རང་དབང་། 

རླུང་དམར།
 
བདེ་སྡུག་ཁོག་མིག་ཏུ་གཉོར་བའི་བྱིས་པ་དམར་རྗེན་ཞིག
ལམ་གྱི་དུ་ཆང་སྙིང་ནས་འབྲེག་གིན་པའི་རལ་གྲི་རྣོ་ངར་ཅིག

སྒེར་གྱི་རུས་པའི་རང་དབང་སྨིན་བྱེད་ཀྱི་ས་བོན་དམར་པོ་ཞིག
ལམ་གྱི་འཚོལ་སྡུད་ཀྱི་མཁྱེན་རབ
བྱ་གླག་ལ་རྩེད་ཆས་ལྟ་བུའི་གནམ་གྱི་མུ་ཏིག

དེའང འཇམ་མཉེན་གྱིས་བྲིས་པའི་རོ་བཙན་པོ་དེ
ཁྲག་དྭངས་བའི་གཞིས་ཀ་ཚ་བེར་གྲང་བེར་དེ་ཡིན
རང་དབང རྨི་ལམ་གྱི་འཁྲབ་སྟོན་དང་པོ

བདེ་སྙོམ་གྱི་ཡིད་ངག་ན་འཁྱོངས་བའི་ཉིང་ཏིག་གི་ལྕེ
བདེར་བགྲོད་ཀྱི་ཁྲིམས་དང་ལུགས་ཀྱི་གསེར་ལམ་སྣུམ་པོ
ཚོར་འགྲོས་ཀྱི་རླབས རང་དབང་གི་གདོང

མུན་པས་མ་ཆོད་པའི་འོད་ཞགས་ཀྱི་གྲུ་ཁ་ཀྱར་ཀྱོར
ང་ཚོ་རང་དབང་གིས་བདས་ཏེ་ཡོད་པའི་གཟུགས་བྱད་མཚར་པོ
འདི་ལའང གཏམ་ལྕེ་མིན་པའི་ཕྱི་ནང་གི་རང་དབང་ཡོད

༢༠༡༨-༠༥-༢༥ཉིན།