བོད ལྷ་ཀླུ་གཉན་གསུམ།
སྐྱིད་ལ་སྡུག་པའི་མི་ཡུལ་ཁམས་ཤིག་ན།།
སྐྱིད་སྣང་འདྲ་བོ་ཡོད་པའི་དུས་ཤིགས་ལ།།
སྙིང་གི་སྤུན་དང་སྐད་ཆ་བཤད་དུས་སུ།།
སེམས་ཀྱི་དུངས་པ་ལྷོད་ཀྱི་གྲོལ་བ་དགའ།།
སྐུད་པའི་སྣེ་མོ་གཞན་དུ་ཁོ་རང་ཡོད།།
སྣེ་གཅིག་ང་ཡིས་འཇུས་དེ་ཨ་རོགས་ཞེས།།
ཁྱེད་བདེ་ང་བདེ་འགོ་ཡི་བཟུང་མ་ཐག།
ཕན་ཚུན་བདེ་མོ་ཡིན་པའི་ལན་ཞིག་འབྱོར།།
མགྱོགས་ཤིང་མྱུར་བ་དེང་རབས་གློག་གི་སྐུད།།
དལ་ཞིང་ལྷོད་པ་སེམས་ཀྱི་སྙིང་གཏམ་དག།
ཕར་ལ་བཤད་ཀྱང་ཚུར་ལ་ཉན་དུས་སུ།།
ལོ་མང་མ་ཐུག་སྐྱོ་བ་དེ་ནས་སངས།།
འཚོ་བ་ངན་ངོན་ཞིག་ལ་རོལ་དུས་དེར།།
ཁང་སྐོག་ནག་པོ་ཞིག་དུ་འཛོམ་ས་དེར།།
སྣ་འདུས་གྲོགས་ཀྱི་རེ་སྨོན་གླེང་དུས་དེར།།
དངོས་ནས་རྨི་ལམ་འདི་འདྲ་གང་ན་ཡོད།།
དེ་རིང་ཁོ་རང་ནུབ་ཕྱོགས་ཨ་རིར་ཡོད།།
ང་རང་དཀྱིལ་དབུས་ཕྱི་གླིང་གྲོང་དུ་ཡོད།།
བར་ཐག་ལེ་བར་སྟོང་ཕྲག་ཡོད་ན་ཡང་།།
ལས་ཀྱི་ངོ་བོ་གཅིག་པ་མི་གཡོག་རེད།།
ཡོང་བབས་དངུལ་གྱི་འཛང་ཐང་མི་གཅིག་གི།
སྐད་ཀྱི་གདངས་དེ་ཀློག་ཐེངས་མི་འདྲ་གི།
ཡིན་ཡང་ངེད་གཉིས་སྐད་ཀྱི་གདངས་དེ་ནི།།
གང་དུ་བསྡད་ཀྱང་བོད་སྐད་རྣལ་མའི་ཚིག།
རྗེས་སུ་ག་ལེར་དྲ་ཚིགས་གང་ས་ནས།།
བོད་ཀྱི་ཡི་གེ་བྲིས་དེ་འབྲེལ་བ་བྱེད།།
གནད་དོན་གལ་ཆེན་འཕྲད་དུས་ཁ་པར་རྒྱགས།།
རེ་ཞིག་འདི་ནས་བདེ་མོ་བཞག་པ་ཡིན།།
བོད ལྷ་ཀླུ་གཉན་གསུམ་ལགས།
རྗེས་སུ་ག་ལེར་དྲ་ཚིགས་གང་ས་ནས།།
བོད་ཀྱི་ཡི་གེ་བྲིས་དེ་༼ཏེ༽འབྲེལ་བྱེད་ན།།
གནད་དོན་གལ་ཆེན་བོད་ཀྱི་ཡི་གེ་ཡི། །
ཕྲད་རྣམ་སྡེབ་སྦྱོར་་སོགས་ལ་ཐུགས་གཞིག་གནང་།།
བོད་སྐད་རྣལ་མ་བཤད་པར་ཡག་འདུག་སྟེ། །
བོད་ཡིག་རྣལ་མ་མ་འབྲི་སེམས་རེ་ཕམ། །
བོད་ཀྱི་མིང་ནས་འབོད་པའི་ལྷ་ཀླུ་གཉན། །
རྗེས་སུ་དྲ་ངོས་འདི་ནས་ཁ་བརྡ་བྱེད། །