གཞུང་པ་ཚེ་དབང་བསོད་ནམས།
བོད་ནི་སྤྱི་ལོའི་སྔོན་གྱི་ལོ་ ༡༢༧ ནས་སྤྱི་ལོ་ ༡༩༥༩ བར་ཤར་གླིང་ཨེ་ཤ་ཡའི་ནང་རྒྱ་དཀར་ནག་གཉིས་ཀྱི་བར་དུ་གནས་པའི་རང་བཙན་གྱི་རྒྱལ་ཁབ་ཞིག་ཡིན་པ་དང་། དུས་རབས་བདུན་པའི་ནང་བོད་ཀྱི་སྟོབས་ཤུགས་ནི་འཛམ་གླིང་གསུམ་ཆ་གཉིས་ལ་དབང་བསྒྱུར་བའི་ལོ་རྒྱུས་ཕྱི་ནང་གི་ཡིག་ཆ་མང་པོའི་ནང་གསལ་ཡོད་པ་དང་། སྤྱི་ལོ་ ༡༩༤༩ ཙམ་ནས་བོད་ཤར་ཕྱོགས་མདོ་ཁམས་གཉིས་ཀྱི་ས་ཐོག་ཏུ་རྒྱ་མིའི་དྲག་པོའི་བཙན་འཛུལ་གྱིས་མཐར་བོད་ཡུལ་ཡོངས་རྫོགས་རྒྱ་མིའི་བཙན་འོག་ཏུ་ཚུད་ནས་༧ གོང་ས་མཆོག་གི་དབུ་ཁྲིད་འོག་བཀའ་ཤག་ལྷན་རྒྱས་དང་ཞི་བའི་ཞིང་འབྲོག་མི་མང་ཁྲི་ཚོ་བརྒྱད་ལྷག་ཙམ་བཅས་རྒྱ་གར་འཕགས་པའི་ཡུལ་དུ་བཙན་བྱོལ་དུ་འཁོད་མ་ཐག་སྐབས་དེའི་ཕྱི་འབྲེལ་བཀའ་བློན་རྩིས་དཔོན་ཞ་སྒབ་པ་དབང་ཕྱུགས་བདེ་ལྡན་མཆོག་དང་ཕྱག་རོགས་སུ་སྐུ་ངོ་རྒྱལ་ལོ་དོན་གྲུབ་དང་སྐུ་ངོ་ས་འདུ་རིན་ཆེན་བཅས་ནས་བོད་དོན་དེ་འཛམ་གླིང་མཉམ་འབྲེལ་རྒྱལ་ཚོགས་ལ་ཞུས་ནས་མཉམ་འབྲེལ་རྒྱལ་ཚོགས་ནས་སྤྱི་ལོ་ ༡༩༥༩/༡༩༦༡/༡༩༦༥ བཅས་སོ་སོར་བོད་དོན་དང་འབྲེལ་བའི་ཐོག་གྲོས་ཆོད་རིམ་པ་བཞག་པ་དང་། ང་ཚོ་མི་མང་གི་ངོས་ནས་སྒོ་སྐབས་ནམ་ཐོབ་དང་དུས་ཚོད་ནམ་རག་ལ་འདས་པའི་མི་ལོ་དྲུག་བཅུ་ལྷག་ཙམ་རིང་རྒྱ་མིར་ངོ་རྒོལ་རྣམ་འགྱུར་སྟོན་བཞིན་པ་འདི་དག་བོད་རང་བཙན་གྱི་འབོད་སྒྲ་ཡིན་པ་དང་། ལོ་རབས་བདུན་བཅུའི་འཇུག་ཙམ་ནས་བོད་གཞིས་བྱེས་བར་ཕར་འགྲོ་ཚུར་ཡོང་གི་ལམ་ཁ་གསར་གཏོད་གནང་ནས་བོད་ནས་བོད་མི་མང་པོ་༧ གོང་ས་མཆོག་གི་ཞལ་མཇལ་གསུང་ཐོས་བཀའ་ཆོས་ཞུ་རྒྱུ་དང་། གནས་མཇལ། ཕྲུ་གུ་སློབ་འཇུག་དང་གཉེན་སྤུན་ཐུག་འཕྲད་སོགས་ལ་ལོ་ལྟར་རྒྱ་གར་དུ་འབྱོར་བཞིན་པ་དང་། རྒྱ་བལ་འབྲུག་གསུམ་ནང་ཡོད་པའི་བོད་མི་ཚོ་བོད་ནང་གཉེན་སྤུན་ཐུག་འཕྲད་དང་། གནས་བསྐོར་སོགས་ལ་ཕར་འགྲོ་ཚུར་ཡོང་བྱ་རྒྱུའི་སྒོ་སྐབས་བཟང་པོ་ཐོབ་པ་ནས་བོད་ནང་གི་དངོས་ཡོད་གནས་སྟངས་ཤེས་རྟོགས་ཆེད་གཟིགས་བསྐོར་སྐུ་ཚབ་ཚོགས་ཆུང་བོད་ནང་སྔ་རྗེས་ཕེབས་པའི་བརྒྱུད་རིམ་ནས་བོད་རྒྱ་གཉིས་བར་འབྲེལ་ལམ་གསར་གཏོད་གནང་རྒྱུའི་ཐབས་ལམ་དབུ་མའི་ལམ་གྱིས་དགོས་འདུན་འོག་ནས་བོད་རྒྱ་ཞི་འགྲིག་གི་སྐུ་ཚབ་ཚོགས་ཆུང་རྒྱ་ནག་ལ་ཐེངས་དགུ་ཕེབས་པའི་རྒྱུད་རིམ་ནས་བཟང་ཕྱོགས་ཀྱིས་ནུས་པ་མ་འཐོན་པ་ནས་སྤྱི་ལོ་༢༠༠༩ནས་བོད་རྒྱའི་འབྲེལ་ལམ་ཆད་ནས་མི་ལོ་བཅོ་ལྔ་ཙམ་འགྲོ་གི་ཡོད་ན་ཡང་ང་ཚོའི་ངོས་ནས་དབུ་མའི་ལམ་ལ་ཡིད་ཆེས་དང་བློ་གཏད་གྱིས་གཞིས་བཞུགས་བོད་མིའི་ཛ་དྲགས་ཀྱི་དཀའ་ངལ་དབུ་ལམ་བརྒྱུད་ནས་སེལ་ཐུབ་པའི་གདེང་སྤོབས་ལ་འགན་འཁུར་ནས་དུས་ད་ལྟ་ཡང་འགྲོ་བཞིན་པ་དང་། རང་བཙན་ནི་སྐྱེས་མ་ཉིད་ནས་ལྷན་སྐྱེས་སུ་ཡོད་པའི་འགྲོ་བ་མི་གིས་གཞི་རིམ་གྱིས་ཐོབ་ཐང་བླ་ན་མེད་པ་དེ་ཡིན་པ་དང་། ང་ཚོའི་རང་བཙན་དེ་རྒྱ་མིའི་ལག་ནས་ལེན་དགོས་པ་ལས་དབུས་བོད་མིའི་སྒྲིག་འཛུགས་ལ་ཁ་གཏད་ནས་རང་བཙན་གྱིས་གཏམ་བཤད་དང་རང་བཙན་གྱི་འབོད་སྒྲ་དང་རང་བཙན་གྱིས་གྲོས་ཆོད་སོགས་བཞག་མཁན་ཡོད་ན་རང་བཙན་གྱི་གོ་དོན་མ་རྟོགས་པའི་བསམ་མེད་བྱི་པ་ཞིག་ལ་ངོས་འཛིན་བྱེད་ཆོག་པ་དང་། ང་ཚོའི་བཅའ་ཁྲིམས་དོན་ཚན་བཅོ་ལྔ་ནང་གསལ་བའི་བོད་དོན་བདེན་མཐའ་སེལ་ཐབས་ཟེར་བའི་ཐ་སྙད་དེ་འཁོད་ཡོད་པ་ནས་སྤྱི་འཐུས་གྲོས་ཚོགས་ནས་སྤྱི་ལོ་ ༡༩༩༧ སྤྱི་ཟླ་ ༩ པའི་ཚེས་ ༡༨ ཉིན་སྤྱི་མོས་གྲོས་ཆོད་བཞག་ནས་བོད་རྒྱའི་དཀའ་སྙོགས་དེ་གཉིས་སྨན་དབུ་མའི་ལམ་བརྒྱུད་ནས་སེལ་རྒྱུ་དེ་ཡང་བོད་དོན་བདེན་མཐའ་སེལ་ཐབས་ཟེར་བའི་ཐ་སྙད་དེ་ལ་འགན་འཁུར་བར་ངོས་འཛིན་བྱེད་ཆོག་པ་དང་།
རང་བཙན་གྱིས་ལྟ་བ་ཁྱེར་ནས་རང་བཙན་རྩོད་མཁན་ཚོ་ཡང་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་རང་བཙན་བརྩོད་དགོས་པ་དང་། དབུ་ལམ་ལ་འགན་འཁུར་ནས་བོད་རྒྱའི་དཀའ་སྙོགས་སེལ་མཁན་ཚོ་ཡང་བཅའ་ཁྲིམས་དོན་ཚན་བཅུ་གསུམ་ནང་གསལ་བའི་བོད་ཀྱི་ཡུལ་མིའི་ལས་འགན་སྒྲུབ་ནས་དབུ་ལམ་ལ་འགན་འཁུར་དགོས་པ་དང་། མདོར་བསྡུས་ནས་བཤད་ན་རང་བཙན་ནི་སྐྱེས་མ་ཉིད་ནས་ལྷན་སྐྱེས་སུ་ཡོད་པའི་གཞི་རིམ་འགྲོ་བ་མིའི་ཐོབ་ཐང་བླ་ན་མེད་པ་དེ་ཡིན་པ་དང་། དབུ་ལམ་ནི་བོད་ནང་ཡོད་པའི་བོད་མི་ཚོར་འཕྲད་བཞིན་པའི་ཛ་དྲག་གི་དཀའ་ངལ་སེལ་རྒྱུའི་ཐབས་ལམ་མེད་དུ་མི་རུང་བ་ཞིག་ཡིན་པ་ནས་རང་བཙན་དང་དབུ་ལམ་བར་ནམ་ཡང་འགལ་ཟླ་འགྲོ་མི་ཉན་པའི་ཁ་བརྡ་སློབ་གསོ་བྱ་འདོད་བྱུང་།