གཡུ་དྲུག་དཀར། རྡ་ས།
ཟླ་བཞི་བ་ཚེས་དུས། ཕ་ཡུལ་ལ་དབྱར་ཕ་མ་འདྲ་ཞིག་འཇབ་ནས་ཡོང་གིན་ཡོད་ཅིང་། སྐྱིད་མེ་ཏོག་འདྲ་ཞིག་འཛུམ་གྱིས་བཞད་དེ་ཡོང་གིན་ཡོད་པས། ངས་ནམ་ཡང་རང་གི་ཕ་ཡུལ་དེ་ཟླ་བཞི་བའི་ཕ་ཡུལ་ཡིན་ཆོག་ཨང་སྙམ་གྱིན་ཡོད་མོད།
ད་ལོར་ཟླ་བཞི་བ་ཚེས་དུས། ངས་ཕ་ཡུལ་གྱི་སྔོ་དྭངས་དྭངས་ཀྱི་ནམ་མཁའ་དྲན་གྱི་མེད། ངས་ཕ་ཡུལ་གྱི་ལྗང་ཐིང་ཐིང་གི་སྤང་ལྗོངས་དྲན་གྱིན་མེད། ངས་ཕ་ཡུལ་གྱི་ཁྲ་ཆིལ་ཆིལ་གྱི་མེ་ཏོག་དྲན་གྱིན་མེད་ལ། ངས་ཕ་ཡུལ་གྱི་སྙན་ལྷང་ལྷང་གི་ཁུ་བྱུག་ཀྱང་དྲན་གྱིན་མེད།
ཟླ་བཞི་བ་ཚེས་དུས། ངས་སོང་མ་ཐག་པའིོ་ཕ་ཡུལ་གྱི་དཔྱིད་ཀ་དེ་དྲན་ཞིང་། དཔྱིད་ཀའི་བར་བར་ནས་ཏང་ཤོག་གི་དར་ཆ་ལྷབ་ལྷབ་གཡོ་བའི་མདུན་ས་ནས། ཏང་མི་ཆེ་ཆེ་གྲགས་གྲགས་དག་གིས་ཕ་ཡུལ་གྱི་གྱོད་དོན་ལྟག་སྒོ་བརྒྱུད་ནས་བཤད་ཡོད་པ་དེ་དྲན་འོང་།
དེ་བས། ཏག་ཏག་ཟླ་བཞི་བ་ཚེས་དུས། ངས་ཏང་མི་སྐོར་ཞིག་གིས་ཁྲི་མཐོན་པོའི་སྟེང་ནས། ཟས་རོལ་བརྒྱའི་མདུན་ནས། རྒྱུ་ཚོ་པོར་བསྙེས་ཏེ། ངའི་ཡུལ་མི་ཉམ་ཆུང་ཚོ་ཕར་སྐོར་ཚུར་སྐོར་གྱིས་སླར་ཡང་ཕ་ཡུལ་གྱི་རྩ་ཐང་མར་ཁུ་འདྲ་བོའི་སྟེང་དུ། ནང་འཁྲུག་གི་གཡུལ་ས་ཞིག་བསྐྲུན་ཡོད་པ་དེ་དྲན་གྱིན་ཡོད།
འཇིག་ཡེ་རེར་སྣང་ལ་ངེས་པའི་ཟླ་བཞི་བའི་ཕ་ཡུལ་དྲན་ན། ངས་ཡུལ་མི་ཉམ་ཆུང་དག་གི་ཀི་སྒྲ་སིང་སིང་དེ་དགུང་ལ་མཆེད་ཀྱིན་པ་གོ་བཞིན་ཡོད། འུར་རྡོ་ཐོག་འདྲ་དེ་མགོ་ལ་སྐོར་བཞིན་པ་མཐོང་གིན་ཡོད། དདུང་ཁོང་ཚོའི་ལུས་ཀྱི་རྨ་ཁ་ས་དང་རྡོ་ལྟར་འགད་ཀྱིན་པ་ཚོར་གྱིན་ཡོད་ལ། སེམས་ཀྱི་ཞེ་སྡང་མེ་ལྕེ་བཞིན་ལིང་ལིང་དུ་འབར་བའང་མྱོང་གིན་ཡོད།
ཟླ་བཞི་བ་ཚེས་དུས། ཕ་ཡུལ་ལོས་དྲན་མོད། ཕ་ཡུལ་གྱི་གཞི་འཛིན་བྲང་ལ་སྦྱར་ན། སྣང་བ་སྐྱིད་ལེ་རེད་དེ། སེམས་པ་བདེ་རྒྱུ་ཞིག་ག་ནས།
དེ་རིང་ནས་བཟུང་སློབ་གྲྭའི་དབྱར་གནང་ཡིན། ད་རྩོམ་ཡིག་ཕྲིས་དང་ངས་བལྟ་ངེས་ཡིན།
ངའི་དྲན་ངོར་ཡོད་པའི་ཕ་ཡུལ་གྱི་རྣམ་པ་དེ་ད་ལྟ་ཕལ་ཆེར་ངའི་སྣང་ཡུལ་ན་མ་གཏོགས་མེད་པ་འདྲ། ཁྱེད་ཀྱིས་ཕ་ཡུལ་གྱི་འགྱུར་ལྡོག་གསར་པ་མིག་གིས་རིག་པ་མ་ཟད། ་་་་་་་་་
Hi
མྱངས་ཟིན།
ཕ་ཡུལ་ནི་ནམ་ཡང་སེམས་ལ་གནས་ཡོད
ཕ་ཡུལ་ནམ་ཡང་ཕ་ཡུལ་ཡིན་ནའང་། སྔར་གྱི་ཕ་ཡུལ་གྱི་ཁ་དབུགས་རྔུབ་འདོད་སུ་ལའང་ཡོད་ཀྱང་། འདི་ལྟར་གེགས་བར་གྱི་རླུང་འཚུབ་དང་། མནར་གཅོད་ཀྱི་དྲག་ཆར་ཁྲོད་ཡིད་འོང་གི་ཕ་ཡུལ་གྱི་ཡོད་ཚད་བཅོམ་ཟིན་པའི་སྣང་བ་ངང་གིས་ཤར་ཡོང་གི།
ཕྱིར་དྲན་གྱི་ཁྲོད་ནས་སྨྱུག་རྩེ་དེ་རང་དབང་མེད་པར་བསྒྱུར་དགོས་བྱུང་བ་འདྲ།