གླིང་ཚ་ཚེ་བརྟན་རྡོ་རྗེ་ནས།
རང་ཚུགས་ཐུབ་པ། ཞུམ་མེད་ཀྱི་སྙིང་སྟོབས་ཡོད་པ། འགྲོ་བ་འདྲ་མཉམ་གྱི་འདུ་ཤེས་ཟབ་མོ་ཡོད་པ། རིགས་ལ་བཅིངས་པའི་ལྷག་བསམ་ལ་རྨ་མེད་པ། དྲང་བདེན་ལ་རང་གི་ཚེ་སྲོག་ལས་ཀྱང་གཅེས་པ། མིའི་ཀུན་སྤྱོད་ཀྱི་ཁེ་དབང་ལ་གཅིག་མཚུངས་སུ་ལྟ་བ་དང་ཕྱོགས་རུས་མེད་པ་བཅས་ཀྱི་སྟེང་ནས། དཀའ་ངལ་ཡོད་ཚད་ལ་གདོང་གཏད་པར་རང་གི་ལུས་ངག་ཡིད་གསུམ་དང་རྒྱུ་དངོས་སྤྱོར་གསུམ་གང་ཡིན་ཡང་བློས་གཏོང་བྱེད་པར་རང་ཉིད་ཀྱི་སེམས་གཏིང་ནས་གྲྭ་སྒྲིག་ཚགས་ཚུད་ཡོད་པ་ཞིག་དགོས་པ་ཡིན། ༨།༦།༡༢
ཨ་བླ་མཁྱེན། ད་འདི་མོ་ཚང་ནི་དཀོན་ནི་རེད་ཡ། གནའ་སྔོན་མ་ཟིག་ལ་དེ་འདྲ་ཡོད་རབས་གོ་མྱོང། ཚེ་རྡོ་སྡེ་དོན་ལ་མི་འཕེན་ན། ཕོ་ཚེ་ཐག་རང་ཡང་དགའ་རྒྱུ་མེད་ཟེར་ནས་ཀི་རིང་འདེབས་ནི་ཡོད་ཚོད་ཡིན་ཐལ། ད་ཡུམ་གཅིག་ཤེས་ན།
ཨོ་་་་་་་་་་་སྔོན་གནས་རེད་ཚེ་བརྟན་རྡོ་རྗེས་ལགས་ཀྱིས་གསུངས་དེ་ག་རང་རེད་་་་་་་་་ཆ་རྐྱེན་དེ་ཆ་ཚང་ཡོདཔ་ཧ་ཅང་ཁག་པོ་རེད་་་་་་་ཆ་རྐྱེན་དེ་མཚོ་ནང་ནས་གཙོ་བོ་ལྷག་བསམ་དང་སྙིང་སྟོབས་གཉིས་གལ་ཆེས་རེད་བསམ་གྱི་འདུག་་་་
བདག་ཉིད་ཆེན་པོ་གྷན་ངྷིས་”འཆི་བར་མི་སྐྲག་པ་ལས་ལྷག་པའི་འཇིགས་པ་མེད་པ་ཞིག་ངས་མ་མཐོང་”གསུངས་པ་ལྟར་ནམ་ཞིག་རང་དབང་དང་བདེན་པའི་ཆེད་དུ་འཆི་བ་དང་དུ་ལེན་པའི་སྙིང་སྟོབས་ཡོད་པར་གྱུར་པ་ནས་ད་བཟོད་རང་ཉིད་ཞི་བའི་འཐབ་རྩོད་པ་ངོ་མ་ཞིག་ཏུ་གྱུར་པ་ཡིན་ལ། དེ་ནས་བཟུང་རང་ཉིད་གྷན་ངྷིའི་རྗེས་འབྲངས་ཚད་ལྡན་ཞིག་ཏུ་གྱུར་བའང་རེད། ཕྱོགས་གཞན་ཞིག་ནས་རང་ཉིད་བསོད་མཁན་གྱི་ལག་དམར་ཡིན་ཡང་ཁོང་མི་ཁྲོ་བའི་བཟོད་པ་ཆེན་པོ་དེ་འདྲ་ཞིག་དགོས་པ་སོ་སོ་སྐྱེ་བོ་ང་འདྲ་དག་གིས་ཉམས་སུ་ལེན་རྒྱུ་ཕར་ཞོག་སེམས་པའི་ཟུར་ལའང་དྲན་མི་ཐུབ་པའི་སྙིང་སྟོབས་རླབས་ཆེན་ཅིག་གིས་རྩེས་ཟིན་དགོས་པ་རེད། སྙིང་སྟོབས་འདི་འདྲ་ལྡན་མཁན་གྱི་སྐྱེ་བུ་དག་ལ་ཆོས་ཀྱི་གཞུང་དུ་”བྱང་ཆུབ་སེམས་དཔའ” ཞེས་བརྗོད་ཡོད་པ་དེ་རེད། ནང་པ་སངས་རྒྱས་པ་ཡིན་མིན་ལ་མ་ལྟོས་པར་སྐྱེ་བུ་འདིའི་རིགས་ལ་ངས་སངས་རྒྱས་སྟོན་པ་ནང་བཞིན་གུས་ཞབས་བྱེད་ཀྱི་ཡོད།
ཚེ་རྡོར་ལགས་ཀྱིས་མྱོང་བའི་སྡོམ་ཚིག་གམ་ཚེ་མེད་ཞི་བའི་འཐབ་རྩོད་ཀྱི་ཡ་མཐའི་ས་མཚམས་དེ་ལ་རྗེས་སུ་ཡི་རངས་ཞུ་བ་ལས་གཞན་མེད།
ཡིནའང་ཆ་རྐྱེན་དེ་དག་ཚང་བའི་སྲིད་དོན་འཐབ་རྩོད་པ་རྣལ་མ་ཞིག་སྲིད་འདིར་དཀོན་པ་ཙམ་དུ་མ་ཟད་རང་རེའི་ཁྲོད་དུ་ཤིན་ཏུ་དཀོན། བརྒྱ་ལ་སྲིད་ཀྱང་འབྲས་བུ་གདགས་པར་ཤིན་ཏུ་དཀའ་ཞིང་མེ་ནང་དུ་བསྐལ་པ་རྒྱ་མཚོར་
ས་བོན་འདེབས་པ་དང་གཉིས་སུ་མ་མཆིས་སོ་སྙམ་སྟེ། རྒྱ་ནག་དང་། འབར་མ། སི་རི་ཡ་སོགས་ན་ཐ་མལ་པའི་ཚེ་མེད་ཞི་བའི་ངོ་རྒོལ་བ་རྣམས་ཕམ་ཉེས་སུ་འགྲོ་དང་
འགྲོ་མུས་ཡིན་པས་སོ།།
༢༽སྐུ་ཞབས་པཥི་ལགས་ཀྱི་གསུང་པའི་བྱང་ཆུབ་སེམས་པ་དེ་ཉན་རང་རྟེན་ཅན་དང་ལམ་མ་ཞུགས་ནའང་ཡོད་དགོས་འདུག་པས། ནང་པའི་ཆོས་ཕྱོགས་ནས་བཤད་ན་བྱང་ཆུབ་སེམས་པ་ཡིན་ན་ཐེག་ཆེན་ལམ་ཞུགས་ཀྱི་གང་ཟག་ཡིན་མི་དགོས་པར་ཐལ། ལམ་མ་ཞུགས་དང་ཉན་རང་ཁྲོད་དུ་ཡོད་པའི་ཕྱིར་ཏེ། ཉན་ཐོས་སྦྱོར་ལམ་བཟོད་པ་ཐོབ་པའི་གང་ཟག་དང་ལམ་མ་ཞུགས་ན་ཡང་བཟོད་པའི་
ཉམས་ལེན་བརྟན་པོར་གནས་པའི་ཕྱི་རོལ་པ་སོགས་མང་བའི་ཕྱིར། མ་གྲུབ་ན་མངོན་སུམ་ལ་བསྙོན་པ་ཙམ་དུ་ཟད། འདོད་ན།
འཁོར་གསུམ། དེ་དག་བྱང་ཆུབ་སེམས་དཔའ་མ་ཡིན་པར་ཐལ། ཐེག་པ་ཆེན་པོའི་ལམ་དུ་ཞུགས་པའི་གང་ཟག་མ་ཡིན་པའི་ཕྱིར།
མ་ཡིན་པར་ཐལ། ཐེག་ཆེན་གྱི་ལམ་མ་ཞུགས་ན་གནས་པའི་གང་ཟག་ཡིན་པའི་ཕྱིར་ཏེ།
ཐེག་ཆེན་རིགས་ངེས་ཀྱི་གང་ཟག་མ་ཡིན་པ་གང་ཞིག་ ཁྱེད་ཀྱི་རྒྱུད་ལ་ཐེག་ཆེན་སེམས་བསྐྱེད་དམ། གཞན་དོན་དུ་རྣམ་མཁྱེན་ཐོབ་པར་འདོད་པའི་འདུན་པ་གཉིས་ལྡན་གྱི་སེམས་མེད་པའི་
ཕྱིརོ།
སྨྲས་པ།
བསྟོད་ན་བསྟོད་ཚོད་རན་པའི་མཚམས་ཤིག་དགོས།།
སྨད་ནའང་སྨོད་ཚོད་རན་པའི་གཏན་ཚིགས་དགོས།།
བསྟོད་མི་ཤེས་པས་བསྟོད་པ་ཐལ་དྲགས་ན།།
སྨོད་པའི་མཆོག་ཏུ་འགྱུར་བར་ཐེ་ཚོམ་མེད།།
ཞེས་པ་ནི་བར་སྐབས་ཀྱི་དངོས་དོན་སྡོམ་ཚིག་གོ།