འདས་པའི་ཟླ་ཤས་ཀྱི་རིང་ལ། ང་ཚོས་གཙོ་བོ་ཨ་རི་དང་ཡོ་རོབ་ཏུ་བོད་རིག་པའི་སློབ་སྦྱོང་དང་ཞིབ་འཇུག་གནང་བཞིན་པའི་འབུམ་རམས་པ་དང་མཁས་པ་ཁག་ཅིག་དང་མཉམ་དུ་ལས་གཞི་ཁག་ཅིག་ལ་གྲོས་བསྡུར་བྱས་པ་ཡིན། འབུམ་རམས་པ་འདི་དག་དང་ང་ཚོས་གཙོ་བོ་ཁོང་ཚོས་ཕྱི་རྒྱལ་གྱི་བོད་རིག་པའི་མཁས་པ་དང་མཉམ་དུ་སློབ་སྦྱོང་དང་ཞིབ་འཇུག་གནང་བའི་མྱོང་རྟོགས་བོད་སྤྱི་ཚོགས་སུ་ཇི་ལྟར་སྤེལ་རྒྱུའི་སྐོར་ལ་གྲོས་བསྡུར་བྱས་པའི་འབྲས་བུར། ཁོང་ཚོ་དང་ལ་རྩེ་གཉིས་མཉམ་འབྲེལ་གྱིས་བོད་སྤྱི་ཚོགས་ཀྱི་ཤེས་ཚད་མཐོར་འདེགས་ལ་ཞབས་ཞུ་སྒྲུབ་ཐབས་གསར་བ་འགའ་རེ་སྤེལ་རྒྱུར་མོས་མཐུན་བྱུང་།
སློབ་སྦྱོང་བྱེད་བཞིན་པ་དང་སློབ་མཐར་ཕྱིན་པའི་འབུམ་རམས་པ་གཙོ་བོ་བྱས་ནས་གྲུབ་པའི་ཚོགས་པ་འདི་ལ་གནས་སྐབས་སུ་ “འབུམ་ཚོགས་”ཞེས་འབོད། ད་ལྟའི་ཆ་ལ་འབུམ་ཚོགས་འདིར་ཚོགས་མི་བཅོ་ལྔ་ཙམ་ཡོད་ཅིང་། ལ་རྩེ་དང་འབུམ་ཚོགས་ནས་རང་རེའི་བོད་སྤྱི་ཚོགས་ཀྱི་ཤེས་ཚད་མཐོར་འདེགས་འདི་ལ་འཛམ་གླིང་གང་སར་ཡོད་པའི་བོད་རིགས་འབུམ་རམས་པ་གང་མང་ཞུགས་རྒྱུའི་རེ་འབོད་ཞུ།
འདིར་འབུམ་ཚོགས་དང་ལ་རྩེ་གཉིས་ནས་མི་འགྱངས་པར་སྤེལ་རྒྱུའི་ལས་གཞི་འགའ་གསལ་བསྒྲགས་བྱེད་རྒྱུ་གཤམ་གསལ་ལྟར།
འབུམ་ཚོགས་ཀྱི་གཏམ་བཤད་ཕྲེང་བ།
ཟླ་བ་རེ་རེ་ལ་ང་ཚོས་འབུམ་ཚོགས་ཀྱི་ཚོགས་མིའམ་ཡང་ན་གདན་ཞུས་ཀྱི་མཁས་པས་ཞིབ་འཇུག་གི་ཐབས་ལམ་མམ། རིག་ཚན་མི་འདྲ་བའི་གཞུང་ལུགས། ཡང་ན་དམིགས་བསལ་གྱི་ཞིབ་འཇུག་གི་བརྗོད་གཞི་བཅས་ཀྱི་སྟེང་ལ་གསུང་བཤད་གནང་རྒྱུ།
ཕྱི་རྒྱལ་དུ་བོད་རིག་པའི་དཔེ་དེབ་གསར་ཐོན་ངོ་སྤྲོད།
འབུམ་ཚོགས་ཀྱི་ཚོགས་མིས་སྤྱི་ཚོགས་བརྒྱུད་ལམ་གྱི་སྟེང་ནས་རང་རིགས་བོད་པ་རྣམས་ཀྱི་ཤེས་འདོད་པ་དང་དོ་སྣང་བྱེད་ལས་ཆེ་བའི་དབྱིན་སྐད་ཀྱིས་གཙོས་པའི་ཕྱི་སྐད་དུ་དཔེ་སྐྲུན་བྱས་པའི་བོད་རིག་དང་འབྲེལ་ཡོད་རིག་ཚན་གྱི་དཔེ་དེབ་ངོ་སྤྲོད་ཟླ་རེ་ལ་ཐེངས་རེ་བྱེད་རྒྱུ།
ཞིབ་འཇུག་གི་ཐབས་ལམ་ལག་དེབ།
བོད་སྤྱི་ཚོགས་སྟེང་གི་སྤྱིར་བཏང་ཞིབ་འཇུག་དང་རྩོམ་འབྲི་ལ་དོ་སྣང་ཡོད་པ་གཞོན་སྐྱེས་རྣམས་ལ་དམིགས་ནས། འབུམ་ཚོགས་ཀྱི་ཚོགས་མི་རྣམས་ཀྱིས་རང་རང་གི་ཞིབ་འཇུག་གི་རིག་ཚན་གྱི་ཞིབ་འཇུག་གི་ཉམས་མྱོང་རྟོགས་ལྟར། ཞིབ་འཇུག་གི་ལས་རྩོམ་སྟངས་དང་། དཔྱད་གཞིའི་རྒྱུ་ཆ་འཚོལ་སྒྲུབ་བྱེད་ཐབས་ཀྱིས་མཚོན་པའི་ཞིབ་འཇུག་གི་རྒྱུན་མཁོའི་ལག་དེབ་ཅིག་བོད་ཡིག་ཏུ་བསྒྲིག་རྒྱུ།
ཕྱི་རྩོམ་གྲགས་ཅན་འདེམས་སྒྱུར།
འབུམ་ཚོགས་ཀྱི་ཚོགས་མི་རྣམས་ཀྱིས་དབྱིན་ཡིག་གི་དཔྱད་རྩོམ་གྲགས་ཅན་བོད་ཡིག་ཏུ་བསྒྱུར་ནས་ལ་རྩེའི་དྲ་རྒྱ་དང་། སྤྱི་ཚོགས་བརྒྱུད་ལམ། འཕྲུལ་དེབ་བཅས་ཀྱི་ལམ་ནས་རྒྱ་ཆེར་འགྲེམ་རྒྱུ།
***
འབུམ་ཚོགས་ཀྱི་གཏམ་བཤད་དང་པོ་ནི་ “རིག་གནས་གསར་བརྗེའི་སྐབས་ཀྱི་བོད་སྐད་གསར་བཅོས།”
གཏམ་བཤད་གནང་མཁན་ལ་རྩེའི་འགན་འཛིན་པད་མ་འབུམ།
གཏམ་གཤད་གནང་དུས། སྤྱི་ཟླ་ ༧ པའི་ཚེས་ ༡༠། ཨ་རིའི་ཤར་ཕྱོགས་ཀྱི་སྔ་དྲོའི་དུས་ཚོད་ ༩ པ་ནས་ ༡༠།༣༠ བར།
འབྲེལ་ཐག་འདི་མནན་ནས་ཐོ་འགོད་གནང་རོགས།
https://us02web.zoom.us/meeting/register/tZUtd-mgqT8pGdOA2XyZLPgtkoYn-uQ1nebo
ཐོ་འགོད་བྱས་རྗེས་ཁྱེད་རང་ལ་ཨེ་མེལ་གྱི་ཡི་གེ་ཞིག་འབྱོར་རྒྱུ་ཡིན་པ་དེའི་ནང་ལ་ཚོགས་ཞུགས་བྱེད་སྟངས་ཀྱི་གནས་ཚུལ་བཀོད་ཡོད།.
འབུམ་ཚོགས་ནི་རྙིང་མ་སོགས་ཀྱིས་སྔོ་མ་ནས་བེད་སྤྱོད་བཏང་ཟིན་ཡོད་རེད།
བུམ་རམ་རེད་དམ་འབུམ་རམ་རེད་། བུམ་རམ་དང་འབུམ་རམ་གཉིས་དོན་གཅིག་མིང་གི་རྣམ་གྲངས་ལ་ངོས་འཛིན་གནང་ན་འགྲིག་གི་ཡོད་པ་ཡིན་ནམ་?
བོད་མིའི་སྤྱི་ཚོགས་ཀྱིས་འབུམ་རམ་པ་མང་པོ་མཐོང་སོང་ངོ་།། དེ་ནི་འབུམ་རམ་མ་རེད་བུ་རམ་ཡིན་པ་སྲིད་སྐྱོང་ཟུར་པ་བློ་སེང་ནས་བསྒྲུབས་ཟིན་སོང་། བོད་མིའི་སྤྱི་ཚོགས་འདི་ལ་བུ་རམ་སྤྲད་ནས་ལོ་བཅུ་མགོ་སྐོར་བཏང་སོང་། ད་ནི་འབུམ་རམ་པ་མཐོང་འདོད་མེད་ལ་དེ་རིགས་ལ་ཡིད་ཆེས་ཀྱང་མེད་དོ།།
འབུམ་ཚོགས་གཏམ་བཤད་དང་པོ་ཁོ་རང་བཀྲ་མི་ཤིས་པ་རིག་གནས་གསར་བརྗེ་དང་། བདུད་རྒྱལ་མའོ་རྩེ་ཏུང་གི་སྐོར་རེ་འདུག
ཆེས་མཐོའི་ཁྲིམས་ཁང་གི་ཁྲིམས་དཔོན་གསུམ་ལ་ཁྲིམས་ལུགས་རིག་པའི་འབུམ་རམས་པའི་ལག་ཁྱེར་དང་ཁྲིམས་ཀྱི་ལས་གཉེར་ལག་ཁྱེར་ཡོད་དགོས།