པདྨ་ཚེ་དབང་ཤཱསྟྲི།
ཕྲན་གྱི་ངོ་ཤེས་གནམ་གྲུའི་ཞབས་ཞུ་བ་ཞིག་བརྒྱུད་གནས་ཚུལ་ཁུངས་ལྡན་ཐོས་གསལ་ལྟར་ན། ཉེ་ཆར་བྷེང་ཀོཀ་རྒྱལ་སྤྱིའི་གནམ་ཐང་གི་ཁྲལ་ཆག་ཚོང་ཁང་ཞིག་ནས་ཐ་མག་བརྐུས་པའི་ནག་ཉེས་ཕོག་སྟེ་རྒྱ་གར་བ་ཞིག་བཀག་ཉར་བྱས་འདུག རྒྱ་གར་བ་དེས་ཐ་མག་ཤོག་སྒམ་གཅིག་དང་། ཅོགལེཊི་སྒམ་གཅིག་ཉོས་ཏེ་རིན་པ་སྤྲད་ཡོད་ཀྱང་། དངུལ་ལེན་མཁན་གྱི་མི་དེས་ཐ་མག་སྒམ་ཤོག་ཐོལ་པ་ཞིག་འགྲུལ་པ་དེའི་ཉོ་ཆའི་མཉམ་དུ་བླུགས་པས་འགྲུལ་པ་དེའི་བསམ་པར་ཤོག་སྒམ་དེ་རིན་མེད་དུ་སྤྲད་པ་རེད་སྙམས། འོན་ཀྱང་སྟབས་ཉེས་པ་ཞིག་ལ། ཐའི་ལེཎཌའི་ཉེན་རྟོག་པས་ཁོ་པ་ཚོང་ཁང་ནས་རྐུན་མ་བརྐུས་པའི་ནག་ཉེས་འོག་འཛིན་བཟུང་བྱས་ཏེ་མཚན་གཉིས་རིང་བཙོན་ཁང་དུ་ཉར་པ་མ་ཟད། ཐའི་སྒོར་ཆིག་ཁྲི་གསུམ་སྟོང་གློད་གྲོལ་གྱི་ཆེད་དུ་སྤྲོད་དགོས་པའང་བྱུང་འདུག ཐའི་སྒོར་༥༠༠ གྲང་གློག་ཅན་གྱི་ཁང་ཆུང་དུ་ཉར་གླ་དང་། ཐའི་སྒོར་༡༡༠༠༠ བཀག་ཉར་ཁང་ནས་གློད་གྲོལ་བཏང་གླ། དེའི་སྟེང་དུ་ཁོ་པ་ཁྲིམས་ཁང་དུ་འཁྲིད་པས་ཁྲིམས་དཔོན་གྱིས་ཉེས་ཅན་དུ་ངོས་འཛིན་བྱས་ཏེ་ཉེས་ཆད་ཐའི་སྒོར་༢༠༠༠ བསྒྲུབ་དགོས་པ་བྱུང་བའི་ཁར་ལག་ལྕགས་བརྒྱབ་སྟེ་གནམ་གྲུའི་ནང་དུ་བསྐྱལ། ཁོ་པའི་ཐོངས་མཆན་ལག་འཁྱེར་གྱི་སྟེང་དུ་རྐུན་མ་ཞེས་ཐེལ་རྩེ་བརྒྱབ་ཡོད། ཁོ་པའི་ཉེ་འབྲེལ་ཚོས་ཐའི་ལེཎཌ་རུ་རྟེན་གཞི་བྱས་པའི་རྒྱ་གར་གཞུང་ཚབ་ཁང་དུ་བཅར་ཏེ་རོགས་སྐྱོར་ཞུས་ཀྱང་གཞུང་ཚབ་ཁང་ནས་རོགས་པ་གང་ཡང་བྱེད་ཐུབ་པ་མེད་ཚུལ་བརྗོད་འདུག
འགྲུལ་པ་དེའི་ལག་ནས་བླངས་པའི་དངུལ་འབོར་དེ་དག་འགྲུལ་པ་རང་ཉིད་ཀྱི་མདུན་དུ་ཉེན་རྟོག་པས་ནང་ཁུལ་བགོ་འགྲེམས་ཀྱང་བྱས་ཚུལ་འདུག
ཤར་ཕྱོགས་པའི་འགྲུལ་པ་དུ་མ་ཞིག་ལ་འདི་འདྲའི་དཀལ་ངལ་ཧ་ལམ་ཉིན་ལྟར་འཕྲད་ཀྱི་ཡོད་སྐོར་ཐའི་ལེཎཌའི་དཔོན་རིགས་ཚོར་སྙན་སེང་ཞུས་ཀྱང་སྣང་མེད་དུ་འཇོག་གི་ཡོད་ཚུལ་འདུག གོང་གསལ་རྒྱ་གར་བ་དེས་མཚན་གཅིག་སིང་གྷ་པུར་ནས་ཡིན་པའི་མི་ཞིག་དང་། མཚན་གཅིག་མཱལེ་ཤི་ཡ་ནས་ཡིན་པའི་མི་ཞིག་དང་མཉམ་དུ་བཀག་ཉར་ཁང་དུ་བསྡད། སིང་གྷ་པུར་ནས་ཡིན་པ་དེས་ཐའི་སྒོར་ཁྲི་དྲུག་དང་། མཱལེ་ཤི་ཡ་ནས་ཡིན་པ་དེས་ཐའི་སྒོར་ཁྲི་བདུན་རང་རང་གློད་གྲོལ་གྱི་ཆེད་དུ་སྤྲོད་དགོས་པ་བྱུང་འདུག གོང་གསལ་གནས་ཚུལ་འདི་དག་དངོས་འབྲེལ་ཡིན་པ་སྐུ་ཞབས་རཱཇན། ཁེརའི་ཚོང་ཤག་རྒྱ་གར་ནས་ཡིན་པ་ཞིག་ལའང་དཀའ་ངལ་དེ་དང་གཅིག་མཚུངས་བྷེང་ཀོཀ་གནམ་ཐང་དུ་འཕྲད་འདུག
ཡང་འགྲུལ་པ་གཞན་ཞིག་ལ་དཀའ་རྙོག་འདི་དང་འདྲ་མཚུངས་ཞིག་ཌུབྷཡི་གནམ་ཐང་དུ་བྱུང་འདུག་ འགྲུལ་པ་དེས་ཁྲལ་ཆག་དངོས་རྗས་འགའ་ཤས་ཉོས་སྐབས་དངུལ་ལེན་མཁན་གྱི་བུ་མོ་དེས་ཨ་རག་ཤེལ་དམ་གཅིག་འགྲུལ་པ་དེས་མ་ཚོར་བ་བྱས་ཏེ་ཁོ་པའི་ཤོག་ཕད་ཀྱི་ནང་དུ་བླུགས། ཁོ་པ་དེ་མ་ཐག་ཏུ་ཉེན་རྟོག་པས་རྐུན་པ་བརྐུས་པའི་ནག་ཉེས་འོག་འཇུ་བཟུང་བྱས་ཏེ་ཉིན་གང་པོར་ཁ་ལག་དང་ཆུ་མེད་པར་བཀག་ཉར་བྱས་འདུག འགྲུལ་པ་དེས་ཉེན་རྟོག་པར་ཨ་སྒོར་ལྔ་བརྒྱའི་ལྐོག་རྔན་སྤྲད་པས་གཞི་ནས་ཁོ་པ་གློད་གྲོལ་བཏང་པ་བྱུང་འདུག གནས་ཚུལ་འདི་རིགས་འཆར་གཞི་ལྡན་པའི་སྒོ་ནས་ངན་པ་ལག་སྦྲེལ་གྱིས་འགྲུལ་པ་བསླུ་ཐབས་དང་། མགོ་བསྐོར་གཏོང་གི་ཡོད་ཚོད་འདུག དེས་ན་རང་རིགས་འགྲུལ་སྐྱོད་མང་པོ་གནང་མཁན་ཚོས་ཤར་ཕྱོགས་རྒྱལ་སྤྱིའི་གནམ་ཐང་ཁག་ཏུ་ཁྲལ་ཆག་ཉོ་ཆ་སྐྱོན་སྐབས་གཟབ་གཟབ་གནང་དགོས་པ་གལ་ཆེར་མངོན།
དུས་ལྟར་གསར་འགྱུར་སྤེལ་བ་ཐུགས་རྗེ་ཆེ་པད་མ་ཚེ་དབང་ལ།།
གནས་ཚུལ་དངོས་ནས་ཚབ་ཆེན་ཞིག་རེད། ལྷག་པར་ཏུ་འགྲུལ་བཞུད་ལ་དགའ་མཁན་དག་ལ་དངོས་ནས་ཕན་ངེས་ཤིག་རེད། ཡིན་ཡང་། དེའི་རིགས་ཀྱིས་ཕལ་ཆེར་བོད་ཡིག་གི་དྲ་རྒྱ་འདི་དག་ལ་རྒྱུས་མངའ་ཡོད་མེད་ནི་ཐེ་ཚོམ་རེད།
གནས་ཚུལ་སྤེལ་བ་ཐུགས་རྗེ་ཆེ། ཤར་ཕྱོགས་རྒྱལ་ཁབ་གཅིག་པུའི་ནང་ཡིན་མི་སྲིད། འགྲུལ་བཞུད་བྱ་སྐབས་གང་སར་ལེགས་ཉེས་གཉིས་ཀ་ཡོད་སྲིད་པས། དངོས་གནས་དེའི་ཐད་གཟབ་གཟབ་བྱ་རྒྱུ་གལ་ཆེན་པོ་རེད་འདུག
པདྨ་ཚེ་དབང་ལགས་ཀྱིས་ཁ་ཡོད་ལག་ཡོད་ཀྱི་གནས་ཚུལ་ཁྱབ་སྤེལ་གནང་བ་ནི། བསམ་ཤེས་མཁན་ཞིག་གི་ངོས་ནས་བརྗོད་ན། དགའ་འོས་པ་ཞིག་རེད། ངས་ཁྱེད་ལ་ཐུགས་རྗེ་ཆེ་ཞུ་བ་དང་མུ་འཐུད་གནས་ཚུལ་དེ་རིགས་མུ་མཐུད་སྤེལ་བར་རེ་སྒུག་བྱེད་རྒྱུ་ཡིན།
བཀྲ་ཤིས་བདེ་ལེགས།
ཐེངས་ཤིག་ཨ་རིའི་གནམ་ཐང་ཞིག་ནས་ངའི་ངོ་ཤེས་པ་ཞིག་གི་ཤོག་དངུལ་བླུགས་ཡོད་པའི་ཀོ་སྒམ་ནག་པོ་ཞིག་ཞིབ་བཤེར་བྱེད་ས་ནས་བརླགས་སོང་བས། ངེད་ཅག་གི་བསམས་པར་ཞིབ་བཤེར་བྱེད་མཁན་དག་གིས་རྐུས་པ་ཡིན་ཁོ་ན་བསམས། འདི་ལ་རྒྱུ་མཚན་མེད་པ་མ་ཡིན་ཏེ། ལོ་ཤས་སྔོན་ཉིག་ཡོར་གནམ་ཐང་ཡིན་ནམ་ཞིག་ནས་གནམ་ཐང་ལས་བྱེད་ངན་པ་ལག་སྦྲེལ་བྱས་ཏེ་དུག་རྫས་ལྐོག་འདྲེན་གྱི་ཉེས་དོན་ཚབས་ཆེན་ཞིག་རྩད་གཅོད་བྱུང་འདུག
ཀླུ་སྨྱོན་གྱིས་དེང་སང་ཁྲིམས་འགལ་གྱི་དངུལ་ཚོང་རྒྱག་མཁན་དང་གྲོགས་པོ་སྒྲིག་གི་མེད་དམ། ཨ་ཙི་ཀུ་རེ་ཡིན།