མྱི་ལྟིག
དམར་གསོད་མཚོན་ཆའི་འཇབ་རྒོལ་ཀློང་ནས་ཞི་བདེ་མཁའ་དབུགས་རྔུབ་ཏུ་འགྲོ།།
ལར་ཞེན་དཔའ་བོའི་གད་རྒྱངས་ཀློང་ནས་འཕག་འཚག་འོ་དོད་འབོད་དུ་འགྲོ།།
ལོ་ཟླ་སྐྱ་བོའི་ཆག་གྲུམ་ཀློང་ནས་ཕོ་བྲང་དམར་བོ་བསྲུང་དུ་འགྲོ།།
གདུང་ཡུས་ལྕི་མོའི་ཕམ་ཉེས་ཀློང་ནས་སྐྱོ་གདུང་གླུ་གཞས་གཏོང་གི་འགྲོ།།
གཞན་ཕན་ལྷག་བསམ་གྲོགས་སུ་བསྡེབས་ནས་རླབས་ཆེན་བྱ་བཞག་བསྒྲུབ་ཏུ་འགྲོ།།
གནས་ལུགས་ཟབ་མའི་ཉིང་ཁུ་ཧུབ་ནས་རྟོགས་སད་སྐོར་བྲོ་འཁྲབ་ཏུ་འགྲོ།།
དུས་རབས་གསར་བའི་གསེར་ཟམ་བརྒྱུད་ནས་ཚན་རྩལ་ཤེས་བྱ་འདྲེན་དུ་འགྲོ།།
འདས་སོང་དཔའ་བོའི་ཚེ་སྲོག་ཆེད་དུ་རྗེས་དྲན་རྡོ་རིང་བསློང་གི་འགྲོ།།
དྲོད་འཁྱག་འདྲེས་མའི་སྙན་ངག་འབྲི་ཞོར་རྩོམ་རིག་དེད་དཔོན་འཚོལ་དུ་འགྲོ།།
འཐེན་འཁྱེར་ཆོལ་ཁའི་ཐག་པ་བཅད་ནས་མཐུན་བསྒྲིལ་དཔུང་བ་གཤིབ་ཏུ་འགྲོ།།
ལུས་སེམས་གཉིས་ཀ་ཤར་ནུབ་མ་གྱེས་རེ་སྙེག་གོམ་ཁ་མཉམ་དུ་འགྲོ།།
སྨག་རུམ་མུན་པའི་སེང་རས་གཤགས་ནས་གོ་ལའི་ཁྱོན་ལ་ལྟད་མོར་འགྲོ།།
ང་ཡང་ཁྱེད་ཀྱི་རྗེས་སུ་བསྙེགས། ད་ང་ཚོ་མཉམ་དུ་འགྲོ བོད་རིགས་ཚང་མ་མཉམ་དུ་འགྲོ
རྗེས་ལུས་གྲིབ་མ་ནག་པོ་གཤགས་ནས་ཤེས་རིག་འོད་སྣང་སྒུམ་དུ་འགྲོ།།
ཤེས་ཡོན་འོད་ཀྱི་སྣང་བར་འཐམས་ནས་དམར་ནག་མུན་པ་གཏུབ་ཏུ་འགྲོ།།
མཐུན་སྒྲིལ་ལག་གདང་མདུད་པ་དམ་པོ་སེམས་དང་བསམ་པར་རྒྱག་ཏུ་འགྲོ།
མྱི་ལྟིག་ཚང་མ་མ་འདུག་ཤོག་དང་འོད་སྣེར་མཐུད་པའི་ལམ་དེར་འགྲོ།
ངོ་མ་ཐུགས་རྗེ་ཆེ་ སྙིང་རྗེ་བོ་ཞིག་དང་རྒྱུ་མཚན་ལྡན་པ་ཞིག་བྲིས་ཡོད་པས་ངོ་མ་བལྟས་ན་འདོད་ནི་ཟིག་རེད། ད་སྐབས་ང་ཚོ་བོད་ཕྱི་ནང་གཉིས་ཀར་དེ་འདྲའི་རྩོམ་དང་སྐད་ཆ་མང་ཙམ་ཤོད་ཐུབ་པ་དགོས་གལ་ཤིན་ཏུ་ཆེ་བས་ཡང་བསྐྱར་ངས་མྱི་ལྟིག་ལ་ཐུགས་རྗེ་ཆེ་ཞུ་རྒྱུ་ཡིན།
འགྲོ་ཡ་ སྒྲོལ་མ་གླིང་གི་སྒོ་ཁར་འགྲོ།
འགྲོ་ཡ ནོར་བུ་གླིང་ཁའི་སུམ་མདོ་འགྲོ
འགྲོ་ཡ སྣ་ཚོགས་སྐད་ཆ་འཐུ་རུ་འགྲོ