___བེ་རི་འཇིགས་མེད་དབང་རྒྱལ།
སྟོན་ཁའི་སྤྲིན་གྱི་འདུ་ལོང་ལྟར་འཚུབ་པའི་རྒྱལ་ས་ལྡི་ལི་དེ་ནི་ཅི་འདྲའི་ཡངས་ཤིང་རྒྱ་ཆེ་བ་ཞིག་མ་རེད་དམ། ཨ་ཧྥོང་གྷའི་ཉེ་འགྲམ་གྱི་མགྲོན་ཁང་དེར་མི་སྟོང་ཕྲག་རེ་ཤོང་གི་རེད་ཅེས་བཤད་ན་གྲོང་གསེབ་པ་ཚོ་སྣང་བ་མི་འགྲོ། མཚན་མོ་དེར་སློབ་གྲོགས་འགའ་ཞིག་དང་མཉམ་དུ་གྲོང་ཁྱེར་ནང་སྤྲོ་འཁྱམས་ལ་སོང༌། སྤྱོད་པ་ཚད་ལས་བརྒལ་བའི་སློབ་གྲོགས་ཤིག་གི་ལམ་སྟོན་འོག སྔར་འགྲོ་མ་མྱོང་བའི་གསང་ཁང་ཞིག་གི་ནང༌། སྔར་མྱོང་མ་མྱངས་པའི་དང་པོ་དགའ་དྲགས་པ། བར་དུ་སྐྱིད་དྲགས་པ། མཐའ་མ་སྐྱུགས་བྲོ་བའི་ཚོར་བ་ཞིག་ལ་རོལ།
མཚན་མོ་དེའི་ཆུ་ཚོད་བཅུ་གཅིག་ཐོག་དགེ་སློབ་ཀུན་མགྲོན་ཁང་ནང་དུ་འཛོམས་བྱུང༌། ཀུན་སྤྱོད་སློབ་སྟོན་པ་དགེ་རྒན་ལེགས་སྤྱོད་ལགས་ཀྱིས་སྡང་མིག་གི་གློག་ཞགས་འཕེན། བཀའ་བསྒྱུར་གྱི་འབྲུག་སྐད་ལྡིར་བཞིན་འདུག སློབ་ཕྲུག་རེ་རེའི་གདོང་ལ་སྡིག་འཛུབ་རེ་བཙུགས་བྱུང༌། ང་རང་སྐྲག་ཅིང་ངོ་ཚ་ནས་ལག་རྒྱབ་ཀྱི་དམར་ལ་སྨུག་པའི་མཆུ་སྒྲོས་རྗེས་ཤུལ་གྱི་རི་མོ་དེ་ཚོ་ལྐོག་ཏུ་བསུབས།
གློག་ སྒྲོན་གྱི་འོད་མདངས་འོག་དགེ་རྒན་ལེགས་སྤྱོད་ལགས་ཀྱི་འགྲམ་ངོས་སུའང་དམར་ལ་ སྨུག་པའི་མཆུ་སྒྲོས་རྗེས་ཤུལ་གྱི་རི་མོ་ཟུང་གཅིག་ཁྲ་ལྷམ་མེར་སྤར་འདུག
༡༩༩༥།༥།༢༨།ལ་བྲིས། <>དུས་དེབ་གཉིས་པའི་ཐོག་བཀོད།