ཆོས་གྲགས།
སློབ་དཔོན་ཆེན་པོའི་ཞལ་གྱི་བུམ་བཟང་ལས།།
སེངྒེ་རྫོང་དང་སྤ་གྲོ་སྟག་ཚང་ཕུག།
ཞེས་སོགས་ལུང་གིས་བསྔགས་པའི་དབེན་གནས་འདིར།།
ད་རེས་ལས་ཀྱིས་སླེབས་པས་སྤྲོ་བ་སྐྱེས།།
རིང་ནས་ཡིད་ཀྱི་ངོས་ལ་གོམས་པ་ཡི།།
བཙན་པོའི་མངའ་ཐང་རྒུད་པའི་ཕྱི་ཉིན་ནས།།
གདུང་རྒྱུད་ཕྲེང་བར་བརྒྱུས་པའི་བུམ་ཐང་བ།།
ང་ཡི་རྨི་ལམ་ནང་གི་ལྷ་སའི་གྲོང་།།
ཨེ་མ་མཛེས་པའི་ཐིམ་ཕུའི་གཤོངས།།
དེ་འདྲའི་ཡི་གར་འོང་བ་ལ།།
མཛུམ་ལྡན་མཛེས་མའི་ཚོགས་དག་ཀྱང་།།
དེ་བཞིན་ཡི་གར་འོང་བ་ལ།།
དྭངས་གཙང་ནམ་མཁའ་ཡངས་པ་ལ།།
སྤྲིན་དཀར་ཚོམ་བུ་མཛེས་པ་ལ།།
དག་པའི་ས་གཞི་གཙང་བ་ལ། །
སྤང་ལྗོངས་སྔོན་མོ་སྐྱིད་པ་ལ།།
ནམ་ཟླའི་དྲོད་གྲང་དེ་འདྲའི་སྙོམས་པ་ལ།།
བསིལ་འཇམ་ཁ་དབུགས་དེ་འདྲའི་གཙང་བ་ལ།།
འགྲོ་སའི་ལམ་ཡང་དེ་བཞིན་བདེ་བ་ལ།།
ཞབས་ཞུའི་རྣམ་འགྱུར་དེ་འདྲའི་ཡག་ག་ལ།།
དྭངས་གཙང་ཆུ་མོ་ཤང་ཤང་འབབ་པ་ལ།།
རི་ལུང་དག་ཀྱང་བོད་དང་འདྲ་བ་ལ།།
ཐིམ་ཕུ་པ་དག་ཕུ་ནུ་འདྲ་བ་ལ།།
མཛའ་བརྩེ་རང་མདངས་དེ་བཞིན་གསལ་བ་ལ། །
དད་རྟེན་ལྷ་ཁང་དེ་བཞིན་བརྗིད་པ་ལ།།
མི་དབང་རྒྱལ་པོ་དེ་བཞིན་རྫིག་པ་ལ།།
འབྲུག་པའི་མི་དག་དགེ་སེམས་ཆེ་བ་ལ།།
དད་པ་དམ་ཚིག་དེ་བཞིན་གཙང་བ་ལ།།
ཤ་དང་ཁྲག་གིས་གྲུབ་ཚུལ་འདྲ་བ་ལ།།
གཉེན་དང་ཉེ་དུ་ནང་བཞིན་བྱམས་པ་ལ།།
ཡ་རབས་གུས་ལུགས་དེ་བཞིན་ལྡན་པ་ལ།།
ཨེ་མ་ང་ཡི་བརྩེ་ལྡན་ཐིམ་ཕུ་བ།།
ཡོངས་ས་མདོ་སྨད་ཕྱོགས་བསླེབས།།
བརྟེན་ས་གུ་རུ་བླ་མ་རྟེན།།
མཇལ་བ་༧གོང་ས་མཆོག་ཏུ་མཇལ།།
དེ་གསུམ་ང་ཡི་རྒྱབས་ལྗོངས་ཡིན།།
མྱུལ་བ་རྒྱ་བལ་འབྲུག་གསུམ་མྱུལ།།
གཏན་རགྲོགས་འབྲུག་མོ་ཞལ་འཛུམ་འགྲོགས།
ཚེ་གྲོགས་རྒྱུད་པའི་གནས་འདི་རུ
དེ་ནི་ང་ཡི་རྒྱབས་ལྗོངས་ཡིན།
བོད་ཡུལ་པའབྲུག་ཡུལ་འབྲས་མོ་ལྗོངས།
ལཱ་དགས་སྒར་ཞ་ཁུ་ནུ་སྤི་ཏི་དང།
གློ་ཡུལ་དོལ་བོ་མུ་ཁུམ་ཤར་པ་དང།
རྟ་མང་སླེ་མི་འུམ་ལོ་མོན་རྟ་ཨང་སོགས།
བོད་ཀྱིས་སྐད་ཡིག་བེད་སྤྱོད་གཏོང་བ་ནས།
སྔོན་དུས་བོད་ཀྱིས་རྒྱལ་ཁོངས་ཡིན་ལེ་འདའ།
A sincere tribute to my country! Cheers!