འཕན་པོ་བསྟན་དར།
༄༅།། ང་ཚོའི་འཐབ་རྩོད་ནི། རྒྱུ་ནོར་ལོངས་སྤྱོད། རིག་གནས། བཟའ་འཐུང་མཉམ་གཤིབས། འཚོ་གནས་ཐུབ་ཐབས་ཀྱི་གནས་ཚུལ་ཞིག་མ་ཡིན་པར། །ང་ཚོའི་འཐབ་རྩོད་ནི། རྒྱ་དང་། བོད་ཅེས། རྩམ་ཟན་དང་། འབུ་ཟན་ཞེས། ཐ་ དད་པའི་མི་རིགས་གཉིས་ཀྱི་འཐབ་རྩོད་ཡིན་པར་ཤེས་དགོས་ལ། དེ་ཤེས་པར་བྱེད་པ་ལ། ལོ་ལྟར་གསུམ་བཅུའི་དུས་དྲན་སོགས་ལ་སྐད་ཅོར་ཐང་ཆད་ཆད་རྒྱབ་པ་ཙམ་གྱིས་མི་ འགྲིག་པར། མི་རིགས་སྲུང་སྐྱོབ་ཐད་འཐས་ཤོར་འགྲོ་གི་ཡོད་པ་མཐོང་གིན་མཐོང་གིན་ནང་ལུས་ འགྲོ་པ་ཤེས་བཞིན་དུ། ད་དུང་དེ་མུར་ལུས་པ་ཡིན་ན། བོད་མི་རིགས་འདི་མི་ལོ་བརྒྱ་ཕྲག་ཁ་ཤས་ཀྱི་རྗེས་མི་རིགས་འདི་མིང་གི་ལྷག་མ་ ཙམ་ལམ། རྩ་སླག་ཏུ་འགྲོ་ཉེན་ཡོད་པ་ང་ཚོའི་ད་ལྟའི་གནས་སྟངས་ནས་ཟུར་ལྟས་ལེབ་མཐོང་ཟེར་ བའི་དཔེ་བཞིན་གསལ པོར་མཐོང་ཐུབ། རྒྱ་མིས་བཙན་འཛུལ་བྱས་པ་ནས་ད་བར་གྱི་རྒྱ་མིའི་བྱ་སྤྱོད་འདི་ལྟར།།
རྒྱ་བོད་ཆོས་ཀྱི་འབྲེལ་བ་སྔ་མོ་ནས་ཡོད་ཁར།།
རྒྱ་དམར་གུང་ཁྲན་སླེབས་ནས་ཧམ་བཟུང་གི་སྲིད་བྱུས།།
འཆིང་ཡིག་དོན་མཚན་བཞག་ནས་མགོ་འཁོར་དང་སླུ་འཁྲིད།།
དམངས་གཙོ་བཅོས་འགྱུར་ཟེར་ནས་མཐའ་ཚམས་དེ་བཟས་ཏེ།།
ཞི་བའི་བཅིང་སྒྲོལ་རོགས་རམ་བྱུས་ངན་གྱི་བཙན་འཛུལ།།
ང་དགུར་དམགས་ཀྱིས་བསྐོར་ནས་རྒྱལ་ས་དེ་འཕྲོག་སོང་།།
རིག་གནས་གསར་བརྗེ་ཟེར་ནས་གཏོར་གཤིག་གི་ལས་འགུལ།།
བོད་མིའི་ཆོས་དང་རིག་གཞུང་རྩ་མེད་དུ་བཏང་སྟེ།།
སམཉམ་འབྲེལ་གྱེན་ལོག་ཟེར་བས་ནང་འཁྲུག་གི་ཟིང་ཆ།།
བོད་མི་ནང་ཁུལ་འཐབ་འཛིང་སྲིད་བྱུས་ལ་གཟིགས་དང།།
གྲལ་རིམ་ཐབས་རྩོད་ཟེར་ནས་ནང་འཁྲུག་གི་གདུང་འདེགས།།
རིམ་པ་མཐོ་དམན་སྣ་ཚོགས་འགལ་རྐྱེན་ཞིག་བཟོས་ནས།།
འཐབ་རྩོད་རྒྱུན་ཆད་མེད་པར་སྡུག་བསྔལ་ནང་ལྷུང་སོང།།
དཀའ་ངལ་ཁྲི་སྟོང་མང་པོས་ལྟོག་ཤི་དང་དབུལ་ཕོངས།།
བོད་མི་ཁྲི་ཁྲག་མང་པོ་དམར་གསོད་དང་བཙོན་བཅུག།།
རྒྱ་མིའི་གསར་བརྗེའི་བྱ་སྤྱོད་ཕྱི་མིག་ཞིག་བལྟས་ཚེ།།
ད་དུང་རེ་བ་བྱེད་པ་དོན་མེད་ཀྱིས་ལས་དབང་།།
སྲིད་བྱུས་གུ་ཡངས་ཟེར་ཡང་རྒྱ་དམར་གྱི་ཁྲིམས་འོག
དོན་དུ་རང་དབང་མེད་པའི་ངང་ཚུལ་ལ་གཟིགས་དང་།།
གཉིས་ཕན་སྲིད་བྱུས་དབུ་མའི་ལམ་བུ་དང་མཉམ་དུ།།
རྒྱ་མིའི་སྲིད་བྱུས་བོད་རིགས་གཏོར་བཤིག་དེ་སྤེལ་ནས།།
བོད་ཡུལ་རྒྱ་མིས་ཁེངས་པའི་སྣང་ཚུལ་ལ་གཟིགས་དང་།།
འབྲས་མེད་གྲོས་མོལ་གནང་ནས་ལོ་ཤས་རང་སོང་ཡང་།།
ད་དུང་ཡག་ཏུ་འགྲོ་བའི་རེ་བ་ཞིག་འདུག་གམ།།
གྲངས་ཉུང་མི་རིགས་ཐོབ་ཐང་ཁ་ཐོག་ནས་བཤད་ཀྱང་།།
དོན་དུ་སྐད་ཡིག་སློབ་པའི་རང་དབང་ནི་མེད་དོ།།
ཆོས་དད་རང་མོས་ཟེར་ནས་ཕྱིར་སྒྲགས་དང་ནང་སྒྲགས།།
དོན་དུ་དགོན་སྡེ་ཚང་མ་དམག་མི་ཡིས་བསྐོར་འདུག།
མི་ལོ་དྲུག་བཅུའི་ནང་གི་དངོས་ཡོད་ཀྱི་བྱ་སྤྱོད།།
ཉམ་ཆགས་གྱོང་ཁུལ་བྱུང་བ་བསམ་ཡུལ་ལས་འདས་པ།།
ད་དུང་རེ་བ་བྱེད་ནས་མཉམ་གཤིབས་ཀྱི་དགོངས་པར།།
རྒྱ་མིས་བརྩི་བསྐུར་མེད་པ་མཐོང་ཆོས་སུ་གྱུར་པས།།
རྒྱ་དམར་གུང་ཁྲན་པ་ཡི་སྤྱོད་ཚུལ་ལ་གཟིགས་དང།།
ཚང་མ་གྲང་དགོས་བྱུང་ན་གྲང་ཚོད་ནི་མི་འདུག།
ད་འཚམས་འདི་རུ་བཞག་སྟེ་ཕྱིར་མིག་ཞིག་གཟིགས་རོགས།།
གནས་སྟངས་དེ་འདྲའི་ངང་མི་ལོ་བཅུ་ཕྲག་རྒལ་ཏེ་འབྲས་བུ་མེད་པའི་ཤིང་གདོང་སྐམ་པོ་ལ་འབྲས་བུའི་རེ་བ་བྱེད་ནས་དུས་ཚོད་ཕྱིན་པའི་ནང་ཉམས་ཆག་ཕྱིན་པ་བརྗོད་ལས་འདས།། ང་ཚོའི་ཁ་ཡ་ནི་མི་ཡིན་ཡང་མི་སྤྱོད་ལས་འདས་པའི་བྱ་སྤྱོད་ཁོ་ན་ལས།། ཚིགས་སུ་བཅད་པ།
ལྟ་བ་རང་རྒྱལ་གཞན་ཕམ་མཁྲེགས་འཛིན་ཆེ།།
སྤྱོད་པ་དྲག་གནོན་གདུག་རྩུབ་སྨྱོ་ལྟར་མཚུངས།།
འདོད་རྔམ་གཅན་ཟན་སྟག་ལྟར་ཟས་རྐྱང་བྱེད།།
བདག་འཛིན་སྤྱང་ལྟར་འཇབ་ནས་འཛིན་བཟུང་བྱེད།།
ཞེ་སྡང་སྦྲུལ་ལྟར་མྱུལ་ནས་དུག་རླངས་བྱིན།།
འཁོན་འཛིན་ཁྱི་ལྟར་ཟུག་ནས་རྩ་མེད་བཟོ།།
གཡོ་རྒྱུ་ཝ་ལྟར་རྒྱུགས་ནས་མགོ་སྐོར་གཏོང་།།
གནས་ལུགས་རྒྱུ་འབྲས་མི་བརྩིས་དུད་འགྲོ་བཞིན།།
ཆོས་དད་དུག་ཏུ་ལྟ་བའི་དམར་པོའི་གཞུང་།།
སངས་རྒྱས་བདུད་དུ་འཛིན་པའི་གཏི་མུག་ཅན།།
ཁྲེལ་དང་ངོ་ཚ་མེད་པའི་ཀླག་ཀློག་དེ།།
ཁ་བཤད་དོན་ལ་མི་གནས་རྫུན་གྱི་རྐྱལ།།
རང་གཞན་གཉིས་ཕན་དབུ་མའི་ལམ་མཆོག་ལ།།
རང་བཙན་རྒྱབ་དུ་བཟུང་བའི་བྱུས་ངན་ཟེར།།
རང་གཞན་གཉིས་ཕུངས་གྱིས་པའི་དམར་སྤྱོད་ལམ།།
རང་དབང་ཐོབས་ཐང་ཕྲོག་པའི་སྒེར་དབང་འཛིན།།
དེ་འདྲའི་མཉམ་དུ་སྡོད་ཐབས་ག་ལ་ཡོད།།
དང་པོ། འདུ་ཤེས་འཛིན་སྟངས་བཞི་དང་། བྱ་སྤྱོད་འཁྱེར་སྟངས་གསུམ་གྱི་སྒོ་ནས་ཤེས་དགོས། དེ་རྣམས་ལ་གོམས་འདྲེས་དང་ཚོར་བ་ཟབ་མོ་ཞིག་མ་སླེབས་ཚེ། བོད་མི་རིགས་འདི་རྩ་་བསླག་འགྲོ་ཉན་ཡོད་པ་མཁྱེན་དགོས་སོ།།
འདུ་ཤེས་བཞི་ནི།
རྣམ་དཔྱོད་ཅན་གྱི་འགྲོ་བ་མི་ཞིག་ཡིན་པའི་ཆ་ནས།།
༡ སོ་སོའི་ཕ་མ་དང་སྤུན་མཆེད་ཀྱི་འདུ་ཤེས།།
༢ རང་མི་རིགས་དང་དེའི་ཆོས་དང་རིག་གནས་ཆབ་སྲིད་བཅས་ཀྱི་འདུ་ཤེས།།
༣ རྒྱལ་ཁབ་དང་རང་དབང་དམངས་གཙོ་ཐོབ་ཐང་ཁྲིམས་ལུགས་བཅས་ཀྱི་འདུ་ཤེས།།
༤ རང་གི་ས་མཚམས་བསྲུང་སྐྱོབ་དང་སྤྱི་ཚོགས་བདེ་འཇགས་བཅས་ཀྱི་འདུ་ཤེས་སོ།།
བྱ་སྤྱོད་གསུམ་ནི།
༡ མི་རིགས་ཀྱི་བླ་སྲོག་ནི་སྐད་ཡིག་ཡིན་པས། དེ་དང་དུ་བླང་ནས་ཐོག་མར་རང་གི་ཁྱིམ་ཚང་ནས་འགོ་བཙུགས་ཏེ། རང་སྐད་གཙང་མ་རྒྱབ་དགོས་པ་དང་། བོད་ཡིག་འབྲི་ཀློག་ཤེས་པ་ཙམ་དུ་མ་ཟད་དེ་བོད་མིའི་སྤྱི་ཚོགས་ནང་བེད་སྤྱོད་བྱེད་དགོས།།
༢ མི་རིགས་འདིའི་ཆོས་དང་རིག་གཞུང་ཡུལ་གོམས་གཤིས་ལུགས་བཟང་པོ་རྣམས་མི་ཉམ་ རྒྱུད་འཛིན་ཐོག་བྱ་སྤྱོད་དངོས་སུ་ལགས་ལེན་དུ་འཁེལ་བ་བྱེད་རྒྱུ།།
༣ བོད་མི་རིགས་དང་རང་དབང་སླར་གསོའི་ཆེད། བདེན་པའི་ཨུ་ཚུགས་སམས། གཞན་ལ་གནོད་འཚེ་མེད་པར། ཆོས་དང་མཐུན་པའི་སྒོ་ནས། བདེན་ མཐའ་མ་བསལ་བར་དུ་འཐབ་རྩོད་བྱེད་རྒྱུ་བཅས། དམ་བཅའ་བརྟན་པོས་གོམས་འདྲིས་དང་ཚོར་བ་ཟབ་མོ་ཞིག་མ་སླེབས་བར་སློབ་སྦྱོང་བྱས་ཏེ་ལག་ལེན་དུ་འཁེལ་བ་བྱེད་ཐུབ་རྒྱུར། དེ་ཡང་། རང་དབང་གི་གོ་རྟོགས། འདྲ་མཉམ་གྱི་གོ་རྟོགས། ཐོབ་ཐང་གི་གོ་རྟོགས། དམངས་གཙོའི་གོ་རྟོགས་བཅས་གོང་མཐོར་སྤེལ་རྒྱུར།། དཔེར་ན། ༡ བདེན་པ་ལ་ཡིད་ཆེས་དང་། ༢ བདེན་པའི་འབྲས་བུ། ༣ བདེན་པར་རྒྱབ་སྐྱོར། ༤ བདེན་པར་ངོས་ལེན་བཅས། བདེན་པ་བཞི་པོ་དེར་གདེང་འཁེལ་པའི་ངང་། ཡིད་ཆེས་དང། སྤོབས་པ། ཞུམ་མེད། སྙིང་སྟོབས། ལྷག་བསམ། གཞན་ཕན་བཅས་དེ་དག་གིས་བཟུང་ནས་བྱ་སྤྱོད་སྤེལ་ཐུབ་ན། བདེན་མཐའ་བསལ་བར་ཐེ་ཚོམ་མེད་དོ།། །།
༄༅།། བོད་མིའི་འདི་ཕྱིའི་གཏན་གྱི་༧སྐྱབས་གནས་ཆོས་སྲིད་གཉིས་ཀྱི་དབུ་འཁྲིད་བླ་ན་མ་ མཆིས་པ་༧སྐྱབས་མགོན་རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ ནས་གསུང་དོན།།
ང་བོད་པ་ཡིན་བསམ་པའི་འདུ་ཤེས་བརྗེད་མི་རུང། བོད་མིའི་ཤ་ཁྲག་རུས་གསུམ་ལས་གྲུབ་པ་དེ། ཇི་སྲིད་གནས་པ་དེ་སྲིད་དུ། བོད་པ་ཆགས་བསྡད་ཡོད་པ་རེད། དེར་རྟེན་ས་ཕྱོགས་གང་དུ་གནས་ཀྱང་། ང་བོད་པ་ཡིན་བསམ་པའི་འདུ་ཤེས་དེ། བརྗེས་མི་རུང་། ཞེས་༧ གོང་ས་སྐྱབས་མགོན་ཆེན་པོས། བྱང་ཨ་རི་ཁུལ་དུ་གནས་བསྡོད་བོད་མི་རྣམས་ལ་བཀའ་སློབ་གནང་ཡོད།
འདུ་ཤེས་ཀྱི་གོ་དོན་ནི།
མིའི་ ཀླད་པར་་་་་བློ་ལ་་་་་་ཕྱི་ཡུལ་འཇིག་རྟེན་ཚུར་ཤར་བའི་སྣང་བ་ཡིན་ཞིང་། མྱོང་ཚོར་དང་དཔྱོད་པ་་་་བསམ་གཞིགས་་་་་་སོགས་བློའི་བྱ་རིམ་སྣ་ཚོགས་ཀྱི་ སྤྱི་འདུས་ཤིག་ཡིན། དེའི་ནང་གི་དཔྱོད་པ་ནི་ཕྱི་ཡུལ་འཇིག་རྟེན་ཚུར་སྣང་གི་རྣམ་པ་མཐོ་ཤོས་མི་ཁོ་ནར་ཡོད་པ་ཞིག་ཡིན། མིའི་འདུ་ཤེས་ཀྱིས་ཕྱི་ཡུལ་འཇིག་རྟེན་འདི་དང་འདིའི་སྙམ་དུ་འཛིན་ཐུབ་པར་མ་ཟད། ཕྱི་ཡུལ་འཇིག་རྟེན་ལའང་ཤན་ཞུགས་ཐུབ། བྱ་དངོས་རྣམས་མཚན་མར་འཛིན་པའི་བློ། འདི་ནི་འདིའི་སྙམ་དུ་འཛིན་པའི་བློའི་མིང་ཞིག་ཡིན་གསུང་།། འདུ་ ཤེས་མེད་ན་ཤེས་བྱའི་དངོས་པོ་གང་འདྲ་ཞིག་རང་ལ་སྣང་རུང་དངོས་པོ་དེ་དག་དེར་ ངོས་འཛིན་མི་ཐུབ། འདུ་ཤེས་ཡོད་ན་འདི་དང་འདི་རེད་བསམ་ནས་ངོས་འཛིན་ཐུབ། ངོས་འཛིན་ཐུབ་པ་དེ་འདུ་ཤེས་ཀྱིས་བྱས་པ་རེད། རིགས་པས་དཔྱད་ནས་ཞུས་ནའང་དེ་ཐམས་ཅད་ངོ་ཤེས་པ་ཙམ་དུ་མ་ཟད་འདི་རེད་སྙམ་པའི་བློ་ཞིག་ཡིན་པ་དང་། འདི་བདག་ཏུ་མ་མཛིན་ན་མི་འགྲིག་སྙམ་པ། འདི་ངའི་ཡིན་བསམ་པ་དཔེར་ན། མི་ལ་ཆ་བཞག་ནས་ཞུས་ན་། འདི་ངའི་ཕ་མ་ཡིན་བསམ་པ་ངོས་འཛིན་ཙམ་དུ་མ་ཚད་དེའི་བཀའ་དྲིན་བསམ་ནས་བསྲུང་བ་སོགས་དུ་མ་ཡོད་པ་ནས་བདག་གི་འདུ་ཤེས་བཞི་ལ་དབྱེ་ནས་ཞུས་པ་ཡིན།། སྐབས་འདིར་འདུ་ཤེས་ཞེས་པ་འདི་ནི། མི་རིགས་དང་དེའི་ཁྱད་ཆོས་གོམས་གཤིས་བཅས་ཀྱི་ངོ་བོ་ལེགས་པར་ཤེས་ནས་གཅེས་ འཛིན་ནམ་བདག་བཟུང་བྱེད་དགོས་པའི་ཚོར་བ་འཛིན་སྟངས་ཞིག་ལ་གོ་དགོས་པ་ཡིན། སྤྱི་སྟངས་ནས་འདུ་ཤེས་ཟེར་བ་དེ་སེམས་འབྱུང་འདུ་ཤེས་ཡིན་མོད། དེ་ནི་མཛོད་ལས་སློབ་དཔོན་དབྱིག་གཉེན་གྱིས། འདུ་ཤེས་མཚན་མས་འཛིན་པའོ།། ཞེས་ཇི་སྐད་གསུངས་པ་ལྟར་རང་ཡུལ་མཚན་མར་འཛིན་པའི་བྱེད་ལེན་ཅན་གྱི་སེམས་ འབྱུང་ཞིག་ལ་གོ་དགོས། མདོར་ན་ཡུལ་གང་ཞིག་ངོ་བོ་འཛིན་པའི་བྱེད་ལེན་ཅན་གྱི་ཤེས་པ་ཞིག་ལ་འདོད་དོ། ཡང་ཆོས་འཆད་གཉན་གྱི་སྐབས་སུ་མཐུན་རྐྱེན་འདུ་ཤེས་དྲུག་ཡོད་པའི་ནང་གི་འདུ་ཤེས་ནི། རང་ལ་ནད་པའི་འདུ་ཤེས། ཆོས་ལ་སྨན་གྱི་འདུ་ཤེས། ཆོས་འཆད་པ་པོ་ལ་སྨན་པ་མཁས་པའི་འདུ་ཤེས། ནན་གཏན་ཉམས་སུ་ལེན་པ་ལ་ནད་འཚོལ་བའི་འདུ་ཤེས་བཅས་ཀྱང་ཡོད་པ་རེད།
བཙན་པོའི་དྲིན་ལས་རང་བཙན་རྒྱལ་ཁབ་འདི།།
རྒྱ་དམར་གཤན་པས་བཟུང་བས་ཡིད་རེ་སྐྱོ།།
དཔའ་བོ་དཔའ་མོའི་ལོ་རྒྱུས་རྫོགས་ལ་ཉེ།།
ཆོལ་གསུམ་བོད་མིའི་ཆིག་སྒྲིལ་འདུ་ཤེས་བསྐྱེད།།
དུས་རབ་ཉེར་གཅིག་བོད་མིའི་སྤྱི་ཚོགས་ནང་།།
སྐད་ཡིག་བེད་སྤྱོད་མི་བྱེད་ཡིད་རེ་སྐྱོ།།
རང་རིགས་འཇིག་ལ་ཉེ་བའི་དུས་རབ་འདིར།།
བོད་མིའི་བླ་སྲོག་བསྐྱོབ་པའི་འདུ་ཤེས་བསྐྱེད།།
དུས་གསུམ་གསལ་གཟིགས་བྱང་ཆུབ་སེམས་བ་ཡིས།།
རླབས་ཆེའི་དགོང་པ་ཟབ་མོའི་ལྟ་བ་ཡང་།།
རྒྱ་མིས་ངོས་ལེན་མེད་པའི་ཚུལ་བསམ་ན།།
བདེན་པའི་ཨུ་ཚུགས་ལང་ཕྱོག་འདུ་ཤེས་བསྐྱེད།།
འདུ་ཤེས་མེད་པའི་མི་དེ་བ་གླང་འདྲ།།
རང་རིགས་འཇིག་ལ་ཉེ་ཡང་ཚོར་བ་མེད།།
བཟའ་འཐུང་འབའ་ཞིག་རྣམ་གཡེང་ཁོ་ནའི་ངང་།།
མི་ཚེ་དོན་མེད་ཟད་པར་ཡིད་རེ་སྐྱོ།།
འདུ་ཤེས་སྲ་བརྟན་ཞིག་འཛུགས་ཐུབ་མེད་པ་ནི་བོད་མིའི་རྗེས་ལུས་རྣམ་པའི་ཟུར་ཙམ་གཅིག་རེད། འདི་དང་འདི་འདྲ་བའི་འདུ་ཤེས་དང་སྐྱོན་མང་དག་ཅིག་ད་དུང་སྤྱི་ཚོགས་འདིའི་ནང་ཡོད་པ་རེད། དེ་དག་ཐམས་ཅད་ཀྱི་རྩ་བ་ནི་བོད་ཀྱི་སྤྱི་ཚོགས་འདི་ད་དུང་ཆབ་སྲིད་ཀྱི་གོ་རྟོགས་བརྙེད་མེད་པ་དང་དེ་བས་ཀྱང་འདུ་ཤེས་ཟབ་མོ་ཞིག་སྐྱེས་མི་ཐུབས་པའིjདབང་གི་རེད་སྙམ།།
མཁས་པ་ཚོས་དགོངས་འཆར་ལྷུག་པོ་ཡོང་བའི་རེ་བ་ཡོད་ལ་སྐྱོན་དང་ནོར་འཁྲུལ་ཡོད་ཤག་ལ་གང་ནས་ཀྱང་བཀའ་སློབ་ཡོང་བ་ཞུ།། འཕན་པོ་བསྟན་དར་ནས་གུས་པ་ཆེན་པོས་སྤྱན་ལམ་དུ་ཕུལ།། །།
Welcome back My friend!!!!!!!!!!!!!!
གྲོགས་པོ་ལགས་བཀྲ་ཤིས་བདེ་ལེགས།
ངས་ཁྱེད་བྲོས་སོང་མེད་ན་བསམ་ནས་གྲོགས་པོ་ཚོར་བཤད་དེའི་སྐོར་བཤད་ཚར།
དགོངས་འགལ་ཁྱོན་ནས་མེད་པ་ཞིག་གནང་རོགས།
དེ་འདྲ་ཞིག་བུ་བསྟན་དར་ག་ལ་ཡིན།
ངས་འདི་ནས་ཆང་དམ་བི་གང་དང་ཁ་དར་དཀར་པོ་ཞིག་གིས་གོ་སྒྲིག་བྱས་ཏེ་ཁྱེད་བསྒུགས་ཡོད།
སྐུ་རྩེད་ཞུས།་་་་་་ང་འདི་ན་ཉོབ་ནས་ཅི་བྱེད་འདི་བྱེད་པར་ཁྱེད་ལ་སྐུ་རྩེད་ཞུས་པ་ཡིན།
བཙན་པོའི་ཕོ་ཉ་ལགས། ངས་ཁྱེད་རང་དྲན། ད་ཐེངས་དྲྭ་ཐོག་ནས་མཇལ་བར་དགའ་པོ་བྱུང། དཔེ་མི་སྲིད་པའི་ཡག་པོ་བྲིས་གནང་བཞག འོན་ཀྱང་ནང་དོན་དེ་དག་ཐོག་མར་རང་ཉིད་ནས་འགོ་འཛུགས་དགོས། དེ་ནི་ཆོས་ཉིད་ཞིག་ཡིན་པ་ལས་ང་ཁ་ཕོ་ཆེ་བས་མིན། ཐུགས་རྗེ་ཆེ། ཁྱེད་རང་གིས་ང་ངོ་མཁྱེན་གྱི་ཡོད་ཤག་རེད།
འཕན། འཕན་ཟེལ་མེད་པའི་འཕན་པོ་བས།
པོ། པོ་ཏཱ་ལ་རུ་ཕན་དགོས་བྱུང།
བསྟན། བསྟན་སྲིད་ཆགས་འཇིག་གནས་སྐབས་འདིར།
འཛིན། འཛིན་མའི་ཁྱོན་འདིར་ཁྱེད་ལས་སུ།
དར། དར་དམར་འོག་ནས་འཚར་ན་ཡང།
རྒྱས། རྒྱས་པའི་རྩོམ་ལུས་འདི་ན་རྒྱལ།
ཕྲན་བློ་བཟང་དར་རྒྱས་ཀྱིས་ཟླ་༩ཚེས་༢༡ལ།
བློ་བཟང་དར་རྒྱས་ལགས།
རང་ཉིད་འགོ་འཛུགས་རྒྱུ་་་་་་་་་་་་ག་ན་།
དེ་དཀའ་དྲག་ནས་མཉམ་དུ་ཤོག་ཟེར་བ་ཡིན་རྒྱུ་རེད།
ཕར་ཀའི་འགྲོ་ལམ་དེ་ནས་ཚང་མ་ཚུར་ཚང་ཀ་རྒྱག་གི་ཡོད་དུས།
དཔུང་བསྒྲིགས་ནས་ཕར་མ་གཤགས་ན་ཐར་དཀའ་རྒྱུ་རེད།
ལམ་ཁ་དེ་བྱེ་ཐང་་་་གྲོང་རོང་་་་གཡངས་ས་རྒྱུད་ནས་དེད་ཀྱང་
ད་དུང་མཐའ་མི་མངོན་པའི་ཐག་རིང་ཞིག་ཀྱང་རེད།
དྲང་མོར་ཞུས་ན་ལམ་ཁ་དེ་ནས་ང་ནི་འགྲོ་ཕོད་ས་མི་འདུག་ལ།
འགྲོ་ཤེས་ཀྱང་ཤེས་ས་མ་རེད།
ཚོར་བ་ཚོར་བ་དེ་འདྲའི་སྙན་པ་ལ།།
ཚོར་བ་ཚོར་བ་དེ་འདྲའི་ཟབ་པ་ལ།།
ཚོར་བ་ཚོར་བ་དེ་འདྲའི་རྣོ་བ་ལ།།
ཚོར་བ་ཚོར་བ་དེ་འདྲའི་གསལ་བ་ལ།།
འཕན་ཡུལ་རིགས་པའི་གྲོང་མཁྱེར་ལ།།
ཨ་ཁུ་ཡིན་ཡང་འགྲན་མི་ནུས།།
བསྟན་དར་ཟེར་བའི་བློ་ལྡན་འདི།།
མ་འོངས་བོད་ཀྱི་མདུན་ལམ་སྟོན།།
བསྟན་དར་ཁྱོད་ཀྱི་ཤེས་རབ་གློག་དང་འདྲ།།
བསྟན་དར་ཁྱོད་ཀྱི་ལྷག་བསམ་གངས་རི་འདྲ།།
བསྟན་དར་ཁྱོད་ཀྱི་ཚོར་བ་ཁབ་དང་འདྲ།།
བསྟན་དར་ཁྱོད་ཀྱི་སྙན་ངག་རྒྱ་མཚོ་འདྲ།།
ཁྱོད་ཀྱི་ཟབ་གསལ་སྙན་པའི་དགོངས་ཚུལ་འདི།།
ས་ཡ་དྲུག་གི་མ་འོངས་མདུན་ལམ་སྟོན།།
བློ་གྲོས་ཕུལ་བྱུང་ཨ་ཁུ་སྟོན་པ་དེ།།
སླར་ཡང་གངས་ཅན་ལྗོངས་སུ་ཕེབས་པ་འདྲ།།
བཙན་པོའི་དྲིན་ལས་རང་བཙན་རྒྱལ་ཁབ་འདི།།
རྒྱ་དམར་གཤན་པས་བཟུང་བས་ཡིད་རེ་སྐྱོ།།
གོང་གི་ཚིག་བཅད་འདི་གོ་བ་འདི་འདྲ་ལོན་གྱི་འདུག “བཙན་པོའི་བཀའ་དྲིན་ལ་བརྟེན་ནས་རང་བཙན་གྱི་རྒྱལ་ཁབ་འདི་རྒྱ་དམར་གཤན་པས་བཟུང་སོང་བས། སེམས་སྐྱོ་བྱུང་ཞེས། རྒྱ་དམར་གཤན་པ་ཁྲིད་མཁན་འདི་བཙན་པོ་ཡིན་པར་གོ།”དེ་གསལ་བར་ཚིགས་བཅད་འབྲི་སྟངས་གཞན་ཞིག་ཨེ་ཡོད།
སྐུ་ཞབས་བསམ་ཤེས་ལགས།་་་་་་་་་་་་ཐོག་མར་ངས་ཁྱེད་ལ་ཐུགས་རྗེ་ཆེ་ཞུ་རྒྱུ་ཡིན། ཁྱེད་ནས་དགོང་འཆར་གནང་འདུག་པ་ཡང་། ཡིན་ཀྱང་དེ་འདྲ་ཞིག་གོ་གི་ཨ་ཡོད། ”བཙན་པོའི་བཀའ་དྲིན་ལ་བརྟེན་ནས་རང་བཙན་གྱི་རྒྱལ་ཁབ་འདི། རྒྱ་དམར། གཤན་པས་བཟུང་སོང་བས། སེམས་སྐྱོ་བྱུང་ཞེས་པ་དེ་རང་ལ་གོ་དགོས་པ་ལས།
རྒྱ་དམར་གཤན་པ་ཁྲིད་མཁན་འདི་བཙན་པོ་ཡིན་པར་གོ་གསུང་བ་ནི། གོ་བ་ལོག་སྒྲུབ་འང་དོན་མེད་ཚིག་ཐོལ་གྱི་འབྲེལ་བཤད་ཞིག་ལས་དེ་ལ་ངའི་ངོས་ནས་གོ་རྒྱུ་གང་ཡང་མི་འདུག་ཞུ། ཡིན་ན་ཡང་ངའི་རེ་བར་མཁས་པ་ཚོས་དགོང་འཆར་གནང་རོག་ཞུས་ཡོད་པས་དགོང་འཆར་ཡོང་རེ་ཡོད་ལ་ཁྱེད་ནས་གསུང་བ་བཞིན། དེ་གསལ་བར་ཚིགས་བཅད་འབྲི་སྟངས་གཞན་ཞིག་ཨེ་ཡོད་གསུང་བར་ངས་འདི་ལྟར་བྲིས་ཟིན་པས། ཁྱེད་ནས་ཅིག་འབྲི་རོག་ཞུ།། མ་གཞི་ནས་རང་ཉིད་རྩོམ་པ་པོ་ཞིག་མིན་ཡང་། ངའི་སྙིང་ལ་བརྣགས་པའི་འདུ་ཤེས་ཀྱི་ཚོར་བ་ཟབ་མོ་དང་ངའི་སེམས་ནང་གི་ན་གཟུགས་དེ་དངོན་འགྱུར་ཡོང་སླད་ཡིག་ཐོག་དུ་འབྲི་རྒྱུར་འབད་བརྩོན་ཞུས་པ་ཞིག་ཡིན།།
འཕན་པོ་བསྟན་དར་པས་གུས་པ་ཆེན་པོས།། །།
འཛམ་གླིང་འདི་ན་ཅི་ཡང་ཡོད་སྲིད་ཅེས།།
དཔལ་མཆོག་ན་རོ་པ་ཡི་ཞལ་ནས་གསུངས།།
འཕགས་ཆེན་གསུངས་པའི་ལེགས་ཤིན་ཏུ་བདེན།།
བསམ་ཤེས་ཟེར་བ་དེ་ཡང་སྲིད་པ་མཚར།།
བཙན་པོའི་དྲིན་ལས་ཆོལ་གསུམ་གཅིག་སྒྲིགས་ཀྱི།།
གངས་ཅན་བོད་ཀྱི་རང་བཙན་རྒྱལ་ཁབ་འདི།།
དུས་རབ་ཉི་ཤུའི་ལོ་རབ་ལྔ་བཅུའི་ནང།།
རྒྱ་དམར་གཤན་པས་འཕྲོག་བར་གོ་བ་བདེ།།
མ་གོ་གོ་མདོག་བྱེད་ན་དཔྱོད་ལྡན་མིན།།
མ་ཤེས་ཤེས་མདོག་བྱེད་ན་མཁས་པ་མིན།།
མ་མཐོང་མཐོང་མདོག་བྱེད་ན་རྫུན་མ་རེད།།
མ་ཡིན་ཡིན་མདོག་བྱེད་ན་སྨྱོན་པ་རེད།།
ཨོ་རིག་ལགས་མ་མཇལ་ཡུན་རིང་།།
མཇལ་ནས་ཞལ་ངོ་དཀར་ར།། ཨོ་རིག་ལགས་ཀྱི་ཞལ་རས།།
ཁྱེད་རང་ཉོབ་ནས་མ་བཞུགས།། ཁ་བརྡ་གནང་བར་ཕེབས་ཤོག།
ཁྱེད་ནི་ངའི་ཁ་བརྡ་ཚང་གི་གྲོགས་པོ་དང་པོ་ཡིན་པས་ཁྱེད་ལ་ངས། འདི་ནས་ whisky ཤེལ་དམ་གང་དང་དཀར་གཙང་མཇལ་དར་གཅིག་ཁྱེད་ལ་ཕུལ་རྒྱུ་ཡིན།། འཕན་པོ་བསྟན་དར་ནས་ཕུལ།། །།
བཀྲ་ཤིས་བདེ་ལེགས།་་་་་་་་་་་་བློ་བཟང་དར་རྒྱས་ལགས། ཁྱེད་འབྲོམ་སྟོད་བློ་བཟང་དར་རྒྱས་ཡིན་ནམ་་་་་་་་་་་་་་་་་་གལ་སྲིད་ཁྱེད་ཡིན་ན།
ང་ནི་བཙན་པོའི་ཕོ་ཉ་ཡིན་ལ་བྷོ་ཌྲའི་ཕོ་ཉ་ཡང་ཡིན། ད་དུང་གངས་ལྗོང་ཕོ་ཉ་ཞིག་ཀྱང་འཆར་གཞི་ཡོད། ཧ་ཧ་ཧ། ང་ཡང་ཁྱེད་དྲན། ཁྱེད་ཀྱང་བརྙན་འཕྲིན་ནང་ཡོད་རེད་པ། ཁྱེད་ངོ་མ་ཡིན་ན། ཡིན་གསུང་པ་ལས་ང་ལ་ལན་གཞན་གསལ་བཤད་མི་དགོས་པར། ཡིན་གསུང་ན་སྒྲིགས།།
འཕན་པོ་བསྟན་དར་ངོ་མས།།
ལྷ་ཡུལ་འབྲོམ་སྟོད་སྤྱི་ཁྱབ་པའི་བུ་བློ་དར་ཡིན་དཱ།
འཕན་པོ་གནམ་གང་བསྟན་དར་ལགས་ཕྱི་གསལ་ནང་གསལ་རེད་ཤག
རྒྱུ་མཚན་ནི་ཁོང་གིས་རྩོམ་ཡིག་བྲིས་ཏེ་ཁོང་གི་མིང་འདོན་ཡང་གནང་འདུག
དྲྭ་རྒྱ་འདིའི་ནང་འགའ་ཞིག་གིས་སྨྱུག་མིང་བྲིས་པ་མ་གཏོགས་མིང་འདོན་གནང་གི་མིན་འདུག
ཕྲན་རང་ངོས་ནས་རྩོམ་ཡིག་ཐར་ཐོར་རེ་མ་སྤེལ་ཡང་མཆན་བུ་ཐར་ཐོར་རེ་སྤེལ་གྱིན་ཡོད།
འོན་ཀྱང་རང་ཉིད་ཀྱི་མིང་བྲིས་ཀྱི་ཡོད་དཱ།
འབྲོམ་སྟོད་བློ་དར་ལགས། ཉིན་མ་དེ་རིང་ནས་བཟུང་། ངས་ཁྱེད་ལ་འབྲོམ་སྟོད་བློ་དར་ལགས་ཞུ་རྒྱུ་ཡིན་ལ།
ཁྱེད་ནས་ཀྱང་སོ་སོའི་མིང་ངོ་མ་བྲིས་པར་དགའ་བསུ་ཡོད། སྨྱག་མིང་ངམ་རྫུན་མིང་གང་ཡིན་རུང་སོ་སོའི་མིང་ངོ་མ་མ་ཡིན་པར་རྟེན། ཁ་བརྡ་དྲ་རྒྱའི་ནང་མི་འགའ་ཞིག་གི་འཆལ་གཏམ་གང་བྱུང་སྒྲོགས་པར་ཐེ་ཚོམ་བྱེད་ཀྱི་མེད་པ་རེད། ངས་གང་ཐུབ་དགག་ལན་བྲི་ཀྱང་བྱེད་ཀྱི་ཡོད། ཡིནའང་རྩོམ་ཡིག་མཁས་པ་དག་གི་སྨྱུག་མིང་ཞེས་པ་ཞིག་བེད་སྤྱོད་བྱེད་སྲོལ་འདུག དེ་འང་སྔར་གྱི་མཁས་པ་དག་གི་བཞེས་རྒྱུན་ཡོད་རུང་། དེ་རྣམས་ནི་རྩོམ་པ་པོ་མཁས་པའི་སྨྱུག་མིང་ངོ་མ་ཞིག་རེད་སྙམ། ད་ལྟ་ཁ་བརྡའི་ནང་གི་མིང་མང་ཆེ་བ་རྫུན་མིང་ཞིག་རེད་ཞུ། འབྲོམ་སྟོད་བུ་ལགས་རང་ཉིད་ཀྱིས་བོད་ཡིག་མཛུབ་གནོན་སྦྱང་ནས་བོད་མིའི་བླ་སྲོགས་འདི་སྐྱོབ་ཆེད་ལས་འགུལ་རིམ་པ་སྤེལ་ཞིན་པ་ཡིན་ལ་སློབ་སྦྱོང་ལ་མཐའ་མེད་པར་རྟེན་ཡར་རྒྱས་གོང་འཕེལ་ཡོང་སླད་འབད་བརྩོན་ཞུ་ཞིན་པ་ཡིན།།
བུ་ཁྱེད་ཀྱི་ད་དུང་ངའི་ཤེས་རྒྱུས་ལོན་མི་འདུག་སྙམ། ཁྱེད་ནས་གསུང་གསལ།་་་་་་་་་
འོན་ཀྱང་ནང་དོན་དེ་དག་ཐོག་མར་རང་ཉིད་ནས་འགོ་འཛུགས་དགོས་གསུང་བ་དེ་ཁྱེད་ཀྱིས། ང་རྒྱུས་མེད་པ་དང་རང་ཉིད་བོད་ཡིག་རྩོམ་པ་པོ། ཆེད་ལས་པ་ཞིག་མ་ཡིན་པ་ནི་ཁྱེད་ཀྱི་མཁྱེན་གསལ་རེད། འདུ་ཤེས་ཀྱི་དྲན་སྐུལ་གྱི་རྩོམ་ནི་ངའི་སྙིང་གཏིང་གྱི་འཚོར་བ་དངོས་དང་། ངའི་དུས་རྒྱུན་གྱི་སེམས་ཁོང་གི་ན་ཚ་དེ་ཡིག་ཐོག་ནས་ཕྱིར་མངོན་པ་ཞིག་རེད་མ་ཏོག ང་བོད་ཡིག་མཁས་གྲགས་ནས་བྲིས་པ་ཞིག་ག་ལ་ཡིན།། ཡིན་ཀྱང་ངས་ལས་དོན་དེ་དག་བྱེད་ཞིན་པ་ལས་འགོ་འཛུགས་རྒྱུ་ཞིག་བསྡད་མེད་ཞུ་རྒྱུ་ཡིན། ནང་མོས་ཞུས་ན་དེང་སང་རང་ཉིད་ཉིན་ལྔ་།མི་ཚེའི་ཆེད་དུ་ངལ་བརྩོལ་བྱེད་བཞིན་པ་དང་། ལས་ཞོར་དུ་བུ་ཕྲུག་གཉིས་བོད་མི་ཡང་དག་པ་ཞིག་ཡོང་རྒྱུར་བོད་ཡིག་སློབ་ཞིན་པ་དང་་་་་་་་་་་་་་་་་་་་་་་་ཉིན་གཉིས་དེ་རང་མི་རིག་གི་ཆེད་དུ་གང་ཐུབ་འབད་བརྩོ་ཞུ་ཞིན་པ་ཡིན། དེ་ལྟར་ངའི་དུས་ཚོད་ནི་གསེར་ལས་ལྷག་པའི་རིན་ཐང་ཅན་ཞིག་ཡིན་པས། ངས་དུས་ཚོད་རིན་ཆེན་ཞེས་པའི་རྩོམ་ཡིག་ཞིག་ཀྱང་འབྲི་ཞིན་པ་ཡིན་རྗེསུ་མཐོང་ཡོང་།
རང་ཉིད་བཙན་བྱོལ་དུ་འབྱོར་པ་ནས་བཟུང་། དུས་ད་ལྟ་བར་དུ་་རང་ཉིད་ཀྱི་ལྟོ་གོས་ཁོ་ནར་མ་གཡེང་པར་གཞན་ཕན་ལྷག་བསམ་གྱིས་ཁུལ་གྱིས་འབད་བརྩོན་ཞུ་ཞིན་པས་། རྗེས་སུ་རིམ་པས་་མངོན་གྱུར་ཡོང་གི་རེད།།
འཕན་པོ་བསྟན་དར་པས་བྲེལ་ཚུབ་ངང་ཚམས་འཇོག་རྒྱུ་ཡིན། ངའི་བུས་སྐད་གཏོང་གི་འདུག་་་་་་་་་་་་་་་་་་ པའ་ལགས་་་་་་་་་་་་་་་་་་་་་་་་་་་་་་་་་་་་་་་་་་་་ད་ཉལ་རན་འདུག་་་་་་་་་་་་་་་་་་་་་་ ད་ཐོངས།། །།
ཐུགས་རྗེ་ཆེ། ཞུ་རྒྱུ་ཞིག་གང་ཡང་མིན་འདུག
འོན་ཀྱང་རྒྱབ་སྐྱོར་རྒྱ་ཆ་100ཡོད་དཱ
སྐུ་གཟུགས་ལ་ཐུགས་འཇགས་གནང།
གྲོགས་མཆོག་བསྟན་ལགས།
ཝི་ས་ཀི་ཤེལ་དམ་གང་གིས།།
གྲོགས་པོར་ཕེབས་བསུ་བྱུང་ན།།
ནས་ཆང་དམ་བི་གང་གིས།།
ཆང་ལ་ཆང་ལན་བཏེགས་ཆོག།
ནུབ་ཕྱོགས་ཨ་རི་ཡུལ་གྱི།།
གྲགས་ཅན་ཝི་སི་ཀས་དང་།།
གངས་ལྗོངས་བསིལ་མོ་ལྗོངས་ཀྱི།།
ནང་ཆང་གང་ཞིམ་ལྟ་ཆོག།
རྒྱ་གར་ཚ་བས་གདུང་ནས།།
ངོ་གདོང་དཀར་པོ་མེད་ཀྱང་།།
དྲི་མེད་ལྷ་དར་དཀར་པོ།།
བློས་ཐུབ་ཁྱེད་ལ་འབུལ་ཆོག།
བཙན་པོ་བཙན་པོ་མ་གསུང།།
བཙན་མོ་ལེན་ས་ནོར་འདུག།
རང་བཙན་རང་བཙན་མ་གསུང།།
མཇའ་ས་ཞིག་དང་བརྗེས་འདུག།
བླ་མ་བླ་མ་མ་གསུང་།
ཆོས་སྲིད་གཉིས་ཀ་བརྫད་འདུག།
རིག་གཞུང་རིག་གཞུང་མ་ཟེར།།
རྗེས་ལུས་རིག་གནས་རེད་ཤག།
དབུ་མ་དབུ་མ་མ་ཟེར།།
དབུ་མས་ང་ཚོ་བསླུ་བ།།
འཕན་པོ་བསྟན་དར་ལགས། ༼ང་ཚོའི་འཐབ་རྩོད་ནི། རྒྱ་དང་། བོད་ཅེས། རྩམ་ཟན་དང་། འབུ་ཟན་ཞེས། ཐ་ དད་པའི་མི་རིགས་གཉིས་ཀྱི་འཐབ་རྩོད་ཡིན་པར་ཤེས་དགོས་ལ།༽ ཞེས་པ་འདི་ནོར་འདུག ང་ཚོའི་འཐབ་རྩོད་ནི་རྒྱ་བོད་མི་རིགས་གཉིས་ཀྱི་འཐབ་རྩོད་མ་རེད་ཅེས་༸གོང་ས་མཆོག་གིས་ཡང་ཡང་གསུང་བཞིན་པ་གོ་མ་སོང་ངམ། ང་ཚོས་རྒྱ་མི་རིགས་དང་འཐབ་རྩོད་བྱེད་ཀྱི་ཡོད་པ་མ་རེད། རྒྱ་ནག་སྲིད་གཞུང་དང་འཐབ་རྩོད་བྱེད་ཀྱི་ཡོད་པ་རེད། འདིའི་དབྱེ་མཚམས་གསལ་པོར་ཕྱེ་དགོས་པ་རེད། ཆབ་སྲིད་ཀྱི་སྐད་ཆ་འདི་རིགས་ལ་གཟབ་དགོས། དེ་གཅིག་ཡིན།
གཉིས་པ། ༼ཆོས་དང་མཐུན་པའི་སྒོ་ནས། བདེན་ མཐའ་མ་བསལ་བར་དུ་འཐབ་རྩོད་བྱེད་རྒྱུ་༽ཞེས་དང། ༼བདེན་པ་བཞི་པོ་དེར་གདེང་འཁེལ་པའི་ངང་། ཡིད་ཆེས་དང། སྤོབས་པ། ཞུམ་མེད། སྙིང་སྟོབས། ལྷག་བསམ། གཞན་ཕན་བཅས་དེ་དག་གིས་བཟུང་ནས་བྱ་སྤྱོད་སྤེལ་ཐུབ་ན། བདེན་མཐའ་བསལ་བར་ཐེ་ཚོམ་མེད་དོ།།༽ ཞེས་བདེན་མཐའ་གསལ་བ་ལ་བ་བསལ་བྲིས་པ་འདི་ཡང་ནོར་འདུག འདིའི་སྐོར་ངས་༼བདེན་མཐའ་གསལ་བ་ག་གསལ་ཡིན་༽ཞེས་པའི་རྩོམ་ཞིག་ཁ་བརྡ་དྲ་ཚིགས་འདིའི་ཐོག་ཉིན་ཤས་གོང་སྤེལ་ཡོད་པས་དེ་ལ་གཟིགས་རོགས།
རང་དབང་སེམས་ལ་དགོས་ན་རི་ལ་བྲོས།།
རང་དབང་ལུས་ལ་དགོས་ན་མི་དང་འཐབ།།
རང་དབང་ཕྱི་ནང་གཉིས་ལ་དགོས་གྱུར་ཚེ།།
རང་ཉིད་གཅེས་པར་འཛིན་པའི་གཞུང་ལུགས་ཤིག།
བསྟུད་མར་སྤྱངས་རྗེས་དེ་ཉིད་ལག་ལེན་བྱོས།།
རང་དབང་བོད་ལ་དགོས་ན་ཆིག་སྒྲིལ་བྱོས།།
རང་དབང་བོད་མིར་མེད་ན་གྱེན་ལོག་བྱོས།།
རང་དབང་ཐོབ་རྒྱུར་སྤྲོ་ན་རང་གཞན་ཀུན།།
རང་རིགས་བོད་ཀྱི་ཆེད་དུ་ཁ་དང་ལག།
མཉམ་དུ་འགུལ་བསྐྱོད་བྱོས་དང་ཐོབ་རེ་ཡོད།།
སྐད་ཆ་སྙན་པོ་བཤད་ནས་སྟོང་བ་རེད།།
གཞུང་ལུགས་སྣ་ཚོགས་ཤེས་ཀྱང་ཕན་མེད་རེད།།
བོད་མི་བཟང་རབས་བཤད་ཀྱང་དགོས་མེད་རེད།།
བོད་ཞེན་ཡོད་རབས་སྒྲོག་ཀྱང་འུར་སྒྲ་རེད།།
སྐྱེ་བ་བོད་ཀྱི་རིགས་རུས་མ་བརྗེད་ཅིག།
འཇིགས་མེད་བཀྲི་ཤིས་མཆོག་ལ་འཚམས་འདྲེན་དང།།
ཁྱོད་ཀྱིས་དགོངས་འཆར་གནང་བའི་ལེགས་སྐྱེས་སུ།།
རབ་དཀར་ལྷ་རྫས་ཉིན་མོ་བདེ་ལེགས་དང་།།
རབ་ཞིམ་ནས་ཆང་དཀར་ཡོལ་གང་གིས་གཏེགས།།
ཁྱེད་ཀྱིས་གསུངས་པའི་༧རྒྱལ་བའི་དྲི་མེད་བཀའ།།
གོ་བ་མ་ཚར་སྙིང་དབུས་གཅེ་ས་སུ་མཆིས།།
ཆབ་སྲིད་གཏམ་དེ་གཟབ་དགོས་གསུངས་པ་ཡང།།
བདག་གིས་སྔ་མོ་དུས་ནས་སེམས་ནང་གསལ།།
སྤྱི་དང་བྱེ་བྲག་རྣམ་བཞག་མ་ཤེས་ན།།
གོ་བ་ལོག་པར་ལེན་པའང་ཤིན་ཏུ་ཉེན།།
དེ་བཞིན་མི་རིགས་བདག་དབང་འཐབ་རྩོད་དང་།།
མི་རིགས་ཁེ་ཕན་རྩོད་པ་ནོར་ཉེན་ཡོད།།
འདུ་ཤེས་དྲན་བསྐུལ་དེ་ནི་མི་རིགས་ཀྱི།།
བདག་དབང་འཐབ་རྩོད་བྱེད་པར་དྲན་བསྐུལ་ཡིན།།
ཡིད་མ་ཆེས་ན་ཁྱེད་ཀྱིས་ཞིབ་མོ་བློས།།
ལེགས་པར་བརྟགས་ན་ཤིན་ཏུ་གསལ་པོར་མཐོང་།།
མཐའ་གཉིས་སྤངས་པའི་དབུ་མའི་ལམ་མཆོག་དེ།།
ཛ་དྲག་གནས་ཚུལ་སྐྱོབས་པའི་ཐབས་ཀྱི་མཆོག།
བོད་འབངས་ཡོངས་ཀྱིས་བདམས་པའི་ལམ་ཆེན་དེ།།
གུས་པ་བདག་ཀྱང་དགའ་བཞིན་སྤྲོ་བཞིན་འགྲོ།།
འོས་ཀྱང་འདུ་ཤེས་དྲན་བསྐུལ་ཞུ་དགོས་དོན།།
བདག་དབང་དགོས་པ་ཐམས་ཅད་སྤྱི་མཚུངས་རེད།།
བདག་དབང་ཁོ་ནར་གདམས་པའི་གངས་ཅན་པ།།
འདུ་ཤེས་བཞི་དང་བྱ་སྥྱོད་གསུམ་ལ་བསྐུལ།།
འཕན་པོ་བསྟན་དར་ནས་གུས་པ་ཆེན་པོས།
ཁ་ཞེན་གཉིས་མེད་ཟེར་བའི་དྲ་གྲོགས་ལགས།།
དོན་གྱིས་ཁ་ཞེན་གཉིས་མེད་མ་ཡིན་པར།།
མིང་རྫུན་བེད་སྤྱོད་བྱས་པས་རྟོགས་པར་སླག།
དེའི་ཕྱིར་ཁྱོད་ཀྱིས་མིང་དེ་བརྗེས་ན་ལེགས།།
ཁྱོད་ཀྱིས་ང་ལ་སློབ་སྟོན་གནང་ན་ཡང་།།
ཁྱོད་ཉིད་ངའི་སྐོར་མི་ཤེས་ཐག་གིས་ཆོད།།
ང་ལ་ཡི་གེ་མི་ཤེས་ཟེར་བ་ཡང་།།
དོན་མེད་སྲིད་རྡོར་རྒྱབ་རྩ་ལང་པ་ཙམ།།
རྒོད་བྲོ་ཟེར་ཡང་རང་གིས་རང་ལ་ལྟོས།།
ལེགས་པར་བརྟགས་ན་རྒོད་བྲོ་སུ་ཡིན་ཤེས།།
ཏྲི་ཏྲི་རྨིས་ལྟས་སྤྲེའུ་རྣམ་ཐར་དེ།།
ཁྱོད་ཀྱིས་གོ་མྱོང་མེད་ན་ངས་བཤད་ཆོག།
ཆོལ་གསུམ་ཆིག་སྒྲིལ་འདུ་ཤེས་དྲན་བསྐུལ་ལ།།
ཁྱོད་ཀྱིས་ལེགས་པར་བལྟ་ན་བསྟན་དར་ལ།།
ཕྱོགས་འཁྱེར་ཡོད་མེད་རྟོགས་པ་དཀའ་བ་མིན།།
དེ་ཕྱིར་ཁྱོད་ཀྱིས་མུན་ནང་མདའ་མ་འཕངས།།
ཁྱོད་ཀྱིས་ཆབ་སྲིད་ཟེར་བའི་གནས་དོན་དེ།།
ཁྱོད་ལ་དྲི་མ་ཙམ་ཡང་གོས་མི་འདུག།།
བློ་བཟང་སེང་གེ་ཟེར་ནས་དྲ་རྒྱ་ཐོག།
དྲིལ་སྒྲགས་བྱས་པ་ཙམ་གྱིས་ཤེས་པར་ནུས།།
ཁྱོད་ཀྱིས་ཟློས་གར་འཁྲབ་འདུག་ཟེར་བ་ཡང།།
ཟློས་གར་མ་ཡིན་དངོས་སུ་སྟོན་པ་ཡིན།།
ད་དུང་ང་ལ་གོ་སྐབས་ཐོབ་གྱུར་ན།།
བློ་སེང་འབའ་ཞིག་གྱོན་ནས་འཁྲབ་དགོས་བསམ།།
བསྟན་འཛིན་དར་རྒྱས་ཟེར་བའི་ཕོ་རྒོད་འདི།།
ས་ཕྱོགས་གང་དུ་སོང་ཡང་འགྱུར་བ་མེད།།
སྲོང་བཙན་སྒམ་པོའི་ཁྲག་རྒྱུན་གཙང་མ་དེ།།
ང་ལ་མ་གཏོགས་ཁྱོད་ལ་ག་ལ་ཡོད།།
མི་ངས་དྲ་ཐོག་འདི་ལ་ཡོང་དགོས་དོན།།
ལེགས་བཤད་བློ་སྐྱེས་བཟང་པོ་འཐོབ་ཕྱིར་དང་།།
མི་རིགས་བླ་སྲོག་སྐྱོབས་ཕྱིར་ཡོང་བ་ལས།།
མཁས་པར་འགྲན་པའི་ཕྱིར་དུ་ཡོང་བ་མིན།།
བཀྲ་ཤིས་བདེ་ལེགས་ you too.
ཡུལ་ངེས་པོའི་བསྟན་དར་ལགས།
གྲོགས་པོར་གཏན་ལན་མེད་པ།།
འཕན་པོ་བསྟན་དར་ཡ་མཚན།།
ཨོ་རིག་བསམ་ཚུལ་ལྟར་ན།།
བོད་དོན་བཤད་ཀྱིན་བཤད་ཀྱིན།།
བོད་དོན་སྟོར་པའི་དུས་ལ།།
བོད་དོན་ངོ་མ་བསམ་ན།།
བོད་པའི་བུ་མོ་ཞིག་ལ།།
བོད་ཕྲུག་མང་ཙམ་སྤེལ་དང།།
བོད་དོན་ད་ག་ཡིན་འགྲོ།
སྐྱེས་པའི་བུ་ཕྲུག་དེ་ཚོར།།
གོམ་སྲོལ་འཇག་ཐབས་ཤིག་དང་།།
ཕ་སྐད་ཤེས་མཁན་བཟོས་དང་།།
བོད་དོན་ད་ག་ཡིན་འགྲོ།།
བོད་མི་སུ་དང་འཕྲད་ཀྱང་།།
ཕུ་ནུ་མཛའ་བརྩེ་བཅང་སྟེ།།
གཅིག་ཕན་གཅིག་རོགས་གྱིས་དང་།།
བོད་དོན་ད་ག་མིན་འགྲོ།།
ཆོས་ལུགས་གྲིབ་ཀྱིས་མ་བསྒོས།།
ཆོལ་ཁའི་རིམ་ནད་མེད་པར།།
གུ་ཡང་བློ་སྟོབས་ཤིག་གིས།།
ཚང་མར་མཐུམ་སྒྲིལ་གནང་དང་།།
བོད་དོན་ད་ག་ཡིན་འགྲོ།།