རྒྱ་ནག་དམར་ཤོག་གི་འགོ་པ་ཚོ་སྡོད་སའི་ཕོ་བྲང་དེ་པེ་ཅིང་གི་དཀྱིལ་དེར་གནས། ཁང་པ་དེར་སྐུ་སྲུང་བ་མང་པོས་མཐའ་སྐོར་ནས་ཡོད། ཉིན་ལྟར་བོད་པའི་འབྲོག་པ་རྒན་པོ་ཞིག་གིས་དེའི་རྒྱལ་སྒོའི་ནང་འཛུལ་ཐབས་བྱེད། ཡིན་ནའི་སྐུ་སྲུང་བས་ཁོ་པ་བཀག་ནས་འདྲི་དོན།
སྐུ་སུང་བ། “ཁྱོད་སུ་ཐུག་པར་འགྲོ།”
འབྲོག་པ། “བློ་མཐུན། ང་གཙོ་འཛིན་མའོ་ཀྲུ་ཞི་མཇལ་བར་འགྲོ།”
སྐུ་སྲུང་བ། “ཁྱེད་ཅི་ཟེར། ཁོང་ཤི་ནས་ལོ་མང་པོ་འགྲོ།”
འབྲོག་པ། “འོ་ན་དབུ་ཁྲིད་ཏེང་མཇལ་བར་གཏོང་རོགས།”
སྐུ་སྲུང་བ། “ཁོང་ཡང་ཤི་ཟིན།”
འབྲོག་པ། “‘འོ་ན་སྲིད་བློན་ཀྲུའུ་ཁྱུག་ཙམ་མཇལ་བར་གཏོང་རོགས།”
སྐུ་སྲུང་བ། “ཁོང་ཡང་ཤི་ཟིན།”
འབྲོག་པ། “འ་ཙི་འདི་བདེན་པ་ཨེ་ཡིན།”
ཡང་ཉིན་གཉིས་པ་དེར་འབྲོག་པ་དེ་ཡོང་ནས།
སྐུ་སུང་བ། “ཁྱོད་སུ་ཐུག་པར་འགྲོ།”
འབྲོག་པ། “བློ་མཐུན། ང་གཙོ་འཛིན་མའོ་ཀྲུ་ཞི་མཇལ་བར་འགྲོ།”
སྐུ་སྲུང་བ། “ཁྱེད་ཅི་ཟེར། ཁོང་ཤི་ནས་ལོ་མང་པོ་འགྲོ།”
འབྲོག་པ། ཁོང་ཇི་ལྟར་གྲོངས་པ་རས།
སྐུ་སྲུང་བ། “གློ་བ་ལ་རྣག་བརྒྱབ་ནས་གྲོངས་པ་རེད།”
འབྲོག་པ། “འོ་ན་དབུ་ཁྲིད་ཏིང་མཇལ་བར་གཏོང་རོགས།”
སྐུ་སྲུང་བ། “ཁོང་ཡང་ཤི་ཟིན།”
འབྲོག་པ། “ཁོང་ཇི་ལྟར་གྲོངས་པ་རས།”
སྐུ་སྲུང་བ། “མཆིན་ལ་སྐྲན་སྐྱེས་ནས་གྲོངས་པ་རེད།”
འབྲོག་པ། “‘འོ་ན་སྲིད་བློན་ཀྲུའུ་ཁྱུག་ཙམ་མཇལ་བར་གཏོང་རོགས།”
སྐུ་སྲུང་བ། “ཁོང་ཡང་ཤི་ཟིན།”
འབྲོག་པ། ཁོང་ཇི་ལྟར་གྲོངས་པ་རས།
སྐུ་སྲུང་བ། “ལུས་ལ་ཟ་ཕོག་ནས་གྲོངས་པ་རེད།”
སྐུ་སྲུང་བ། “ཁྱོད་ལ་ངས་ཉིན་མང་པོར་འགྲེལ་བཤད་བརྒྱབ་འཚར་བ་ཡིན། ཁྱོད་ཀྱི་ངོ་ཤེས་པའི་འགོ་པ་ཚོ་ཤི་ཟིན།
འབྲོག་པ། “ངོ་མ་རེད་པས།”
སྐུ་སྲུང་བ། “རེད།” མ་གཞི་ནས་ཁྱོད་ཉིན་ལྟར་འདིར་ཡོང་ནས་འདི་ཚོ་འདྲི་དོན་ཅི།
འབྲོག་པ། “ང་འདི་ཡང་ཡང་གོ་ན་སེམས་པ་སྐྱིད་པོ་དང་འདོད་པ་འཚིམ་པོ་འདུག”