འཛམ་གླིང་དཔེ་ཀློག་ཉིན་མོ།

སྐལ་བཟང་ཉི་མས་བསྒྱུར།
ཟླ་བཞི་བའི་ཚེས་ཉེར་གསུམ་ཉིན་དང་དཔེ་ཀློག་གི་འབྲེལ་བ་ནི་སི་ཕཎ་གྱི་དཔེ་ཆ་ཚོང་མཁན་ཚོས་ཉིན་མོ་དེར་སྐུ་གཤེགས་པའི་རྩོམ་པ་པོ་མི་རྒྱོལ་ ཌེ་ སེར་བན་ཁྲེ་སི་ (Miguel de Cervantes) (༡༥༤༧ ༡༠ ༩ནས་༡༦༡༦ ༤ ༢༣) ལ་ཆེ་བསྟོད་ཀྱི་ཚུལ་དུ་བཟོས་པ་ཞིག་ཡིན་ལ། གཞན་འདི་ནི་ཁེ་ཁྲེ་ལོ་ནེ་ཡའི་ (Catalonia)ནང་གི་ལྷ་མཆོག་ཇོར་ཇིའི་(George)ཉིན་མོའི་དུས་སྟོན་གྱི་ཆ་ཤས་ཤིག་ཀྱང་ཆགས་ཡོད་དེ། དེ་རུ་དུས་རབས་བར་མ་ནས་ཉིན་མོ་འདིར་སྐྱེས་པ་ཚོས་རང་གི་དགའ་རོགས་ལ་རྒྱལ་སྲས་མེ་ཏོག་སྤྲོད་པའི་ལུགས་སྲོལ་ཞིག་བྱུང་བ་དང་། སྤྱི་ལོ་༡༩༢༥ནས་བཟུང་སྐྱེས་མ་ཚོས་དཔེ་དེབ་རེ་བརྗེ་རེས་ཀྱི་ཚུལ་དུ་ཕྱིར་སྤྲོད་པས། ལོ་ལྟར་ལོ་ཕྱེད་ནང་ཁེ་ཁྲི་ལོ་ནི་ཡ་རུ་དེབ་བཙོང་ན་སྐབས་ཐོག་འདིར་དཔེ་དེབ་འབུམ་བཞི་ལྷག་བཙོང་པ་དེ་མེ་ཏོག་རྒྱལ་སྲས་ས་ཡ་བཞི་ལ་བརྗེ་བ་རེད།
སྤྱི་ལོ་༡༩༩༥ལོར་མཉམ་སྦྲེལ་རྒྱལ་ཚོགས་ཀྱི་ཤེས་ཡོན་དང་། རིག་གཞུང་། ཚན་རིག་བཅས་ཀྱི་ལྷན་ཚོགས་(UNESCO)ཀྱིས་ཉིན་འདིའི་ཁེ་ཁྲི་ལོ་ནེ་ཡའི་དུས་སྟོན་དང་། གཞན་ཉིན་མོ་འདི་བེ་ལེམ་ཤིག་སེ་ཕེར་གྱི་འཁྲུངས་སྐར་དང་འདས་མཆོད་སྲུང་བརྩི་བྱེད་པའི་ཉིན་མོ་ཡིན་པ། མི་རྒྱོལ་ ཌེ་ སེར་བན་ཁྲེ་སི་ (Miguel de Cervantes) དང་འིན་ཁ་ གྷར་སི་ལ་སོ་ ཌེ་ལ། (Inca Garcilaso dela Vega)ཇོ་སེབ་ ཕེ་ལ(Josep Pla) བཅས་ཀྱི་ཤི་ཚིགས་ཡིན་པ། མོ་རི་སི་ ཌེ་རོན་(Maurice druon)དང་བེ་ལ་ཌེ་མེར་ ན་བྷོ་ཁོ་བེ (Vladimir Nabokov)། མེ་ནོལ་ མེ་ཇ་ཡེ་ བེ་ལི་ཇ(Manuel Mejia Vallejo)། ཧོལ་ཌོར་ ལ་སི་ནི་སི(Halldor Laxness)བཅས་ཀྱི་འཁྲུངས་སྐར་ཡིན་པ་བཅས་ཀྱི་རྒྱུ་མཚན་ལ་བརྟེན་ནས་ཉིན་མོ་འདི་འཛམ་གླིང་དཔེ་ཀློག་དང་དཔར་བསྐྲུན་བདག་དབང་ཉིན་མོ་རུ་བརྩི་སྲུང་བྱ་རྒྱུ་གཏན་འཁེལ་བྱས་སོ།།