རླུང་དམར།
མུན་པ་དང་མུན་པའི་བར་ཐག་ལ་ཚད་གཞི་འཇལ་བའི་ཉི་གདུགས་ཀྱི་སྒོ་ཆེན་པོ
རང་དབང་དང་བཙན་ཤེད་ཀྱི་ཤ་ལུས་ལ་བདེ་སྐྱིད་ཀྱི་འདྲ་མཉམ་བརྩིགས་པའི་ནམ་མཁའི་ཕོ་བྲང
འཇིག་རྟེན་དཀར་ངོགས་འདིར་ཞི་བདེའི་ངོ་གདོང་ལ་བསུས་པའི་ཡེ་ཤུའི་ལྷ་ཆེན་པོ
མཛད་དཔྱོད་ཀྱི་བྱམས་བརྩེ ཐུགས་མཛངས་ཀྱི་སྙིང་རྗེ བྱམས་སྐྱོང་གི་ཆོས་དཔོན
ཁྱེད་རང་སྐུ་གཤེགས་པར་གདུང་ཚོར་དྲག་པོས་མིག་ཆུ་ཆར་བཞིན་ལྷུང
ཁ་བ་ཉི་མས་བསྐམས བྲག་ནགས་སྤྲིན་རླུང་གིས་གཡོགས
ཞི་བདེའི་དབུ་འདྲེན་པ་སྐྱེས་བུ་ཁྱེད་འཁོར་བ་འདི་ནས་གཏན་གཤེགས་གནང་ཡོད་ནའང
ཁྱེད་ཀྱི་མཛད་རྗེས་ཀྱི་འོད་གཏེར་འཇིག་རྟེན་འདིའི་དབུ་ན་རྒུད་མེད་ཀྱི་ཉི་མ་ཤར་ཡོད
དེའང ཐུ་བྷོད་བཙན་བྱོལ་ལ་ཤ་ཉེ་ཉེ་བློ་ཉེ་ཉེའི་ཆོས་དཔོན་རིན་པོ་ཆེ
མིའི་རིགས་ལ་ཀུན་བརྩེའི་སློབ་གསོ་འཆད་པའི་མཁས་ཆེན་བླ་མེད་ཅིག
སྤྱན་རས་གཟིགས་ཀྱི་ཆོས་གྲོགས་སྐྱེས་བུ་དེ་ཁྱེད་ཡིན་ལ
འཛམ་གླིང་གི་མངའ་ཐང་ན་དད་གུས་མཐོ་བའི་རླབས་ཆེན་མི་སྣ་ཞིག་ཀྱང་ཁྱེད་རེད
༸གོང་ས་མཆོག་དང་ཌེ་སི་མོན་ཋུ་ཋུ་ཁྱེད་གཉིས་ཀྱི་མཉམ་འཛོམས་ཀྱི་མིག་དཔེ་དེས
གོ་ལ་འདིར་”བདེ་སྐྱིད་ཀྱི་བསྟན་བཅོས།”ཞེས་མིའི་རིགས་ལ་ལེགས་སྐྱེས་གསེར་རེ་སྦྱིན་བྱུང
ཁྱེེད་ཀྱིས་བསླབ་བྱ་དང་གཏམ་གླེང་གི་ཞལ་གསུང་གནང་ཐེངས་རེར
འཇིག་རྟེན་འདི་ལ་སྲོག་གི་བརྩེ་སེམས་ཆེ་བའི་རྒྱ་མཚོ་འཁྱིལ་ནས་ཡོང་ཐལ
སྡུག་ལ་འཐིམས་པའི་འགྲོ་བ་མིར་རེ་བ་དང་རྨི་ལམ་བསྩལ
ཁྱེད་དེ་རིང་འདི་ལྟར་ང་ཚོ་དང་གྱེས་གཤེགས་ཀྱི་མཛད་འགན་བཞེས་ཀྱང
སྐྱེ་འགྲོ་མང་པོའི་བྲང་སྙིང་ན་ན་ཟུག་རྫོགས་མེེད་ཅིག་མཆིས་ལ
གདུང་སེམས་ཀྱི་མཆོད་འབུལ་དང་སྐྱབས་སྨོན་གནམ་སར་མཆེད
སྐྱེས་བུ་ཋུ་ཋུ་མཆོག ཁྱེད་ཀྱི་སྐུ་ལྷའི་ཁམས་སུ་གཤེགས་པས
ང་ཚོས་ཁྱེད་ཀྱི་མཛད་འཕྲིན་ལ་གུས་ཕྱག་ཞུ
མྱ་ངན་ཞུ