ཚོལ་ཡ།

Comments (7) on “ཚོལ་ཡ།”

1. མི་རིགས་མི་གཅིག་རིག་གཞུང་དེ་མ་འཚོལ།
   མི་རིགས་མི་གཅིག་སྐད་ཡིག་དེ་མ་འཚོལ།
   མྱེས་པོས་སྒྲུབ་པའི་ས་སྐྱེས་རྡོ་སྐྱེས་ཀྱི།
   རིག་གཞུང་ཕུན་སུམ་ཚོགས་འདི་ངོ་ཤེས་དགོས།

2. མདོ་དབུས་ཁམས་གསུམ་གང་ཡིན་ཡོང་ཁོངས་དེ་མ་བཙལ།།
   གཞིས་བྱེས་གང་ནས་སྐྱེས་པའི་སྐྱེ་ཁོངས་དེ་མ་བཙལ།།
   མགོ་ནག་རྩམ་ཟན་གཅིག་པའི་འདུ་ཤེས་དེ་ཁུར་ནས།།
   སྐྱིད་སྡུག་མཉམ་ཁུར་བྱེད་པའི་རིགས་ཞེན་དེ་ཚོལ་ཡ།།

   དབུ་ལམ་རང་བཙན་གང་ཡིན་ལྟ་བ་དེ་མ་བཙལ།།
   ཚོགས་པ་སྐྱིད་སྡུག་གང་གི་རྗེས་འབྲངས་ཡིན་བལྟ།།
   གངས་ཅན་རྫོགས་ལྡན་གསར་བའི་ཉི་གཞོན་དེ་བསུ་ཆེད།།
   རྒྱ་དམར་རང་ཡུལ་འདེད་པའི་ཐབས་ལམ་དེ་ཚོལ་ཡ།།

   མི་རིགས་དཀར་ནག་གང་ཡིན་ཤ་མདོག་དེ་མ་བཙལ།།
   སྟུ་སྒོ་དམ་ལྷོད་གང་ཡིན་ཐག་རིང་ནས་མ་དཔྱོད།།
   གཡའ་ཆུ་འདོམས་ནས་བསྲེ་བའི་ཐབས་ལམ་དེ་བཙལ་ནས།།
   སྟོན་ནམ་རིང་མོ་རྫོགས་པའི་དགའ་སྟོན་དེ་ཚོལ་ཡ།།

   ཨ་ལ་རྩེད་མོ་ཡིན། དཔེ་ཡག་པོ་བྲིས་འདུག ཐུགས་རྗེ་ཆེ།

3. ཕ་བསད་དགྲ་བོ་གཉེན་སྒྲིག་བྱེད་སེམས་དེ་མ་བྱེད།།
   རེ་སྟོང་འབུམ་གྱིས་ཁེངས་པའི་ལམ་བུ་དེ་མ་འཚོལ།།
   མི་རིགས་ལྷན་སྐྱེས་རང་བཞིན་ཐོབ་ཐང་དེ་བརྩད་ནས།།
   ས་ཡ་དྲུག་གི་གཏན་གྱི་མདུན་མ་དེ་འཚོལ་ཡ།།

4. མ་བཙལ། མ་འཚོལ། མ་ཚོལ་གསུམ་ལས་གང་དག་གམ།

5. འཚོལ་བཞིན། བཙལ་ཟིན། བཙལ་རྒྱུ། ཚོལ་ཅིག

6. རང་གིས་མི་འཚོལ་བ་རྒྱུ་མཚན་དུ་བྱས་ནས་མ་བཙལ་བ་ཡིན་ན་མ་བཙལ་དག།
   གཞན་གྱིས་མི་འཚོལ་བའི་དོན་དུ་སྐུལ་བ་ཡིན་ན་མ་ཚོལ་དག།
   མ་འཚོལ་ཟེར་བ་ཞིག་གཏན་ནས་མེད་པས་མི་དག།

7. གནམ་རྒན་པོས་བཤད་པ་ལྟར་རོ། བྱིས་པ་དག་ཡིག་ཁ་ནས་བསྐྱོར། མ་དག་ཡི་གེ་ལག་པས་བྲིས། ཟེར་བ་བཞིན་མ་དག་པ་མང་པོ་ཞིག་ཤོར་འགྲོ་ཡི་འདུག་ཨ།