ཨེ་མ་ཧོ།
ན་མོ་སཾ་ས་ར་ཡེ།
ཀ་ལ་དྲག་པོའི་ཉེ་སྤྱོད་རིགས།།
ཁ་མདོག་སྣ་ཚོགས་གློག་སྒྲོན་བཅས།།
ག་ས་གང་དུ་འཇིགས་སྐྲག་སྟོན།།
ང་ཡི་གྲོགས་རྣམས་འདུ་འཛིས་གཡེངས།།
ཅ་ཅོ་ཀི་སྒྲ་བཞད་སྒྲ་དང་།།
ཆ་ལུགས་ཤི་གསོན་འདྲེ་རུ་རྫུར།།
ཇ་སྟོན་བྱིས་པའི་ཟློས་གར་འདི།།
ཉ་ཉོག་དག་ལ་དགའ་བདེ་འཕེལ།།
ཏ་ལེན་བཟུང་ནས་ཁྱིམ་སྒོ་འགྲིམ།།
ཐ་ཐྲིག་ཟེར་ནས་ཞིམ་མངར་སློང་།།
ད་དུང་མཚར་སྒེག་ལང་ཚོ་ངོམས།།
ན་གཞོན་ཚང་མ་འུར་ཟིང་ཟིངས།།
པ་མེས་བརྒྱུད་པ་ཡིན་རབས་དང་།།
ཕ་རོལ་འདྲེ་རིགས་དུས་ཆེན་ལ།།
བ་ཐག་སྲོག་ཆགས་འདྲ་གཟུགས་དང་།།
མ་ར་ཟེར་ནས་འཇིགས་སྐྲག་སྤེལ།།
ཙ་རུ་ཉེ་དུས་འདྲེ་དང་མཚུངས།།
ཚ་འུར་བཟོ་པའི་ན་གཞོན་ཚོས།།
ཛ་དྲག་སྐྲག་སྟོན་ལས་ལ་བྲེལ།།
ཝ་ལེར་བསམ་ཚེ་གད་མོ་ཤོར།།
ཞྭ་མོ་ནག་པོ་རྩེ་རིང་གྱོན།།
ཟ་མ་ཞིམ་རིགས་དྲག་ཞལ་བཞིན།།
འ་ཅག་བོད་ཀྱི་འདྲེ་སྒྲུང་ཐ་ཐོར་དང་།།
ཡ་ཀི་སྲིད་པའི་གཏམ་རྒྱུདའདྲ།།
ར་བ་སྒོ་ཁྱིམ་སྲིན་གྲོང་བཞིན།།
ལྭ་བ་སྣ་ཚོགས་ཕྱག་མཚན་བཅས།།
ཤ་ཁྲག་རྔམ་པའི་གདོན་གཟུགས་ངོམས།།
ས་གནས་འདི་ཡི་དུས་ཆེན་ཚེས།།
ཧ་ཅང་འཇིགས་ཆས་དགོད་པའི་གཏམ།།
ཨ་མཚར་མི་རྣམས་འདྲེ་ལུགས་སྤྱོད།།
ཨི་ཀ་རྒྱག་པ་འཁོར་བའི་ཆོས།།
ཨུ་མའི་བདག་པོ་གཡུལ་ཆས་འདྲ།།
ཨེ་མ་ཡེ་ཤུའི་དུས་ཆེན་འདིས།།
ཨོ་ཚོད་ཆེན་པོར་དགྱེས་ཚུལ་ལ།།
བསམ་ཚེ་དགུ་ཆེན་ཞིག་དང་མཚུངས།།
བཀྲ་ཤིས་བདེ་ལེགས་ཕུན་ཚོགས་ཤོག།
ཅེས་པ་རབ་རྒྱན་ཤིང་རྟའི་སྨིན་དྲུག་ཟླ་བའི་གཟའ་ཚེས་དགེ་བར་Halloweenཡེ་ཤུ་ཆོས་པའི་སྐྲག་སྟོན་དུས་ཆེན་ནམ་ཕྱི་ལོ་༢༠༡༤ ཟླ་༡༠ ཚེས་༣༡ ཉིན་དབྱིན་ཇིའི་རྒྱལ་ཁབ་དང་ཝ་ཡེལ་ཡེ་ལུགས་པའི་ཚོགས་གྲལ་ཆེན་པོར་མཉམ་ཞུགས་ཀྱི་ཚོར་སྣང་དག་ཤྲྰིཿ་ཨེ་མ་ཧོས་བྷན་གྷོར་གཙུག་ལག་སློབ་གཉེར་ཁང་ནས་ཕུལ་བར་དགེའོ།། །།