གནས་ཚུལ་མཁོ་སྤྲོད་པ་ཨཱཅརྱ་ཚུལ་ཁྲིམས་རྒྱ་མཚོ།
སྒང་ཏོག་བོད་ཀྱི་གསོལ་མགྲོན་ཁང་དུ་ཚོགས་ཁང་དུ་འཚོགས་པའི་བཙན་བྱོལ་བོད་ཀྱི་མང་གཙོའི་སྲིད་ལུགས་དབུ་བརྙེས་ནས་མི་ལོ་ ༦༠ འཁོར་བའི་དུས་དྲན་སྲུང་བརྩིའི་མཛད་སྒོའི་ཐོག་སྐུ་མགྲོན་གཙོ་བོ་སྒང་ཏོག་ས་གནས་འཐུས་ཚོགས་ཀྱི་ཚོགས་གཙོ་རྩ་གཞིས་ཚེ་རིང་དབང་ཕྱུག་མཆོག་དང་། རང་གཞུང་བོད་མིའི་སྒྲིག་འཛུགས་ཀྱི་ས་གནས་འགོ་འཛིན་མི་འགྱུར་གཡུ་སྒྲོན། ས་གནས་རྒྱུན་ལས་རྣམ་པ། སྒང་ཏོག་བོད་ཀྱི་སྐད་ཡིག་གཅེས་འཛིན་ཚོགས་ཆུང་གི་ཚོགས་གཙོ་མཁན་པོ་ཆོས་དབང་དང་ཚོགས་མི་རྣམ་པ། རིས་མེད་དགོན་སྡེ་ཁག་གི་སྐུ་ཚབ་རྣམ་པ། ས་གནས་གཞུང་འབྲེལ་མིན་པའི་ཚོགས་པ་དྲུག་གི་ཚོགས་གཙོ་དང་རྒྱུན་ལས་རྣམ་པ། སྐྱིད་སྡུག་དང་སྡེ་ཚན་ཁག་གི་སྐུ་ཚབ་བཅས་མི་གྲངས་སུམ་ཅུ་ཙམ་ལྷན་འཛོམས་ཐོག་བོད་ཀྱི་མང་གཙོའི་དུས་དྲན་སྲུང་བརྩི་ཞུས།
དེ་ཡང་ཐོག་མར་བོད་སྐྱོང་ལྷ་སྲུང་རྣམས་ལ་འཕྲིན་བསྐུལ་དང་བསང་གསོལ་གསུང་འདོན་གནང་བ་དང་། དེ་ནས༸རྒྱལ་བའི་སྐུ་པར་མཐོང་གྲོལ་རིན་པོ་ཆེར་མཇལ་དར་འབུལ་བ་དང་། མང་གཙོའི་གསར་གཞས་དང་འབྲེལ་གསོལ་ཇ་འབྲས་སིལ་ཕུལ་རྗེས་དབུས་བོད་མིའི་སྒྲིག་འཛུགས་༸དཔལ་ལྡན་བཀའ་ཤག་དང་བོད་མི་མང་སྤྱི་འཐུས་ལྷན་ཚོགས་ཀྱི་གསུང་འཕྲིན་སྒྲོགས་སྦྱང་གནང་བས་མཚོན་ལས་རིམ་ཁག་དང་། དམིགས་བསལ་འདི་ལོ་དབུས་བོད་མིའི་སྒྲིག་འཛུགས་ནས་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དྲིན་རྗེས་དྲན་གྱི་ལོར་སྲུང་བརྩི་ཞུ་རྒྱུའི་ཡོངས་ཁྱབ་གསལ་བསྒྲགས་གནང་དོན་བཞིན། འདི་ག་སྒང་ཏོག་བོད་ཀྱི་སྐད་ཡིག་གཅེས་འཛིན་ཚོགས་ཆུང་གི་ངོས་ནས་༸སྐུའི་བཀའ་དྲིན་རྗེས་དྲན་སྲུང་བརྩི་ཞུ་ཆེད། བོད་ཀྱི་མང་གཙོའི་དུས་དྲན་དང་སྟབས་བསྟུན་ཀ་རྡོར་འབྲས་གསུམ་ཁྱབ་ཁོངས་སློབ་གྲྭ་འགྲིམ་བཞིན་པའི་འཛིན་གྲྭ་ ༩ ནས་ ༡༢ བར་འབྲིང་རིམ་དང་མཐོ་རིམ་སློབ་མ་རྣམས་རང་རེའི་སྐད་ཡིག་བཀོལ་སྤྱོད་དང་ཡར་རྒྱས་ལ་སྨན་པའི་སླད། {བོད་ཀྱི་མང་གཙོའི་འཕེལ་རིམ་-༸རྒྱལ་བ་ཐམས་ཅད་མཁྱེན་པའི་བླ་ན་མེད་པའི་ལེགས་སྐྱེས་} ཞེས་པའི་བརྗོད་གཞི་ཐོག་བོད་ཡིག་འབྲི་རྩོམ་འགྲན་བསྡུར་ཞིག་གོ་སྒྲིག་ཞུས་པ་བཞིན། གོང་གསལ་ས་གནས་ཁྱབ་ཁོངས་ནས་སློབ་མ་ ༡༠ གྲངས་ཞིག་མཉམ་ཞུགས་བྱུང་བ་ལས་དེ་བཞིན་མཉམ་ཞུགས་གནང་བའི་གྲུབ་འབྲས་ཀྱི་ཨང་རིམ་སོན་པ་དག་ལ་བྱ་དགའ་གཟེངས་བསྟོད་བསྩལ་བ་དང་། དེ་བཞིན་སྒང་ཏོག་ས་གནས་འགོ་འཛིན་ལས་ཁུངས་ཀྱི་རོགས་དྲུང་དང་དངུལ་གཉེར་གཅིག་ལྕོགས་ལས་བྱེད་ཉི་མ་དོན་གྲུབ་ལགས་ཞབས་ལོ་ ༢༥ འཁོར་བའི་བསྔགས་བརྗོད་ཕྱག་འཁྱེར་དང་ཕྱག་རྟགས་འབུལ་བ་དང་། འཕྲོད་བསྟེན་ལས་ཁུངས་ནས་དམིགས་བསལ་དགོས་མཁོ་ཅན་གྱི་མི་སྣ་ཁ་གྲངས་ ༦ ལ་ངལ་སེལ་རོགས་དངུལ་དང་ཏོག་དབྱིབས་སྔོན་འགོག་གི་ཅ་དངོས་བཅས་འབུལ། གཞན་ཡང་སྒང་ཏོག་ས་འཐུས་ཚེ་རིང་སྟོབས་རྒྱལ་ལགས་ནས་མང་ཚོགས་དང་ལྷག་པར་གཞོན་སྐྱེས་ཚོར་གོ་རྟོགས་ཡོང་སླད་མང་གཙོའི་འཕེལ་རིམ་སྐོར་འབྲི་རྩོམ་སྒྲོག་སྦྱང་གསལ་བཤད་གནང་བ་དང་། མཐར་ས་གནས་རང་བདེན་ཚོགས་ཆུང་གི་ཚོགས་གཙོ་ལས་ཚབ་ནས་ཐུགས་རྗེ་ཆེའི་གསུང་བཤད་ཀྱི་སྒོ་ནས་བོད་ཀྱི་མང་གཙོའི་དུས་དྲན་སྲུང་བརྩི་ཞུས་པའོ༎
འབྲས་མོ་ལྗོངས་སུ་འབྲས་སྐྱེས། །
གང་ཏོག་སྒང་ལ་ཏོག་རྒྱན། །
དུག་བཅུའི་མངས་གཙོའི་ལས་བྲེལ། །
བོད་ཧིན་མངས་གཙོས་ཁྲིམས་བསྲུངས། །
བོད་ཀྱི་མང་གཙོའི་དུས་དྲན་རེད་དམ་དུས་ཆེན་རེད།
གསུམ་བཅུའི་དུས་དྲན།
འཁྲུངས་སྐར་དུས་ཆེན།
མང་གཙོའི་དུས་ཆེན།
ནེ་ཝེལ་ཞི་བདེའི་གཟེངས་རྟགས་དུས་ཆེན། མ་རེད་དམ?