པ་དེས་ཤི་བའི་རྣམ་ཤེས་ལ་དོན་དངོས་སུ་ཕན་གྱི་ཡོད་དང་མེད་དེ་ལུང་དང་རིགས་པའི་སྐྱ་བར་དུ་དྲོངས་ལ་དཔྱད་བསྡུར་ཅུང་ཞིག་གནང་དང་ཆོས་པ་ཚོ།
   བོད་དོན་དུ་སྐུ་ལུས་མེ་མཆོད་འབུལ་མཁན་ཚོ་རེ་རེའི་དགེ་རྩར་དམིགས་དེ་མཆོད་འབུལ་བྱེད་བཞིན་པ་དེ་ནི་རང་རེའི་ཐུན་མོང་མ་ཡིན་པའི་གོམས་སྲོལ་ཞིག་རྒྱུན་འཁྱོངས་གནང་བ་རེད་ལ། དེས་འདས་པོའི་ཤུལ་ལུས་ནང་མི་ཚོའི་སེམས་རྩ་དྲོས་རྒྱུ་ཡིན་པ་ཉག་ཅིག་དང་། དེར་མ་ཟད། རྒྱལ་གཅེས་པ་མང་པོ་ཞིག་གི་སེམས་ལ་མི་རིགས་ཀྱི་དོན་དུ་རང་སྲོག་དོར་བ་ཡིན་ན་བོད་ཀྱི་ས་ཕྱོགས་འདྲ་མིན་གང་དུའང་་ཤི་རྗེས་དགེ་རྩ་སྒྲུབ་མཁན་གང་མང་ཡོད་པས་ཕྱི་མ་ལ་སྐྱེ་བ་ཡག་པོ་ཞིག་འཐོབ་རྒྱུའི་ངེས་པ་དང་སྤོབས་པ་སྟེར་ངེས་རེད།

2. ཐེག་པ་ཆེན་པོ་སྤྱི་དང་ལྷག་པར་སྔགས་ལུགས་གཞིར་བཞག་ན་ཤི་བོ་དེ་ཉིད་དང་རིགས་རུས་དང་། དངོས་རྫས་
   སོགས་ཀྱི་སྒོ་ནས་འབྲེལ་བ་དམིགས་བསལ་ཞིག་ཡོད་ན། བར་སྲིད་ཀྱི་གནས་སྐབས་སུ་ལས་ཁ་སྒྱུར་བ་སོགས་
   ཕན་ཐོགས་ཅུང་ཟད་འབྱུང་བར་ལུང་རིགས་གཉིས་ཀས་གྲུབ་སྟེ། ཀུན་རིག་དང་མི་འཁྲུགས་པ་སོགས་རྒྱུད་དེ་
   སྙེད་ཀྱིས་གྲུབ་པའི་ཕྱིར་དང་། རིགས་པས་ཀྱང་གྲུབ་སྟེ། ཤི་བོ་དེ་དང་དམིགས་བསལ་འབྲེལ་བ་ཡོད་པའི་
   ཕྱིར། འོན་ཀྱང་ལས་ཀྱི་འཕངས་འབྲས་སྐྱེ་བ་གྲུབ་ནས་ལས་ཁ་སྒྱུར་བ་མེད་ཀྱང་རྟེན་དེ་ལ་བདེ་བ་འབྱུང་བ་
   སོགས་ཕྲན་བུ་ཕན་པ་ཡོད་དོ། །

3. རྒྱལ་དབང་ལྔ་བ་ཆེན་པོས་བོན་གྱི་ལྷ་སྡེར་གཟིགས་ཕྱོགས་གནང་ཚུལ།

   སྤེལ་དུས།　2012-07-18　　 ཡོང་ཁུངས།　ཧི་མ་ལ་ཡའི་བོན་གྱི་དྲ་བ།　　 རྩོམ་པ་པོ། 　བསྟན་འཛིན་གྱིས་བསྒྲིགས།

   རྒྱལ་དབང་ལྔ་བ༼༡༦༡༧-༡༦༨༢༽མཆོག་གིས་གངས་ཅན་ལྗོངས་ཀྱི་བོན་གྱི་ལྷ་སྡེ་ལ་གཟིགས་ཕྱོགས་གནང་བའི་མཚམས་སྦྱོར།

   དེ་ཡང་རྒྱལ་དབང་ལྔ་བའི་རང་རྣམ༼འདི་སྣང་འཁྲུལ་བའི་རོལ་རྩེད་རྟོགས་བརྗོད་ཀྱི་ཚུལ་དུ་བཀོད་པ་དུ་ཀུ་ལའི་གོས་བཟང༽ཞེས་པར་གཡུང་དྲུང་བོན་གྱི་ལྷ་སྡེ་དང་དེའི་མི་སྣ་ཆེ་ཁག་འགའ་ཤས་དང་ཐུགས་ཉེ་བའི་སྐོར་གྱི་ལོ་རྒྱུས་མི་ཉུང་བ་ཞིག་བཀོད་ཡོད་པ་འདིར་བརྗོད་འདོད་བྱུང་། དེ་སྔ་བོན་གྱི་ལོ་རྒྱུས་ཡིག་ཆ་རྣམས་སུ་འདིའི་སྐོར་གང་ཡང་བྲིས་མེད་པས་ན་རྒྱུ་མཚན་དེ་བས་ཀྱང་གལ་ཆེ་བར་མཐོང་།

   རང་རྣམ་དུ་ཞང་སྟོན་སྒར་པ་སྐུ་མདུན་ལྷུན་གྲུབ་ཞེས་པ་བོན་གྱི་བླ་མ་དེ་ཉིད་རྒྱལ་དབང་ལྔ་བའི་སྐུ་མདུན་དུ་བཅར་བའི་བླ་མ་ཆེ་ཁག་གི་གྲས་ནས་ཤིན་དུ་གཙིགས་ཆེ་བར་གནང་བ་མ་ཟད་རྒྱལ་དབང་མཆོག་གི་བསྟན་སྲིད་དང་བོད་ཀྱི་བདེ་དོན་ལ་དམིགས་ནས་སྐུ་རིམ་ལན་མང་དུ་བསྒྲུབས། ཁོང་སྟོད་ལུང་དུ་ཡོད་པའི་ཞང་སྟོན་ཞེས་པའི་ཡུལ་ནས་ཕེབས་པས་ཞང་སྟོན་སྐུ་མདུན་ལྷུན་གྲུབ་ཞེས་ཞུས། དེ་བཞིན་འདིར་ཡང་ཞང་སྟོན་ཞེས་ཞུ་གི་ཡིན།

   སྤྱི་ལོ༡༦༧༡ལོར་རང་རྣམ་དུ༼ཟླ་བ་བཞི་བའི་འགོར་ཞང་སྟོན་སྐུ་མདུན་ལྷུན་གྲུབ་ཀྱིས་བོན་མཁའ་ཀློང་གི་མདོས་ཆེན་རིམ་གྲོ་གཏང་ཞིང་ལོ་སྔ་མ་ཚོར་ཡང་ཞང་ཞུང་ལུགས་ཀྱི་མོ་རྩིས་དང་དེར་བབས་པའི་བཅོས་རིམ་མང་དུ་མཛད།༽ཞེས་གསུངས། ༡དེ་བཞིན་དགྲ་སྲི་མནན་པ་དང་དགྲ་ལྷ་དཔང་བསྟོད་དང་ལྷག་པར་དུ་ཀླུ་བཅོས་སོགས་བོན་གྱི་གཏོ་ཆོག་མང་དུ་མཛད་ཡོད་པར་གསུངས། ༢སྤྱི་ལོ༡༦༧༡ལོར་ཞང་སྟོན་སྐུ་མདུན་ལྷུན་གྲུབ་ཀྱིས་ར་མོ་ཆེའི་ཀླུ་རྒྱལ་ལྕང་གསེབ་ཏུ་གཏའ་བསྡེམ་སོགས་བཅོས་ཀ་མཛད་པའི་ཚེ་ཀླུ་རྒྱལ་གྱི་འཁོར་དུ་ཁམས་སྤྲང་འདྲ་བ་གཉིས་འདུག་པ་ཅི་ཡིན་དྲིས་པར་འབྲུམ་པའི་ནད་བདག་ཡིན་ཟེར་བ་བྱུང་བས་ད་ལོར་འཐོར་ནད་ཞིག་ཡོང་ཉེན་ཆེ་ཚུལ་མོལ་བ་ལྟར་དེ་ནས་ཟླ་ཕྱེད་གསུམ་སྐོར་ཙམ་ལ་ལྷ་ས་ནས་རིམ་གྱིས་མཆེད་པའི་ལོ་ཕྱེད་གསུམ་ཚུན་ལ་དབུས་གཙང་ཐམས་ཅད་ཁྱབ་པས་ངེས་ཤེས་འདྲོང་བར་སྣང་། བོན་འདི་ལ་བོད་ཀྱི་ལྷ་རྣམས་དགའ་བར་མ་ཟད་ཀླུ་ལ་ལྷག་པར་མངའ་བརྙེས་པ་ཞིག་ཡོད་ཚོད་དུ་འདུག་ཞེས་གསུངས། ༣འདི་ནི་དོན་ལ་གནས་པའི་བོན་གྱི་གཟེངས་བསྟོད་ཞིག་རེད་འདུག དེར་བརྟེན་སྡེ་དགེ་པར་ཁང་དང་ལྷ་ས་ཞོལ་པར་ཁང་དང་རྟག་བརྟན་ཕུན་ཚོགས་གླིང་སོགས་སྐད་གྲགས་ཅན་གྱི་པར་ཁང་རྣམས་སུ་ཀླུ་འབུམ་དཀར་ནག་ཁྲ་གསུམ་གྱི་པར་ཤིང་བཞུགས་ཡོད་པ་མ་ཟད་བན་དེ་དགོན་སྡེ་ཆེ་ཁག་རྣམས་སུ་ཡང་གསུང་རབ་དེ་ཉིད་བཞུགས་སུ་གསོལ་ཡོད་པ་ཡོངས་གྲགས་ཡིན།

   འབྲུག་རྒྱལ་ཁབ་ཏུ་ཡོད་པའི་གཏེར་སྟོན་རྡོ་རྗེ་གླིང་བའམ་གཡུང་དྲུང་གླིང་བའི་གདུང་བརྒྱུད་ཨོ་རྒྱན་ཆོས་གླིང་དུ་གསུང་རབ་དེ་ཉིད་ཀྱི་ཤིང་པར་ཞིག་བཞུགས་ཡོད་པ་མཇལ་མྱོང་། དེའི་པར་བྱང་མི་གསལ་ཡང་ཕལ་ཆེར་བུམ་ཐང་བདེ་ཆེན་ནམ་ཕྱིས་སུ་པུ་ན་ཁར་གྲགས་པའི་ཤིང་པར་ཡིན་པ་འདྲ་སྙམ། སྤྱི་ལོ༡༦༧༡ལོའི་ཚེས་བཅོ་ལྔ་ལ་རང་རྣམ་དུ༼ཆབ་མདོ་རྗེ་དྲུང་རིན་པོ་ཆེའི་སྤྲུལ་སྐུ་དང་བོན་གཡུང་དྲུང་གི་མིག་གཅིག་བུ་སྐུ་མདུན་ལྷུན་གྲུབ། ཨ་མདོ་བའི་རྟ་འབུལ་བ་ཁ་ཤས། ནག་ཚང་ལྷ་སྐྱབས་ཅན་འཕྲད་མི་མང་།༽ཞེས་གསུངས། ༤འདིར་བོན་གཡུང་དྲུང་གི་མིག་གཅིག་བུ་ཞེས་གཟེངས་བསྟོད་གནང་བར་དཔྱད་ན་དུས་རབས་བཅུ་བདུན་པའི་ནང་བླ་མ་དེ་ཉིད་རྒྱལ་དབང་མཆོག་གིས་གཟིགས་མཐོང་ཆེན་པོ་གནང་བའི་བོན་གྱི་བླ་མ་ཞིག་སྐུ་ཡོན་ཆེ་ལ་ཧ་ཅང་གི་གྲགས་ཅན་ཞིག་ཡིན་པ་ཤེས་ཐུབ། སྐབས་འགར་རྒྱལ་དབང་མཆོག་གིས་ཞང་སྟོན་ལ་སྒར་པའམ་རི་ཁྲོད་པ་ཞེས་ཀྱང་འབོད་གནང་འདུག་པས་ཞང་སྟོན་སྐུ་མདུན་ནི་དུས་རབས་བཅུ་བདུན་པའི་ནང་དུ་ཕེབས་པའི་བོད་ཀྱི་བླ་མ་ཆེ་ཁག་ཚོ་ལྟ་བུ་སྒར་དང་སྐུ་འཁོར་བཅས་འགྲིམ་འགྲུལ་ལ་ཕེབས་པ་དང་སྐབས་འགའ་རེར་རི་ཁྲོད་ལ་བཞུགས་ནས་བྱ་བྲལ་གྱི་རྟུལ་ཞུགས་འཛིན་པའི་ཚུལ་ཡང་གནང་གི་ཡོད་པར་ངེས། དེ་བཞིན་རང་རྣམ་དུ༼ཞང་སྟོན་རི་ཁྲོད་པར་ཕྱི་ནང་གི་སྐད་ཆ་དུ་མ་འདུག་པར་ལ་ལར་དགོད་བྲོ་བ་དང་ལ་ལར་ཉམ་ང་བའང་འདུག༽ཅེས་གསུངས། ༥སྤྱི་ལོ༡༦༥༢ལོར་རྒྱལ་དབང་མཆོག་རྒྱལ་ས་པེ་ཅིང་དུ་ཆིབས་བསྒྱུར་གནང་སྐབས་འབྲས་སྤུངས་ནས་འགོ་བཙུགས་ཏེ་སྟོད་ལུང་བདེ་ཆེན་རྫོང་བརྒྱུད་ནས་ཕེབས། སྟོད་ལུང་དུ་ཡོད་པའི་ས་ཁུལ་ཞང་སྟོན་ཞེས་པར་སྐུ་འཚོ་བ་ཞང་སྟོན་སྐུ་མདུན་ལྷུན་གྲུབ་ཉིད་རྒྱལ་དབང་མཆོག་ལ་ཕེབས་སྐྱེལ་ཞུས་པར་ཕེབས། འདིའི་སྐོར་རང་རྣམ་དུ༼ཞང་སྟོན་སྒར་པ་སྐུ་མདུན་ལྷུན་གྲུབ་བི་རིའི་བླ་མ་དང་མག་པར་སོང་བས་རྒྱལ་བོ་ཡབ་སྲས་རྣམས་མི་དགྱེས་པའི་གཟིགས་ཕྱོགས་ལོག་པ་འདུག་པར་འཇིགས་པ་ལས་སྐྱབས་ཤིང་བསྙེན་རྫོགས་སུ་བསྒྲུབས་མཚན་ངག་དབང་ཚུལ་ཁྲིམས་གྲགས་པར་བཏགས།༽ཞེས་གསུངས། ༦འདིར་རྒྱལ་བོ་ཡབ་སྲས་ཞེས་པའི་རྒྱལ་བོ་ནི་སོག་པོ་གུ་ཤྲི་ཁན་བསྟན་འཛིན་ཆོས་རྒྱལ༼༡༥༨༢-༡༦༥༥༽ཡིན། འདིའི་ཚིག་ཟིན་དུ་མག་པ་ཞེས་འབྱུང་བས་ཞང་སྟོན་གྱི་གསང་ཡུམ་དེ་བི་རིའི་རྒྱལ་བོ་དོན་ཡོད་ཀྱི་སྐུ་སྲིང་ངམ་སྲས་མོ་ཞིག་ཡིན་པར་ངེས། དེ་བཞིན་ཁོང་བི་རིའི་རྒྱལ་བོའི་བླ་མ་ཞིག་ཡིན་པ་ཡང་གསལ། ཞང་སྟོན་གྱིས་རྒྱལ་དབང་མཆོག་གི་སྐུ་མདུན་དུ་བསྙེན་རྫོགས་བསྒྲུབས་ཞེས་གསུངས་པ་འདིའི་ཤུགས་བསྟན་དུ་གོང་སྨོས་རྒྱལ་བོས་ཞང་སྟོན་ཉིད་དགེ་ལུགས་པར་བསྒྱུར་དགོས་པའི་སྐུལ་ལྕག་བྱས་པར་སྙམ། དེར་བརྟེན་ཞང་སྟོན་སྐུ་མདུན་ལྷུན་གྲུབ་ཉིད་སྟོད་ལུང་བདེ་ཆེན་རྫོང་དུ་ཡོད་པའི་ཞང་སྟོན་ཞེས་པ་ནས་ཕེབས་པར་གདེང་འཇོག་བྱེད་ཐུབ། འདིར་བི་རི་ཞེས་བྲིས་པ་ནམ་རྒྱུན་བེ་རི་ཞེས་པ་ཁམས་དཀར་མཛེས་ཁུལ་གྱི་བྱང་ངོས་སུ་ཡོད།

   སྟོད་ལུང་བདེ་ཆེན་རྫོང་ཁུང་དུ་གྲོང་ཚོ་ཞང་སྟོན་ཞེས་པ་ཡོད་པ་དང་དེར་རྨེའུ་བརྒྱུད་འཛིན་པ་ཞིག་གིས་བཏབ་པའི་ཞང་སྟོན་འཕགས་པའི་གདན་ས་ཞེས་གྲགས་པ་ཡོད་ཅེས་མཁས་པ་དུང་དཀར་བློ་བཟང་འཕྲིན་ལས་ཀྱིས་ཁོང་གི་ཚིག་མཛོད་དུ་གསུངས་ཀྱང་ཁོང་གི་ལོ་རྒྱུས་དེའི་ཁུངས་སྨོས་མི་འདུག་པས་བློ་ཕམ་ཆེ། ༧པཎ་ཆེན་བློ་བཟང་ཆོས་ཀྱི་རྒྱལ་མཚན༼༡༥༦༧-༡༦༦༢༽ནི་རྒྱལ་དབང་མཆོག་རང་གི་དགེ་བའི་བཤེས་གཉེན་ཆེན་པོ་ཡིན་པར་མ་ཟད་སྐབས་དེར་དགེ་ལུགས་ཀྱི་བསྟན་པའི་བདག་པོ་ཡང་ཡིན། ཁོང་སྤྱི་ལོ༡༦༦༧ལོར་སྐུ་གཤེགས་པར་བརྟེན་རྒྱལ་དབང་མཆོག་གིས་པཎ་ཆེན་གྱི་སྤྲུལ་སྐུ་མྱུར་དུ་ཕེབས་པའི་སྨོན་ལམ་བརྩམས་འདུག འདིའི་སྐོར་རང་རྣམ་དུ༼སྤྲུལ་སྐུ་མྱུར་དུ་ཕེབས་པའི་སྨོན་ལམ་ཚིགས་བཅད་བྲིས་ཏེ་སེར་འབྲས་ཀྱི་ཚོགས་ཆེན་དུ་བཙུགས།༽ ཞེས་གསུངས། ༨སྤྲུལ་སྐུ་ཡང་ལོ་དེའི་རྗེས་མར་གཡས་རུ་བྲུ་ཡི་གདུང་བརྒྱུད་དུ་འཁྲུངས། རང་རྣམ་དུ༼བོན་གྲུ་ཚང་བའི་སར་སྔགས་གྲ་སློབ་དཔོན་སྒང་ཆེན་པ། དཔོན་ཚང་ཚ་རོང་པ། དབུ་མཛད་ཆོས་དབྱིངས་ཅན་གྱིས་རྗེ་གོང་མའི་སྐུ་ཆས་ཁྱེར་ངོས་འཛིན་ལ་ཕྱིན་པ་རྣམས་རིམ་པར་གསལ་བ་བྱུང་ཚུལ་ཕྱག་མཛོད་པས་རྨེད་པས་མི་སྣའི་བསྐུལ་མར་མགྲོན་གཉེར་གཞོན་པ་དཀར་བཅུ་ཆོས་འཕེལ་འབྱོར་དོན་བཞིན་རི་ཁྲོད་དགའ་ལྡན་སློབ་དཔོན་བྱམས་པ་རིན་ཆེན་གསུམ་སྐྱར་པོ་མགྲོན་གཉེར་རྡོ་རྗེ་དབང་ཕྱུག མདའ་དཔོན་འོར་པ་གསུམ་བཏང་བའི་སྤྲུལ་སྐུ་རིན་པོ་ཆེའི་མཚན་ལ་བློ་བཟང་ཡེ་ཤེས་སུ་གསོལ་ཐོག་སློབ་དཔོན་བྱམས་རིན་པས་མེ་ཏོག་གཏོར། ལེགས་འབུལ་གཟེངས་བསྟོད།༽ཞེས་གསུངས། ༩འདིར་བོན་གྲུ་ཚང་བ་ཞེས་བྲིས་གནང་བ་ནི་མ་དག་པ་རེད། གོང་སྨོས་ལྟར་བྲུ་ཚང་ཞེས་པའི་བྲུ་ནི་ཡུལ་བྲུ་ཞ་ཞེས་པ་དེང་རབས་ཅན་གྱི་རྒྱལ་ཁབ་པ་ཀི་སི་ཏན་གྱི་ནུབ་བྱང་དུ་ཡོད་པGilgitཞེས་པ་ཡིན་པར་འདོད། དེ་ཡང་ཏུན་ཧོང་ཡིག་རྙིང་དུ་སྤྱི་ལོ༧༣༧ལོར་བོད་ཀྱིས་མངའ་འོག་ཏུ་བཅུག ༡༠བོན་གྱི་ཡིག་ཆ་ཁག་ཏུའང་བྲུ་ཤ་གནམ་གསས་སྤྱི་རྟོལ་ཞེས་བྱ་བའི་རྗེས་འཛིན་ཞིག་བྲུ་ཤའི་ཡུལ་ནས་བོད་དུ་ཕེབས་ཏེ་ཁོང་གི་སྲས་བརྒྱུད་དག་བྲུ་ཚང་གདུང་བརྒྱུད་ཀྱི་ཡབ་མེས་ཡིན་པར་བཤད། ༡༡འདིར་རྒྱལ་དབང་མཆོག་གིས་རང་གི་བླ་མའི་སྤྲུལ་སྐུ་བོན་པོ་བྲུ་ཚང་བའི་གདུང་བརྒྱུད་དུ་ངོས་འཛིན་གནང་དགོས་དོན་ཞལ་གསལ་མ་བྱུང་རུང་དུས་སྐབས་དེར་བོན་གྱི་བསྟན་སྦྱིན་ཁམས་བེ་རིའི་རྒྱལ་བོ་དོན་ཡོད་དང་ཁོང་གི་ཕྱོགས་གཏོགས་བཀའ་བརྒྱུད་པའི་ཕྱོགས་འཛིན་གཙང་སྡེ་སྲིད་ཀརྨ་བསྟན་སྐྱོང་དབང་བོ༼༡༦༠༦-༡༦༤༢༽གཉིས་ཆབ་སྲིད་ཐོག་མགོ་གཞུག་ལོག་ཡོད་ན་ཡང་རྒྱལ་དབང་མཆོག་གིས་བོད་གཅིག་གྱུར་ཡོང་ཆེད་དུ་ཇོ་ནང་བ་ཕུད་གྲུབ་མཐའ་རིགས་མི་གཅིག་པ་ཚང་མར་ལས་དོན་ཅི་རིགས་ཐོག་ནས་གཟིགས་མཐོང་བླ་མེད་དུ་མཛད་འདུག ནམ་རྒྱུན་དུ་མི་ཁྱིམ་ཞིག་ཏུ་དགེ་ལུགས་པའི་སྤྲུལ་སྐུ་འཁྲུངས་ན་མི་ཁྱིམ་དེའི་མི་དང་ཡུལ་འཁོར་ཚང་མ་སྤྲུལ་སྐུའི་དགོན་པས་གཞུང་བཞེས་བྱེད་སྲོལ་ཡོད་ན་ཡང་འདི་སྐབས་སུ་བྲུ་ཚང་གི་གདུང་བརྒྱུད་རང་གནས་སུ་བཞག་སྟེ་བདག་རྐྱེན་མཛད་འདུག

   རང་རྣམ་དུ༼བོན་པོ་དར་སྡིངས་པས་གཏོར་ཟློག་དང་དགྲ་མནན༽ཞེས་ལན་གསུམ་གསུངས། ༡༢འདིར་དར་སྡིངས་པ་ནི་གཙང་ཁུལ་གྱི་ས་གནས་གཞད་ཞེས་པར་ཡོད་པའི་གྲོང་ཚོ་དར་སྡིངས་སུ་གདན་ཆགས་པའི་དམུ་གཤེན་གྱི་གདུང་བརྒྱུད་ནམ་རྒྱུན་དུ་གཤེན་ཚང་དུ་འབོད་པ་དེ་རེད།

   དེ་བཞིན་ཕོ་བྲང་པོ་ཏ་ལའི་ཚོམས་ཆེན་སྲིད་ཞི་ཕུན་ཚོགས་སོགས་ཚོམས་ཆེན་ཁག་ནང་རྒྱལ་དབང་མཆོག་གི་སྐུ་མདུན་དུ་བོད་ཀྱི་བླ་མ་ཆེ་ཁག་དང་སྡེ་དཔོན་དང་རྫོང་དཔོན་རྣམས་ཚོགས་འདུར་བཅར་སྐབས་མི་རེ་གདན་ཡིག་ལྟར་རང་གི་གནས་བབས་ལ་ལྟོས་པའི་གདན་ཐོག་ཏུ་བསྡོད་དགོས་པའི་བཅའ་ཁྲིམས་བཟོས་ཡོད་པ་རེད། དེའི་སྐོར་རང་རྣམ་དུ༼ཞང་སྟོན། དར་སྡིངས། རི་ཞིང་། གྲུ་ཚང་པའི་མི་ངོའི་རིགས་སོགས་ལ་མགོ་སྟན་རིགས་གསུམ། མཇུག་བསྒྲིགས་རིགས་གསུམ། སྟག་གདན་རིགས་གསུམ་།༽ཞེས་གསུངས། ༡༣འདིར་རི་ཞིང་ཞེས་པ་ནི་བོད་ལྗོངས་ལྷོ་ཁའི་ས་ཁུལ་དབང་ལྡན་ཞུ་ཚང་གི་གདན་ཆགས་པའི་ཡུལ་དེ་རེད། དེར་བརྟེན་བོན་པོ་གདུང་བརྒྱུད་ཆེ་ཁག་བཞི་ལ་བན་དེའི་བླ་མའམ་སྡེ་དཔོན་གོ་ས་མཐོན་པོ་དང་འདྲ་བར་གདན་ཐོབ་ཀྱི་རྟགས་གནང་བ་ནི་མགོ་སྟན་གཅིག་དེའི་སྟེང་དུ་མཇུག་བསྒྲིགས་དེའི་ཡང་ཐོག་ཏུ་སྟག་གདན་བཏིང་པ་བཅས་ཐོག་བརྩེགས་གསུམ་ལྡན་གྱི་གདན་ཁྲིར་འགྱིང་བའི་ཐོབ་ཐང་ཡོད་འདུག ༡༤སྤྱི་ལོ༡༦༧༩ལོར་མི་དབང་སངས་རྒྱས་རྒྱ་མཚོ༼༡༦༥༣-༡༧༠༥༽སྡེ་སྲིད་དུ་བསྐོ་བཞག་གནང་བའི་བཀའ་ཡིག་ནང་གཡུང་དྲུང་བོན་དམིགས་བསལ་དུ་སྨོས་པ་ནི་འདི་ལྟར༼ཛམ་བུ་བཀྲ་ཤིས་མངོན་པར་མཚན་པའི་ནོར་འཛིན་གྱི་གཞིར་འཁོད་པའི་ཉི་འོག་གི་སྐྱེ་རྒུ་སྤྱི་དང་བྱེ་བྲག་གདན་ས་ཆེན་པོ་སེར་འབྲས་དགེ་གསུམ་གམ་དུ་འཁོད་པའི་རྣམ་པར་རྒྱལ་བའི་ཕན་བདེ་ལེགས་བཤད་གླིང་བ་སོགས་རིས་མེད་ཀྱི་ཁྲིམས་ལྡན་འདུས་པའི་སྡེ་གསང་སྔགས་འཆང་བ་གཡུང་དྲུང་བོན་སོགས་ལྷ་སྡེར་གཏོགས་སོ་ཅོག་དང་སོག་པོ་ཚོ་ཆེན་བཞི་བཅུ་ཨོ་རོད་ཚོ་བ་བཞི་མཚོ་ཁྲི་ཤོར་རྒྱལ་མོའི་གྲམ་དུ་གནས་པའི་རྒྱལ་བོ་རྒྱལ་རིགས༽ཞེས་གསུངས། བཀའ་ཡིག་འདི་ཕོ་བྲང་པོ་ཏ་ལའི་ཤར་ཕྱོགས་ཕོ་བྲང་དཀར་པོ་ཞེས་པའི་གསུམ་སྐས་སྒོ་མཆོར་གྱི་གྱང་ངོས་སུའཁོད་ཡོད་པ་དང་དེའི་འོག་ཏུ་རྒྱལ་དབང་རང་གི་ཕྱག་རྗེས་ཡང་ཕྱག་ཐམ་གྱི་ཚུལ་དུ་བཀོད་འདུག འདིར་རྙིང་མ་བཀའ་བརྒྱུད་དང་ས་སྐྱ་སོགས་མ་སྨོས་པར་གཡུང་དྲུང་བོན་ཞེས་དམིགས་སུ་བཀར་ཏེ་གསུངས་པར་དགོས་དབང་ཁྱད་པ་ཅན་ཞིག་ཡོད་པར་སྙམ། བོད་ཀྱི་ལོ་རྒྱུས་ལ་མཁས་པ་སྐུ་ཞབས་ཧུ་རི་ཆར་སོན༼Hugh Richardson༽གྱི་བཀའ་ཡིག་དེའི་དབྱིན་འགྱུར་དུ་གསང་སྔགས་འཆང་བ་ཞེས་པའི་ཚིག་དེ་གཡུང་དྲུང་བོན་ཞེས་པའི་ཚིག་ལས་ལོགས་སུ་བཀར་ཏེ་བསྒྱུར་གནང་བ་ནི་དོན་དང་འགལ་བ་ཡིན་ཏེ་དགའ་ལྡན་ཕོ་བྲང་པའི་མངའ་འོག་ཏུ་བོད་དུ་གསང་སྔགས་འཆང་བ་ཞེས་ཆོས་ལུགས་དང་ལྷ་སྡེ་བྱེ་བྲག་པ་ཞིག་བྱུང་བའི་ལོ་རྒྱུས་མི་འདུག ༡༥འོན་ཏེ་གཡུང་དྲུང་བོན་ལ་གསང་སྔགས་འཆང་བ་ཞེས་འགྲེལ་བཤད་བསྐྱོན་གནང་བ་ཡང་དགོངས་དོན་གཞན་ཞིག་ལ་གཟིགས་པ་ཡིན་ལས་ཆེ། གང་ཡིན་ཞེ་ན་དུས་རབས་བཅུ་བདུན་པའི་ནང་བོན་གྱི་དགོན་གནས་དང་འདུས་སྡེ་ཁག་ཏུ་གསང་སྔགས་ཙམ་མ་ཟད་མདོ་དང་རྫོགས་ཆེན་གྱི་འཆད་ཉན་དང་ཉམས་ལེན་ཡང་ཤིན་ཏུ་དར་བའི་ལོ་རྒྱུས་ཡོད་དོ། །

   མཆན།

   ༡རང་རྣམ། པོད་གཉིས་པ། ལྡེབ། ༢༡༡།

   ༢རང་རྣམ། པོད་གཉིས་པ། ལྡེབ། ༡༨༢།

   ༣རང་རྣམ། པོད་གཉིས་པ། ལྡེབ། ༡༨༢།

   ༤རང་རྣམ། པོད་གཉིས་པ། ལྡེབ། ༢༣༧།

   ༥རང་རྣམ། པོད་གསུམ་པ། ལྡེབ། ༢༩༤།

   ༦རང་རྣམ། པོད་དང་པོ། ལྡེབ། ༣༤༨།

   ༧དུང་དཀར་ཚིག་མཛོད། ལྡེབ། ༡༧༦༠།

   ༨རང་རྣམ། པོད་གཉིས་པ། ལྡེབ། ༧༣།

   ༩རང་རྣམ། པོད་གཉིས་པ། ལྡེབ། ༧༤།

   ༡༠དབང་རྒྱལ་དང་བསོད་ནམས་སྐྱིད། ༡༩༨༠ ལྡེབ། ༣༤།

   ༡༡དཔེར་ན་ཤར་རྫ་བཀྲ་ཤིས་རྒྱལ་མཚན། ལེགས་བཤད་མཛོད། ལྡེབ། ༡༤༥།

   ༡༢རང་རྣམ། པོད་གཉིས་པ། ལྡེབ། ༤༢༣། པོད་གསུམ་པ། ལྡེབ། ༧༤།

   ༡༣རང་རྣམ། པོད་གཉིས་པ། ལྡེབ། ༡༧༣།

   ༡༤རང་རྣམ། པོད་གཉིས་པ། ལྡེབ། ༢༧༣།

   ༡༥Hugh Richardson ༡༩༩༨: ༤༤༡.

   དཔྱད་གཞིའིཁུངས་ཀྱི་ཡིག་ཆ།

   ངགདབང་བློ་བཟང་རྒྱ་མཚོའི་རྣམ་ཐར།

   སྟོད་ཆ་། བར་ཆ་། སྨད་ཆ་།

   བོད་ལྗོངས་མི་དམངས་དཔེ་སྐྲུན་ཁང་། ༡༩༩༡།

   Hugh Richardson

   High Peaks, Pure Earth, Collected Writings on Tibetan history and Culture,

   Serindia Publications, London ༡༩༩༨

   ཤར་རྫ་བཀྲ་ཤིས་རྒྱལ་མཚན། ལེགས་བཤད་རིན་པོ་ཆེའི་གཏེར་མཛོད། མི་རིགས་དཔེ་སྐྲུན་ཁང་། ༡༩༨༥།

   དབང་རྒྱལ་དང་བསོད་ནམས་སྐྱིད། ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ། མི་རིགས་དཔེ་སྐྲུན་ཁང་། ༡༩༨༠།

   དུང་དཀར་བློ་བཟང་འཕྲིན་ལས། དུང་དཀར་ཚིག་མཛོད་ཆེན་མོ། ཀྲུང་གོའི་བོད་རིག་པ་དཔེ་སྐྲུན་ཁང་། ༢༠༠༢།

4. ཞབས་བརྟན་སོགས་འདོན་དུས་ཚོགས་འཁོར་གྱི་ཆེད་ལྟ་བུར་དམིགས་པའི་ཟ་འཐུང་གི་རིགས་སྒྲིག་བཤམ་མང་དྲགས་ན་ལྟོ་འདུན་ཅན་ཚོས་ཆོས་འདོན་རྒྱུའི་ཚབ་ལ་བཟའ་བཏུང་གི་དམིགས་རྣམ་སྐྱོང་གི་རེད

5. སྐབས་དེར་བཀའ་བློན་ཁྲི་ཚབ་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་གིས་མཆོད་འབུལ་སྨོན་ལམ་དང་འབྲེལ་བའི་བཀའ་ཤག་གི་གཏམ་བཤད་སྒྲོགས་སྦྱང་གནང་བའི་ནང་འཁོད་དོན།

   དེ་རིང་གི་གཞུང་འབྲེལ་སྨོན་ལམ་འདུ་འཛོམས་འདིའི་ཚོགས་མགོན་དུ་ཕེབས་པའི་རྣམ་གྲྭ་མཁན་པོ་ཁྲོམ་ཐོག་རིན་པོ་ཆེས་དབུས་པའི་སྐྱབས་གནས་དགེ་འདུན་གྱི་སྡེ་དང་། བོད་མིའི་སྒྲིག་འཛུགས་ཀྱི་མཛད་གཙོ་རྣམ་པས་དབུས་པའི་ལས་བྱེད་རྣམ་པ། བཞུགས་སྐར་ས་གནས་ཀྱི་གཞུང་འབྲེལ་དང་གཞུང་འབྲེལ་མིན་པའི་ཚོགས་སྡེ་ཁག་གི་འགོ་འཐུས་རྣམ་པ། ས་གནས་མང་ཚོགས་བཅས་ཚང་མ་འདིར་ཕེབས་འཛོམས་གནང་བར་ཐུགས་རྗེ་ཆེ་ཞུ་བ་ཆབས་ཅིག་སྙན་གསན་ཐུང་ཙམ་ཞུ་རྒྱུར།

   གསར་འགྱུར་བརྒྱུད་ལམ་ཁག་ནས་ཚང་མས་མཁྱེན་རྟོགས་ཡོད་པ་བཞིན། ཕྱི་ལོ་ ༢༠༡༢ ཟླ་ ༧ ཚེས་ ༡༧ ཉིན་བོད་ནང་གི་ཉིན་གུང་ཆུ་ཚོད་ ༡༢ ཡོལ་ཙམ་ལ། མདོ་སྨད་རྔ་པ་བོད་རིགས་རང་སྐྱོང་ཁུལ། འབར་ཁམས་རྫོང། རྒྱལ་རོང་ཚོ་བདུན་ཀིརྟི་དགོན་པའི་གྲྭ་མཚན་ལ་བློ་བཟང་བློ་འཛིན་དང་། རང་ལོ་ ༡༨ ཡིན་པ་ཁོང་གིས་ཀིརྟི་དགོན་པའི་གླིང་དཀྱིལ་གྱི་འདུ་ཁང་དུ། རྒྱ་ནག་གཞུང་ལ་ཞི་བའི་སྐད་འབོད་གནང་བཞིན་པར། རང་ལུས་མེས་བསྲེགས་བཏང་སྟེ་འདས་གྲོངས་སུ་གྱུར་པའི་ཡིད་སྐྱོའི་གནས་ཚུལ་བྱུང་འདུག

   རྒྱལ་གཅེས་སྐུ་གཤེགས་བློ་བཟང་བློ་འཛིན་དེ་ཉིད་ནི། རྒྱལ་རོང་ཚོ་བདུན་ཞང་ཁོ་ལ་ཅང་སྡེ་པའི་མཁར་མགོ་ཚང་ཞེས་པ་ནས་ཡིན་པ་དང་། ཡབ་ཀྱི་མཚན་ལ་འབྱོར་རྒྱས་དང་། ཡུམ་གྱི་མཚན་ལ་ཚེ་པོ་པོ་ཞུ་གི་ཡོད་འདུག ཁོང་རང་ཆུང་ཆུང་སྐབས་ནས་རྒྱལ་རོང་ཚོ་བདུན་ཀིརྟི་དགོན་པར་ཆོས་ཞུགས་གནང་སྟེ་འཛིན་གྲྭའི་ནང་ནས་སློབ་སྦྱོང་དང་ཀུན་སྤྱོད་གཉིས་ཀ་རྩེ་ཕུད་གྲས་ཡིན་འདུག ད་ལྟ་ཁོང་གི་ཁྱིམ་ཚང་དེར་ནང་མི་ ༥ ཡོད་འདུག
   རྒྱལ་རོང་ཚོ་བདུན་ཀིརྟི་དགོན་པའི་མཚན་དངོས་དགེ་ལྡན་བཀྲིས་ཆོས་གླིང་ཡིན་འདུག་ཅིང་། དགོན་པ་དེ་ནི་མདོ་སྨད་རྒྱལ་རོང་ཁུལ་གྱི་དགོན་པ་ཆེ་ཤོས་ཤིག་ཡིན་པ་དང་། དེང་སང་དགེ་འདུག་ཞལ་གྲངས་ ༣༠༠ ལྷག་ཡོད་འདུག

   དེར་བརྟེན་དེ་རིང་གི་མཆོད་འབུལ་སྨོན་ལམ་འདི་བཞིན་རང་རེའི་བསྟན་སྲིད་རྩ་དོན་གྱི་ཆེད་དུ་རང་སྲོག་བློས་བཏང་མཁན་རྒྱལ་གཅེས་སྐུ་གཤེགས་བློ་བཟང་བློ་འཛིན་དེ་ཉིད་ཀྱི་ཆེད་དུ་འཚོགས་པ་ཞིག་ཡིན་པས། ཕྲན་ནས་བཀའ་ཤག་དང་བོད་མིའི་སྒྲིག་འཛུགས་སྤྱིའི་ཚབ་ཞུས་ཏེ་སྐུ་གཤེགས་དམ་པ་ཁོང་ལ་མྱ་ངན་གུས་འདུད་ཞུ་རྒྱུ་དང་། ཁོང་གི་ཤུལ་ལྷག་ནང་མི་རྣམས་ལ་སེམས་གསོ་གཏིང་ཟབ་རྒྱུ་རྒྱུ་ཡིན། འདིར་ཕེབས་པ་ཚང་མས་ཀྱང་དམ་པ་དེ་ཉིད་ཀྱི་ཆེད་བསྔོ་སྨོན་མཚམས་སྦྱོར་ཟབ་སྨིན་དང་། ཁོང་གི་རེ་དོན་གང་ཡོད་མྱུར་དུ་འགྲུབ་པའི་ཐུགས་སྨོན་སྐྱབས་འཇུག་གནང་རོགས་ཞུ་རྒྱུ་ཡིན།

   སྐུ་གཤེགས་བློ་བཟང་བློ་འཛིན་ལགས་ནི། ཕྱི་ལོ་ ༢༠༠༩ ནས་ད་བར་བོད་ནང་དུ་རང་ལུས་མེར་བསྲེགས་གནང་མཁན་ ༤༤ པ་དེ་ཡིན་པ་དང་། རང་ལུས་མེར་བསྲེགས་གནང་སྟེ་འདས་གྲོངས་སུ་གྱུར་མཁན་ ༣༤ དེ་ཆགས་ཡོད། འདས་པའི་ལོ་ངོ་བཞིའི་ནང་གཞིས་བཞུགས་བོད་རིགས་སྤུན་ཟླ་ ༤༤ ཡིས་རང་ལུས་མེར་བསྲེགས་གནང་དགོས་པའི་རྒྱུ་རྐྱེན་གཙོ་བོ་ནི། རྒྱ་ནག་གཞུང་ནས་བོད་དང་བོད་མིའི་ཐོག་མཁྲེགས་འཛིན་དང་ལག་བསྟར་བྱེད་པའི་སྲིད་བྱུས་དེ་དག་ཡིན་པས། རྒྱ་ནག་གཞུང་གི་ངོས་ནས་བོད་ཀྱི་དཀའ་རྙོག་དེ་སེལ་དགོས་པ་ཞིག་ཏུ་ངོས་འཛིན་བྱེད་ཀྱི་ཡོད་ན། ད་བར་བོད་དང་བོད་མིའི་ཐོག་མཁྲེགས་འཛིན་དང་ལག་བསྟར་བྱེད་པའི་སྲིད་བྱུས་དེ་དག་ལ༌བསྐྱར་ཞིབ་ཀྱིས་འགྱུར་བ་ངེས་པར་གཏོང་དགོས་ཞེས་ནན་བརྗོད་བྱ་རྒྱུ་ཡིན། དེ་བཞིན་བཙན་བྱོལ་དུ་ཡོད་པའི་བོད་མི་ཡོངས་ནས་བོད་ཀྱི་རྩ་དོན་ཆེད་དུ་རང་སྲོག་བློས་བཏང་གནང་མཁན་རྒྱལ་གཅེས་སྤུན་ཟླ་ཕོ་མོ་དེ་དག་གིས་འཆི་ཁའི་ཁ་ཆེམས་ཀྱི་ངོ་བོར་བཏོན་པའི་རེ་དོན་རྣམས་བསྒྲུབ་ཐུབ་པའི་དམ་བཅའ་བརྟན་པོ་དང་འབད་རྩོལ་ལྷོད་མེད་ངེས་པར་གནང་དགོས་ཞེས་དྲན་བསྐུལ་ཞུ་རྒྱུ་ཡིན། བཀའ་ཤག་ནས་ཕྱི་ལོ་ ༢༠༡༢ ཟླ་ ༧ ཚེས་ ༡༨ ལ།།

6. ཆོས་ད་གང་ཤེས་་་་སྤོ་རྨོ་ཚོ་དང་གྲྭ་སྡོམ་ཚོའི་འཚོགས་མ་ཚར་བར་དུ་ཚོགས་ཅི་ཙམ་རེག་པར་རྔམ་ནས་བསྡད་ཡོད་པ་རེད་་་་་་སྦྱིན་པ་བཏང་བ་རེད་་་ཡག་པོ་རེད་་་་ནམ་རྒྱུན་སྦྱིན་པ་བཏང་ན་ནམ་ཞིག་ཚོགས་པ་ཚོ་སྤྲང་འགོར་ཆགས་ཡོང་་་ཧཧ

7. ག་རེ་མཆོད་འབུལ་སྨོན་ལམ། གསོན་པོ་དམྱལ་བར་བརྫངས་པའི་རྟེན་འབྲེལ་མཛད་སྒོ་དང་། ཕྱི་རྒྱལ་ཁག་ལ་འཁྲབ་སྟོན་ཞུས་སའི་ཆོས་དོན་སྲིད་ལ་བསྒྱུར་བའི་་་་ཆོ་ག་གཏོང་བཞིན་པ་རེད།།

8. ་བོད་རིགས་སྤུན་ཟླ་ཚོར་མ་ཤི་གསོན་སྲེགས་དགོས་པའི་སྐུལ་མ་གཏོང་བྱེད་ཀྱི་སྐུལ་རྫས་ཞིག་ཀྱང་རེད། །དེར་ཕེབས་པའི་བླ་གཟུགས་དང་མཁན་གཟུགས་ཅན་དེ་ཚོ་ནི་་་་མ་ཤི་གསོན་སྲེགས་བྱེད་མཁན་གྱི་སློབ་དཔོན་རྐྱང་རེད། །ལྟས་ངན་པ་དེ་ཚོས་ག་རེ་ལབ་ཀྱི་ཡོ་རེད་ཟེར་ན་་་་་ད་རེས་འདི་ལ་ང་ཚོས་གྲ་རྒྱས་པོ་ཞིག་བྱེད་ཐོག་ན་རྗེས་མ་ནས་ཡང་སྐྱུར་མང་ཙམ་ཡོང་ཡག་གི་རེ་བ་ཡོ་རེད་ད།
   མ་ཟད་ཕྱི་རྒྱལ་ཚོར་བཤད་བདེ་པོ་ཡང་ཡོ་རེད་ཟེ་ལབ་ཀྱི་ཡོད་རེད།།

9. ཡང་ངེད་གཉིས་ཐུག་སོང་སྟེ། ཁྱོད་དོལ་ཚོགས་ཀྱི་མི་དང་རྒྱ་དམར་གྱི་རྒྱུག་ཁྱི་ཡིན་པ་ར་འཕྲོད་བྱུད་ཟིན་པས།
   ཁ་ཡ་མི་བྱེད། དངོས་གནས་དཔོན་ངན་ནི་ཁྱོད་ཀྱི་ལྟོ་གོས་ཞུ་ས་ཀླ་ཀློ་གསོན་པོ་དེ་ཡིན་ནོ་། །ཞེས་བརྗོད་པར་
   བྱ་ལ། ཁྱི་ངན་ཁྱོད་ཀྱིས་བཙན་བྱོལ་སྤྱི་ཚོགས་འདི་ཐུག་པ་དཀྲུག་དཀྲུག་བྱེད་སེམས་པའི་རྨི་ལམ་སྟོང་བ་མ་
   གཏོང་ཧ་གོ་སོང་ངམ།

10. ཧ་ཧ་་་་ང་གཉིས་ལ་ལས་འཕྲོག་ཞེ་བྲག་ཡོད་ས་རེད་ཨ། ང་རང་ག་རེ་ཡིན་ནའང་ཁྱད་པར་མི་འདུག །འོན་སྟངས་བཙན་བྱོལ་སྤྱི་ཚོགས་འདི་ངས་ཐུག་པ་དཀྲུག་དཀྲུག་བྱེད་དགོས་ཡག་མི་འདུག །བརྡ་སར་དཔོན་ཚོས་ད་བར་དཀྲུག་ཡག་ཡོད་ཚོད་ལ་དཀྲུགས་ཚར་བ་རེད། སོང་ཙང་ངས་བསྐྱུར་དུ་དཀྲུག་ཡག་གི་བྱ་བ་གང་ཡང་ལྷག་མི་འདུག། ལོའོ།།

11. འགའ་ཞིག་སྲོག་དང་ཁྲག་གིས་མཆོད། །
    འགའ་ཞིག་བསགས་པའི་དངུལ་ལོར་མཆོད། །
    འགའ་ཞིག་བག་ལེབ་མངར་ཟས་མཆོད། །
    འགའ་ཞིག་ཁ་ཏོན་སྒྲུབ་པས་མཆོད། །

    མཆོད་དོན་འབྲས་བུ་མྱུར་སྨིན་ཤོག །

12. དེ་ཙམ་གྱི་དོན་སྙིང་ལྡན་པ་ཞིག་ཅང་མ་མཐོང་། འབུམ་ཚོགས་སྐབས་རྡ་སའི་སྤོ་སྨོ་རྣམས་ཀྱིས་མུ་གེ་ཤོར་བ་བཞིན་ཧབ་ཐོབ་རྒྱག་ཡོད་པ་རེད། ཡིད་མ་ཆེས་ན་དོ་སྣང་བྱོས།

13. བརྡ་སའི་བོད་མི་ཚོར་བོད་དོན་ལ་སེམས་ཤུགས་ཡོད་མཁན་ནི་ཉིན་མའི་སྐར་མ་རང་རེད། ཁོང་ཚོའི་ལས་ཀ་གཙོ་བོ་ནི་སྙེགས་ལས་ཁང་དུ་གསར་འབྱོར་བ་ཚོ་མགོ་སྐོར་གཏོང་ཡག་དང་གཅིག །གྲྭ་པ་དང་ཨ་ཉེ་ཚོར་ཁ་གཏོང་ཡག་དང་གཉིས། ཕྱི་རྒྱལ་ཡུལ་སྐོར་སྤྲོ་འཆམ་བ་ཚོར་གཡོ་སྒྱུ་དང་སྤྲེད་ལད་འཁྲབ་ནས་དངུལ་གསོག་ཡག་དང་གསུམ། ཆོལ་གསུམ་བར་གྱི་འཁོན་འཛིན་སྐྱངས་ནས་དུས་འདའ་བ་དང་བཞི། ཕོ་མོ་རྒན་གཞོན་ཚང་མས་ཁ་ཚིག་སྣ་རལ་བ་སོགས་ཀྱི་དཀའ་ངལ་བགྲངས་ནས་ཕྱི་མི་ཚོར་ཞལ་འདེབས་སློང་བ་དང་ལྔ་པོ་འདིའི་སྒོ་མས་མི་ཚེ་སྐྱེལ་པ་རེད་མ་གཏོགས་བོད་སྤྱི་པའི་དོན་ཟེར་ཡག་དེ་གནའ་སྒྲུང་ཞིག་ལ་བརྩིས་ཀྱི་རེད། དངོས་གནས་བྱས་ན་༧གོང་ཐམས་ཅད་མཁྱེན་པ་བཞུགས་སའི་གནས་ཁྱད་པར་ཅན་ཡིན་པར་བརྟེན་དེའི་ཉེ་འཁོར་མི་སྡེ་ཚང་མ་ཞི་ཞི་དུལ་བ་དང་ཀུན་སྤྱོད་གཙང་བ་ཆོས་དད་ཆེན་པོ་སོགས་དགོས་ངེས་རེད་དེ། 
    གང་དྲག་དེ་ལས་ལྡོག་སྟེ་བྱེད་སྟངས་དེ་འདྲ་རེད། ཡིད་མ་ཆེས་ན་དེར་ཕེབས་ནས་ཉིན་གྲངས་ཁ་ཤས་སྡོད་དང་ལམ་སང་ཧ་གོ་ཡི་རེད།།

14. སྒོ་ནས་་་་་་བཅོས་རོགས་གནང་།

15. ད་བྱས་ན་རང་དབང་ཨ་རྡུ་མན་འདི་ཉལ་ཡུལ་ཞིག་ཡིན་པ་འདྲ། སྔ་དྲོའི་དགེ་སྦྱོར་མ་རིག་པར་ཕྱི་དྲོའི་ཆགས་སྦྱོར་རྐྱང་རྐྱང་མ་གཏོགས་བཤད་ཡ་མི་འདུག།
    ཁྱོ་ལ་མྱིག་གཉིས་ཀྱིས་མ་འདང་པར་མྱིག་གསུམ་དགོས་འི་ཡོད་པ་འདྲ། དེ་མིན་ན་མྱིག་ཡ་གཅིག་དེ་ཞར་ཡོད་པ་འདྲ། གང་ལྟར། མེད་དགུ་འདོན་པའི་ཨ་རྡུ་མན་གྱི་གསོལ་འདེབས།
    རྣ་མེད། མྱིག་མེད། ལ་རྒྱ་མེད། མཐུན་སྒྲིལ་མེད། ཡ་རབས་ཀྱི་སྤྱོད་པ་མེད། ཆབ་སྲིད་ཀྱི་ལྟ་བ་མེད། ཆེ་ལ་གུས་བ་མེད། དམན་ལ་བརྩི་འཇོག་མེད། བོད་ལ་དགོས་པའི་ཁ་ཏ་སླབ་བྱ་སོགས་གང་ཡང་མེད་པའི་མེད་དགུ་ཨ་རྡུ་མན་ལ་ཕྱག་འཚལ་ལོ།

16. འོ་ཡ་ད་ཡིན་ན་་་་ཕྱག་འཚལ་མཁན་ཞིག་རག་སོང་། གནམ་ལགས་་་་་་ད་ཡིན་ན་ཁྱེད་རང་བསོད་ནམས་ཆེན་པོ་བསགས་པ་རེད་སོང་ཙང་་རྗེས་མ་ནས་ཕྱག་མང་ཙམ་འཚོལ་ཨ། ད་དུང་རང་དབང་ཨ་རྡུ་མན་་་་ང་ཡི་མཚན་སྔགས་བགྲང་ཐུབ་ན་ཡག་པོ་ཡོ་རེད་ད།
    འོ་ཡ་་་་་དོན་དེ་རྣམས་མ་བརྗེད་ཡིད་ལ་ཟུང་ཤིང་ང་ཡི་བུ།།

17. དུས་ཆེན་ངོ་སྤྲོད། 

    2012/ལོར/ སྟོན་པ་ཤཱཀྱ་ཐུབ་པ་སྐུ་འཁྲུངས་ཏེ་ལོ་ངོ་ ༢༦༣༧ འཁོར་བ།
    　　
    བོད་ཟླ་བཞི་པར་ས་ག་ཟླ་བའམ་འབུམ་འགྱུར་ཟླ་བ་ཟེར་ཞིང་། འདི་ནི་ནང་བསྟན་གྱི་དུས་ཆེན་གཙོ་བོ་ཞིག་སྟེ། སྟོན་པ་ཤཱཀྱ་ཐུབ་པ་དགའ་ལྡན་གྱི་གནས་ནས་གཟིགས་པ་ལྔས་གླང་པོ་ཆེ་ཐལ་དཀར་མཆེ་བ་དྲུག་ལྡན་གྱི་རྣམ་པར་བརྫུས་ཏེ་ས་ལུག་ཆུ་སྟོད་ཟླ་བ་དྲུག་པའི་ཚེས་བཅོ་ལྔ་ཉིན་ལྷ་མོ་སྒྱུ་འཕྲུལ་མའི་ལྷུམས་སུ་ཞུགས་ནས་ལྕགས་སྤྲེལ་ས་ག་ཟླ་བའི་ཚེས་བདུན་ཉིན་ལུམ་བྷིའི་ཚལ་དུ་སྐུ་བལྟམས་པ་དང་གཅིག  ཤིང་རྟ་ལོའི་ས་ག་ཟླ་བའི་ཡར་ཚེས་བཅོ་ལྔ་ཉིན་གྱི་མཚན་མོར་བྱང་ཆུབ་ཆེན་པོའི་ཤིང་གི་དྲུང་དུ་གཡོ་མེད་ཏིང་འཛིན་ལ་གནས་ཏེ་སྲོད་ལ་བདུད་འདུལ་བ་དང་ཐོ་རེངས་ལ་མངོན་པར་རྫོགས་པར་སངས་རྒྱས་པ་དང་གཉིས། ལྕགས་འབྲུག་ལོའི་ས་ག་ཟླ་བའི་ཚེས་བཅོ་ལྔ་ཉིན་རྩྭ་མཆོག་གྲོང་དུ་གཤེགས་ཏེ་ས་ལའི་ཚལ་གྱི་དབུས་ཐ་མལ་གྱི་གཟིམ་ཁྲིར་བཞུགས་ཤིང་ཉན་ཐོས་འོད་སྲུང་ཆེན་པོ་ལ་བསྟན་པ་གཏད། འདུས་བྱས་ཐམས་ཅད་ནི་མི་རྟག་པ་དང་། ཆོས་ཐམས་ཅད་སྟོང་ཞིང་བདག་མེད་པ། ཟག་བཅས་ཐམས་ཅད་སྡུག་བསྔལ་བ། མྱ་ངན་ལས་འདས་པ་ཞི་བ་ཞེས་གསུང་གི་ཐ་མ་བཀར་བཏགས་ཀྱི་ཕྱག་རྒྱ་བཞི་བསྩལ་ནས་ཟག་མེད་ཆོས་ཀྱི་དབྱིངས་སུ་སྐུ་མྱ་ངན་ལས་འདས་པའི་མཛད་པ་བསྟན་པ་བཅས་དུས་མཆོད་ཆེན་པོ་གསུམ་གཅིག་ཏུ་ཁེལ་བའི་བྱིན་རླབས་ཀྱིས་ཕྱུག་པའི་དུས་ཕུན་སུམ་ཚོགས་པ་ཞིག་ཡིན། 

    ༄། ། བོད་ཟླ་བཞི་པར་ས་ག་ཟླ་བ་ཟེར་ཞིང༌། ཟླ་བ་འདིའི་ནང་དུ་བདག་ཅག་གི་སྟོན་པ་ཤཱཀྱ་ཐུབ་པས་གདུལ་བྱ་རྣམས་ཐར་པ་དང་ཐམས་ཅད་མཁྱེན་པའི་གནས་སུ་འགོད་ཆེད་མཛད་པ་བརྗོད་ལས་འདས་པ་བཞེས་ཡོད་པའི་ནང་ནས། སྐུ་བལྟམས་པའི་མཛད་པ་དང༌། རབ་ཏུ་བྱུང་བའི་མཛད་པ། བདུད་བཏུལ་བའི་མཛད་པ། སངས་རྒྱས་པའི་མཛད་པ། མྱ་ངན་ལས་འདས་པའི་མཛད་པ་བཅས་དུས་ཆེན་ལྔ་འཛོམས་ཀྱི་ཟླ་བ་ཞིག་ཡིན་ལ། དམིགས་བསལ་ཚེས་ ༡༥ ཉིན་སྐུ་བལྟམས་པའི་མཛད་པ་དང༌། སངས་རྒྱས་པའི་མཛད་པ། མྱ་ངན་ལས་འདས་པའི་མཛད་པ་བཅས་ཀྱི་དུས་ཆེན་གསུམ་འཛོམས་ཀྱི་ཁྱད་འཕགས་ཅན་གྱི་ཉིན་མོ་ཞིག་ཡིན་པས་རྣམ་དཀར་དགེ་བའི་བྱ་བ་སྤེལ་ན་བྱིན་རླབས་དང་ཕན་ཡོན་ཤིནཏུ་ཆེ་བའི་དུས་སྟོན་ཞིག་ཡིན། དེ་སྔ་བོད་རང་བཙན་ཡིན་སྐབས་ཚེས་བཅོ་ལྔའི་ཉིན་དེར་བོད་གཞུང་གི་བཀའ་བློན་རྣམ་པས་གཙོས་ཤོད་སྐོར་ཡོངས་རྫོགས་ལྷ་སའི་གཙུག་ལག་ཁང་དང་ར་མོ་ཆེ། ཞི་ཁྲོ་ལྷ་ཁང༌། ནོར་གླིང་བསྐལ་བཟང་ཕོ་བྲང༌། རྩེ་ཕོ་བྲང་སོགས་སུ་མཆོད་མཇལ་དང་གླིང་སྐོར་ལ་ཕེབས་ཀྱི་ཡོད། ཉིན་དེར་ལྷ་སའི་གྲོང་མི་རྣམས་ཀྱིས་ཞོགས་པའི་ཕྱག་མཆོད་རྣམས་གྲུབ་རྗེས་གཟབ་མཆོར་ལེགས་པར་སྤྲས་པ་དང་སྦྲགས་ཇ་ཆང་ཞིམ་ཟས་ཁྱེར་ཏེ་རྫོང་རྒྱབ་ཀླུ་ཁང་དུ་ཀོ་གྲུར་ཞུགས་ནས་མཚོ་སྐོར་དང༌། གླུ་གཞས་རྣམ་ཐར་སོགས་བླངས་ཏེ་སྤྲོ་སྐྱིད་གཏོང་སྲོལ་ཡོད།

    ༄།།ལྷ་བབས་དུས་ཆེན།

    ལྷ་བབས་དུས་ཆེན་ནི་སྟོན་པ་ཐུབ་པའི་དབང་པོས་འདུལ་བྱ་རྣམས་ཐར་པ་དང་ཐམས་ཅད་མཁྱེན་པའི་གནས་སུ་འཁྲིད་ཐབས་སུ་མཛད་པ་བཅུ་གཉིས་སོགས་མཛད་པའི་རྣམ་གྲངས་མང་པོ་ཞིག་བསྟན་གནང་ཡོད་པའི་ནང་ཚན་ཞིག་ཡིན་ཞིང་། བོད་མི་ཚོས་དུས་ཆེན་འདི་ཉིད་ཧོར་ཟླ་ ༩ ཚེས་ ༢༢ ཉིན་འཁེལ་བར་ངོས་འཛིན་གྱིས་རྗེས་དྲན་ཞུས་དང་ཞུ་མུས་རེད། 

    དེ་ཡང་སྟོན་པ་སངས་རྒྱས་ཤཱཀྱ་ཐུབ་པ་མཆོག་དགུང་གྲངས་ ༤༡ ལ་ཕེབས་པ་ལྩགས་ཕོ་བྱི་བའི་ལོར། རང་ཉིད་ཀྱི་ཡུམ་སྒྱུ་མ་ལྷ་མཛེས་མི་ཡུལ་ནས་ཚེ་འཕོས་ཏེ་འདོད་ལྷར་སྐྱེས་པ་དེ་ཉིད་གཙོ་བར་གྱུར་བའི་ལྷ་གྲངས་ལས་འདས་པ་ཞིག་གི་རྒྱུད་ལ་རྣམ་དཀར་ཐར་པ་ཆ་མཐུན་གྱི་དགེ་བའི་རྩ་བ་ཡོད་པ་རྣམས་སྨིན་གྲོལ་གྱི་གནས་སུ་འགོད་པའི་དུས་ལ་བབས་པ་མཁྱེན་ནས། སངས་རྒྱས་འཁོར་དང་བཅས་པ་ལྷ་གནས་སུམ་ཅུ་རྩ་གསུམ་དུ་ཕེབས་ནས། ལྭ་བ་དཀར་པོ་ལྟ་བུའི་རྡོ་ལེབ་ཀྱི་སྟེང་དུ། ཤ་རིའི་བུ་དང་འོད་སྲུངས་སོགས་དགྲ་བཅོམ་པ་བརྒྱད་སྟོང་གི་འཁོར་གྱི་དབུས་སུ་དབྱར་གནས་མཛད་པར་མ་ཟད་ཡུམ་སྒྱུ་མ་ལྷ་མཛེས་ཀྱི་སྐུ་སྐྱེ་སོགས་ལྷ་ཡི་རིས་ཀྱི་གདུལ་བྱ་རྣམས་ལ་ཆོས་སྟོན་བཞིན་བཞུགས། 

    དེའི་དུས་སུ་རྒྱ་གར་གྱི་ཡུལ་མཉན་ཡོད་ཅེས་པར། རྫུ་འཕྲུལ་ཅན་གྱི་མཆོག་གྱུར་འཕགས་པ་མོའུ་འགལ་གྱི་བུ་ལ་སོགས་པའི་ཚངས་པར་སྤྱོད་པའི་དགེ་སློང་དུ་མ་ཐབས་གཅིག་ཏུ་དབྱར་གནས་མཛད་བཞིན་བཞུགས་པ་ན། རྒྱ་གར་ཡུལ་དབུས་ཀྱི་རྒྱལ་པོ་གཟུགས་ཅན་སྙིང་པོས་གཙོས་རྒྱལ་པོ་གསལ་རྒྱལ་ལ་སོགས་པའི་མི་རྣམས་ཀྱིས་བཅོམ་ལྡན་འདས་གང་དུ་བཞུགས་པ་མ་ཤེས་པས། འཕགས་པ་མོའུ་འགལ་གྱི་བུའི་དྲུང་དུ་སོང་ནས་དྲི་བ་ཞུས་པའི་ལན་དུ། མོའུ་འགལ་གྱི་བུས་བཅོམ་ལྡན་འདས་ལྷ་ཡི་གནས་སུ་བཞུགས་ཡོད་ཅེས་གསུངས། དེ་ནས་ཞག་དགུ་བཅུ་འདས་པའི་དུས་སུ་གོང་གསལ་རྒྱལ་པོས་དབུས་པའི་མི་རྣམས་ཀྱིས་ཡང་བསྐྱར་མོའུ་འགལ་གྱི་བུ་ལ། འོ་ཅག་གིས་སྟོན་པ་ཐུགས་རྗེ་ཅན་གྱི་སྐུ་མ་མཐོང་ཞིང་། གསུང་ཡང་མ་ཐོས་པར་ཡུན་རིང་སོང་བས། འཕགས་པ་རྫུ་འཕྲུལ་ཅན་ཁྱེད་ཀྱིས་བཅོམ་ལྡན་འདས་ལ་ཞུས་ལ་འཛམ་གླིང་དུ་སྤྱན་དྲོངས་རོགས་ཞེས་གསོལ་བས། འཕགས་པ་མོའུ་འགལ་གྱི་བུས་ཀྱང་སྐད་ཅིག་དེ་ཉིད་དུ་ལྷའི་གནས་སུ་བྱོན་ཏེ་སངས་རྒྱས་ལ། མིའི་འགྲོ་བ་རྣམས་ལྷའི་ཡུལ་ལ་འོང་བར་དཀའ་ཡང་། ལྷ་རྣམས་ནི་འཛམ་བུའི་གླིང་དུ་འོང་བར་དཀའ་བ་མེད་ན། སྟོན་པ་ཐུགས་རྗེ་ཅན། མིའི་རིགས་ཀྱི་འགྲོ་བ་རྣམས་ལ་བརྩེ་བས་དགོངས་ནས་འཛམ་བུ་གླིང་དུ་བྱོན་རོགས་ཞེས་གསོལ་བ་བཏབ་པ་ལྟར། སྟོན་པ་མཆོག་གིས་ཀྱང་། བདུན་ཕྲག་གཅིག་ནས་གསལ་ལྡན་གྱི་གྲོང་གི་ལ་བ་ཛ་རའི་ནགས་སུ་ཨུ་དུམ་ཝ་རའི་ཤིང་དྲུང་དུ་བྱོན་པར་ཞལ་གྱིས་བཞེས། མོའུ་འགལ་གྱི་བུས་སྐད་ཅིག་ཉིད་ལ་སླར་མི་ཡུལ་དུ་བྱོན་ནས་མི་རྣམས་ལ་གསུངས་པས་མི་རྣམས་ཡིད་རབ་ཏུ་མགུ་ནས་ས་ཕྱོགས་གང་དེར་བྱི་དོར་དང་། མཆོད་པའི་ཚོགས་རྒྱ་ཆེན་པོ་བཤམས་ཏེ་ཕེབས་སྒུག་ཞུས། 

    སངས་རྒྱས་ལྷ་ཡུལ་ནས་མི་ཡུལ་དུ་ཕེབས་པའི་ཉི་མོར། ལྷ་ཡི་དབང་པོ་བརྒྱ་བྱིན་གྱིས་ལྷའི་བཟོ་བོ་བིཤྭ་ཀརྨ་ལ་བཀའ་གནང་སྟེ་རི་རབ་ཀྱི་རྩེ་མོ་སུམ་ཅུ་རྩ་གསུམ་ནས་མི་ཡུལ་བར་དུ་དཀྱིལ་ལ་རིན་ཆེན་བེཌཱུརྱའི་ཐེམ་སྐས་དང་། དེའི་གཡས་ཕྱོགས་སུ་གསེར་དང་། གཡོན་དུ་ཤེལ་ལས་གྲུབ་པའི་ཐེམ་སྐད་བཙུགས། ལྷ་ཚངས་པས་རིན་པོ་ཆེའི་རྔ་གཡབ་སངས་རྒྱས་ཀྱི་སྐུ་ལ་གཡོབ་བཞིན་སྐུའི་གཡས་ཕྱོགས་ཀྱི་གསེར་གྱི་ཐེམ་སྐས་ནས་འོངས་ཤིང་། ལྷ་དབང་བརྒྱ་བྱིན་གྱིས་ལྷ་ཡི་གདུགས་རྩིབས་སྟོང་ཅན་ལག་ཏུ་བཟུང་སྟེ་སངས་རྒྱས་ཀྱི་སྐུའི་གཡོན་ཕྱོགས་ཤེལ་གྱི་ཐེམ་སྐས་སྟེང་ནས་འོངས། སངས་རྒྱས་འཁོར་དང་བཅས་པ་རྣམས་བེཌཱུ་རྱའི་ཐེམ་སྐས་ནས་ཕེབས། དེ་ཡང་བཅོམ་ལྡན་འདས་ཀྱི་ཞབས་ས་ལ་རེག་ཏེ་ཕེབས་ན། ཕྱི་རོལ་བ་ལ་སོགས་པའི་སྐྱེ་བོ་ངན་རྟོགས་ཅན་རྣམས་ཀྱིས། ད་དགེ་སྦྱོང་གོ་ཏ་མ། མཐུ་དང་རྫུ་འཕྲུལ་ཉམས་སོ་ཞེས་ལོག་རྟོག་ངན་པ་སྐྱེ་བར་གྱུར་བ་དང་། ཆོ་འཕྲུལ་ཁོ་ནས་ཕེབས་ན། ལྷའི་བཟོ་བོ་རྣམས་ཀྱི་བསོད་ནམས་འཕེལ་བར་མི་འགྱུར་བ་མཁྱེན་ནས་སྐབས་རེ་རྫུ་འཕྲུལ་དང་། སྐབས་རེ་ཞབས་ས་ལ་རེག་པའི་ཚུལ་གྱིས་བྱོན། མིའི་དྲི་མི་ཞིམ་པ་དེས་ལྷ་རྣམས་ཉེ་འཁོར་དུ་འོང་མི་བཟོད་པ་དང་། མིས་ལྷ་དངོས་སུ་མཐོང་ན་དེ་དག་ལ་གཡེང་ནས་ཆོས་ཀྱི་དོན་ལ་སེམས་མི་གཏོད་པ་མཁྱེན་ནས་སངས་རྒྱས་ཀྱིས་མིའི་དྲི་རྣམས་ཙན་དན་གྱི་དྲི་དང་། མི་རྣམས་ལ་ལྷའི་བུ་དང་བུ་མོ་མི་མཐོང་བར་བྱིན་གྱིས་བརླབས་ནས་ཡུལ་གསལ་ལྡན་ གྱི་གྲོང་ཁྱེར་དུ་བྱོན་ཏེ་སེང་གེའི་ཁྲིའི་སྟེང་དུ་བཞུགས་ནས་འགྲོ་བ་མཐའ་ཡས་པ་ལ་སྐལ་བ་དང་འཚམས་པའི་ཆོས་ཚུལ་དུ་མ་བསྟན་པར་མཛད། 

    གོང་དུ་གླེང་བ་བཞིན་བོད་མི་ཚོས་བོད་ཟླ་ ༩ ཚེས་ ༢༢ ཉིས་སངས་རྒྱས་ལྷ་ཡུལ་ནས་མི་ཡུལ་དུ་ཕེབས་པར་ངོས་འཛིན་གྱི་ལོ་ལྟར་གོང་གསལ་དུས་ཚེས་ཉི་མོར། རང་རང་གནས་ཡུལ་གྱི་དགོན་ཁག་ལ་མཆོད་མཇལ་དུ་འགྲོ་བ་དང་། ཕྱག་མཆོད་འབུལ་བྱེད་པ་སོགས་རྣམ་དཀར་དགེ་བའི་ལས་ལ་བརྩོན་པ་དང་། བོད་ཀྱི་ཡུལ་ལུང་མང་པོ་ཞིག་ཏུ་ལྷ་བབས་དུས་ཆེན་མ་ཟིན་སྔོན་ནས་རང་གི་ཁང་པར་ལོ་རེའི་དཀར་རྩི་བཏང་ཟིན་པ་བྱེད་པ་མ་ཟད། རི་རྩེ་དང་བྲག་རྡོ་ཁག་ལ་དཀར་རྩིའི་ཕུད་བྱུགས་པ་སོགས་བྱེད། དེ་བཞིན་བོད་གཞུང་ནས་ཀྱང་དུས་ཆེན་འདི་ཉིད་གཞུང་འབྲེལ་གུང་གསེང་ཞིག་ཏུ་གཏན་འབེབས་གནང་སྟེ་གཞུང་དམངས་ཚང་མས་སྲུང་བརྩི་བྱེད་མུས་བཅས།། །།

    ༄། །ངན་པ་དགུ་འཛོམས་དང་བཟང་པོ་བཅུ་འཛོམས།

    བོད་ཟླ་ ༡༡ ཚེས་ ༦ ཉིན་ཕྱེད་ནས་ཚེས་ ༧ གྱི་ཉིན་ཕྱེད་བར་ངན་པ་དགུ་འཛོམས་འཁེལ་གྱི་ཡོད་སྟབས་སྔ་མོའི་ལོ་ཐོའི་ནང་དུའང་། དུས་ཚོད་ངན་པ་དགུ་འཛོམས་པས། ཁ་སྨྲས་གླེང་གཞིའི་ཟས་མི་ཟ། རྒྱལ་བའི་གསུང་མི་སྒྲོག །ཅེས་འགོད་སྲོལ་ཡོད་པ་ལྟར། ཉིན་མོ་འདིར་བྱ་བ་གལ་ཆེན་རིགས་བྱེད་སྲོལ་མེད་པར། ཁྱོད་ངན་པ་དགུ་འཛོམས་ན། ང་བཟང་པོ་བཅུ་འཛོམས། ཞེས་དེའི་ལྡོག་ཕྱོགས་ལྟ་བུར། རང་རང་གི་དགའ་ཉེ་ནང་ཁུལ་རྣམས་ཕན་ཚུན་མགྲོན་འབོད་བྱས་ཏེ། གསོལ་ཚིག་གཟབ་རྒྱས་བཤམས་ཏེ་དགའ་སྐྱིད་ངང་བཞུགས་སྲོལ་ཡོད། ཡང་ངན་པ་དགུ་འཛོམས་ཞེས་པ་འདི། ཡིག་ལམ་འགའ་ཞིག་ཏུ་བོད་ཟླ་ ༡༡ ཚེས་ ༦ དང་ ༧ ཉིན་མཚན་གཅིག་གི་རིང་ས་བདག་ངན་པ་ཉི་མ་ནག་ཆེན་དང་། དེ་མིན་ས་བདག་ངན་པ་བརྒྱད་བཅས་མཉམ་དུ་འཁེལ་གྱི་ཡོད་སྟབས། ངན་པ་དགུ་འཛོམས་ཞེས་ཐོགས་པར་བཤད་ཅིང། དམངས་ཁྲོད་དུ་ <> གྱི་བམ་པོ་བཅུ་གཅིག་པའི་ནང་གསལ་ཁྱིམ་བདག་དབྱིག་པ་ཅན་གྱི་ལོ་རྒྱུས་དང་འབྲེལ་བ་ཡོད་ཚུལ་གྱི་བཤད་སྒྲོས་ཤིག་ཀྱང་འདུག །ཡང་ལ་ལས་ཇི་ལྟར་གདུག་རྩུབ་ཀྱི་བྱ་བ་སྣ་ཚོགས་ཚང་བ་ལ། གདུག་རྩུབ་ངན་དགུ་ཚང་བ་ཞེས་བརྗོད་སྲོལ་ཡོད་པ་ལྟར། ཉིན་མོ་འདིར་དུས་ཚོད་ངན་པ་འཁེལ་བའི་དབང་གིས་ངན་པ་དགུ་འཛོམས་ཞེས་བརྗོད་པ་ལས། དུས་ཚོད་ངན་པ་དགུ་འདི་དང་འདི་ཞེས་གྲངས་འདྲེན་བྱ་རྒྱུ་མེད་པར་གསུངས་སོ།། །།   

18. ཇོ་བོ་ནས་བཀའ་གདམས་པའི་བརྒྱུད་པ་གསུམ་བྱུང་སྟེ། 

    ༡ པོ་ཏོ་བ་ནས་བརྒྱུད་པ་བཀའ་གདམས་གཞུང་པ་བ། 
    ༢ སྒོམ་པ་བ་ནས་བརྒྱུད་པ་བཀའ་གདམས་ལམ་རིམ་པ། 
    ༣ སྤྱན་སྔ་བ་ལས་བརྒྱུད་པ་བཀའ་གདམས་མན་ངག་པའོ། །

    དེ་ཡང་། 
    བཀའ་པོད་ལྔ་ལ་སོགས་པའི་གཞུང་ཆེན་མོ་ལམ་རིམ་དུ་དྲིལ་ཏེ་ཉམས་སུ་ལེན་པ་དང་པོ་དང་། དེ་ཙམ་མི་ནུས་ཀྱང་ཤེས་རབ་དང་བརྩོན་པ་ཆེས་ལམ་རིམ་ཆེ་ཆུང་ཙམ་གྱི་སྟེང་ནས་ཉམས་སུ་ལེན་པ་གཉིས་པ་དང་། དེ་ཡང་མི་ནུས་པས་ལམ་རིམ་བདེ་ལམ་དང་མྱུར་ལམ་ལྟ་བུའི་བླ་མའི་མན་ངག་ལས་ལམ་གྱི་རྐང་གྲངས་ཚང་བར་བྱས་ཏེ་ཉམས་སུ་ལེན་པ་གསུམ་པ་ཡིན།

19. དགེ་ལུགས་པའི་ལོ་རྒྱུས།

     དགེ་ལུགས་པ་ཞེས་པ་ནི་དགའ་ལྡན་པ་ཟེར་བའི་དོན་ཡིན། རྗེ་ཙོང་ཁ་པས་བོད་རབ་བྱུང་བདུན་པའི་ས་གླང（༡༤༠༩）ལོར་དགའ་ལྡན་དགོན་པ་ཕྱག་བཏབ་སྟེ། དེ་གནས་གཞིར་བཟུང་ནས་ཆོས་ལུགས་དར་སྤེལ་བཏང་བས་ན་དགོན་པའི་མིང་དེ་ཆོས་ལུགས་ལ་ཐོགས་པ་ཡིན།

    དགེ་ལུགས་པ་ཞེས་པ་ནི་དགའ་ལྡན་པ་ཟེར་བའི་དོན་ཡིན། རྗེ་ཙོང་ཁ་པས་བོད་རབ་བྱུང་བདུན་པའི་ས་གླང（༡༤༠༩）ལོར་དགའ་ལྡན་དགོན་པ་ཕྱག་བཏབ་སྟེ། དེ་གནས་གཞིར་བཟུང་ནས་ཆོས་ལུགས་དར་སྤེལ་བཏང་བས་ན་དགོན་པའི་མིང་དེ་ཆོས་ལུགས་ལ་ཐོགས་པ་ཡིན། དགེ་ལུགས་པས་ཞྭ་མོ་སེར་པོ་བཞེས་པ་དེ་དགེ་ལུགས་པའི་ཁྱད་ཆོས་མིན་ལ། དགེ་ལུགས་པས་མ་གཏོགས་ཞྭ་མོ་སེར་པོ་མི་བཞེས་པ་མིན་ཏེ། སྔར་བསྟན་པ་ཕྱི་དར་གྱི་དུས་སུ་དབུས་ཀྱི་མཁས་པ་མི་ལྔ་དང་གཙང་གི་མཁས་པ་མི་ལྔ་སྟེ་མཁས་པ་མི་བཅུ་མཚོ་སྔོན་ནས་བོད་ལ་ཕྱིར་ལོག་ཕེབས་དུས་ཁོང་རྣམ་པའི་བླ་མ་བླ་ཆེན་དགོངས་པ་རབ་གསལ་གྱི་དབུ་ཞྭ་(བླ་ཆེན་དགོངས་པ་རབ་གསལ་ནི་ཐོག་མ་བོན་པོ་ཡིན་པ་དང་རྗེས་སུ་སངས་རྒྱས་ཆོས་ལུགས་གནང་བ་རེད་)བོན་གྱི་ཞྭ་མོ་སྔོན་པོ་ཞིག་ཡོད་པ་དེ་ཕྱི་ནང་སློག་ནས་(བོན་པོའི་ཞྭ་མོ་ནི་ཕྱི་སྔོན་པོ་དང་ནང་ཤ་དཀར་པོ་ཡིན་) ཕྱི་དཀར་པོ་ངེར་ཚོས་སེར་པོ་བྱུགས་ཏེ་ཁྱོད་ཚོ་ཞྭ་མོ་འདི་གྱོན་ནས་བོད་ལ་ཕྱིན་ཏེ་སངས་རྒྱས་ཆོས་ལུགས་དར་སྤེལ་གཏོང་དགོས་ཞེས་བསླབ་བྱ་གནང་བས་དེ་ནས་བཟུང་སངས་རྒྱས་ཆོས་ལུགས་སྔར་བས་དར་འཕེལ་ཡོང་བའི་རྟེན་འབྲེལ་མཚོན་བྱེད་དུ་དབུས་གཙང་གི་མཁས་པ་མི་བཅུ་ཚང་མས་དབུ་ཞྭ་སེར་པོ་བཞེས་པ་མ་ཟད། རྗེས་སུ་རྗེ་ཙོང་ཁ་པས་ཀྱང་དབུ་ཞྭ་སེར་པོ་བཞེས་པའི་རྒྱུ་མཚན་དེ་འདྲ་ཡིན། གཞན་ཡང་དགའ་ལྡན་ཆོས་འབྱུང་ཞེས་པའི་དཔེ་ཆ་ཁག་མི་འདྲ་བ་ལྔ་ཙམ་ཡོད་པའི་ནང་ནས་སྡེ་སྲིད་སངས་རྒྱས་རྒྱ་མཚོས་མཛད་པའི་དགའ་ལྡན་ཆོས་འབྱུང་ཡོངས་གྲགས་སུ་བཻཌཱུརྱ་སེར་པོ་ཞེས་བརྗོད་པ་དེའི་ནང་ཙོང་ཁ་པའི་རྣམ་ཐར་ཞིག་བཀོད་ཡོད་པ་དང་། རྣམ་ཐར་དེའི་ནང་ཙོང་ཁ་པས་རང་ཉིད་ཆོས་ལུགས་གཞན་དང་མི་འདྲ་བར་ཟུར་དུ་དབུ་ཞྭ་སེར་པོ་ཞིག་བཞེས་འདོད་མེད་ཀྱང་ཙོང་ཁ་པའི་སློབ་མ་མཁས་གྲུབ་དགེ་ལེགས་དཔལ་བཟང་སྡེ་མཁས་གྲུབ་རྗེས་ཙོང་ཁ་པར་ཆོས་ལུགས་གཞན་དང་མི་འདྲ་བའི་དབུ་ཞྭ་ཞིག་བཞེས་དགོས་ཞེས་ཨུ་ཚུགས་ནན་གྱིས་ཞུས་སྟབས་རང་གི་སློབ་མའི་འདོད་པ་དང་བསྟུན་ནས་དབུ་ཞྭ་སེར་པོ་ཞིག་ཟུར་དུ་བཟོས་གནང་དགོས་བྱུང་བ་ལས་རྗེ་ཙོང་ཁ་པ་རང་གི་ཐུགས་ལ་དེ་འདྲ་མེད་ཅེས་འཁོད་ཡོད། འོན་ཀྱང་དོན་དངོས་དེ་འདྲ་མིན་པར་ཙོང་ཁ་པའི་སློབ་མ་ནེ་རིང་པཎྜི་ཏ་ཞུ་བ་བཀའ་བརྒྱུད་པའི་བླ་མ་ཞིག་ཡོད་པ་ངེས་བརྩམས་གནང་བའི་ཙོང་ཁ་པའི་རྣམ་ཐར་གྱི་ནང་དུ་གོང་གསལ་ངས་ཞུས་པ་དེ་ཚོ་བྲིས་ཡོད། འོ་ན་སྡེ་སྲིད་སངས་རྒྱས་རྒྱ་མཚོས་དེ་འདྲ་འབྲི་གནང་དོན་ནི། སྡེ་སྲིད་སངས་རྒྱས་རྒྱ་མཚོ་མཁས་གྲུབ་དགེ་ལེགས་དཔལ་བཟང་ལ་རྩ་བ་ནས་མཉེས་པོ་མེད་པ་རེད། རྒྱུ་མཚན་ནི་མཁས་གྲུབ་རྗེས་བཀའ་བརྒྱུད་པའི་ལྟ་བ་ཁག་གཅིག་ལ་དགག་པ་གནང་ཡོད་པ་དང་ས་སྐྱའི་བླ་མ་གཅིག་ལ་དགག་པ་བསྐྱོན་ཡོད་སྟབས་དེས་སྡེ་སྲིད་སངས་རྒྱས་རྒྱ་མཚོ་མཉེས་པོ་མ་བྱུང་བར་བརྟེན་སྤྱིར་ན་བོད་དུ་རྗེ་ཙོང་ཁ་པ་དང་། རྒྱལ་ཚབ་རྗེ། མཁས་གྲུབ་རྗེ་བཅས་ལ་རྗེ་ཡབ་སྲས་གསུམ་ཞེས་ཡོངས་གྲགས་ཡིན་ནའང་སྡེ་སྲིད་གྱི་ཐུགས་ལ་མཁས་གྲུབ་རྗེ་དེ་ཡབ་སྲས་གསུམ་གྱི་ནང་ནས་ཕྱིར་ཕུད་དེ་དེའི་ཚབ་ཏུ་ཏཱ་ལའི་བླ་མ་སྐུ་ཕྲེང་དང་པོ་དགེ་འདུན་གྲུབ་འཇོག་རྒྱུའི་དགོངས་པ་ཡོད་པ་དང་། དེ་བཞིན་མཁས་གྲུབ་རྗེའི་གསུང་འབུམ་པར་སྐྲུན་བྱེད་རྒྱུར་ཡང་བཀག་འགོག་ཕྲན་བུ་གནང་ཡོད། སྡེ་སྲིད་སངས་རྒྱས་རྒྱ་མཚོས་མཛང་པའི་དགའ་ལྡན་ཆོས་འབྱུང་ཟེར་བའི་ནང་དུ་མཁས་གྲུབ་རྗེ་ལ་མཁས་གྲུབ་དགེ་དཔལ་བ་ཞེས་མ་གཏོགས་མཚན་ལ་ཞེ་ས་རྩ་བ་ནས་གནང་མེད། དགེ་ལུགས་པའི་ནང་ཁག་གཅིག་གིས་སྡེ་སྲིད་སངས་རྒྱས་རྒྱ་མཚོར་ཅུང་མི་དགའ་བ་བྱེད་པའི་རྒྱུ་མཚན་གཅིག་དེར་ཐུག་ཡོད། དེར་བརྟེན་སྔོན་མ་སྡེ་སྲིད་སངས་རྒྱས་རྒྱ་མཚོ་དང་རྒྱལ་པོ་ལྷ་བཟང་གཉིས་མ་འགྲིག་པ་བྱུང་རྗེས་སེར་འབྲས་དགེ་གསུམ་གྱིས་ལྷ་བཟང་དང་སྡེ་སྲིད་བར་བར་འདུམ་བྱེད་སྐབས་སྡེ་སྲིད་དགོངས་པ་ཞུས་ནས་སྲིད་དབང་ལྷ་བཟང་ལ་སྤྲོད་རྒྱུ་བྱས་པ་རེད། དེ་ལྟར་བྱེད་དགོས་པའི་རྒྱུམཚན་གཙོ་བོ་ནི་སྡེ་སྲིད་སངས་རྒྱས་རྒྱ་མཚོས་སྤྱིར་ན་སེར་འབྲས་དགེ་གསུམ་དང་བཀྲ་ཤིས་ལྷུན་པོ་སོགས་ལ་ཆོས་གཞིས་མི་སེར་སོགས་མང་པོ་གནང་སྡེ་དགེ་ལུགས་ཕྱོགས་ལ་ཐུགས་སྣང་གང་ཆེ་གནང་གི་ཡོད་ནའང་ཁོང་གི་རྩོམ་ཡིག་ནང་མཁས་གྲུབ་དགེ་ལེགས་དཔལ་བཟང་ལ་དམའ་འབེབས་གནང་ཡོད་སྟབས་དགེ་ལུགས་པའི་སེམས་ལ་ཕོག་སྟེ་རྗེས་སུ་ལྷ་བཟང་པའི་སོག་པོའི་དམག་སྟོབས་ཤུགས་ཆེ་བའི་ཁར་དེའི་རྒྱབ་ཏུ་སེར་འབྲས་དགེ་གསུམ་ལངས་ནས་སྡེ་སྲིངསངས་རྒྱས་རྒྱ་མཚོའི་འོག་ཏུ་བོད་ཁྲི་སྐོར་བཅུ་གསུམ་གྱི་དམག་མི་ཚང་མ་ཡོང་ཀྱང་སོག་པོའི་རྟ་དམག་ཡོང་སྐབས་སྡེ་སྲིད་སངས་རྒྱས་རྒྱ་མཚོ་སྟོང་ལུང་དུ་མགུལ་ཤོར་དགོས་པ་དེ་རྒྱུ་མཚནགཅིག་དེ་ལ་ཐུག་ཡོད། ཙོངཁ་པའི་རྣམ་ཐར་དགེ་ལུགས་པ་རང་གིས་བརྩམས་པ་ཡོད་ལ། བཀའ་བརྒྱུད་པ་དང་རྙིང་མ་སོགས་ཀྱིས་བརྩམས་པ་ཡང་ཡོད། ཆོས་ལུགས་གྲུབ་མཐའ་ཁག་མི་འདྲ་བས་བརྩམས་པའི་ཙོང་ཁ་པའི་རྣམ་ཐར་ཡོད་ཚད་ཕྱོགས་བསྒྲིགས་བྱས་པའི་ཙོང་ཁ་པའི་རྣམ་ཐར་སྟོད་ཆ་དང་སྨད་ཆ་གཉིས་ཡོད། དེ་ལ་ཙོང་ཁ་པའི་རྣམ་ཐར་ཕྱོགས་བསྒྲིགས་ཟེར། དེའི་ནང་བཀའ་བརྒྱུད་པ་དང་། རྙིང་མ། ས་སྐྱ་སོགས་ཀྱིས་བྲིས་པའི་ཙོང་ཁ་པའི་རྣམ་ཐར་སྣ་ཚོགས་ཡོད་པས་དེ་ཚོ་བལྟས་ན་དགེ་ལུགས་པ་དང་ཆོས་ལུགས་གཞན་གྱི་ལྟ་སྟངས་གང་འདྲ་ཡོད་མིན་ཤེས་རྟོགས་ཐུབ་ཅིང་། དེའི་ནང་ཙོང་ཁ་པ་ལ་དམའ་འབེབས་བཏང་བའི་སྐད་ཆ་ཚིག་གཅིག་ཀྱང་མེད། ཐུའུ་བཀྭན་གྲུབ་མཐའི་ནང་དུ་དགེ་ལུགས་པའི་ལྟ་བའི་སྐོར་རྒྱས་པོ་བྲིས་ཡོད། ཐུའུ་བཀྭན་དང་ཁོང་གི་བླ་མ་སུམ་པ་མཁན་ཆེན་(སུམ་པ་ཆོས་འབྱུང་གི་རྩོམ་པ་པོ་)གཞིས་རྙིང་མའི་དཔེ་ཆ་ཁ་ཤས་ཀྱི་སྐོར་ལ་རྩོད་པ་ཤུགས་ཆེན་པོ་བྱུང་མྱོང་ཡོད་ཅིང་། བླ་སློབ་གཞིས་བར་ཕན་ཚུན་དགག་པ་རྒྱག་རེས་བྱེད་པའི་གནས་ཚུལ་དེ་རྗེས་སུ་ལྕང་སྐྱ་རོལ་པའི་རྡོ་རྗེའི་སྙན་ལ་གསན་ཏེ་ཐུའུ་བཀྭན་ལ་བཀའ་སྐྱོན་ཆེན་པོ་གནང་ནས། ཁྱོད་གཉིས་ཤི་ཁར་ཆོས་སྤོང་གི་ལས་གསོག་གི་ཡིན་ནམ། ཆོས་སྤོང་གི་སྡིག་པ་གསོག་གི་ཡིན་ནམ། ཆོས་ག་རེ་བྱས་ནའང་སོ་སོའི་འདོད་མོས་རེད། ཚང་མ་ལས་རྒྱུ་འབྲས་ཁས་ལེན་མཁན། སྐྱེ་བ་སྔ་ཕྱི་ཁས་ལེན་མཁན། སངས་རྒྱས་བཅོམ་ལྡན་འདས་ཁས་ལེན་མཁན། སངས་རྒྱས་ཀྱི་ཆོས་ཁས་ལེན་མཁན་གཅིག་མཚུངས་ཡིན་པས་སོ་སོའི་དད་པ་ག་རེ་ཡོད་ནའི་ངེ་འདོད་མོས་རེད། ཁྱེད་རང་གཉིས་ཕན་ཚུན་དགག་པ་རྒྱག་རེས་བྱས་པ་ཡིན་ན། དགེ་ལུགས་པའི་ཆོས་ལ་པན་པ་རྩ་བ་ནས་མེད་ཅེས་གསུངས་པ་དང་། ཁོང་རྣམ་གཉིས་ཀྱིས་བརྩམས་གནང་བའི་དགག་ལན་གྱི་དཔེ་ཆ་དེ་ཚོ་རྗེས་སུ་པར་རྩ་བ་ནས་རྒྱག་མི་ཆོག་པའི་བཀའ་གནང་བར་བརྟེན་རྗེས་སུ་ཁོང་གཞིས་ཀའི་གསུང་འབུམ་ནང་དེའི་སྐོར་གྱི་དཔེ་ཆའི་པར་མེད། འོན་ཀྱང་རྗེས་སུ་དམངས་གཙོའི་བཅོས་བསྒྱུར་མ་བྱས་ཙམ་དུ་སྡེ་དགེ་ནོས་དཔེ་ཆ་དེ་པར་བཏབ་ཡོད། ཙོང་ཁ་པའི་རྣམ་ཐར་དེང་སྐབས་མཚོ་སྔོན་ནས་པར་སྐྲུན་བྱས་ཡོད། རྣམ་ཐར་དེའི་རྩོམ་པ་པོ་ནི་རྒྱལ་དབང་འཕྲིན་ལས་རྣམ་རྒྱལ་ཡིན། ཁོང་ནི་དང་པོ་འབྲུག་པ་བཀའ་བརྒྱུད་པ་ཡིན་པ་དང་རྗེས་སུདགེ་ལུགས་པའི་ཆོས་གནང་ཞིང་། ཏཱ་ལའི་བླ་མ་སྐུ་ཕྲེང་བཅུ་གཅིག་པའི་སྤྱི་ཁྱབ་མཁན་པོ་གནང་མྱོང་ཡོད། ཁོང་གི་ཕྱག་རྩོམ་རྟ་ཅང་མང་པོ་ཡོད་པ་དེ་དག་ནང་ཏཱ་ལའི་བླ་མ་སྐུ་ཕྲེང་གཉིས་ཀྱི་རྣམ་ཐར་དང་། ཁལ་ཁ་རྗེ་བཙུན་དམ་པའི་རྣམ་ཐར། འོན་རྒྱལ་སྲས་ཀྱི་རྣམ་ཐར་སོགས་བླ་མ་མང་པོའི་རྣམ་ཐར་ཡོད། ད་ལྟ་མཚོ་སྔོན་ནས་པར་སྐྲུན་བྱས་པའི་ཙོང་ཁ་པའི་རྣམ་ཐར་དེའི་ནང་ཞིབ་ཕྲ་བལྟས་ན་ཙོང་ཁ་པ་དང་ཆོས་ལུགས་གྲུབ་མཐའ་གཞན་ལ་དམའ་འབེབས་གཏོང་མཁན་དེ་ཚོ་ཆོས་ལུགས་ཀྱི་ཕྱོགས་ཞེན་ཆེན་པོ་ཡོད་པ་ཉུང་ཤས་ཡིན་པ་ལས་ཆོས་ལུགས་ཀྱི་ཕྱོགས་ཞེན་མེད་པའི་གྲུབ་མཐའ་སུ་དང་སུ་ཡིན་ནའི་ཙོང་ཁ་པར་བསྟོད་བསྔགས་ལས་དམའ་འབེབས་བྱས་པ་རྩ་བ་ནས་མེད་པའི་སྐོར་དཔེ་ཆ་མང་པོ་ཞིག་དེའི་ནང་དྲངས་ཡོད། གཞན་ཡང་ཙོང་ཁ་པས་སངས་རྒྱས་ཆོས་ལུགས་ལ་བསྒྱུར་བཅོས་(宗教改革)བྱས་པ་རེད་ཅེས་སྐད་ཆ་སྙན་པོ་ཞིགག་བཤད་དེ་དོན་དངོས་ཐོག་གྲྭ་པས་ཆུང་མ་བཙལ་མི་ཆོག་པ་དེ་ཙོང་ཁ་པས་བཟོས་པ་རེད་ཟེར་གྱི་ཡོད་པས་དེ་ནི་སངས་རྒྱས་ཆོས་ལུགས་ཀྱི་ཤེས་བྱ་ཧ་ཅང་ཞན་པོ་ཡིན་པའི་རྟགས་རེད། གྲྭ་པས་ཆུང་མ་བཙལ་མི་ཆོག་པ་དེ་དང་པོ་བཟོ་མཁན་ཤཱཀྱ་མུ་ནེ་ཡིན་པས་དེ་འདྲ་ཡིན་ན་ཐོག་མ་ཤཱཀྱ་མུ་ནེར་དགག་པ་རྒྱག་དགོས་ན་ཡང་། ཤཱཀྱ་མུ་ནེ་ལ་དགག་པ་བརྒྱབ་ན་སངས་རྒྱས་ཆོས་ལུགས་པ་ཚང་མས་ངོ་རྒོལ་བྱེད་པར་དོགས་ནས་ཞེད་ཀྱི་ཡོད་སྔབས་དེའི་ཞྭ་མོ་དེ་ཙོང་ཁ་པའི་ཐོག་ལ་གཡོགས་པ་རེད། གྲྭ་པས་ཆུང་མ་བཙལ་མི་ཆོག་པ་དེ་ས་སྐྱ་དང་། རྙིང་མ། བཀའ་བརྒྱུད་སོགས་ཚང་མ་གཅིག་མཚུངས་ཡིན། ཡིན་ན་ཡང་ཆོས་བྱེད་མཁན་ཡིན་ཕྱིན་ཚང་མ་ངེས་པར་དུ་གྲྭ་པ་བྱེད་དགོས་པའི་ངེས་པ་མེད། སུས་གྲྭ་པ་བྱས་ན་ཡང་ཆོག་པ་ཡིན། འོན་ཀྱང་གྲྭ་པ་བྱས་ཚེ་ཞིང་ཁ་བཏབ་མི་ཆོག་པ་དང་། ཆུང་མ་བཙལ་མི་ཆོག་པ་དེ་ཆོས་ལུགས་ཚང་མ་གཅིག་གྱུར་ཡིན་པ་ལས་ཙོང་ཁ་པ་གཅིག་པོས་གསར་བཟོ་གནང་བ་ཞིག་མིན། ལོ་རྒྱུས་ཟེར་བ་ནི་རྩོམ་རིག་སྒྱུ་རྩལ་ལྟར་རང་སྣང་གང་ཤར་གྱིས་གསར་རྩོམ་བྱས་ན་མི་འགྲིག་པར་དངོས་ཡོད་གནས་ཚུལ་གྱི་རྨང་གཞིའི་ཐོག་འབྲི་དགོས། དགེ་ལུགས་པའི་ཁྱད་ཆོས་སྐོར། ①གྲྭ་པ་ཡིན་ཕྱིན་འདུལ་བའི་ཁྲིམས་གཙང་མར་སྲུང་དགོས། གསང་སྔགས་ཀྱི་ཆོས་བྱས་ནའང་འདུལ་བའི་ཁྲིམས་དེ་གཙང་མ་སྲུང་དགོས་པ་ཡིན། དེ་ཡང་དགེ་ལུགས་པའི་ཁྱད་ཆོས་ཟུར་དུ་བཏོན་པ་དེ་ཆོས་ལུགས་གཞན་དག་ལ་ཁྱད་ཆོས་དེ་འདྲ་མེད་ཅེས་པའི་དོན་མིན།
    དཔེར་ན་རྙིང་མའི་རྡོ་རྗེ་བྲག་དང་སྨིན་གྲོལ་གླིང་ལ་ཆ་བཞག་ན་དགོན་པའི་ནང་དུ་འདུལ་ཁྲིམས་ཧ་ཅང་གཙང་མ་ཡོད་པས་གྲྭ་པས་ཆུང་མ་བཙལ་ཕྱིན་དགོན་པ་ངེ་ནས་ཕྱིར་འབུད་བྱེད་པ་ལས་ནང་དུ་སྡོད་མི་ཆོག་པ་ཡིན། དེའི་ནང་ནས་སྨིན་གྲོལ་གླིང་ནི་འདུལ་ཁྲིམས་དེ་བས་གཙང་བ་ཡོད། དེ་བཞིན་སྟག་ལུང་། འབྲི་གུང་། གདན་ས་མཐིལ། སྡེ་དགེ་སོགས་དགོན་པའི་ནང་གྲྭ་པ་ཚང་མ་འདུལ་ཁྲིམས་གཙང་མ་དགོས་པ་ཡིན། ཐུའུ་བཀྭན་གྲུབ་མཐའ་སོགས་ཀྱི་ནང་དུ་སྤྱིར་བཏང་གྲྭ་པ་མང་ཆེ་བ་འདུལ་ཁྲིམས་གཙང་མ་ཡོད་པ་དེ་དགེ་ལུགས་པའི་ཁྱད་ཆོས་ཁོངས་སུ་བཞག་པ་རེད། དེ་ནི་བཀའ་གདམས་ཀྱི་ཁྱད་ཆོས་རྒྱུད་འཛིན་བྱས་པ་ལས་དགེ་ལུགས་པས་གསར་དུ་བཟོས་པ་མིན། ②ཐོག་མ་གཞུང་ཆེན་པོ་ཁག་ལ་ཐོས་བསམ་བྱས་ཏེ་ཡག་པོ་བྱུང་ན་གཞི་ནས་སྒོམ་རྒྱག་པ་ལས་དང་པོ་ནས་རི་ལ་ཕྱིན་ཏེ་སྒོམ་རྒྱག་པར་འགྲོ་སྲོལ་མེད། འོ་ན་ཆོས་ལུགས་གྲུབ་མཐའ་གཞན་རྣམས་ཆོས་གཞུང་ཆེན་པོ་ལ་བལྟ་མི་དགོས་པ་ཡིན་ནམ་ཞེ་ན། དེ་མིན་ཏེ་དཔེར་ན་སྨིན་གྲོལ་གླིང་ལ་ཡང་གཞུང་ཆེན་པོའི་སློབ་གཉེར་བཙུགས་ཡོད་པ་དང་། དེ་བཞིན་སྡེ་དགེ་ལའང་སྡེ་དགེ་གཞུང་ཆེན་བཅུ་གསུམ་ཞེས་པ་སློབ་སྦྱོང་བྱེད་སའི་སློབ་གྲྭ་ཡོད། འོན་ཀྱང་མི་ཉུང་ཤས་ཀྱིས་དགེ་ལུགས་པས་དཔེ་ཆ་མང་པོ་ལྟ་བ་དེ་མི་ཚེ་འཁྱོལ་ཐབས་དང་རྩོད་པ་རྒྱག་སྐབས་ཁ་བདེ་པོ་ཡོང་བའི་ཆེད་དུ་ཡིན་པ་ལས་ཆོས་གཤའ་མ་ཞིགག་བྱེད་མཁན་ཡིན་ན་དང་པོ་ནས་རི་ལ་ཕྱིན་ནས་སོམ་རྒྱབ་ན་འགྲིག་གི་རེད་ཅེས་ཤོད་མཁན་ཡང་ཡོད་པ་རེད། རྙིང་མ་དང་བཀའ་བརྒྱུད་སོགས་ཆོས་ལུགས་གཞན་གྱི་མཁས་པ་ཆེན་པོ་ཚང་མ་དང་པོ་ནས་གཞུང་ཆེན་པོ་ལ་ཐོས་བསམ་དང་སློབ་གཉེར་བྱས་ཏེ་དེ་རྗེས་གཞི་ནས་སྒོམ་རྒྱག་དགོས་པའི་གོ་རིམ་དེ་གཅིག་གྱུར་ཡིན་པ་ལས་དེ་ལ་མི་འདྲ་བ་མེད། ཐུའུ་བཀྭན་གྲུབ་མཐའི་ནང་དུ་དགེ་ལུགས་པའི་ཁྱད་ཆོས་བདུན་བཤད་ཡོད། ང་ཚོས་ཆོས་ལུགས་ཚང་མའི་དཔེ་ཆ་བལྟས་ན་དེའི་ནང་དུ་ཆོས་ལུགས་སོ་སོའི་ཁྱད་ཆོས་ཡོད་པ་དེ་ཤེས་ཐུབ། འོན་ཀྱང་དཔེ་ཆ་མང་པོ་ལྟ་མ་མྱོང་མཁན་ཞིགག་ལ་ཁྱད་ཆོས་དེ་རྣམས་བཤད་སྐབས་ཆོས་ལུགས་གཅིག་གི་ཁྱད་ཆོས་བཤད་ན་ཆོས་ལུགས་གཞན་ཞིག་ལ་དམའ་འབེབས་བཏང་གི་ཡོད་པ་ལྟ་བུའི་ཚོར་སྣང་ཡོང་གི་ཡོད། ཆོས་ལུགས་དེ་ཚོ་རང་རང་སོ་སོའི་ཁྱད་ཆོས་དང་ལྡན་པ་ཡིན་པས་ཆོས་ལུགས་ཚང་མ་མཉམ་བསྲེས་བྱས་ན་མི་འགྲིག་པའི་རྒྱུ་མཚན་དེ་ཡིན། ཆོས་ལུགས་འདྲ་མིན་ཚང་མ་བྱས་ན་རང་གི་བསམ་བློའི་ནང་ཐག་ཆོད་པའི་ལྟ་བ་གཅིག་ཀྱང་མེད། མཐའ་མ་ཆོས་ལུགས་གང་ལ་ཡང་ཡིད་མི་ཆེས་པར་གྱུར་ཏེ་དེའི་འབྲས་བུར་མཐའ་མ་རང་ཉིད་བྱིའུ་གནམ་ལ་འཕུར་ནས་མར་ས་ལ་བབས་མ་ཐུབ་པ་ལྟ་བུ་ཞིག་ཏུ་འགྱུར་རྒྱུ་ལས་གཞན་མེད། ③ སོ་སོའི་ཆོས་ཀྱི་མིང་དང་ཚིག་བེད་སྤྱོད་བྱེད་པ་ལས་ཆོས་ལུགས་གཞན་གྱི་མིང་དང་ཚིག་མཉམ་བསྲེས་མི་བྱེད་པ་དང་། ཆོས་ལུགས་གཞན་གྱི་མིང་ཚིག་རྣམས་རང་དགར་བཞག་པ་ལས་གསར་བཅོས་མི་བྱེད་པ། སྔོན་མ་རྒྱ་གར་ནས་པཎྜི་ཏ་དང་ལོ་ཙཱ་བས་བསྒྱུར་བའི་དཔེ་ཆའི་ནང་མེད་པའི་མིང་གསར་པ་དང་ཚིག་གསར་པ་རྩ་བ་ནས་གསར་བཟོ་མི་བྱེད་པ་བཅས་ཏེ་དེ་ནི་བཀའ་གདམས་པ་དང་མཚུངས་པ་ཡིན། དགེ་ལུགས་པས་བརྟག་དཔྱད་བྱེད་བཞིན་པའི་དང་སྒོམ་རྒྱག་ཡས་ཞིག་དང་བརྟག་དཔྱད་བྱེད་མི་དགོས་པར་སོམ་རྒྱག་ཡག་ཞིག་སྡེ་ཁག་གཉིས་ཡོད་པར་ཁས་ལེན་གྱི་ཡོད། ཞི་གནས་གཅིག་པོ་ཡིན་ན་འཇོག་སྒོམ་ཟེར། འདིར་ཞུ་དགོས་པ་ཞིག་ནི་སྔོན་མ་བོད་ཀྱི་རྒྱལ་པོ་ཁྲི་སྲོང་ལྡེ་བཙན་གྱི་སྐབས་སུ་བོད་དུ་ཡོང་བའི་རྒྱ་ནག་གི་ཧ་ཤང་ཞིག་གིས། སེམས་བཟང་པོ་ཡིན་ནའང་སྤངས་དགོས་ལ་སེམས་ངན་པ་ཡིན་ནའང་སྤངས་དགོས། དགེ་བ་སྤངས་དགོས་ལ་སྡིག་པ་ཡང་སྤངས་དགོས། དཔེར་ན། གནམ་ལ་སྤྲིན་པ་འཁོར་ཚེ་སྤྲིན་པ་དཀར་ནག་གང་ཡིན་རུང་ཉི་མ་སྒྲིབ་པ་ལ་ཁྱད་པར་རྩ་བ་ནས་མེད་པས་རྣམ་རྟོག་བཟང་ངན་གང་ཡིན་རུང་ཚང་མ་སངས་རྒྱས་པར་བྱེད་པའི་འགོག་རྐྱེན་ཡིན་སྟབས་ཚང་མ་སྤངས་ཏེ་བསམ་བློ་གང་ཡང་མ་བཏང་བར་སྡོད་དགོས། དེ་འདྲ་བྱས་ཚེ་སངས་རྒྱས་ཐུབ་ཀྱི་རེད་ཟེར། དགེ་ལུགས་པས་ལྔ་ཚུལ་དེ་ཁས་ལེན་གྱི་མེད། དགེ་ལུགས་པས་བསམ་བློ་གང་ཡང་མ་བཏང་བར་བསྡད་ན་སངས་རྒྱས་རྒྱུ་ལྟ་ཅི་ཁ་ལ་ལྟོ་ཡང་མི་འབྱོར་ལ། ལམ་དུ་ཕྱིན་ན་ཁ་སུག་ལོག་འགྲོ་བ་དང་། སྒོ་ལ་འཛུལ་ན་མགོ་རྡབ་འགྲོ་བ་ཡིན། མདོར་ན་བསམ་བློ་གང་ཡང་མ་བཏང་ན་ཆོས་བྱེད་རྒྱུ་ལྟ་ཅི་འཇིག་རྟེན་གྱི་འཚོ་བ་ཡང་སྐྱེལ་མི་ཐུབ་ཟེར། ངེས་ན་བསམ་བློ་བཟང་ངན་ཚང་མ་སྤངས་དགོས་ཟེར་བ་དེ་མི་འགྲིག་པ་རེད་ཟེར། དེ་ནི་སངས་རྒྱས་ཆོས་ལུགས་དང་མི་མཐུན་པ་ལ་འདོད། སངས་རྒྱས་ཤཱཀྱ་མུ་ནེས་ཀྱང་དགེ་བ་བཅུ་དང་དུ་བླངས་ན་སྡིག་པ་བཅུ་སྤངས་དགོས་གསུངས་པ་མ་གཏོགས་རྣམ་རྟོག་བཟང་ངན་ཚང་མ་སྤངས་དགོས་ཞེས་གསུངས་མེད། བསམ་བློ་གང་ཡང་མ་བཏང་བར་སྒོམ་རྒྱག་པ་དང་སངས་རྒྱས་པ་ཟེར་བ་མེད་པས་རྒྱལ་པོ་ཁྲི་སྲོང་ལྡེ་བཙན་སྐབས་ཡོང་བའི་ཧ་བཟང་དེའི་(བོད་ལ་ཡོང་བའི་ཧ་ཤང་ཚང་མ་མིན་)ལྟ་བ་ནི་མུ་སྟེགས་པའི་ལྟ་བ་ལས་སྡུག་པར་འདོད་པ་ཡིན། ལྟ་བ་དེ་ལ་ས་སྐྱ་པཎ་ཆེན་གྱིས་ཀྱང་དགག་པ་མང་པོ་བསྐྱོན་མྱོང་ཡོད་དེ་ཁོང་གིས་བསམ་བློ་རྩ་བ་ནས་མ་བཏང་བར་སྒོམ་རྒྱག་པ་དེ་ནི་ཚེ་འདི་ལ་མི་ལྐུགས་པ་ཆགས་ཡས་དང་སྐྱེ་བ་རྗེས་མ་དུད་འགྲོར་སྐྱེ་ཡས་ཀྱི་རྒྱུ་ལས་སངས་རྒྱས་ཡས་མེད་ཅེས་གསུངས་ཡོད། བསམ་བློ་རྩ་བ་ནས་མ་བཏང་བར་སྒོམ་རྒྱག་པ་ཟེར་བ་དེ་དགེ་ལུགས་པས་ཁས་ལེན་གྱི་མེད། དེ་མིན་མི་ལ་རས་པ་དང་བཀའ་བརྒྱུད་པའི་བླ་མ་དེ་ཚོའི་གསུང་འབུམ་ནང་བསམ་བློ་མ་བཏང་བར་འཇོག་དགོས་ཟེར་བ་ཞིག་ཡོད་པ་དེ་ནི་བསམ་བློ་རྩ་བ་ནས་མ་བཏང་བར་སྒོམ་རྒྱག་དགོས་ཟེར་བའི་དོན་མིན་པར་སྒོམ་རྒྱབ་ནས་གནས་ཚད་མཐོ་པོ་གང་མཚམས་ཞིག་ཏུ་སླེབས་སྐབས་བསམ་བློ་མང་པོ་བཏང་ན་སྐྱོན་ཡོད་ཅེས་བཤད་པ་ལས་དང་པོ་ནས་བསམ་བློ་མ་བཏང་བར་སྒོམ་རྒྱག་དགོས་ཞེས་བཤད་པ་མིན། མི་ལ་རས་པ་དང་། མར་པ། དེ་བཞིན་བོད་ཀྱི་བླ་མ་གོང་མ་ཚོས་གསུངས་པའི་དཔེ་ཆ་དེ་ཚོར་དགེ་ལུགས་པས་འགྲེལ་བཤད་ཇི་ལྟར་བྱེད་ཀྱི་ཡོད་དམ་ཞེ་ན། སྒོམ་དང་པོ་རྒྱག་དུས་ནས་བསམ་བློ་རྩ་བ་ནས་མ་བཏང་བར་སྒོམ་རྒྱག་དགོས་ཟེར་བ་མིན། དེ་ནི་བསམ་བློ་བཏང་ནས་གནས་ཚད་མཐོ་པོར་སླེབས་རྗེས་རང་གི་སེམས་ལ་རང་དབང་ཐོབ་པའི་གནས་ཚད་དེ་ལ་སླེབས་ཚེ་གཞི་ནས་བསམ་བློ་མ་བཏང་བར་སྒོམ་རྒྱག་དགོས་ཟེར་བའི་གོ་དོན་ཡིན་ཞེས་འགྲེལ་བཤད་བྱེད་ཀྱི་ཡོད། ④ གསང་སྔགས་ཀྱི་ཆོས་བྱས་ནའང་མདོ་དང་སྔགས་གཉིས་ཟུང་འབྲེལ་བྱེད་པ་ལས་མདོ་སྔགས་ཁ་ཕྲལ་ནས་ཆོས་བྱེད་ཀྱི་མེད། དཔེར་ན་དགའ་ལྡན་དགོན་གྱི་གྲྭ་ཚང་གཉིས་ལ་ཆ་བཞག་ན། སློབ་གཉེར་བྱེད་མཁན་ཚོ་ཕྱོགས་གཅིག་ནས་གཞུང་ཆེན་པོ་སློབ་སྦྱོང་བྱེད་དགོས་པ་དང་ཕྱོགས་གཞན་ཞིག་ནས་གསང་སྔགས་སློབ་སྦྱོང་བྱེད་དགོས་ཀྱི་ཡོད་པ་རེད། སེ་ར་དང་འབྲས་སྤུངས་སུ་གསང་སྔགས་སློབ་སྦྱོང་བྱེད་མཁན་དང་གཞུང་ཆེན་པོ་སློབ་སྦྱོང་བྱེད་མཁན་ཟུར་དུ་དབྱེ་ནས་ཡོད་པ་ལས་མཉམ་དུ་སློབ་སྦྱོང་བྱེད་སྲོལ་མེད། བཀྲ་ཤིས་ལྷུན་པོ་ལ་ཡང་གསང་སྔགས་སློབ་སྦྱོང་བྱེད་མཁན་ཟུར་དུ་གྲྭ་ཚང་ཞིགག་བཙུགས་ཡོད། དེ་མིན་གདན་ས་མཐིལ་དང་སྐུ་འབུམ་སོགས་དགོན་པ་ཆེ་བ་ཚང་མར་དེ་འདྲ་ཡིན། རྙིང་མའི་དགོན་པ་སྨིན་གྲོལ་གླིང་དུ་མདོ་སྔགས་ཟུང་འབྲེལ་གྱིས་སློབ་སྦྱོང་བྱེད་ཀྱི་ཡོད། སྡེ་དགེ་ལའང་དེ་ལྟར་ཡིན། མདོ་སྔགས་ཟུང་འབྲེལ་གྱིས་སློབ་སྦྱོང་བྱེད་པ་ཟེར་བའི་གོ་དོན་ནི། དེ་རེང་ཉི་མ་གཅིག་ལ་མདོ་སྔགས་གཉིས་ཀ་སློབ་སྦྱོང་བྱེད་དགོས་པ་དེ་ལ་ཟེར། ཤེས་བྱ་ཀུན་ཁྱབ་ནང་དུ་ཙོང་ཁ་པའི་རྣམ་ཐར་ཞིག་བྲིས་ཡོད་པ་དེའི་ནང་དུ་ཙོང་ཁ་པ་ནི་ཆོས་འདུལ་བའི་བསྟན་པ་དེ་ལ་བསྟན་པའི་བདག་པོ་ཤཱཀྱ་མུ་ནེ་དངོས་སུ་ཕེབས་པ་ནང་བཞིན་བྱུང་བ་རེད་ཅེས་འཁོད་ཡོད་པས་དེ་ལ་གོ་བ་ལེན་སྟངས་སྣ་ཚོགས་ལེན་གྱི་ཡོད་པ་སྡེ། ཁ་ཤས་ཀྱིས་ཤེས་བྱ་ཀུན་ཁྱབ་ནང་ཙོང་ཁ་པ་དེ་ཆོས་འདུལ་བའི་བསྟན་པ་ལ་ཤཱཀྱ་མུ་ནེ་དངོས་སུ་ཕེབས་པ་དང་ཁྱད་མེད་པ་བྱུང་བ་རེད་ཟེར་བ་དེ་ཐད་ཀར་ལྟ་དུས་ཙོང་ཁ་པར་བསྟོད་བསྔགས་ཆེན་པོ་ཞིག་བྱས་པ་ལྟ་བུ་ཞིག་ཡོད་ནའང་དོན་དུ་དགེ་ལུགས་པརའདུལ་བ་སྐམ་པོ་ཞིག་ལས་གསང་སྔགས་སོགས་གཞན་གང་ཡང་མེད་ཅེས་ཤུགས་སུ་བསྟན་ཡོད་པའི་གོ་བ་ལེན་གྱི་ཡོད་པ་དང་། ཁ་ཤོས་ཀྱིས་དེ་ནི་དགེ་ལུགས་པ་ལ་འདུལ་བ་མ་གཏོགས་གསང་སྔགས་མེད་ཟེར་བའི་དོན་མ་ཡིན་པར་བོད་ཀྱི་སངས་རྒྱས་ཆོས་ལུགས་ཀྱི་འདུལ་བའི་བསྟན་པར་ཉམས་རྒུད་ཤིན་ཏུ་ཆེན་པོ་བྱུང་སྟེ་རབ་ཏུ་བྱུང་བ་ཡིན་མིན་གྱི་དབྱེ་བ་ཙམ་ཡང་མེད་པའི་དུས་སྐབས་སུ་ཙོང་ཁ་པས་བསྐྱར་དུ་ཉི་མ་ཤར་བ་ལྟ་བུ་བཟོས་གནང་བ་ཡིན་པས་ན་འདུལ་བའི་བསྟན་པ་ལ་ཤཱཀྱ་མུ་ནེ་དངོས་སུ་ཕེབས་པ་ལྟ་བུ་བྱུང་བ་རེད་ཅེས་གསུངས་པར་འདོད་པ་ཡིན། དེར་བརྟེན་རྩོམ་ཡིག་ལའང་མི་སོ་སོས་གོ་བ་ལེན་སྟངས་འདྲ་མིན་སྣ་ཚོགས་ཡོད། དེ་བཞིན་བཀའ་བརྒྱུད་པའི་དཔེ་ཆ་ཞིག་གི་ནང་དུ་ཙོང་ཁ་པ་ལ་འདུལ་བ་སྐམ་པོ་ཞིག་ལས་གཞན་མེད་སྟབས་མར་པ་དང་མི་ལ་ལྟར་སྐུ་ཚེ་འདི་ལ་སངས་རྒྱས་མ་ཐུབ་པ་རེད་ཅེས་བྲིས་ཡོད་པ་རེད། དེ་ནི་ཁོ་རང་མི་གཅིག་གི་ལྟ་བ་ཡིན། ཤེས་བྱ་ཀུན་ཁྱབ་ཀྱི་ནང་དུ་ཡོད་པའི་ལྟ་བ་དེ་ནི་རྙིང་མ་དང་བཀའ་བརྒྱུད་ཀྱི་ཡོངས་ཁྱབ་ཀྱི་ལྟ་བ་རེད། སྡེ་དགེ་དགོན་པས་ཙོང་ཁ་པའི་གསུང་འབུམ་ཆ་ཚང་པར་བཏབ་ཡོད་པ་མ་ཟད། གཞུང་ཆེན་བཅུ་གསུམ་ཁྲིད་པའི་སྐབས་སུ་དཔེ་ཆ་དེ་སློབ་འཁྲིད་བྱེད་ཀྱི་ཡོད། དེ་བཞིན་རྙིང་མའི་དགོན་པ་སྨིན་གྲོལ་གླིང་དུ་ཡང་ཙོང་ཁ་པས་བརྩམས་གནང་བའི་ལམ་རིམ་ཆེན་མོ་དང་སྔགས་རིམ་ཆེན་མོ་སློབ་ཁྲིད་བྱེད་ཀྱི་ཡོད།

    མཁས་དབང་དུང་དཀར་བློ་བཟང་འཕྲིན་ལས་ཀྱི་གསུང་འབུམ་《གྲུབ་མཐའི་སྐོར་གྱི་རྣམ་བཤད་》ལས་བདམས།

    འབྲེལ་ཡོད་རྩོམ་ཡིག
    ༄༅།།རྙིང་མ་བ།
    ༄༅།།བཀའ་གདམས་པ།
    ༄༅།།ཞི་བྱེད་པ།
    ༄༅།།བཀའ་བརྒྱུད་པ།

            
     

20. ད་ཡིན་ན་་་་་་གནམ་ས་ལ་ལྷུང་ནས་་་་་་་ང་ལ་རྐྱང་ཕྱག་འབུམ་གཅིག་འཚལ་དགོས་ངེས་རེད།།

21. ཨ་རྡུ་མན་གྱི་མཚན་སྔགས་མང་ཙམ་བསྒྲངས་ན་རྒྱ་སྒོར་དམར་པོའི་ཆར་པ་འབེབ་ངེས་རེད། མྱུར་དུ་ཤུགས་ལྡན་གྱི་ཞིང་དུ་སྐྱེ་ངེས་རེད། རྒྱ་ཁྱི་ཨ་རྡུ་མན་ལ་ཕྱག་འཚལ་ལོ། །དོལ་འདྲེ་ཨ་རྡུ་མན་ལ་སྐྱབས་སུ་འཆི།

22. ལུང་རྟོགས་ལགས། ཁྱེད་རང་ཡང་་་་ང་ཡི་དགེ་ཕྲུག་བྱེད་འདོད་ན་ངས་་་་ངོས་ལེན་བྱས་ཆོག །གང་ལྟར་ག་དུས་ཡིན་ནའང་མི་ལ་་་
    བསམ་པ་བཟང་པོ་བྱོས་ཨ།།

23.           ༈ལུགས་ཀྱི་སློབ་བྱ་ལས།
    སྐྱིད་ངོམ་མ་བྱེད་སྐྱིད་ལ་ངེས་པ་མེད།།
    སྡུག་ན་སྡུག་ཡུས་མ་ཆེ་ངེས་གྲངས་མེད།།
    མ་རབས་སྤྱོད་ངན་ཅན་ལ་འདྲིས་མ་ཆེ།།
    མི་ཐུབ་པ་ལ་དཀའ་བའི་ལས་མ་བཅོལ།།
    མི་ཤེས་པ་ལ་སྙིང་གི་གཏམ་མ་འདྲི།།
    མི་ཉན་པ་ལ་ཁ་ཏའི་ཚིག་མ་བཤད།།
    མི་བརྩི་བ་ལ་དགའ་བའི་འཛུམ་མ་སྟོན།།
    མྱི་ཁ་ཕོག་པའི་མྱི་དང་གཉེན་མ་བསྟེན།།
    ལས་ངན་སྡུག་པོ་ཆེ་ལ་ཡིད་མ་སྨོན།།
    གཞན་གྱི་ཟས་ནོར་ཧ་ཅང་རྔམ་མ་ཆེ།།
    སྤྲོ་ཐུང་གྱོད་འཁོན་ཅན་ལ་ཁྱིམ་མ་འཚོལ།།
    གྱོད་དང་གཏམ་ངན་ཅན་གྱི་ཟོང་མ་ཉོ།།
    དཀོན་མཆོག་གཏན་དུ་དོར་ནས་མནའ་མ་སྐྱེལ།། 
    ཞེས་གསུང་པ་འདི་རྣམས་ལ་ཐུགས་ཞིབ་གནོང་དང་། དོན་གྱི་ངེས་པ་སྟེར་བར་ངེས།།

24. ཧཧཧ་་་ཨ་རྡུ་མན་ད་ཆོས་འདྲ་ཞིག་བཤད་ཁུལ་བྱས་ནས་མི་རྣམས་བསླུ་དགོས་བསམ་གྱི་འདུག་གམ། རྨི་ལམ་སྐྱིད་པོ་མ་བཏང་། ད་ལྟ་དུས་རབས་ག་ཚོད་ལ་སླེབས་འདུག སྔ་མོ་ནང་བཞིན་མགོ་སྐོར་གཏོང་ཆོག་ཆོག་གི་རྨོངས་དད་ཅན་ཀྱང་མ་རེད་ད།

25. ་་་་། ཆོས་ལུགས་དེ་ཚོ་རང་རང་སོ་སོའི་ཁྱད་ཆོས་དང་ལྡན་པ་ཡིན་པས་ཆོས་ལུགས་ཚང་མ་མཉམ་བསྲེས་བྱས་ན་མི་འགྲིག་པའི་རྒྱུ་མཚན་དེ་ཡིན། ཆོས་ལུགས་འདྲ་མིན་ཚང་མ་བྱས་ན་རང་གི་བསམ་བློའི་ནང་ཐག་ཆོད་པའི་ལྟ་བ་གཅིག་ཀྱང་མེད། མཐའ་མ་ཆོས་ལུགས་གང་ལ་ཡང་ཡིད་མི་ཆེས་པར་གྱུར་ཏེ་དེའི་འབྲས་བུར་མཐའ་མ་རང་ཉིད་བྱིའུ་གནམ་ལ་འཕུར་ནས་མར་ས་ལ་བབས་མ་ཐུབ་པ་ལྟ་བུ་ཞིག་ཏུ་འགྱུར་རྒྱུ་ལས་གཞན་མེད། ③ ་་་་་་་་
    ཞེས་གསུངས་པ་འདི་འཐད་དང་མི་འཐད་མི་ཤེས།

26. ད་དུང་དགེ་ལུགས་པའི་ལོ་རྒྱུས་ཁ་སྣོན་ལ། ༧སྐྱབས་རྗེ་ཕ་བོང་ཁ་ཁམས་སུ་བྱོན། དོལ་རྒྱལ་གྱི་བསྟན་པ་སྤེལ།
    དགེ་ལུགས་པས་རྣིང་ཆོས་བྱས་ན་དོལ་རྒྱལ་གྱི་བཀའ་ཆད་ཡོང་ཚུལ་གསུངས་པས། དགེ་རྣིང་འཁྲུགས། རྙིང་མ་
    བ་མང་བོ་དགེ་ལུགས་པ་ལ་བསྒྱུར། དེ་རྗེས་དུས་རབས་ཉི་ཤུ་བའི་ལོ་རབས་ལྔ་བཅུའི་ནང་རྒྱ་དམར་གྱིས་བོད་
    ལ་བཙན་འཛུལ་བྱས། ཁམས་དང་ཨ་མདོ་སོགས་སུ་མི་མང་སྡེབ་གསོད་བཏང་། དགེ་ལུགས་པའི་དགོན་པ་
    མང་ཆེ་བ་རྩ་མེད་བཟོས། དགའ་ལྡན་དགོན་པ་གྱང་རོ་ཞིག་ཏུ་བཟོས། འཇམ་མགོན་བླ་མའི་སྐུ་དམར་གདུང་
    དུ་བཞུགས་པ་དགའ་ལྡན་གསེར་གདུང་ཆེན་མོ་ཞེས་སྟོང་གསུམ་རིན་ཆེན་སྣ་ལྔས་བཀང་སྟེ་བླུས་ཀྱང་མི་
    ཁུག་པ་དེ་ཐལ་བའི་ཕུང་བོར་བསྒྱུར། པཎ་ཆེན་རིན་པོ་ཆེ་བཙོན་དུ་བཅུག ༧གོང་ས་ཡིད་བཞིན་ནོར་བུ་
    རྒྱ་གར་བཙན་བྱོལ་ལ་ཕེབས་དགོས་བྱུང་། འཛེ་སྨད་རིན་པོ་ཆེས་ཕ་རྒོད་བླ་མའི་ཞལ་ལུང་བརྩམས་པས་ཆོས་
    ལུགས་ཀྱི་དཀྲུག་རྐྱེན་བསླངས། རྗེ་རིན་པོ་ཆེའི་སྲས་ཀྱི་གསུམ་གྱི་ནང་རྒྱལ་བ་དགེ་འདུན་གྲུབ་ཀྱི་སྐུ་ཕྲྲེང་བཅུ་
    བཞི་བ། དགེ་ལུགས་པའི་བསྟན་པའི་བདག་པོ་༧གོང་ས་ཡིད་བཞིན་ནོར་བུས་དགེ་ལུགས་པར་ཁས་འཆེ་བ་དང་། ཁོང་བླ་མར་འཛིན་མཁན་སུ་འདྲ་ཞིག་ཡིན་ཡང་དོལ་རྒྱལ་བསྟེན་མི་རུང་བའི་བཀའ་སློབ་རིམ་པར་
    བསྩལ། འོན་ཀྱང་དགེ་ལུགས་པའི་བླ་གྲྭ་མང་བོ་ཞིག་གིས་ལོ་ངོ་དྲུག་བརྒྱ་ཉེ་བར་༧རྒྱལ་དབང་རིམ་བྱོན་གྱིས་
    དགེ་ལུགས་པ་བསྐྱངས་པའི་བཀའ་དྲིན་བརྗེད་དེ་མཚན་སྨད་སྐུར་འདེབས་ཞུས། བསྟན་པ་སྤྱི་དང་ལྷག་པར་
    དགེ་ལུགས་པའི་བསྟན་དགྲ་རྒྱ་དམར་ལ་བློ་སྙིང་བྲང་གསུམ་གཏད་པ་སོགས་ཞབས་འདྲེན་རི་རབ་ལས་ཆེ་བ་
    ཞུས་པ་བཅས་སོ། །

27. འདིར་རྙིང་ཆོས་དང་དགེེ་རྙིང་ཞེས་ཟེར་རྒྱུ་ལ་མཛུབ་གནོན་འཁྲུག་པའིདབང་གིས་རྣིང་ཞེས་ཡིག་ནོར་བྱུང་འདུག་པ་ཡིད་འཇགས་འཚལ།