ཨེ་མ་ཧོ།
སྡང་དགྲས་རིག་ན་སྙིང་རྩ་ཚལ་བར་གས།།
གཉེན་ཉེས་དྲན་ཚེ་སེམས་རྩ་སྐྱིད་ཀྱིས་གང་།།
དགྲ་འདུལ་གཉེན་སྐྱོང་འབུམ་པ་ཞལ་དཀར་ཉིད།།
དེང་དུས་བཞུགས་ན་ང་ཚོ་གློ་བ་དགའ།།
གངས་ཅན་ཡུལ་གྱི་རྨ་ཁམས་དགའ་བའི་ཆར།།
རྨ་ཀླུང་དལ་གྱིས་འབབ་པའི་མཛེས་ལྗོངས་ན།།
ཚོ་དྲུག་གླིང་གི་ཕུ་བོ་ཞལ་དཀར་ཉིད།།
ད་ལྟ་བསམ་ཚེ་བྱམས་བརྩེའི་དུང་ཟླ་དྲན།།
ཟངས་མདོག་དཔལ་རིར་ཚོགས་ཀྱི་འཁོར་ལོ་བསྐོར།།
རྨ་ཆེན་གངས་རིར་ཚོམ་བུ་དཀྱིལ་འཁོར་བཀྲ།།
དཔལ་ཐུལ་དྭངས་སྨན་མཛེས་པའི་གླིང་དཀར་ཉིད།།
ཡང་ཡང་སྒོམ་ཚེ་ཉིན་མཚན་བདེ་ལེགས་ཤར།།
བླ་མ་སེང་ཆེན་ཆོས་ཀྱི་རྒྱལ་པོ་དང་།།
ཡི་དམ་བཞིན་དཀར་རྡོ་རྗེ་སེམས་དཔའ་ཆེ།།
མཁའ་འགྲོ་རྗེ་བཙུན་སྒྲོལ་མ་དཀར་མོ་བཅས།།
ཆོས་སྐྱོང་བེ་དཀར་འཁོར་ཚོགས་རྒྱ་མཚོ་དྲན།།
ཞེན་ཆགས་བཞི་བྲལ་ངེས་འབྱུང་ཡང་དག་གཅིག།
ཚད་མེད་བཞི་ལྡན་བྱང་ཆུབ་སེམས་ཉིད་གཉིས།།
བསླུ་མེད་སྐུ་བཞིའི་སྣང་སྲིད་དག་མཉམ་གསུམ།།
འགྲོ་ཁམས་རྒྱུད་ལ་ཐོབ་པའི་བཀྲ་ཤིས་ཤོག །
ཅེས་པ་རབ་རྒྱན་ཤིང་རྟའི་རྒྱལ་ཟླའི་དུས་ཚེས་དགེ་བར་རྨི་ལམ་ཞིག་གིས་རྐྱེན་ལས་ཨེ་མ་ཧོས་བྲིས་པར་དགེའོ།། །།
ཨེ་མ་ཧོ་བས་འབྲི་རྒྱུར་དགའ།
ཨེ་མ་ཧོ་ཞིག་བྲིས་བ་དབེན།
ཨེ་མ་ཧོ་འདིས་མ་བྲིས་ན།
ཨེ་མ་ཧོ་ང་དགའ་བ་ལ།
ཨེ་མ་ཧོ། སྙན་ངག་བྱང་ཆུབ་པ་རེད། ཡི་རངས་ཡོད། ཁྱེད་ཀྱི་སྙན་ངག་སྒྱུ་རྩལ་འདི་འདྲ་ང་ལ་ཡོད་ན། ངས་ཚེ་རིང་སྐྱིད་རྟབ་རྟབ་པོར་ལེན་ས་རེད། སྐུ་ཚེ་བརྟན། འོ་སྐུ་མཁྱེན་ཚེ་སྐྱིད་ལ་སྙན་ངག་ཞིག་བྲིས་རོགས།
དངོས་མེད་འཆི་བདག་བདུད་པོ་ཡང།
གྲི་ཡ་ཟི་ངེད་གཉིས་ཅི་བྱས་རེད།
འབུམ་པ་ཞལ་དཀར་གྱི་གསུང།
དགེ་སར་དམག་གི་རྒྱལ་པོའི་འོག་།
བློན་ཆེན་ལྡན་མ་སྑྱང་འཕྲ་དང་།
སྡིག་གཅོད་བཤན་པ་དམར་པོ་གཉིས་།
བཤན་ལྡན་དཔུང་པ་་སྒྲིག་ས་ལ་།
གཡུ་ལྷ་བྱི་ཆུང་ཁྱེར་ཁྱེར་རེད་།
ཨ་ཁྱུང་བདུད་ནག་རྒྱལ་པོ་དང་།
སེང་ལྕམ་་འབྲུག་མོ་ཁམ་ཚར་གཉིས་།
ལས་འབྲེལ་ཆག་པས་་ལོ་ཟླ་འགོར་།
ཡི་དམ་བཞིན་དཀར་རྡོ་རྗེ་སེམས་དཔའ་ཆེ།།
འདིས་རྡོར་སེམས་མཁའ་གྲོ་མིན་སྟངས་གསུངས་རོགས།
་
མཁའ་འགྲོ་རྗེ་བཙུན་སྒྲོལ་མ་དཀར་མོ་བཅས།།
འདིས་སྒྲོལ་དཀར་ཡིད་དམ་མིན་སྟངས་གསུངས་རོགས། དྲ་གྲོགས་ཨ་མ་ཧོ་ལགས།
ཨེ་མ་ཧོ་ཧོ་ཀུ་རེ་ཡིན།
ཨེ་མ་ཧོ་ཁྱོ་སྤོ་མ་ལངས།