འོ་ལམ་དགུ་ཚིགས་ཀྱི་བཀོད་དབྱིབས།

Comments (14) on “འོ་ལམ་དགུ་ཚིགས་ཀྱི་བཀོད་དབྱིབས།”

1. བཀའ་དྲིན་ཆེ། བདེ་སྨོན་ལས། གྲངས་མེད་འཇིག་རྟེན་འདས་པའི་ཕ་རོལ་ན། །ཞེས་གསུངས་ཡོད་པས། ནང་པ་ཚང་ཡང་རྗེས་ལུས་མ་ཐེབས་པར་ཡོད་འདུག་ག

2. ཁ་བརྡས་མཆན་བུ་ཞིབ་བཤེར་བྱེད་མགོ་བཙུགས་ཟིན་པ་འདྲ། འདི་ངས་ད་ནངས་ཞོགས་པར་ཁ་བརྡར་བཏབ་པའི་མཆན་བུ་དྲུག་པ་དེ་ཡིན།

3. མཛེས་པོ་དེ་འདྲ་དཀོན་མཆོག་གིས་བཟོས་པ་ཡིན་སྲིད།

4. བོད་མིའི་རང་སྐད་དུ་ཚན་རིག་བསྒྱུར་རྩལ་མཐར་ཐོན་ཡོང་བའི་རེ་བ་འདུག ཐུགས་རྗེ་ཆེ།

5. མཚམ་མོར་གནམ་དུ་སྐྱ་ཆེམ་ཆེམ་ཞེས་གསལ་བ་དེ་ལ་ནུབ་ཕྱོགས་པ་དག་གིས་འོ་མའི་རྒྱ་ལམ་དང་། རྒྱ་གར་བྱང་ཕྱོགས་པས་དེ་ལ་གནམ་གྱི་གངག་ཞེས་འབོད། དེ་ཉིད་ལ་བོད་སྐད་དུ། འདིར་དགུ་ཚིགས་ཞེས་འབོད་པ་ཡིན་ནམ་སྙམ། དགུ་ཚིགས་སྐོར་ལ་རྟོག་དཔྱོད་ནི་བདག་གི་བློ་ཡུལ་ལས་འདས། འོན་ཀྱང་ང་ཆུང་ངུའི་སྐབས་སུ་གནམ་གྱི་སྒལ་ཚིགས་ཞེས་ཐོས་ཤིང་། མིའི་གཟུགས་པོའི་རྒྱབ་ཀྱི་སྒང་ལ་སྒལ་ཚིགས་ཡོད་པ་ལྟར་ནམ་མཁའ་ལ་ཡང་སྒལ་ཚིགས་ཡོད་ཅེས་འདྲ་བ་རྒྱུ་མཚན་དུ་བྱས་ནས་སྔོན་བོད་ཀྱི་མེས་པོ་དག་གིས་མིང་བཏགས་པར་བསམས། གཞན་ཡང་། ང་ཆུང་དུས་ཀྱི་མཐོང་སྣང་ལ་ཕྱི་དྲོ་དགོངས་མོར་སྒལ་ཚིགས་དེ་བྱང་ནས་ལྷོར་རྒྱུག་པ་དང་། གནམ་ལངས་ཙམ་དུ། དེ་ཉིད་ཤར་ནས་ནུབ་ཏུ་རྒྱུག་པ་ལྟ་བུ་ཞིག་ཏུ་མཐོང་། དེ་འདྲ་ཇི་ལྟར་འབྱུང་བ་དང་། གནམ་གྱི་དགུ་ཚིགས་དང་གནམ་གྱི་སྒལ་ཚིགས་ཞེས་པ་གང་འོས་ཤིང་འཚམས་པ་ཡིན་ཞེས་ དྲི་བ་འདི་ད་རང་ཉིན་དགུང་ཙམ་ལ་དྲིས་ཡོད་ཀྱང་། ལན་མ་བྱུང་བར་མེད་པར་ཕྱིན་འདུག སླར་ཡང་དྲིས་པ་ལགས་སོ། །

6. དགུ་གཟི་གནམ་གྱི་སྐེད་རགས་ཡིན། གནམ་སྐེད་རགས་མེད་ན་སྦོ་ལུག་ཡིན། ཞེས་པའི་གཏམ་དཔེ་ཞིག་ཡོད་པའི་སྐོར་མཆན་དང་པོར་་བྲིས་ཡོད་པས། ང་ཡི་སེམས་ནང་་་གུ་གཟི་་་ཞེས་སུ་བརྗོད་འདོད་པ་ཡོད། དེ་ནི་ང་ལ་སྟོད་མངའ་རིས་ནས་ཡིན་པའི་འབྲོག་པ་བགྲེས་སོང་གཉེན་ཚན་ཡིན་པ་ཞིག་ཡོད། ཁོང་གིས་ང་རང་ཆུང་དུས་ཉལ་ཁར་སྒོ་ལ་ཁྲིད་ཞོར་གནམ་སྐར་ལ་བཤད་པ་མང་པོ་བརྒྱབ་མྱོང་བས། ཁོང་གི་ཞལ་ནས་་་གུ་གཟི་་གནམ་གྱི་སྐེད་རགས་ཡིན། གནམ་སྐེད་རགས་མེད་ན་སྦོ་ལུག་ཡིན། ཞེས་བརྗོད་པའི་ཚིག་དེ་དེང་སང་ཡང་ང་ཡི་སེམས་ལ་བསྡད་འདུག། བོད་ཡུལ་གྱི་འབྲོག་པ་ཚོས་གནམ་མཁའི་སྐར་མ་ལ་བརྟག་པ་བྱེད་རྒྱུའི་སྔ་རབས་ཀྱི་བཤད་སྲོལ་འདི། རྒྱ་དཀར་ནག་ནས་བྱུང་བ་གཅིག་ད་ཨ་ཡིན་ན་བསམ་པ་འདུག། གང་ཡིན་ཟེར་ན་དེང་སང་གི་དུས་སུ་ཡང་འབྲོག་པ་ཚོ་རྒྱ་དཀར་ནག་ལ་འབྲེལ་བ་དེ་ཙམ་མེད་པར་བསྡོད་ཐུབ་ཀྱི་ཡོད། དེས་ན་འབྲོག་པའི་གནམ་སྐར་ལྟ་སྟངས་སྐོར་ལ་ང་ཚོ་གཞོན་སྐྱེས་ཚོས་སློབ་སྦྱོང་གནང་དགོས་ས་རེད།། དེ་ནི་ང་ཚོའི་སྐར་རྩིས་ཀྱི་བྱུང་ཁུངས་ཡིན་ཟེར་ནའང་མི་འགྲིག་པ་ཨ་ཡོད་ན། ཡུལ་ལུགས་ལ་ཁུངས་གཏུག་རྒྱུ་དེ་ནི་ཤིན་དུ་གལ་ཆེན་པོ་རེད། གུ་གཟི་་་ཞེས་སུ་བརྗོད་ན་གནའ་རབས་དང་མཐུན་པར་གོ་རྒྱུ་ཆེ་བར་སེམས། གུ་ཞེས་པ་ནི་གི་གུ་ལྟ་བུ་ཐོག་ནས་མར་གུག་པ་གཅིག་ལ་གོ་བ་དང། གཟི་་་ཞེས་པ་ནི་གཟི་ཡི་དཀར་མདོག་ལྟ་བུ་ཁྲ་ཆོབ་ཆོབ་བམ་སྐྱ་ཤར་ཤར་གཅིག་ཡོད་པས་ན་གནའ་བོའི་མི་རྣམས་ཀྱིས་་་གུ་གཟི་་་ལབ་སྲོལ་བྱུང་བ་ཡིན་ནམ་སྙམ། འོན་ཀྱང་བློ་ལྡན་རྣམས་ཀྱིས་དཔྱད་པར་འཚལ།། གུ་གཟི་་་དགུ་གཟི་་་དགུ་ཚིགས་་་སྒལ་ཚིགས་་་གནམ་གྱི་སྐེད་རགས་ཡིན། གནམ་སྐེད་རགས་མེད་ན་སྦོ་ལུག་ཡིན། ཟེར་ས་དེ་་་་་གོང་དུ་བཀོད་པའི་བསྙན་པར་གཉིས་ནང་གསལ་བ་དེ་ལྡ་བུ་ཞིག་ལ་བརྗོད་ཀྱི་མེད། མཐོ་གནམ་མཁའི་དབྱིངས་རུམ་ནས་གཡས་མཐའ་དང་གཡོན་མཐའ་བར་སྐྱ་ཤར་རེ་ཁྲ་ན་རེ་ཟུག་པ་ཞིག་ཡོད། དེ་ལ་སྐེད་རགས་དཔེ་རུ་བཟུང་སྟེ། ནམ་མཁའ་སྡོམ་བྱེད་ཡིན་པའི་གནའ་གཏམ་བྱུང།
   མཆན་འདི་ཁ་སྔོན་བྲིས་ཚར་བས་འདིར་ཡང་སྐྱར་བྲིས་པ་ཡིན།

7. སྐུ་ཞབས་ལ་དྭགས་བློ་བཟང་འཇམ་དབྱངས་མཆོག་དང་། Bonpoགཉིས་ཕེབས་ནས་དགོངས་འཆར་གསུངས་པར་ཐུགས་རྗེ་ཆེ་ཞུ་ལགས། ངས་དབྱིན་ཇིའི་སྐད་ཀྱི་galaxyཞེས་པ་རང་རེའི་བོད་དབྱིན་ཤར་སྦྱར་གྱི་ཚིག་མཛོད་འགའ་རེར་དེ་ལྟར་བྲིས་པ་རང་སོར་བཞག་པ་ཞིག་ཡིན། འདིར་དགུ་ཚིགས་ཞེས་འབོད་རུང་མི་རུང་གི་སྐོར་ལ་རྩད་གཅོད་བྱེད་བཞིན་ཡོད། སྒལ་ཚིགས་གནམ་གྱི་སྐ་རགས་ཞེས་པ་དང་། དགུ་ཚིགས་གནམ་ཀྱི་སྐ་རགས། དེ་བཞིན་དགུ་ཚིགས་ལ་འབྲུག་མོའི་ཐལ་ལམ་ཞེས་རང་རེའི་སྲོལ་རྒྱུན་དུ་འབོད་སྲོལ་ཡོད་པ་དེ་དག་ནི། ངེས་པར་དུ་མཉམ་འཇོག་བྱེད་དགོས་པའི་གནད་དོན་ཞིག་རེད། ཁྱེད་རྣམ་པས་གཟིགས་པའི་མཁའ་དབྱིངས་ཀྱི་སྒལ་ཚིགས་དེ་དགོམ་མོ་དང་། ནམ་ལངས་ཚེ་ཕྱོགས་གཞན་ནས་གཞན་དུ་འཕོ་བཞིན་དེ་ངོ་མཚར་ཆེན་མོ་ཞིག་ཡིན་སྣང་ཤར། ཚན་རིག་གི་འགྲེལ་བརྗོད་ལྟར་ན། ཆུང་ས་ང་ཚོའི་ས་གཞི་ནས་ཆེ་ས་ཉི་ཁྱིམ་དང་། དགུ་ཚིགས། ས་གནས་དགུ་ཚོགས། དགུ་ཚོགས་ཆེན་པོ་སོགས། བར་སྣང་ན་རྟེན་པའི་ཆོས་མཐའ་དག་རང་ཉིད་གང་ལ་བརྟེན་ཡུལ་གྱི་བར་སྣང་སྟོང་དབྱིངས་དང་བཅས་པ། རང་འཁོར་རྒྱག་བཞིན་ཕྱི་ཕྱོགས་སུ་རྒྱ་ཇེ་ཆེ་ནས་ཇེ་ཆེར་འགྲོ་བཞིན་ཡོད་པར་འདོད་པའི་དངོས་དོན་གྱི་ཆ་རེ་ང་ཚོས་མིག་རྐྱང་གིས་མཐོང་བ་ཞིག་ཨེ་ཡིན་སྙམ་མོ།། ཁྱེད་རྣམ་པར་འདི་སྐོར་བོད་ཀྱི་སྐར་རྩིས་ལྟར་གྱི་གསུང་ཚུལ་མ་འདྲ་བ་དེ་འདྲ་ཡོད་ན། ཅིག་གསུང་རོགས་ཞུ་བ་ལགས། ང་སྐར་རྩིས་ལ་ཉམས་མྱོང་ཡག་པོ་ཞིག་མེད། དེ་རེབ་དེ་ཙམ་བྱེད། རྗེས་སོར་མཇལ་ཡོང་། ཐུགས་རྗེ་ཆེ།

8. ད་ལྟའི་བར་འོ་ལམ་དགུ་ཚིགས་འདི་ཉིད་བསྒྱུར་མཆོག་ཏུ་གྱུར་པ་སྣང་། གཞན་ཟེར་ལུགས་རྣམས་མིང་གི་སྣང་གྲངས་སུ་བཞག་ནས། ད་སྙད་དམ་མིང་འདོགས་ཚུལ་མ་རྩོད་པར་ད་དུང་གང་མང་མང་བསྒྱུར་ཐུབ་ན། ༸གོང་ས་མཆོག་དགྱེས་པའི་མཆོད་སྤྲིན་དུའང་འགྱུར་སྲིད་པའི་ད་དུང་གང་མང་བསྒྱུར་བར་རེམས་ཤིག

9. གྷིརིག་གི་ galaxias ག་ལག་ཟི་འི་ཨྰས་ལས་ད་ལྟའི་ཚིག་galaxy ག་ལག་ཟི་འདི་བྱུང་བ་དང་། ཨིན་ཇིའི་སྙན་དངགས་པ་ Chaucer ཅོའུ་སར་གྱིས། Milky Way མིལ་ཀི་ཝེ་ཞེས་བེད་སྤྱད་པ་དང་། གྷིརིག་རང་སྐད་དུ་ཀིག་ལོས་ ག་ལ་ཏི་ཀོས་ཞེས་པའི་ཚིག་གི་གོ་དོན་ལ་ milky circle སྟེ། འོ་ལམ་འཁོར་ལོའམ་མུ་འཁྱུད་ལ་གོ་ཞེས་བྲིས་འདུག

10. ཚན་རིག་བློ་གྲོས་ཀྱི་འཇུག་པ་སྤེལ་བ་པོ། མཁྱེན་ཡངས་རྔ་པ་རྒྱལ་ཁམས་པ་མཆོག་ལ་ཞུ་བ། ལན་ལེགས་པར་བྲིས་པར་བཀའ་དྲིན་ཆེ། ཆུང་དུས་སུ་དྲི་བ་སྣ་ཚོགས་སེམས་ལ་འཆར་བ་བཞིན་དུ་ལོ་རྒས་སྐབས་དེ་ལྟར་འཆར་བ་མི་འདུག་ལ་དྲི་འདོད་ཀྱང་ཇེ་ཇེར་ཆུང་དུ་འགྲོ་བར་སྣང་། དཔེར་ན། ང་ཆུང་དུས་ལོ་བཞི་ལྔ་ཙམ་ཡིན་ནམ། དགུན་ཉི་མ་ནུབ་རིར་མ་ནུབ་གོང་བདག་གི་མ་དང་ལོ་མཉམ་མཁྱིམ་ཚེས་ཀྱི་སྐྱེས་མ་ཞིག་དང་མཉམ་དུ་ཉི་མར་དྲོ་ནས་བསྡད་སྐབས་སུ་ངས་སྐྱེས་མ་དེ་ལ་དགོངས་མོ་ཕྱི་དྲོར་ཉི་མ་དེ་ནུབ་རིར་འགྲོ སྔ་མོ་ཤར་ངོས་ཀྱི་རི་ནས་འོང་བ་འདུག མཚན་མོར་གར་འགྲོ་ཞེས་དྲི་བ་བཀོད་འདུག དེ་དུས་སྐྱེས་མ། ཨ་མ་དེས་ཅང་སྨྲ་ཤེས་པ་མ་བྱུང་། ཅི་དྲི་བ་ཡིན་ནམ་ཞེས་ཡ་མཚན་པར་བཟུང་། ཡིད་ལ་བཞག་སྟེ། རང་གི་ཁྱོ་ག་སྔོན་རི་རྫོང་དགོན་པར་ཞུགས་ཤིང་རི་རྫོང་སྲས་རིན་པོ་ཆེ་སྐུ་གོང་མ་ཁམས་ལ་ཕེབས་ནས་བོད་སྐད་ལེགས་པར་སྦྱངས་པ་སླར་ལ་དྭགས་སུ་བོད་ཀྱི་སྐད་ཡིག་ལེགས་པར་སྤེལ་བ་པོ་ནས་སྦྱངས་པ། ངའི་གྲོང་ཡུལ་ན་དེ་དུས་བོད་ཡིག་ལེགས་ཤོས་ཡིན་པ་ལ་ཕྲུ་གུ་ཆུང་ངུ་དེའི་དྲི་བ་འདི་འདྲ་འདུག་ཅེས་སྨྲས་པ་ན། ཁྱོ་ག་དེས་ལན་དུ། ཉི་མས་རི་རྒྱལ་པོ་རི་རབ་ལ་བསྐོར་བ་རྒྱབ་ཚུལ་དང་གླིང་བཞི་གླིང་ཕྲན་བཅས་བཤད་པ་དེ། རང་གི་སེམས་ལ་བཅངས་ཏེ། ཁོང་གིས་བདག་གི་མ་ལ་ལོ་རྒྱུས་དང་བཅས་པ་བཤད་པ་དེ། ལོ་བསྐོར་གཅིག་གི་རྗེས་ལ་བདག་གིས་དྲི་བ་བཀོད་པའི་སྐྱེས་མ་དེ་སྐུ་གཤེགས་ཏེ་མེད་ཀྱང་། ཁོང་གིས་བདག་གི་མ་ལ་བཤད་པ་དེ་དག་སླར་དྲིན་ཅན་མ་ལས་བདག་གིས་ཐོས་པ་དྲན། འདི་ལྟར་ཞུ་བའི་སྙིང་དོན་ནི་དྲི་བ་བྱེད་པ་རང་གཞན་གྱི་ཤེས་རིག་འཕེལ་བ་ལ་ཕན་ནོ་ཞེས་སེམས་སོ། །

11. རྔ་བ་རྒྱལ་ཁམས་པ་ལགས།
    དགུ་ཚིགས་ཞེས་བརྗོད་པ་ནི་དོན་དང་མཐུན་པར་མ་ཟད་འགྲེལ་བཤད་བྱེད་པར་ཡང་གོ་སླ་བ་ཞིག་ཡོང་གི་འདུག
    དགུ་ཚིགས་ཞེས་པ་ནི་སྤྱིར་དགུ་ཞེས་པ་ནི་མང་བའི་སྒྲ་ལ་འཇུག་པ་ནི། དཔེར་ན། མི་བྱེད་དགུ་བྱེད། མི་ཡོང་དགུ་ཡོང། མི་སྨྲ་དགུ་སྨྲ། མི་བྱུང་དགུ་བྱུང། ཞེས་པ་ལྟ་བུ་རེད། དེས་ན་འདིར་ཡང་དགུ་ཚིགས་ཞེས་པའི་སྐབས་ཀྱི་དགུ་ཞེས་པ་ནི་མང་བའི་སྒྲ་ལ་འཇུག་པ་ནི་ད་ལྟ་ས་གཞི་ནས་ང་ཚོས་མཐོང་པའི་གནམ་གྱི་དཀྱིལ་དུ་ཁྲ་ཤར་རེ་བ་དེ་ནི་སྐར་ཕྲན་བྱེ་བ་མང་པོར་ཚོགས་པའི་སྐར་མ་ཚོགས་པ་ཞིག་ཡིན་པས་དོན་དུ་སྐར་མ་མང་པོ་ཚོགས་པའི་ཕུང་པོ་ཞིག་ཡིན་པ་ནི་མཛོད་དང་ཚན་རིག་པ་གཉིས་ཀར་མཐུན་པ་ཞིག་རེད། ཚིགས་ཞེས་པ་ནི། དཔེར་ན། ང་ཚོས་ས་ཚིགས། ལ་ཚིགས། ཞེས་ཕན་ཚུན་དབྱེ་བ་སོ་སོར་ཕྱེས་པའི་དོན་ཞིག་ཡིན།
    དེ་ཡང་མི་ཡི་ལུས་ལྟ་བུར་ཆ་བཞག་ན་ཁོག་སྟོད་ཁོག་སྨད་ཅེས་ས་མཚམས་གཉིས་སུ་ཕྱེ་བ་བཞིན་གནམ་ཡང་གཡས་ཕྱོགས་གཡོན་ཕྱོགས་སུ་ཕྱེས་པའི་དོན་ཡིན་པར་སེམས། དཔེར་ན། ད་ལྟ་ང་ཚོ་ཤར་ཕྱོགས་པས་མཚན་མོར་མཐོང་པའི་ནམ་མཁའི་སྐར་མ་གནས་ཕྱོགས་དང་མེག་སི་ཁོ་་་mexico་་་་ལས་སོགས་རྒྱལ་ཁབ་འགའ་ཞིག་ཏུ་ད་ལྟའི་ང་ཚོས་ནམ་མཁའི་སྐར་མ་མཐོང་སྟངས་སམ་གནས་ཕྱོགས་མགོ་གཞུག་སློག་པའི་སྣང་ཚུལ་ཞིག་ཡོད་འདུག
    དེས་ན་འགྲེལ་ཚུལ་འདི་ལྟར་བྱེད་ན་གོ་སླ་ལ་འགྲེལ་ཆགས་པ་ཞིག་ཏུ་མཐོང། ཁ་སྐད་དུ་སྲུ་མོ་འབྲུག་མོའི་ཐགས་ཞེས་སྣམ་བུའི་ཐགས་རེད་ཅེས་ཀྱང་ཤོད་སྲོལ་འདུག

12. ལ་སྟོད་བུ། ཁྱེད་ཀྱི་དགོངས་འཆར་ངས་སེམས་ན་བཟུང་ཡོད། ཡག་པོ་འདུག ད་དུང་དགུ་ཚིགས་ཞེས་པའི་སྐོར་བོད་ཀྱི་སྐར་རྩིས་ཀྱི་ནང་ཡོད་མེད་དང་། ཡོད་ན་དེ་ལ་འགྲེལ་བཤད་ཅི་ལྟར་བྱས་ཡོད་མེད་སྐོར་རྩད་གཅོད་འདྲ་གནང་ཐུབ་ན་ཕན་ཐོགས་ཡོང་ངེས་རེད་ལགས། ལ་དྭགས་བློ་བཟང་འཇམ་དཔལ་མཆོག་གིས་ལོ་རྒྱུས་སྙིང་རྗེ་བོ་ཞིག་གསུངས་འདུག ང་ཚོས་བོད་རང་གི་སྲོལ་རྒྱུན་ལྟར་གྱི་འཇིག་རྟེན་ཆགས་ཚུལ་དང་། ནང་ཆོས་ཀྱི་འཇིག་རྟེན་ཆགས་ཚུལ་སོགས། དངོས་ཁམས་ཚན་རིག་དང་ལྟོ་སྦྱར་ནས་འགྲེལ་བཤད་རྒྱག་ཐུབ་མིན་བལྟ་དགོས་པ་རེད། ངས་བསམས་པར། ནང་བའི་ཆོས་ལུགས་ཀྱིས་ཚན་རིག་དང་མཐུན་པའི་འཇིག་ཆགས་བཀོག་ཆ་ཚང་ཞིག་གནའ་ཆེས་སྔ་མོ་ཞིག་ནས་གསུངས་ཚར་འདུག་བསམ་གི་ཡོད། འདིའི་བསམ་བློ་ཡང་ཡང་གཏོང་ཁུལ་ཡིན། ད་གོང་གཉིད་རྒྱག་རན་སོང་།

13. འཇིག་རྟེན་ཆགས་བཀོད། ཞེས་པར་བཅོས། འདིའི་ཐད་ཞེས་པར་བཅོས།

14. རྔ་པ་རྒྱལ་ཁམས་པ་ལགས། ནུབ་ཕྱོགས་ཚན་རིག་གི་ལྟ་ཚུལ་ལ་གཞི་བཅོལ་བའི་འཇིག་རྟེན་ཁམས་དང་དགུ་ཚིགས་ཀྱི་སྐོར་ཡག་པོ་བྲིས་འདུག མུ་མཐུད་དུ་འགོད་རོགས་ཞུ།