ཐེ་བོ་སངས་རྒྱས།
ཁ་སང་ངའི་གྲོགས་པོ་བསོད་ནམས་དོན་འགྲུབ་ལགས་དང་སྐད་འཕྲིན་ནང་ཁ་བརྡ་འཁྱུག་ཙམ་བྱས། ཁོས་ང་ལ་སྐད་གྲགས་ཆེ་བའི་དགུན་ཁའི་གངས་ཤུད་རྒྱག་ས་ཝལ་ཐོ་རེན་སི་ Val Thorens, ངོ་སྤྲོད་སྟབས་བདེ་དང་སྦྲགས། དེའི་སྐོར་གྱི་ཡིག་ཆ་སྙིང་བསྡུས་ཤིག་བསྐུར་ནས་དེ་བོད་ཡིག་ནང་བསྒྱུར་རོགས་ལབ་བྱུང་། དེ་ཡིན་པ་ཧྥ་རན་སིའི་རཱོ་ཝོན་ཨལ་ཕེ་སི་Rhone-Alpes, France,ཞེས་པའི་ས་ཁུལ་དུ་རྒྱ་མཚོའི་ངོས་ལས་མཐོ་ཚད་མི་ཁྲེར་ཉིས་སྟོང་སུམ་བརྒྱའི་སར་ཆགས་ཡོད་པ་དང་། གངས་རིའི་བརྒྱུད་དེ་ནས་བལྟས་ན་ཧྥ་རན་སིའི་ཁོར་ཡུག་ཙམ་དུ་མ་ཚད། སུད་སི་དང་ཨི་ཏྲ་ལིའི་རི་བརྒྱུད་ཀྱི་རི་རྩེ་ཆིག་སྟོང་ལས་མང་བ་རྒྱང་ནས་མངོན།
དེར་བརྟེན་འདི་ཡུ་རོབ་གླིང་གི་གངས་ཤུད་རྒྱག་སའི་ས་ཚིགས་མཐོ་ཤོས་དེ་ཡིན་པར་ཆ་འཇོག་བྱེད། དེང་སང་ཡུལ་དེའི་གངས་ཤུད་རྒྱག་སའི་ས་གནས་ལྟེ་བར་གྱུར་པ་དང་། འཛམ་གླིང་ནང་ལུ་གུ་རྒྱུད་དུ་སྦྲེལ་བའི་གངས་ཤུད་རྒྱག་ས་ཁོད་ཡངས་ཤོས་སུ་བརྩི། དེ་ལུང་གཤོངས་གསུམ་ལས་གྲུབ་ཅིང་གྱེན་ཐུར་ལ་ཧ་ལམ་ལེ་དབར་དྲུག་བརྒྱ་ལྷག་ཡོད། དུས་རབས་ཉི་ཤུ་བའི་ལོ་རབས་དྲུག་ཅུ་བའི་ནང་འདི་ནས་གངས་ཤུད་རྒྱག་སར་དམིགས་པའི་རི་གྲོང་ཆུང་ངུ་ཞིག་བཙུགས། ༡༩༦༧ ལོ་དང་༡༩༦༩ ལོ་དག་ཏུ་རི་གྲོང་དེ་རིམ་པས་རྒྱ་བསྐྱེད་བཏང་བ་ཞིག་ཡིན་ཅིང་། ལོ་ལྟར་ཕྱི་ཟླ་བཅུ་གཅིག་པ་ནས་ཟླ་བ་ལྔ་ཙམ་རིང་གངས་ཤུད་རྒྱག་མཁན་ཆ་སྙོམས་ཉིན་རེར་མི་སུམ་ཁྲི་ཡས་མས་ཡོད་ཚོད་རེད།
ཝལ་ཐོ་རེན་དེ་དགུན་དུས་ཧྥ་རན་སིའི་ནང་མང་མོས་ཀྱིས་སྤྲོ་གསེང་དང་གངས་ཤུད་རྒྱག་པར་འགྲོ་ཡུལ་ཏེ། ཧྥ་རན་སི་གཙོས་པའི་ཡུ་རོབ་གླིང་གི་འབྱོར་ལྡན་དང་། འབྱོར་འབྲིང་གང་མང་ཞིག་ཆུ་ཚོད་དང་འགྲོ་གྲོན་ལ་མ་བལྟོས་པར་འདིར་གངས་ཤུད་རྒྱག་ཏུ་ཡོང་གིན་ཡོད་འདུག ཡ་མཚན་པ་ཞིག་ལ། འདིར་ཡོང་མཁན་མང་ཆེ་བས་ལུས་རྩལ་སྦྱོང་བརྡར་དང་ཁམས་བསངས་ལ་དམིགས་པ་ལས་གཞན། སེམས་ནང་གསང་བའི་རྨི་ལམ་ཞིག་ཡོད་པ་ནི་ཉི་མ་གཅིག་བོད་དུ་གངས་ཤུད་རྒྱག་རྒྱུ་དང་། ད་ལྟ་གངས་ཤུད་འགྲན་བསྡུར་སོགས་རྨི་ལམ་དེའི་སྟ་གོན་ལྟ་བུར་ངོས་འཛིན་ཐོག རྨི་ལམ་དེ་མངོན་འགྱུར་ཡོང་བར་སེམས་གཏིང་ནས་སྨོན་ལམ་འདེབས་ཀྱིན་ཡོད་སྐད།
དེ་གའི་མི་རྣམས་བོད་མི་རིགས་དང་བོད་ཀྱི་རིག་གཞུང་ལ་དགའ་ཞེན་དཔེ་མེད་ཆེ་རབས་བཤད། སྐར་མ་ལྔ་ཅན་གྱི་གསོལ་མགྲོན་ཁང་ཁ་ཤས་ནང་བོད་ཀྱི་རི་མོ་དང་འདྲ་པར་སྣ་ཚོགས་གྱང་ངོས་སུ་བཀལ་བ་མཐོང་རྒྱུ་འདུག་ཟེར། སྤྱིར་བཏང་ལུས་རྩལ་རྩེད་རིགས་དར་སོ་ཆེ་བ་ནི་ཤེས་རིག་དར་བའི་མཚོན་རྟགས་ཤིག་ཏུ་ངོས་འཛིན་པ་དེ་དོན་ལའང་གནས་པར་སེམས། འདས་པའི་བྱུང་རབས་ལ་ཕྱིར་མིག་ཅིག་བལྟས་ན། བོད་བཙན་པོའི་དུས་སྐབས་དག་ཏུ་རྟ་ཐོག་སྤོ་ལོ་དང་། སྦེ་ག མདའ་རྩལ་སོགས་རྩེ་སྲོལ་བཏོད་མོད། དོན་དངོས་ཐོག་དེ་དག་རྒྱུན་ནམ་འཛིན་དར་སྤེལ་ཆེན་པོ་མ་བྱུང་བའི་ཁར། མིང་དོན་མཚུངས་པའི་བོད་ཁ་བ་ཅན་དུ་གངས་ཤུད་རྒྱག་སྲོལ་དེ་མ་དར་བ་འདྲ།
སྐར་མ་ལྔ་ཅན་དེའི་ནང་དུ་ལས་ཀ་ལས་མཁན་གྱི་བོད་པ་གཉིས་ཀྱང་འདུག་རབས་ཟེར་གི
འདི་ནང་བཞིན། སོ་སོའི་སྐྱེས་ས་ཕ་ཡུལ་གྲོང་འཁྱེར། གྲོང་རྡལ། གྲོང་གསེབ། འབྲོག་ས། གནས་རི་སོགས་ཀྱི་སྐོར་ལ་འདྲ་དཔར་དང་བཅས་ཁྱབ་སྤེལ་བྱེད་ཐུབ་ན་ཅི་མ་རུང་སྙམ་ལགས།
མགྲོན་ཁང་འདིའི་ནང་གི་ལས་ཀ་པ་བོད་པ་ཕོ་གསར་གཉིས་ཡོད་གཅིག་ངའི་ཚ་བོ་ཞིག་ཡིན། ང་ཡང་འདིར་དར་ཤུད་སྟེག་གི་ཐེངས་གཅིག་ལ་སོང་མྱོང་།