ཡ་ང་བའི་བུ་རམ་་སྣ་བཙུན་དགོན་གྱི་བཙུན་མ་བསོད་ནམས་ཆོས་སྒྲོན།
འདི་ག་ལྟེ་གནས་ཁང་དུ་གནས་ཚུལ་འབྱོར་བར་གཞིགས་ན། ༢༠༠༨ ལོའི་ཟླ་ ༥ ཚེས་ ༡༤ ཉིན་རྒྱ་གཞུང་ལ་ཞི་རྒོལ་བྱེད་མཁན་གྱི་སྤུ་རུ་སྣ་བཙུན་དགོན་གྱི་བཙུན་མ་བསོད་ནམས་ཆོས་སྒྲོན་ལ་མནར་གཅོད་ཚད་མེད་བཏང་སྟེ་མགོ་ལ་མེ་མདའིརྒྱབ་ཤིང་གཞུས་པས་མགོ་བོར་རྨས་སྐྱོན་ཚབས་ཆེན་ཕོགས་ནས་རིགས་འཚོ་ཟིན་མི་ཐུབ་པར་འགྱུར་རྗེས་བཙོན་ནས་གློད་བཀྲོལ་བཏང་སྟེ་ནང་མིར་རྩིས་སྤྲོད་བྱས་ཡོད་ཀྱང་ རྟག་ཏུ་ངུ་འབོད་བྱེད་བཞིན་སྨྱོན་པ་ཆགས་ཡོད་འདུག
དེ་ཡང་ ༢༠༠༨ ལོའི་ཟླ་ ༥ ཚེས་ ༡༤ ཉིན་སྤུ་རུ་སྣ་བཙུན་དགོན་དང༌། ཡར་སྟེང་བཙུན་དགོན་གྱི་བཙུན་མ་གཉིས་བརྒྱ་ལྷག་ཙམ་ནས་ཞི་རྒོལ་བྱེད་སྐབས་རྒྱ་གཞུང་གི་ཉེན་རྟོག་པས་དྲག་གནོན་བྱས་ཏེ་བཙུན་མ་མང་པོ་འཇུ་བཟུང་བྱས་པ་དང༌། བཙུན་དགོན་དེ་གཉིས་གཙོ་འགན་འཁུར་མཁན་གྱི་སྤྲུལ་སྐུ་ཕུར་བུ་ཚེ་རིང་རིན་པོ་ཆེ་ཡང་འཇུ་བཟུང་བྱས་ཏེ་ ༢༠༠༩ ལོའི་ཟླ་ ༩ ཚེས་ ༢༢ ཉིན་དཀར་མཛེས་ས་ཁུལ་འབྲིང་རིམ་མི་དམངས་ཁྲིམས་ཁང་གིས་དུས་བཀག་བཙོན་འཇུག་ལོ་ ༨ ཟླ་དྲུག་བྱེད་རྒྱུའི་ཁྲིམས་ཐག་བཅད་དེ་ད་ལྟ་མན་ཡང་བཙོན་ཁང་དུ་བཙོན་འཇུག་བྱེད་བཞིན་ཡོད་པ་དང༌། རིན་པོ་ཆེའི་སྐུ་གཟུགས་གནས་སྟངས་ཧ་ཅད་སྐྱོ་པོ་ཆགས་ཡོད་པ་རེད།
དེ་བཞིན་འཇུ་བཟུང་བྱས་པའི་སྤུ་རུ་སྣ་བཙུན་དགོན་ཁོངས་ཀྱི་བཙུན་མ་བསོད་ནམས་ལྷ་འཚོར་ལོ་ ༡༠ དུས་བཀག་བཙོན་འཇུག་དང༌། བཙུན་མ་བུ་མོར་ལོ་ ༩ དེ་བཞིན་བཙུན་མ་སོ་དགའ་དང་དབྱངས་ཅན་མཁའ་འགྲོར་ཁག་སོ་སོར་ལོ་ ༣ བཀྲིས་ལྷ་མོར་ལོ་ ༢ བཅས་ཀྱི་དུས་བཀག་འཇུག་གི་ཁྲིམས་ཆད་བཏང་ཡོད་ཅིང༌། བཙུན་མ་མང་ཆེ་བ་གློད་བཀྲོལ་བཏང་ཡོད་ཀྱང་དགོན་པར་མུ་མཐུད་གནས་སྡོད་མི་ཆོག་པར་དགོན་ནས་ཕྱིར་འབུད་བཏང་ཡོད་པ་རེད།
བཙུན་མ་བསོད་ནམས་ཆོས་སྒྲོན་གྱི་མགོ་ལ་རྒྱ་གཞུང་གི་ཉེན་རྟོག་པས་མེ་མདའི་རྒྱབ་ཤིང་གཞུས་ཏེ་མགོ་ལ་རྨ་ཁ་ཆེན་པོ་བཟོས་ཏེ་རིགས་འཚོ་མ་ཟིན་པར་འགྱུར་རྗེས་ ༢༠༠༨ ལོའི་ཟླ་ ༩ ཚེས་ ༡༥ ཉིན་ཁོང་གི་ནང་མིར་རྩིས་སྤྲོད་བྱས་ཡོད་ཀྱང༌། ཉིན་ལྟར་ངུ་འབོད་བྱེད་བཞིན། སྨྱོན་པ་ཆགས་ནས་རྟག་ཏུ་ནང་མིས་ལྟ་སྐྱོང་དང་སྲུང་བྱ་བྱེད་དགོས་པ་སོགས་ཀྱིས་མཐོང་བ་ཙམ་གྱི་ཡིད་སེམས་སྐྱོ་བའི་ཡ་ང་བའི་གནས་སྟངས་འོག་གནས་ཡོད་པ་རེད།
བཙུན་མ་བསོད་ནམས་ཆོས་སྒྲོན་རང་ལོ་ ༣༦ ཡིན་པ་དང༌། སྐྱེས་ཡུལ་དཀར་མཛེས་རྫོང་ལྷོ་པ་ཤང་ནས་ཡིན་པ་དང༌། སྤུ་རུ་སྣ་བཙུན་དགོན་དུ་བཙུན་མ་གནང་སྟེ་ལོ་མང་འགྲོ་གི་ཡོད་འདུག་པ་བཅས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས་༢༠༡༠།༡༠།༡༢ ཉིན་སྤེལ།
མི་ཤེས་ཡ། ཅི་འདྲ་འདྲའི་ཡི་གེ་ཐབས་རྡུག་ཅིག་བྲིས་འདུག ད་ངོ་མ་བཤད་ན་བུ་རམ་སྣ་བཙུན་ཡིན་ནི་རེད་དམ་ཡང་ན་སྤུ་རུ་སྣ་བཙུན་ཡིན་ནི་རེད།
སྤང་རི་སྣ་རིན་པོ་ཆེ་དང་སྒྲོལ་མ་སྐྱབས་ཆུ་ཤུར་བཙོན་ཁང་དུ་འདུག
འདོན་སྤེལ། ༢༠༡༠/༡༠/༠༡
དེ་རིང་སྔ་དྲོར་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གསར་འགོད་གསལ་བསྒྲགས་ཤིག་སྤེལ་བའི་ཐོག ཆབ་སྲིད་བཙོན་ཟུར་ལྷ་མོ་སྐྱབས་ལགས་ཀྱིས་ཉེ་ཆར་ཁོང་གི་བཙོན་གྲོགས་ཤིག་བརྒྱུད་ནས་ཤེས་རྟོགས་བྱུང་བའི་གནས་ཚུལ་ཁག་ཅིག་ངོ་སྤྲོད་གནང་ཡོད་ལ། སྐབས་དེར་སྤང་རི་སྣ་རིན་པོ་ཆེ་དང་རྩོམ་པ་པོ་སྒྲོལ་མ་སྐྱབས་གཉིས་ཀྱི་གཟུགས་པོ་བདེ་ཐང་མིན་པ་དང་ད་ལྟའི་གནས་སྟངས་ཛ་དྲག་རེད་ཟེར།
གསར་འགོད་གསལ་བསྒྲགས་སྐབས་ལྷ་མོ་སྐྱབས་ཀྱིས་གསུངས་དོན། ཉེ་ཆར་རང་ངའི་བཙོན་ཁང་གི་ཆབ་སྲིད་བཙོན་གྲོགས་ཤིག་ཕྱི་ལོགས་སུ་བསླེབས་ཡོད་པ་དང་འབྲེལ་བ་བྱུང་སྟེ་ཤེས་རྟོགས་བྱུང་བ་ལྟར་ན། སྤང་རི་སྣ་རིན་པོ་ཆེ་དང་རྩོམ་པ་པོ་སྒྲོལ་མ་སྐྱབས་གཉིས་ད་ལྟ་ཆུ་ཤུར་བཙོན་ཁང་དུ་བཅུག་འདུག་ལ། ཁོང་གཉིས་ཀྱི་གཟུགས་པོ་བདེ་ཐང་མིན་པ་དང་གནས་ཚུལ་ཛ་དྲག་རེད། འབྲེལ་ཡོད་མི་སྣ་དེས་རྩོམ་པ་པོ་སྒྲོལ་མ་སྐྱབས་ད་ལྟ་ཆུ་ཤུར་བཙོན་ཁང་གི་ཡན་ལག་དང་པོའི་ནང་དུ་འདུག་ཟེར་ལ། གལ་སྲིད་ཁོང་ཡན་ལག་དང་པོའི་ནང་དུ་ཡོད་པར་ཕྱིར་འདང་བརྒྱབ་ཚེ། ཕྱི་ལོ་ ༢༠༠༨ ལོའི་ཟླ་ ༣ ཚེས་ ༢༠ ཉིན་ཡན་ལག་གསུམ་པའི་ནང་ནས་ཕར་ཡན་ལག་དང་པོར་ཁྲིད་ཕྱིན་པ་རེད་ལ། ད་ལྟའི་བར་ཡན་ལག་དང་པོར་ལྷག་པ་ཚོད་དཔག་བྱེད་ཐུབ་ཀྱི་འདུག དེར་བརྟེན་བོད་ནས་བཤད་མཁན་གྱིས་སྒྲོལ་མ་སྐྱབས་ཀྱི་ད་ལྟའི་གཟུགས་པོའི་གནས་སྟངས་ཧ་ཅང་གི་སྐྱོ་བོ་ཡིན་པར་མ་ཟད། ཁོང་གཞུག་ཕྱོགས་མི་ཐང་པོ་ཞིག་བྱས་ཏེ་ཕྱིར་གློད་གྲོལ་འཐོབ་རྒྱུའི་རེ་བ་ཁག་པོ་རེད་གསུང་གི་འདུག་ལ། ང་རང་ཉིད་ཀྱི་ངོས་ནས་ཀྱང་ཧ་ཅང་གི་སེམས་འཚབ་བྱུང་ཞེས་གསུངས།
ཡང་ཁོང་གིས་སྤང་རི་སྣ་རིན་པོ་ཆེའི་སྐོར་གསུངས་དོན། སྤང་རི་སྣ་རིན་པོ་ཆེ་ཁོང་ ༢༠༡༠ ལོའི་ཟླ་ ༣ བར་དུ་ཡན་ལག་ཁང་དང་པོའི་ནང་དུ་བཅུག་བསྡད་པ་རེད་ལ། ཕར་ཡན་ལག་དང་པོར་ཁྲིད་སྐབས་ ༢༠༠༨ ལོའི་ཟླ་ ༡༡ ནང་ཡིན། དེར་བརྟེན་ཁོང་ལོ་གཅིག་དང་ཟླ་བཞི་ཡས་མས་རིང་ཡན་ལག་དང་པོའི་ནང་དུ་བཅུག་ཡོད། ད་ལྟ་ཁོང་ཕྱིར་ཡན་ལག་ཁང་གསུམ་པའི་ཁང་མིག་ ༡༡ ནང་བསླེབས་ཡོད་ཀྱང་། ཟླ་གསུམ་རིང་ཕྱི་ལ་འགྲོ་མི་ཆོག་པའི་བཙན་བཀའ་བཏང་སྟེ་བཅུག་ཡོད་ཐོག ཁོང་གི་ད་ལྟའི་སྐུའི་གནས་བབ་ཀྱང་ཧ་ཅང་ཛ་དྲག་དང་བདེ་ཐང་མི་འདུག་ཅེས་ཟེར། དེ་ལྟར་ཁོང་ལ་བོད་ནས་འགྲེལ་བརྗོད་གནང་མཁན་གྱིས་སྤང་རི་སྣ་རིན་པོ་ཆེ་དང་རྩོམ་པ་པོ་སྒྲོལ་མ་སྐྱབས་གཉིས་ཀྱི་ད་ལྟའི་གནས་སྟངས་ཛ་དྲག་དང་སྐུ་གཟུགས་བདེ་ཐང་མིན་པའི་སྐོར་འགྲེལ་བརྗོད་གནང་ཡོད་འདུག
སྤང་རི་སྣ་རིན་པོ་ཆེའི་སྐོར་ཤེས་ཆེད་བོད་ཀྱི་དུས་བབ་དྲ་རྒྱ་ལས་ཕབ་ལེན་བྱས་པ་ཡིན།