རོང་པོ་བློ་བཟང་རིན་ཆེན།
ལོ་ངོ་འདི་དག་ལ་ངས་རྩོམ་ཡིག་དང་ཟིན་བྲིས་གང་མང་ཞིག་iPadཡི་ནང་ལ་བྲིས་པ་ལས་ཤོག་ཐོག་ཏུ་བྲིས་པ་ཧ་ཅང་ཉུང་། དེའི་རྐྱེན་གྱིས་ཟིན་བྲིས་དང་རྩོམ་ཡིག་རེ་འབྲི་བའི་སྤྲོ་སྣང་བྱུང་ཚེ། iPadལག་ཏུ་མེད་སྐབས་སྔར་གྱི་སྤྲོ་སྣང་དེའང་ཡལ་འགྲོ་བ་དེའོ།། ཉིན་འདི་དག་ལ་ངའི་iPad གྲོགས་པོ་ཞིག་གིས་གཡར་ཏེ་ཁྱེར་སོང་བས་རྩོམ་ཡིག་འབྲི་རྒྱུ་མ་བྱུང་། མ་གཞི་ཁ་པར་དུ་བྲིས་པས་ཆོད་མོད། འོན་ཀྱང་ངའི་ཁ་པར་ནི་vivoརྟགས་ཅན་ཞིག་ཡིན། དེ་ནི་ཀུ་ཤུ་ཁ་པར་དང་iPad ནང་བཞིན་བོད་ཡིག་འབྲི་སར་སྟབས་བདེ་པོ་མེད་པས་དེ་ཙམ་སྤྲོ་སྣང་མ་བྱུང་།
དེ་རིང་iPad རང་ལག་ཏུ་འབྱོར་བ་དང་བསྟུན་རྩོམ་ཐུང་ཞིག་འབྲི་བའི་ངལ་བ་བསྟེན་འདོད་བྱུང་སྟེ་<<ཡབ་ཀྱིས་བུ་མོར་སྤྲིངས་པའི་འཕྲིན་>>གྱི་<<ཨཱ་ཡྱ་མི་རིགས་རྒྱ་གར་ལ་སླེབས་པ་>>ཞེས་པའི་ཚན་པ་འདི་བཀླགས་ཏེ་རྩོམ་ཡིག་ཅིག་འབྲི་བའི་ལས་ལ་ཞུགས།
ཚན་པ་འདིར་ཨཱཡྱ་མི་རིགས་རྒྱ་གར་དུ་འབྱོར་ཚུལ་བསྙད་འདུག ཨཱཡྱ་མི་རིགས་འདི་ཉིད་མི་རིགས་གཞན་དང་ཁྱད་ཆོས་འབུར་ཐོན་ཞིག་མངའ་བས་འདིར་བསྙད་པ་ཨེ་ཡིན་སྙམ་བྱུང་། ཚན་པ་འདིར་“ཨཱཡྱ་མི་རིགས་ནི་འཐབ་འཛིངས་ལ་མཁས་པའི་མི་རིགས་ཤིག་ཡིན་པས་”ཟེར་བ་མ་འདྲ་གཏོགས་ཁོ་ཚོའི་ཁྱད་ཆོས་དམིགས་བསལ་དུ་བྲིས་མི་འདུག འོན་ཏེ་ཚན་པ་ཕྱི་མའི་ཁ་བྱང་(རྒྱ་གར་ནང་གི་ཨཱཡྱ་མི་རིགས་ཇི་ལྟ་བུ་ཞིག་རེད་)ལ་བལྟས་ན། དེར་ཁོང་ཚོའི་ཁྱད་ཆོས་འབུར་ཐོན་ཞིག་བརྗོད་ཡོད་པ་གདོན་མི་ཟའོ་སྙམ།
ཚན་པ་འདིར་རང་གི་བུ་མོར་དཔེ་ཀློག་གི་ལམ་སྟོན་དང་། ཉམས་ཞིབ་ཀྱི་རྒྱུ་ཆ་བསགས་ཚུལ་སོགས་ངོ་སྤྲོད་གནང་ཡོད་པ་ནི་བལྟས་པ་ཙམ་གྱིས་རྟོགས་ཐུབ་པ་ཞིག་རེད། ནེ་རུ་ཁོང་གིས་“ཨཱཡྱ་མི་རིགས་རྒྱ་གར་ལ་ཇི་ལྟར་སླེབས་སྐོར་ཉམས་ཞིབ་བྱེད་པ་འདི་ནི་ཆེས་སྤྲོ་བ་འཁོར་སའི་གནས་གཅིག་རེད། ཁྱོད་ཀྱིས་ལེགས་སྦྱར་དཔེ་ཆ་རྙིང་པ་དག་གི་ཁྲོད་ནས་ཨཱཡྱ་མི་རིགས་སྐོར་གྱི་མང་པོ་ཞིག་གསར་རྟོགས་ཐུབ་ངེས། རྒྱ་གར་གྱི་གནའ་བོའི་ཤེས་བྱའི་རིག་མཛོད་(vedas)་ལས་སྐབས་དེའི་གནས་ཚུལ་འཁོད་ཡོད་པའི་བསྟན་བཅོས་མང་པོ་ཡོད་ངེས། རིག་མཛོད་ལས་ཆེས་རྙིང་བའི་བསྟན་བཅོས་ནི་བསྟོད་པའི་བསྟན་བཅོས་(Rig Vada)ཟེར་བ་དེ་ཡིན་ལ། དེའི་ནང་ནས་ཁྱོད་ཀྱི་རྒྱ་གར་གྱི་ཆ་ཤས་ཤིག་ཨཱཡྱ་མི་རིགས་ཀྱིས་དབང་བསྒྱུར་བྱས་ཡོད་པའི་གོ་རྟོགས་འགའ་རྙེད་ཐུབ”ཅེས་བསྙད་ཡོད། ད་དུང་<<རྩིས་རྙིང་བསྟན་བཅོས་>>ལས་ཨཱཡྱ་མི་རིགས་ཇི་ལྟར་དར་ཁྱབ་སོང་བའི་གནས་ཚུལ་དང་། <<རཱ་མ་ཡ་ནཱ་>>དང་<<མ་ཧཱ་བྷ་རཱ་ཏཱ་>>སོགས་ལས་ཨཱཡྱ་མི་རིགས་དང་རྒྱ་གར་གྱི་ལོ་རྒྱུས་མང་པོ་ཞིག་རྟོགས་པའི་ལམ་སྟོན་གནང་ཡོད། ཁོང་གིས་ངག་འཇམ་པོའི་ངང་ནས་“གཅིག་བྱས་ན། ཁྱོད་ཀྱིས་དཔེ་རྙིང་དེ་དག་གི་སྐོར་ཆེན་པོ་ཞིག་མི་ཤེས་ཅིང་སྲིད། འོན་ཀྱང་ཁྱེད་རང་ནར་སོན་པའི་སྐབས་སུ། དེའི་སྐོར་ནས་མང་པོ་ཞིག་ཤེས་ཡོང་གི་རེད་”ཅེས་བསྙད་པ་དེས་ཅིང་། ཁོང་ནི་བྱིས་པའི་སེམས་ཁམས་དང་བསྟུན་པའི་སློབ་གསོ་སྨྲ་བ་ཞིག་ཡིན་པའི་ངེས་པ་མི་སྟེར་རམ།
2019/6/10 རང་ཤག་ཏུ་བྲིས།
མ་རབས་ཤིག་གིས་ཁྱེད་ཀྱི་ཨ་ཕེ་ཌི་ཁྱེར་བའི་གོ་སྐབས་དང་བསྟུན་ནས་ངས་ཀྱང་དཔེ་ཀློག་གི་སྐོར་ཞིག་འབྲི་བསམ་མོད། ལས་བྲེལ་གྱིས་མ་བ་ཐ། ཧ་ཧ་ཧ། ཁྱེད་ཀྱིས་ཀྱང་ཨཱར་ཡ་མི་རིགས་ཀྱི་སྐོར་ལ་ཞིབ་འཇུག་བྱེད་ན་རྒྱ་གར་གྱི་རྒྱལ་རབས་ལེགས་བཤད་ཟླ་འོད་གསར་པའི་ལེའུ་དང་པོ་ཀློག་དང་དེ་ནས་ཅུང་ཙམ་རྙེད།
དིང་སང་། རཱ་མ་ཡྰན་དང་མ་ཧཱ་བྷ་རཱ་ཏ་ཀྱི་ལོ་རྒྱུས་སམ། རྩོམ་རྒྲུང་འདི་ལ། ཇི་མ་ཇི་བཞིན་བྲིས་པ་ལྟར་ཡིད་ཆེས་བྱེད་མཁན་ཇི་ཙམ་ཡོད་དམ། ངས་ནི། ལྷ་སྒྱུང་འདི་གཉིས་གླིང་གེ་སར་གྱི་སྒརུང་དང་ཆ་འདྲ་བར་རྩི་བཞིན་ཡདོ་པས། གཅིག་བྱས་ན་ང་ནོར་བའང་སྲིད།
ང་རང་ཚོའི་ནང་ཆོས་ནང་གི་མདོ་མཛངས་བླུན་གྱི་ལས་འབྲས་རྣམ་གཞག་བསྟན་ཕྱིར་སྐྱེ་བ་སྔོན་མ་མང་པོའི་ལོ་རྒྱུས་སམ། རྣམ་ཐར་དེ་ཚོ་ལ་ཡང་དག་ཐེར་ཅུང་ཟད་བྱེད་ཐུབ་ཕན་ཐོགས་ཆེན་པོ་འོངས་པ་འདུག་ཀྱང་་་་་་་་་་
ཕོ་རྒོད་སྲིད་བློན་ནེ་རུའི།
རླབས་ཆེན་ཆབ་དཔལ་འཛིན་སྐྱོངས།
ལོ་རྒྱུས་མ་ནོར་ལམ་སྟོན།
ཡིག་ཐོག་དེབ་ཏུ་བཀོད་ནས།
འཛམ་གླིང་སྐད་ཡིག་འདྲ་མིན།
མི་རིགས་ཀུན་གྱི་ཀློག་བདེ།
དོན་གཉེར་ཆེ་བའི་མི་ལ།
མ་ནོར་ལམ་སྟོན་ནོར་བུ།
ཕོ་རྒོད་སྲིད་བློན་ནེ་རུ།
གནམ་ས་བར་ལ་གྲགས་བྱུང།