ཨ་རིག་འགྱུར་མེད།
པར་སྟེང་གི་ཡུལ་མི་འདི་དང་མཉམ་དུ་ངས་ཁྱེད་ཚོར་སྒྲུང་སྙན་པོ་ཞིག་བཤད། ཡུལ་མི་འདི་ག་ས་གང་དུ་གོག་ནུར་བྱས་ཏེ་སློང་མོ་བྱེད་ཀྱིན་ཡོད་ལ། བལྟས་ཚོད་ལ་ཁོ་ནི་ཡར་ལངས་ནས་འགྲོ་མི་ཐུབ་པའི་དབང་བོ་སྐྱོན་ཅན་ཞིག་ཡིན། དེར་བརྟེན་ཁོའི་མདུན་གྱི་ལྕགས་ཕོར་ནང་དུ་ཆོས་ཞུ་བ་རྣམས་ཀྱིས་གང་ཐུབ་ཀྱིས་ཧིན་སྒོར་གཅིག་ལོ་ནས་བཅུ་བར་སྦྱིན་གྱིན་འདུག
ང་དང་གྲོགས་པོ་ཞིག་མཆོད་རྟེན་ཕྱི་ལོག་གི་ཇ་འཐུང་ས་ཞིག་ཏུ་ཡོད། ཁོ་ངེད་གཉིས་དང་ཐག་མི་རིང་ས་ན་གོག་ནུར་བྱེད་ཀྱིན་ཚུར་ཡོང་གི་འདུག དུས་དེར་ས་འདིའི་ཡུལ་མི་ལོས་ཡིན་བསམ་བསམ་གྱི་རྒྱ་གར་བ་ཞིག་གིས་སྐོམ་ཆུ་ཞིག་གི་ཁ་ཕྱེས་ཏེ། ཁོའི་སྟེང་དུ་ཆུ་བྱོ་གྲབས་བྱས་སོང་བས་ཁོང་ཡར་ལངས་ནས་བྲོས་སོང་། དེ་དུས་གཞི་ནས་དེར་ཡོད་ཀྱི་མི་རྣམས་ཀྱིས་ཁོ་དབང་བོ་སྐྱོན་ཅན་མིན་པར་དབང་བོ་སྐྱོན་ཅན་དུ་བརྫུས་འདུག་པ་ཤེས་ཏེ། ཚང་མ་གད་མོ་ཤོར་སོང་།
དེ་ནས་ཅུང་ཙམ་འདས་རྗེས་ང་དང་གྲོགས་པོ་གཉིས་ཀྱིས་ཇ་འཐུང་ཚར་ཏེ་ཕྱིར་ནང་དུ་ལོག་སྐབས། ཁོས་ཡང་བསྐྱར་གོག་ནུར་བྱས་ཏེ་སློང་མོ་བྱེད་ཀྱིན་འདུག སྐབས་དེར་ངས་གོང་གི་པར་དེ་བླངས་པ་ཡིན། སྒྲུང་འདི་སྙན་པོ་བྱུང་སོང་ངམ། དངོས་སྒྲུང་ཡིན་པ་ལས་བཅོས་སྒྲུང་མིན། གང་ལྟར་འབྲི་འདོད་པ་ཞིག་བྱུང་བས་བྲིས་པ་ཙམ་མོ། །
ང་ཚོ་བོད་པ་སྐྱབས་བཅོལ་བ་ཚོས་རང་ལ་ལག་པ་གཉིས་ཡོད་བཞིན་དུ་སྦྱིན་བདག་ལ་ལག་པ་སྲིང་གི་ཡོད་པ་དང་འདྲ་བོ་ཞེ་དྲགས་འདུག་ད།