འཁྲིག་སྤྱོད་དང་ཕྱིའི་ཁོར་ཡུག་བར་ལ་འབྲེལ་བ་ཆེན་པོ་ཡོད།

མཇེ་ཕྲུག་ནས།
 
ཤར་ནུབ་ཡུལ་གྱི་འདོད་བརྙན་དམར་པོ་སྔོན་ནས་མང་པོ་བལྟས་མྱོང་སྟེ།།
ད་རིང་བལྟས་པའི་འདོད་བརྙན་འདི་ཡིས་དམིགས་བསལ་ཚོར་ཞིག་སྟེར་བྱུང་ཀྱེ།།
གཏམ་རྒྱུད་འཁྲབ་པའི་གློག་བརྙན་དག་ལ་ཡིད་བརྟན་བྱེད་རིན་ཆུང་ན་འང་།།
བག་ཆགས་སྟུག་པོ་སེམས་ལ་བཞག་པའི་ཁྱད་ཆོས་མི་གཅིག་ཡོད་ངེས་རེད།།

སྟུ་དང་རླིག་པ་འཛོམས་པ་ཙམ་གྱི་འཁྲིག་པའི་ཞིང་ལ་མི་སླེབས་པས།།
ཕྱི་ཡི་ཁོ་ར་ཁོར་ཡུག་དང་བཅས་ནང་གི་སེམས་ཀྱང་བདེ་བར་དགོས།།
ཕྱི་ནང་གཉིས་ཀྱི་གནས་བབ་བདེ་དུས་འཁྲིག་པའི་ལམ་ལྷོང་བཟང་བ་དང་།།
འཇིག་རྟེན་ཕོ་མོའི་ལོངས་སྤྱོད་འཚོ་བ་སྔར་ལས་གནས་བཟོད་བདེ་བར་གྱུར།།

གཡུལ་སའི་གྲི་དང་མེ་མདའི་གསེང་ལ་ཕོ་མོའི་འཁྲིག་ལས་མི་སེམས་ཤིང་།།
ལུས་སེམས་ནད་དང་སྡུག་གིས་མནར་དུས་དེ་བས་སེམས་ལ་འཁོར་ཐབས་མེད།།
སེམས་དང་ལུས་པོ་བདེ་ཞིང་ལྷོད་དུས་ཕོ་མོའི་ཆགས་སྤྱོད་རོལ་འདོད་འདི།།
ཕན་ཚུན་འཁྲེན་པའི་འཁྲིག་སྤྱོད་འདི་ནི་བདེ་སྐྱིད་ཁྲོད་ཀྱི་ཞབས་བྲོ་རེད།།

དྭངས་གཙང་ཆུ་དང་རླུང་གི་ཁྲོད་ལ་ལུས་གཉིས་སྦྲུལ་ལྟར་འཁྱུད་ཅིང་དུ།།
ཆགས་པའི་དྲོད་ཁོལ་ཁོག་ལ་རྒྱས་ཤིང་འདོད་འཁུན་དྲགས་པོ་ངག་ནས་དོན།།
འདོད་པའི་མེ་ལྕེ་མཁའ་ལ་འཕྱོ་དུས་ལུས་ཀྱི་སྟངས་སྟབས་དལ་གྱི་གཡོ།།
ཕོ་མོའི་རོལ་བྱ་བདེ་བའི་ཞིང་ལ་རང་བྱུང་མཛེས་པའི་སྒེག་དང་འགྲོགས།།

ཤང་ཤང་བཞུད་པའི་ཆུ་མོའི་དབྱངས་དང་བྱ་བྱའི་གསུང་སྐད་སྙན་མོའི་ཀློང་།།
དུང་ཞེན་སེམས་ཀྱི་དམ་ཚིག་མཚོན་ཆེད་དྲི་བཟང་འཐུལ་བའི་སྐྱེད་ཚལ་དེར།།
དབེན་གནས་ཞི་ལྷོད་དཀྱེལ་ཡངས་ངང་ནས་ནང་སེམས་འདྲེས་པའི་ཕོ་མོ་ཚོས།།
འཇིག་རྟེན་འདི་ཡི་འཚོ་བའི་སྙིང་པོ་ཆོ་གའི་རྣམ་པ་རྒྱས་པར་བྱས།།