རིན་ཆེན།
ཀ་བ་བཞིན་དུ་མཇེ་རྒོད་ལངས་དང་གཅིག །
ཁ་ངོ་མཚར་བའི་འཆལ་མོ་མང་དང་གཉིས།།
ག་ས་ག་ལ་འགྲོ་སྡུག་འབེལ་དང་གསུམ།།
ང་འདྲའི་སྡོམ་པ་ཡུན་རིང་ག་ལ་གནས།།
ཅ་ལག་སྒོར་མོའི་འདོད་པ་བསྐང་བྱས་ན།།
ཆ་རྒྱུས་ཡོད་མེད་སུ་ཡིས་ཁྲིད་ཁྲིད་དང་།།
ཇ་དང་ཀོ་ཕི་ཙམ་གྱི་རིན་ཚད་ལ།།
ཉ་ཉོག་མཛེས་མ་ག་ཚོད་ཉོ་ཉོ་འདུག །
ཏ་ལའི་བླ་མའི་དྲུང་ནས་ན་ནིང་ཐོབ།།
ཐ་མག་ཆང་རག་བར་ནས་ད་ལོ་ཉམས།།
ད་ལྟ་ཕམ་པས་མ་གོས་ཙམ་འདི་ཡང་།།
ན་ནིང་ད་ལོ་མ་གཏོགས་ཆགས་རྒྱུ་དཀའ།།
པ་ལོ་བཅད་ཀྱང་དགེ་སྦྱོང་ཆོས་ལས་ཉམས།།
ཕ་མ་བླ་མའི་དགོངས་པ་དེ་ཡང་འགལ།།
བ་མོ་ཙམ་ཡང་ད་དུང་བག་མི་ཚ།།
མ་རབས་ངན་པའི་རྟགས་རྣམས་ཚང་ནས་གདའ།།
ཙ་རི་གནས་བསྐོར་ང་ཡིས་སྐོར་མི་ཐུབ།།
ཚ་གྲང་དཀའ་སྡུག་ང་ཡིས་བསྲན་ནུས་མིན།།
ཛ་ལང་བཞིན་དུ་བཟའ་བཏུང་གཉིད་ལ་དགའ།།
ཝ་བཞིན་གཡོ་སྒྱུར་ཤིན་ཏུ་གོམས་སོ་ཀྱེ།།
ཞ་རས་མི་མཐོང་གཟུགས་དང་འོན་པས་སྒྲ །
ཟ་འདྲེ་ངན་པས་མི་གོ་ཆོས་འདི་སྟེ།།
འ་ཅག་སྐལ་བ་ངན་པའི་མ་རབས་ལ།།
ཡ་རབས་དམ་པའི་ཆོས་ཀྱི་སྐལ་བ་ཆད།།
ར་གྲེང་སྟག་ལུང་ཕྱོགས་ནས་ཆོས་དང་མཇལ།།
ལ་ལུང་མང་པོ་བརྒལ་ནས་བྱོལ་དུ་འབྱོར།།
ཤ་ཆང་གཏམ་དང་བུད་མེད་འདོད་ནས་མིན།།
ས་མཐར་བསམ་རྒྱུ་ཆོས་དང་མཇལ་ན་བསམ།།
ཧ་ཅང་ངན་ལང་ཤོར་བའི་མི་ང་ལ།།
ཨ་མའི་བསླབ་བྱ་ཡང་ན་བླ་མའི་ཆོས།།
ཨ་ཁ་ཕན་པར་དཀའ་འོ་མི་ཚེ་འདི།།
ཧ་ལས་དོན་ལྡན་མིན་པ་གོ་དཀའ་མིན།།
ཤ་ཆང་བུད་མེད་མི་འདོད་རིན་ཆེན་ལགས། །
་
ཀ་བ་བཞིན་དུ་མཇེ་རྒོད་ལང་དུ་ཆུགས། །
ཁ་ངོ་མཚར་བའི་མཛེས་མ་ཡོད་དུ་ཆུགས། །
ག་ས་ག་ལ་འགྲོ་སྡུག་འབོལ་དགོས་འདུག །
ང་འདྲའི་སྡོམ་པ་མེད་ཀྱང་ཚུལ་ལྡན་དགོས། །
ཅང་མེད་ཕམ་པ་མི་དགོས་ཐབས་ལ་བརྩོནད། །
་
རིན་ཆེན་སེམས་ཤུགས་སྤར་ཕྱིར་འདི་བྲིས་སོ། །
ཅང་མེད་ཕམ་པ་མི་དགོས་ཐབས་ལ་བརྩོནད། །
འདི།
ཅང་མེད་ཕམ་པ་མི་གོས་ཐབས་ལ་བརྩོནད། །
ཡང་ན།
ཅང་མེད་ཕམ་པ་མི་གོས་ཐབས་ལ་འབད། །
ཀ་རྩོམ་འདི་ལ་འཆན་མེད་ག་རེ་རེད།།
ཁ་ཁ་ཀློག་ནས་བཞག་དོན་ག་རེ་རེད།།
ག་ས་ག་ལ་འཆན་རྒྱུར་དགའ་བ་ཚོས།།
ངའི་འདིར་མ་རྒྱབ་བརྗེད་དོན་ག་རེ་རེད།།
ཧ་ཧ་ཀུ་རེ་ཡིན་ད།།