རང་དབང་གི་སྣང་བརྙན།

Comments (6) on “རང་དབང་གི་སྣང་བརྙན།”

1. དག་ཆའི་ཐད་ན་སྐྱོན་ཆ་ཁ་ཤས་འདུག་མ་གཏོགས། ཡག་པོ་ཞིག་བསྒྱུར་གནང་འདུག

   ཁང་བརྩེགས་ཡིན་ས་མེད། ཁང་རྩེག་ཡིན་པ་ཡོད།
   སྒྲིག་ཏེ་ཡིན་ས་མེད། སྒྲིག་སྟེ་ཡིན་པ་ཡོད།
   འོས་འཚམས་ཡིན་ས་མེད། འོས་འཚམ་ཡིན་པ་ཡོད།
   ལག་སྐྱེས་ཡིན་ས་མེད། ལེགས་སྐྱེས་ཡིན་པ་ཡོད།
   ཐང་དཀྱུས་ཡིན་ས་མེད། ཐང་དཀྱིལ་ཡིན་པ་ཡོད།

2. རང་དབང་གི་ལྷ་མོ་ལ་རང་དབང་གི་སྣང་བརྙན་ཙམ་གྱི་གོ་དོན་ལས་མེད་སོང་བ་རེད་དམ། རང་དབང་གི་གཟུགས་བརྙན། རང་དབང་གི་སྣང་བརྙན། རང་དབང་གི་འདྲ་གཟུགས། རང་དབང་གི་ཕྱི་གཟུགས་སོགས་ལ་རང་དབང་ལྟར་སྣང་བའི་གོ་དོན་ཡོད་པ་རེད། རང་དབང་གི་ལྷ་མོར་ཟུར་ཟའི་མིང་ཞིག་འདོགས་དགོས་ན་དེ་དེ་བཞིན་ནོ།
   ཁ་སང་དེ་རིང་ཞིག་ལ། ཁ་བརྡ་དྲ་ཁང་འདིར་ཞ་ཡས་ཀླད་མེད་མང་ནས་མང་དུ་ཡིན་པ་དེ་ཅི་མ་འགྲིགས་པ་རེད།

3. འདི་ནི་མི་ཤེས་འོལ་ཚོལ་བྱས་པ་རང་ཞིག་ཏུ་མཐོང་ངོ། རང་དབང་གི་ལྷ་མོ་ཞེས་པ་ནི་དོན་དང་བརྗོད་པ་གཉིས་ཀར་ཧ་ཅང་འཚམ་པས་སྒྱུར་ཡིན་ན་ངོས་ཐད་ཀྱི་གོ་བ་ལས་མེད་སྙམ་པ་ནི་བློ་མ་སྨིན་པའི་ཨུ་ཚུགས་ཙམ་ལས་མི་འདུག།་

4. ཀིརྟི་ལགས།
   Statue of Liberty ཞེས་པའི་ཚིག་འདིའི་ནང་ལྷ་མོ་ཞེས་པའི་ཚིག་ཟུར་ཞིག་གང་ན་ཐོན་འདུག

5. ༡༨༦༥ ལོའི་དགོང་མོ་ཞེས་དུས་ཀྱི་དགོངས་ལ་ས་ཡང་འཇུག་མེད་པར་བཟོས་པ་ནི། སྔར་དུས་ཀྱི་དཀའ་བསྟན་གསུང་འབུམ་དག་་ལ་སློབ་སྦྱོང་དབེན་པ་དག་གིས་རང་གི་ཁ་ནས་ཡང་འཇུག་མ་འདོན་པའི་དབང་གིས་དགོངས་ཞེས་པ་ལ་དགོང་ཞེས་མ་དག་རྒྱུན་འབྱམས་སུ་སོང་བ་ཡིན་འདུག སྐུ་གཤེགས་ཨ་རི་པ་འཇམ་དབྱང་རྣམ་རྒྱལ་གྱིས་བདག་ལ། ས་མཐའི་རྣམ་གྲངས་མདོ་མཚོན་བཞུགས། ཞེས་པ་རྙིང་བཙུན་རིག་བྱེད་སྨྲ་བ་བློ་གྲོས་རབ་གསལ་པད་མ་བཞད་པས་བྲིས་པ་དེ་་སྩལ་བྱུང་། འདི་ཉིད་མཁས་དང་གྲུབ་པའི་དབང་ཕྱུག་འཇུ་མི་ཕམ་ཡིན་ཟེར་བ་ཐོས། སུ་ཞིག་ཡིན་རུང་ཁྱད་པར་མེད། ༏འོན་ཀྱང་གཞུང་འདི་ན། དགོང་ཀའི་དུས་དང་ཐུགས་ཀྱི་དགོངས། ཞེས་དང་། དེང་དུས་ཀྱི་ཚིག་མཛོད་དག་ཏུ་་ཡང་དགོང་ཞེས་ཡོད་པ་ཚད་མར་བཟུང་སྟེ། དུས་ཀྱི་དགོངས་ལ་དགོང་ཞེས་འབྲི་བ་ནི། བཀའ་བསྟན་གསུང་འབུམ་མང་པོ་དང་འགལ་བར་མ་ཟད། བོད་ཡུལ་དུ་ཚད་ལྡན་དུ་གྲགས་པའི་དག་ཡིག་ཟ་མ་ཏོག་དང་ངག་སྒྲོན་སོགས་དང་འགལ་བ་མཐོང་བཞིན་དུ་མ་བརྟགས་པར་དགོང་ཞེས་འབྲི་བ་ནི་འོས་སམ་མི་འོས་ཞེས་ཁྱེད་བློ་གསར་གཞོན་ནུ་མ་འོངས་བོད་ཀྱི་གཞུང་ལུགས་འཛིན་པ་པོ་རྣམས་ཀྱིས་ཐག་གཅད་དགོས་སོ།།

6. བཀའ་ལ་ཞེས་ཡིག་ནོར་འདུག བྱུང་བའི་རྒྱུ་མཚན་ནི། བདག་ལ་སྤར་ཚུལ་མཛུབ་མོ་གནོན་སྟངས་གཞན་ཞིག་ཡོད་པར་D་གནོན་ན་བ་ཡིག་འཐོན་པ་ལ་མཉམ་པར་མ་བཞག་པའི་དབང་གིས་སོ།