གཙུག་གཡུ།
ཀྱེ་རྒྱང་རིང་གི་མཛའ་མོ།
དེ་རིང་ཁྱོད་ལམ་ལ་ཆས་དགོས།
ཁ་རོག་གེར་ལམ་ལ་ཆས་དགོས།
སེམས་གཏིང་གི་ཚོར་བའི་དུངས་ཀ་ཉེར་གྱིན་ཆས་དགོས།
རེད་ཡ། ཁྱེད་ལྷོད་ཀྱིས་འཛུམ་པར་བྱེད་ཅིང་
ཁད་ཀྱིས་ཤུབ་བུར་སྨྲ།
ངའི་རྣ་བས་ཉན་ལ་སེམས་པས་ཀྱང་མཉན་པར་བྱེད།
ནམ་གུང་ཟིན་པར་གྱུར་ཞིང་སྡོང་ཁང་ནི་འཇམ་ཐིང་ངེ་།
ཚམ་ཚོམ་གྱི་མིག་ཆུ་བརྒྱུད་ཅིང་མི་མངོན་པའི་འཛུམ་མདངས་རྨི་ལམ་དུ་བཏང་བྱུང་།
ལྗོན་ཤིང་དེའི་བསིལ་འོག་ན་སྔོ་ཞིང་གཡའ་དག་པའི་ནམ་མཁར་ཅེར།
དེ་དུས་མིག་ཟུང་གིས་ངའི་ཡ་ཆུང་རླན་པར་བྱས།
ཕན་ཚུན་གྱི་རྣ་ལམ་དུ་ཤབ་ཤུབ་རེ་སྨྲ་བར་བྱེད།
ང་དང་ཁྱེད་ཀྱི་བརྩེ་བ་འདི་རོལ་དབྱངས་ཤིག་གམ།
ལྷད་མེད་ཅིག
ཀྱེ་རྒྱང་རིང་གི་མཛའ་མོ།
འོད་ཐིག་ཅིག་ངས་ཁྱེད་ཀྱི་གཟིམ་ཤག་ཏུ་ཁྲིད་ངེས་པས།
ཁྱེད་བདེ་བར་ལམ་ལ་ཆས། དེ་རིང་ཁྱེད་སྙན་ངག་གི་འཕར་སྒྲ་རུ་ཐིམ་ཡོད་ལ།
སྙིང་གི་གཏིང་དུ་བསྒོམ་གྱིན་ཡོད།
ཀྱེ་ཀྱེ་ཁྱེད་བདེ་བར་ཆས།
༢༠༡༤ /༨ /༢༠ ཉིན།