དེ་རིང་གྲོགས་པོ་ཞིག་བརྒྱུད་ཁ་བརྡ་ཞེས་པའི་བོད་ཡིག་ཆ་འཕྲིན་ཞིག་གི་ཁ་བྱང་ལག་སོན་བྱུང་ཏེ། འཕྲལ་དུ་འཛུལ་ཞུགས་ཀྱིས་ནམ་རྒྱུན་གོམས་ལོབས་ལྟར་དྲ་ངོས་ཀྱི་རྩོམ་ཡིག་ཁག་ཀློག་པར་འཇུག་པ་ན། ཆེད་བཀོད་རྩོམ་ཡིག་འབྲི་མཁན་རྣམས་ནི་ནམ་རྒྱུན་བཙན་བྱོལ་སྤྱི་ཚོགས་ནང་ཚགས་པར་སོགས་ཀྱི་སྟེང་སྨྱུག་ཁ་གཡུགས་མཁན་གྱི་རྩོམ་པ་པོའི་མིང་འཛིན་སྐོར་ཞིག་རེད། དེ་རིང་ཡང་ཁོ་ཚོའི་རྩོམ་ཡིག་གི་ནང་དོན་དང་ཚིག་གི་སྦྱོར་བ། སྒྱུ་རྩལ་ཁྱད་ཆོས་སོགས་ཀྱི་ཆ་ནས་དུས་རྒྱུན་ལྟར་གྱི་རབ་རིབ་སབ་སིབ་དུ་སྣང་བས་སྤྲོ་བ་འཕྲོག་པའི་རྩོམ་ཡིག་ཅིག་མེད་སྟབས། ཕྲན་གྱི་བསམ་ངོར་གླེང་སྟེགས་འདིར་རིན་ཐང་དེ་ཙམ་མེད་པ་ལྟ་བུར་མཐོང་པས། ཀློག་པ་པོ་གཞན་རྣམས་ལའང་ཚོར་སྣང་འདི་ལྟར་འབྱུང་སྲིད། དེའི་ཕྱིར་གླེང་སྟེགས་འདི་ཆེད་གཉེར་བྱེད་པའི་ལྷག་བསམ་ཅན་རྣམས་ཀྱི་ཕུགས་རེ་དང་དམིགས་འདུན་ཅི་ཞིག་ཡིན་མིན་མི་ཤེས་མོད། འོན་ཀྱང་དངོས་གནས་བོད་ཀྱི་རིག་གཞུང་ལ་ཞབས་ཞུ་དང་གཞོགས་འདེགས་སླད་ཡིན་ཕྱིན། ཁ་བརྡ་གླེང་སྟེགས་དེ་བཞིན་ཤི་མ་གསོན་ཞིག་ཏུ་མི་འགྱུར་བར་སྔ་ས་ནས་དང་བླང་དོ་སྣང་གིས་གཅེས་འཛིན་བྱས་ཏེ། བོད་ནང་ཁུལ་ནས་ཀྱང་རྩོམ་ཡིག་གང་མང་འགོད་འཇུག་བྱ་ཐུབ་ན། ད་གཟོད་ཁྱོད་ཚོའི་ཁ་བརྡ་གླེང་སྟེགས་འདི་ཁ་ཚ་དགོས་གཏུགས་ཀྱི་དངོས་དོན་བོད་གཞིས་བྱེས་གཉིས་ཀྱི་ཁ་བརྡ་གླེང་སྟེགས་ཤིག་ཏུ་འགྱུར་བ་ལས། བཙན་བྱོལ་ནང་གི་རབ་རིབ་སབ་སིབ་ཀྱི་རྩོམ་ཡིག་རྐྱང་ཕན་ཚུན་ཕྱོགས་གཏོགས་རིས་ཆད་ཀྱིས་བཀོད་ནས་བསྡད་ན་ཁ་བརྡ་གླེང་སྟེགས་འདིར་ཁ་ཡ་བྱེད་མཁན་ཉུང་ཉུང་ཡིན་རྒྱུ་རེད་ཅེས་གླེང་སྟེགས་འདི་ལས་འཕྲོས་པའི་རང་གི་ཚོར་སྣང་ཙམ་གླེང་བ་ཡིན་པས། འདི་འབྲེལ་སུ་དང་གང་ལ་ཕོག་ཐུག་འགལ་ཉེས་བཟོས་ཡོད་ན་ལག་ཟུང་སྙིང་ཁར་སྦྱར་ནས་དགོངས་དག་ཞུ།
༼གོང་གསལ་ནི་བློ་རབ་ཞུ་བ་ཡིས་གློག་འཕྲིན་བརྒྱུད་ནས་བཏང་བའི་ཡི་གེའོ༎༽
གྲོགས་པོ་ལགས།
ཁྱེད་བསམ་ཚུལ་རྣམས་དྲ་དེབ་ཐོག་བཀོད་ཡོད། ཁྱེད་ཀྱི་ཐུགས་རེ་བཞིན་། བོད་ནས་འདི་ལ་རྩོམ་ཡིག་སྤེལ་བའི་རེ་བ་ཡོད། ཁྱེད་ཀྱིས་ཀྱང་རྩོམ་ཡིག་སྤེལ་ན་ཧ་ཅང་དགའ་བསུ་ཞུ།
འདི་འདྲའི་དྲ་གནས་ཡག་པོ་ཞིག་དང་སྤུས་དག་ཅིག་ད་སྔོན་མཐོང་མ་སོང་། རྟེན་འབྲེལ་ཞུ།
དེ་མིན། དྲ་གནས་འདི་པས་སྤྱོད་ཀྱིན་པའི་བོད་ཡིག་གི་ཡིག་གཟུགས་རེ་གཉིས་དྲ་ངོས་ལས་ཕབ་ལེན་ཐུབ་པའམ་ཡིག་སྒམ་དུ་འབྱོར་ཐུབ་ན་ཅི་མ་རུང་ཨང་།
བཀྲ་ཤིས་བདེ་ལེགས།
ང་ལ་མཁོ་བ་ནི་ཡིག་གཟུགས་བདུན་པོ་ལས་ཕྱི་མ་གསུམ་ཡིན་ལ། དེ་དག་ངའི་ཁ་བྱང་ཕྱི་མ་འདིའི་ནང་ལ་བསྐུར་གནང་ཡོད་པ་ཞུའོ།
སེམས་པ་ཆུང་ཆུང་ལགས།
ཁྱེད་ལ་ཡིག་གཟུགས་བདུན་པོ་ལས་ཕྱི་མ་གསུམ་དགོས་ཞེས་པའི་ཕྱི་མ་གསུམ་པོ་གང་དང་གང་ཡིན་ནམ།
སྤྱིར་དེང་དུས་བོད་ཡིག་ཡིག་གཟུགས་གང་དགོས་ཀྱང་བོད་ཀྱི་གློག་རྡུལ་རྒྱལ་སྒོ་དང་།བོད་ཀྱི་དྲ་མཛོད་ནང་ལ་འཛུལ་ཏེ་ཕེབས་ཁྱེད་ལ་བའི་བོད་ཡིག་རྣམས་བདེ་བླག་ངང་ཕབ་བཤུ་བྱས་ཆོག་དེ་དོན་ཐུགས་ལ་འཇོག་རོགས་གནང་།
འཕྲིན་ཡིག
ས་མཐའི་ཡུལ་ནས་བོད་ཀྱི་ལས་དབང་གླེང།།
རང་ཁྱིམ་གྲུ་བཞིར་ཁྱིམ་གྱི་ལས་དབང་གླེང།།
མལ་སྟན་འཇམ་པོར་ལྷོད་པོར་ཉལ་བའི་དུས།།
ང་ནི་སྟོང་པའི་ནང་གི་སྟོང་པ་ཞིག།
ཁ་བརྡ་དྲ་རྒྱའི་ནང་དུ་ལན་ཅིག་འཛུལ།།
འགལ་རྐྱེན་བར་ཆད་མེད་པའི་སྨོན་ལམ་དང་།།
མ་འོངས་ཡང་ཡང་ཁ་བརྡ་གླེང་བཞིན་དུ།།
བོད་ཀྱི་དོན་ཆེན་སྒྲུབ་པའི་རྒྱུར་འགྱུར་ཤོག།
ཁ་བརྡ་དྲ་རྒྱར་འཚམས་འདྲིའི་བཀྲཀྲ་ཤིས་བདེ་ལེགས་ཞུ།
ངའི་གོ་སྐབས་འདིའི་རྒྱུད་ནས་གཞིས་ལུས་རྒྱ་ཆེ་མི་མང་ལ་མཚམས་འདྲིའི་བཀྲ་་་་ཤིས་བདེ་ལེགས་གྲངས་མེད་ཞུ་བ་དང་ལྷན་ཁྱེད་རྣམས་དང་ང་ཚོ་བྱེས་སུ་གྱར་ནས་ཡོད་པ་རྣམས་མགྱོགས་ནས་མྱུར་དུ་ཕོ་བྲང་ཆེན་པོ་པོ་ཏཱ་ལའི་མདུན་ངོས་སུ་མཉམ་འཛོམས་ཀྱི་ཐོག་ནས་བོད་རྒྱལ་ཁབ་ཆེན་པོའི་རྒྱལ་དར་མཁའ་དབྱིངས་སུ་བསྒྲེང་བཞིན་བོད་རྒྱལ་ཁབ་ཆེན་པོའི་རྒྱལ་གླུ་གཏོང་རྒྱུ་ཡོད་པའི་སྐྱབས་གནས་དཀོན་མཆོག་གསུམ་ལ་གསོལ་བ་སྨོན་ལམ་འདེབས་བཞིན་མཆིས།་་བདེ་མོ་བྱས།་ང་ཚོ་ལ་ཡོད་པ་ནི་དྲང་བདེན་དང་ཞི་བའི་གོ་ཆ་ཡིན་པས་རིང་མིན་ང་ཚོའི་བདེན་མཐའ་སེལ་རྒྱུ་ཉག་གཅིག་ཡིན།་
གཞིས་བྱེས་གཉིས་སུ་ཡོད་པའི་ཤེས་ཡོན་ཅན་རྣམས་ཀྱི་སྙན་ལམ་དུ།
དེང་གི་ཆར་ང་རང་ཚོའི་གངས་ལྗོངས་ཆོས་ལྡན་ཞིང་འདི་བཞིན་རྒྱ་དམར་གྱི་བཙན་གནོན་དྲག་པོའི་འོག་ན་ལོ་ངོ་ལྔ་བཅུ་ལྷག་ཙམ་སོང་ཟིན་ཅིང།་་རྩ་བའི་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང།་སྐད་ཡིག་སོགས་ཆགས་འཇིག་གི་གནས་སྟངས་ཛ་དྲག་ཤིག་ཏུ་སླེབས་ཡོད་ཅིང།་ད་དུང་དང་གསར་དུ་འོང་བཞིན་པའི་མི་རབས་གསར་པ་ཕལ་མོ་ཆེས་རང་ཉིད་ཀྱི་སྐད་དང་རིག་གཞུང་ལ་དོ་སྣང་དེ་ཙམ་མི་བྱེད་པར།་མི་དགོས་མགོ་སེར་ཚོའི་སྐད་ཡིག་དང་ལུགས་སྲོལ་ཧང་སང་ཧོན་ཐོར་ངང་བསྙེགས་བཞིན་ཡོད་པ་མཐོང་དུས།་་ངོ་མ་ངའི་སེམས་ནང་བརྗོད་མི་ཐུབ་པའི་ཚོར་ཤུགས་ཆེན་པོ་ཞིག་དེ་མ་ཐག་སྐྱེས་ཡོང་གི་འདུག་་དེར་བརྟེན་གཞིས་བྱེས་གཉིས་སུ་ཡོད་པའི་ཤེས་ལྡན་བོད་རིགས་རྣམས་ལ་རེ་བ་ཞིག་ཡོད་པ་ནི་ཁྱེད་རྣམས་ཀྱི་ངརང་ཚོའི་མི་རབས་གསར་པ་རྣམས་ལ་རྟག་ཏུ་ང་རང་ཚོའི་སྐད་དང་ཡི་གེ་གཙོ་བོར་བྱས་པའི་ནང་པ་སངས་རྒྱས་པའི་ཆོས་དྲི་མ་མེད་པ་ལས་བྱུང་བའི་བྱམས་པ་དང་སྙིང་རྗེ།་འཚེ་བ་མེད་པ་སོགས་ལ་སློབ་སྦྱོང་བྱེད་དགོས་ལུགས་སོགས་ཐབས་འདྲ་མིན་གྱི་སྒོ་ནས་བསྐུལ་མ་བྱེད་རྒྱུ་དེ་ཡིན།་
གངས་རི་རྭ་བའི་བསྐོར་བའི་ཞིང་ཁམས་འདིར།
ཕན་དང་བདེ་བ་མ་ལུས་འབྱུང་བའི་གནས།
སྤྱན་རས་གཟིགས་དབང་བསྟན་འཛིན་རྒྱ་མཚོ་ཡི།
ཞབས་པད་སྲིད་མཐའི་བར་དུ་བརྟན་འགྱུར་གཅིག་་