ཞི་ཅིང་ཕིང་ལགས། མཇེ་ཤུབ་ཆེ་རུ་གཏོང་རོགས། ཨ་ཧྥི་རི་ཀའི་ཛིམ་སྦབ་ཝེ་ཡི་འཕྲོད་བསྟེན་བློན་ཆེན་གྱི་རེ་འདུན།

བསྟན་འཛིན།

ཨ་ཧྥི་རི་ཀའི་ནང་གི་ཛིམ་སྦབ་ཝེ་ཡི་འཕྲོད་བསྟེན་བློན་ཆེན་གྱིས་རྒྱ་ནག་ལ། མཇེ་ཤུབ་ཆེ་རུ་གཏོང་དགོས་པའི་རེ་འདུན་ཞུས་འདུག ། དབྱིན་ཇིའི་ཚགས་པར་། ཉི་མ།ཞེས་པ་དེར་ཐོན་པར། ཛིམ་སྦབ་ཝེའི་སྐྱེས་པ་ཚོར། རྒྱ་ནག་གིས་བཟོས་པའི་མཇེ་ཤུབ་ཆུང་དྲགས་ནས། ལུས་སེམས་གཉིས་ཀའི་དཀའ་ངལ་འཕྲད་བཞིན་ཡོད་པ་འཁོད་འདུག ཁོང་གིས་ཛིམ་སྦབ་ཝེའི་ཁེ་ལས་པ་ཚོར་རེ་སྐུལ་ཞུ་དོན། མཇེ་ཤུབ་ནི་ཁེ་འབབ་ཆེན་པོ་ཡོད་པའི་འཐོན་རྫས་ཤིག་རེད། ཁྱེད་ཚོས་རང་རེའི་མི་རིགས་ཀྱི་དགོས་མཁོར་གཞིགས་པའི་མཇེ་ཤུབ་བཟོ་ཐུབ་ན། དེས་དངུལ་མང་པོ་བཟོ་ཐུབ་ལ། ཨེ་ཛི་ལ་སོགས་པའི་འཁྲིག་སྤྱོད་ཀྱི་ནད་མང་པོ་འགོག་ཐུབ། ད་ལྟ་ཡུལ་དེར་ཡོད་པའི་མཇེ་ཤུབ་དེ་ཚོར་ཡུལ་དེའི་མི་མང་གི་འདོད་བློ་འཁེངས་མི་ཐུབ་པར་གྱུར་ཡོད་ཅེས་གསུངས་འདུག ། འཛམ་གླིང་ཡུལ་གྲུ་མང་པོ་དང་འདྲ་བར། ཛེམ་སྦབ་ཝེའི་མཇེ་ཤུབ་མང་ཆེ་བ་རྒྱ་ནག་ལ་བཟོས་པ་རེད་འདུག སྤྱིར་རྒྱ་རིགས་ཚོའི་མཇེ་ཚད་དེ་ཨ་ཧྥ་རི་ཀའི་མི་མང་གི་མཇེ་ཚད་ལས་ཆུང་བ་ཡོད་པའི་རྟགས་བསྟན་ཡོད་པ་སྟེ། ད་ལྟ་ཚོང་རྭར་ཡོད་པའི་མཇེ་ཤུབ་མང་ཆེ་བ་རྒྱ་ནག་གིས་ཚད་གཞིར་གཞིགས་ནས་བཟོས་པ་ཡིན་ཚོད།