ཁྲོ་གཏུམ།
ཤོག་བུའི་ཐོག་ཏུ་ནོར་ནག་འདེད་ཞོར་རྩྭ་ཆུ་བཟང་ས་བཙལ
སྨྱུག་གུའི་ཁ་ནས་གང་འདོད་མ་བཤད་པའི་བསམ་གཞིགས་ལྷག་མ་དག
སྣག་ཚའི་མདོག་བསྒྱུར་བའི་བསམ་བློའི་རྨང་གཞིར་འཐིམས
ང་ཡོད་ས་དེར་ཁྱོད་ཀྱིས་གཏམ་བརྒྱུད་བཤད་དགོས་དོན་མེད་ཀྱང་
ཤོག་སྨྱུག་ཡོད་པ་དེའི་རྐྱེན་གྱིས་ཡི་ག་མེད་པའི་བསམ་ཚུལ་ནི་དྲ་ལམ་ལ་གཏོར
དྲ་ལམ་གྱི་མཐེབ་གཞོང་ལ་འཚང་བའི་ཡིག་ཉོག་དེ་རིགས་ཤིག
བློ་གྲོས་ཀྱི་གཙུབ་རུས་ལ་དུག་སྦྲང་བཞིན་འབྱར་འགྲོ་བ་ལས
ང་ཡོད་ས་དེའི་བར་སྟོང་གི་རླུང་བུ་གཡུགས་སྟངས་ཀྱིས་རྣ་བུག་གཏོར།