འཕྲིན་ཡིག་གཅིག

Comments (2) on “འཕྲིན་ཡིག་གཅིག”

1. བཀྲ་ཤིས་བདེ་ལེགས། རིག་པའི་རྡོ་རྗེ་ལགས། ཁྱེད་རང་འདི་ནས་རི་ཆུ་ཁྲི་སྟོང་གིས་ཆོད་པའི་ཕ་རོལ། མཐའ་ཡས་རྒྱ་མཚོས་ཆོད་པའི་ཕ་རོལ། ཐག་རིང་མདོ་ཁམས་ཀྱི་ལུང་ཁུག་ཅིག་ཏུ་བཞུགས་ནའང་། དེང་རབས་ཀྱི་རིག་པའི་འཕྲུལ་ཐབས་ལ་བརྟེན་ནས་ང་ཚོ་རང་ཁྱིམ་དུ་སྡོད་བཞིན་པར་རང་མདུན་གྱི་ཤེལ་སྒྲོམ་གྲུ་བཞི་འདིའི་ནང་མཇལ་སྐལ་ལྡན་པར་དགའ་སྤྲོ་དཔག་མེད་དུ་ཆེ། ཁ་དྲོ། བཀྲ་ཤིས།

2. རིག་པའི་རྡོ་རྗེ་ལགས།
   ཁྱེད་འདིར་ཞུགས་ཐུབ་པས་དགའ་སྤྲོ་འཕེལ། མི་ཉག་མཁས་པ་མི་ལྔ་དང༌། འདྲ་དགེ་བཤེས་ཚུལ་ཁྲིམས་རྣམ་རྒྱལ། ཉན་ཤུལ་རྒྱལ་དབང་དང་མཁྱེན་རབ་འོད་གསལ་སོགས་ཀྱི་སྐོར་མང་དུ་ཐོས་མྱོང་ཡོད། རྒྱང་རིང་རྒྱ་བོད་ཀྱི་ས་མཚམས་སུ་གནས་པའི་ཡུལ་འདིའི་ལོ་རྒྱུས་ཀྱི་སྐོར་ལ་དོ་སྣང་མང་ཙམ་གནང་རོགས། ཁྱེད་རང་གིས་བལྟས་ན་མི་ཉག་རེད་དམ་མེ་ཉག་རེད། ཧོར་ཇིང་གིར་རྒྱལ་པོའི་ལག་འོག་ནས་ཕམ་པའི་རྒྱལ་ཁམས་དེ་དང་ཁྱེད་ཚོ་ཁམས་མི་ཉག་གཉིས་ལ་འབྲེལ་བ་འདྲ་ཡོད་དམ། མི་ཉག་ཅེས་པའི་རྒྱུད་འདི་དེང་དུས་སུ་ཨ་མདོ་ཁྲི་ཀའི་རྒྱུད་དུ་ཡོད་ལ། ད་ལྟ་བཞུགས་པའི་འབྲས་ལྗོངས་རྒྱལ་པོ་ཡང་མི་ཉག་གི་རྒྱུད་ལས་བྱུང་བར་བཤད་པས་དེ་ཚོ་ལ་འབྲེལ་བ་འདྲ་ཡོད་དམ། དེ་བཞིན་ཡར་སྟོད་བྱང་པ་དཔོན་ཡང་མི་ཉག་གི་རྒྱུད་པ་ཡིན་པར་བཤད། དེ་ཅུང་ཟད་བདེན་པ་ཡང་འདྲ་སྟེ་བྱང་བདག་བཀྲ་ཤིས་སྟོབས་རྒྱལ་དང་ཞིང་ཤག་པ་ཚེ་བསྟན་རྡོ་རྗེ་འཁོན་འགྲས་བྱུང་སྐབས་བྱང་བདག་བཀྲ་ཤིས་སྟོབས་རྒྱལ་དར་རྩེ་མདོར་བྲོས་བྱོལ་བྱས་ནས་ད་ལྟའི་དར་མདོའི་རྡོ་རྗེ་བྲག་གི་དགོན་པ་འདི་ཕྱག་བཏབ། སྤྱིར་བཏང་མི་ཞིག་ལ་ཉམས་ཉེས་བྱུང་ནས་སྐྱབས་བཅོལ་དུ་འགྲོ་དགོས་ན་ཕལ་མོ་ཆེ་རང་དང་འབྲེལ་བ་ཡོད་ས་ཞིག་ལ་འགྲོ་བ་དེ་ཆོས་ཉིད་ཡིན། ཁྱེད་ཚོ་ཁམས་མི་ཉག་གིསྐོར་ཀརྨ་པ་སྐུ་ཕྲེང་སྔ་མ་རེ་ཟུང་གི་རྣམ་ཐར་ལས་ཅུང་ཙམ་རེ་འབྱུང་བ་དེ་ཅུང་ཟད་སྔ་མོ་རེད། རྒྱལ་བ་སྐུ་ཕྲེང་བདུན་པ་དང་མདོ་མཁྱེན་བརྩེ་སོགས་ཀྱི་རྣམ་ཐར་ལས་མང་དུ་འབྱུང་ཡང་དེ་ཚོ་ཧ་ཅང་ཉེ་རབས་ཡིན། མི་ཉག་མཁས་པ་མི་ལྔའི་རྣམ་ཐར་ཞིག་མཇལ་མྱོང་ཡང་ད་ལྟ་ཞིབ་ཏུ་མི་དྲན་མོད་དེའི་ནང་དུ་མི་ཉག་གི་ལོ་རྒྱུས་གནད་ཅན་ཆེར་མི་འདུག་སྙམ་བྱུང༌། རྒྱལ་བ་ཀ་ཐོག་པ་འདི་བྱུང་བ་ཆེས་སྔ་བས་མི་ཉག་སེངྒེ་དགོན་པ་འདི་ཉམ་ཞིག་ལ་བཏབ་པ་ཡིན་ནམ། ཁོང་ཚོ་ལ་གདན་རབས་ལོ་རྒྱུས་འདྲ་ཨེ་ཡོད་ན།