ཟླ་འདིའི་ཟླ་སྟོད་ལ། ང་ཚོས་བོད་པ་འབུམ་རམས་པའི་སློབ་མ་དང་མཁས་པ་སྐོར་ཞིག་གིས་གྲུབ་པའི་འབུམ་ཚོགས་ཞེས་པའི་ཚོགས་པ་དེའི་ལས་གཞི་འགའ་ཁྱབ་བསྒྲགས་བྱས་པ་ཡིན། འདིར་གསལ་བཤད་བྱེད་དགོས་པ་ཞིག་ལ། ལས་གཞི་དེ་དག་ནི་ལ་རྩེ་ཡི་འཆར་འགོད་བྱས་པ་ཞིག་མིན་པར། འབུམ་རམས་པ་ཁོང་ཚོས་འབུམ་རམས་པ་སློབ་སྦྱོང་སྐབས་ཀྱི་ཤེས་རྟོགས་དང་ཉམས་མྱོང་བཅས་ཡུལ་ཕྱོགས་ཀྱི་དོ་སྣང་ཅན་རྣམས་ལ་སྤེལ་ཆེད་དུ་འཆར་འགོད་གནང་བ་ཞིག་ཡིན། ལ་རྩེ་ཡིས་ལས་གཞི་འདི་དག་ལ་དོ་དམ་དང་རམ་འདེགས་ཀྱི་ཞབས་ཞུ་ཞུ་རྒྱུ་བྱུང་བ་ནི་ང་ཚོས་སྐལ་བཟང་དུ་སྒོམ་བཞིན་ཡོད། ཟླ་བདུན་པའི་ཟླ་དཀྱིལ་ལ་འབུམ་ཚོགས་ཀྱི་གཏམ་བཤད་ཕྲེང་བ་དང་པོ་སྤེལ་བའི་རྗེས་མཐུད་ནས་ད་ལྟ་འབུམ་ཚོགས་ཀྱི་དཔེ་དེབ་གསར་ཐོན་ངོ་སྤྲོད་ཐེངས་དང་པོ་ཁྱབ་བསྒྲགས་བྱེད་ཀྱི་ཡོད། དཔེ་དེབ་གསར་ཐོན་ངོ་སྤྲོད་ཐེངས་དང་པོ་འདི་སྔར་འཆར་ལྟར་ན་ཟླ་འདིའི་ཚེས་ཉེར་བཞིའི་ཉིན་རིག་འབྱུང་དོན་གྲུབ་བཀྲ་ཤིས་ནས་གནང་རྒྱུ་ཡིན་ཡང་། དེ་ལ་གཤམ་གསལ་ལྟར་འགྱུར་བ་གཏོང་དགོས་བྱུང་།
འབུམ་ཚོགས་ཀྱི་དཔེ་དེབ་གསར་ཐོན་ངོ་སྤྲོད།
བོད་ཀྱི་སྤྱི་ཚོགས་སློབ་གསོ་དང་། ཚོགས་སྡེ། ཆོས་ལུགས་བཅས་ཀྱི་ནང་གི་བོད་ཀྱི་སྤྱི་ཚོགས་ཀྱི་སྒྲིག་གཞི།
ངོ་སྤྲོད་གནང་མཁན། དགེ་རྒན་ཆེན་མོ་རྒྱལ་ལོ།
ངོ་སྤྲོད་གནང་དུས། རེས་གཟའ་སྤེན་པ། ཟླ་ ༧ ཚེས་ ༣༡ གི་སྔ་དྲོའི་དུས་ཚོད་ ༩ བ་ནས་ ༡༠།༣༠ བར། (ཨ་རིའི་ཤར་ཕྱོགས་ཀྱི་དུས་ཚོད།)
འབྲེལ་ཐག་འདི་ https://us02web.zoom.us/meeting/register/tZAqdu-vpjspG9Jrb3dye4ymRKhNp0IYzZrt
མནན་ནས་ཐོ་འགོད་གནང་རོགས།
དགེ་རྒན་ཆེན་མོ་རྒྱལ་ལོ་ལགས་ནས་ཁོང་གིས་དབྱིན་སྐད་དུ་བརྩམས་ཤིང་༢༠༡༦ ལོར་དཔེ་སྐྲུན་བྱས་པའི་དཔེ་དེབ་འདི་བརྒྱུད་ནས། སྤྱི་ཚོགས་སློབ་གསོ་རིག་པ་དང་བོད་སྤྱི་ཚོགས་ལ་ཞིབ་འཇུག་བྱས་པའི་འབྲས་བུ་དང་། ཁོང་གིས་ནུབ་ཕྱོགས་ཀྱི་སློབ་གསོའི་གཞུང་ལུགས་དང་བོད་ཀྱི་རྗེ་ཙོང་ཁ་བའི་ལྟ་གྲུབ་གཉིས་ཀྱི་ལམ་ནས་བོད་ཀྱི་སྤྱི་ཚོགས་རིག་པ་དང་སློབ་གསོའི་སྐོར་གྱི་ལྟ་ཚུལ་བརྗོད་ཡོད།
ལྡོང་ཕྱིང་གུར་བ་རྒྱལ་ལོ། ༢༠༡༥ལོའི་སྤྱི་ཟླ་༡༡པའི་ནང་ཋོ་རོང་ཋོ་གཙུག་ལག་སློབ་ཆེན་ནས་འབུམ་རམས་པའི་མཚན་གནས་བླངས་ཤིང་། སྐབས་དེར་ཨེ་ཤར་ཡའི་གྲོང་གསེབ་དང་མི་རིགས་གྲངས་ཉུང་གི་སློབ་གསོ་རིག་གནས་དང་འབྲེལ་ཆགས་ཐབས་གཙོས་པའི་ཞིབ་འཇུག་གྲུབ་འབྲས་ལ་ཁེ་ན་ཊ་རྒྱལ་ཁབ་རིམ་པའི་སྤྱི་ཚོགས་ཚན་རིག་དང་སྒྱུ་རྩལ་རིག་གནས་ཞིབ་འཇུག་ལྷན་ཚོགས་ཀྱི་གཟེངས་རྟགས་ཐོབ། ༡༩༩༥ ལོ་ནས་༢༠༠༤ བར་ནུབ་བྱང་མི་རིགས་སློབ་གྲྭ་ཆེན་མོའི་བོད་ཀྱི་སྐད་ཡིག་དང་རིག་གནས་སློབ་གླིང་དུ་དགེ་རྒན་བྱས། ༢༠༡༧ ལོ་ནས་༢༠༢༠ ལོ་མཇུག་དབར་ཏུ་་ཡུན་ནན་དགེ་ཐོན་སློབ་ཆེན་ཏུ་དགེ་རྒན་བྱས། ཞིབ་འཇུག་ཁྱབ་ཁོངས་སུ་སློབ་གསོ་སྤྱི་ཚོགས་རིག་པ་དང་། བོད་ཀྱི་ནང་ཆོས་དང་སྤྱི་ཚོགས་བར་གྱི་འབྲེལ་བའི་སྐོར་དང་། ཕ་སྐད་སློབ་གསོའི་སྲིད་བྱུས་སྐོར། ཁྲིད་གཞིའི་ནང་གཉུག་མའི་ཤེས་བྱ་བཀོད་འཇོག་སྐོར་བཅས་འདུ།