ཁ་བའི་འབྲོག་མོ།
དྲན་གདུང་གི་མིག་ཆུ་དྲོན་མོ།།
འཁྲེང་སེམས་ཀྱི་གངས་ཆབ་བསིལ་མ།།
ལྷད་མེད་ངང་གཅིག་ཏུ་འདྲེས་པའི།།
གཙང་ཆབ་དེ་དགའ་བས་རོལ་ཚེ།།
ཆུ་འཛིན་གྱི་འདབ་ཡངས་འཇམ་པོ།།
དགའ་སྤྲོ་ཡི་སེམས་ལ་སིམ་སོང་།།
བྱམས་སྐྱོང་གི་ཁ་ཏ་སྙན་མོ།།
མཛའ་སེམས་ཀྱི་དུངས་པ་ཟབ་མོ།།
དབྱེར་མེད་དུ་ཕྱོགས་སུ་བསྡེབས་པའི།།
དབྱངས་འགྲོས་དེ་ཚིམས་པར་རོལ་ཚེ།།
རྣམ་དག་གི་བདུད་རྩིའི་ཟེགས་མ།།
ཟིམ་ཟིམ་དུ་སེམས་ལ་བབས་སོང་།།
བདེ་སྐྱིད་ཀྱི་ཟུར་མིག་དྭངས་མོ།།
མཛའ་མཐུན་གྱི་ཕྱག་ཟུང་དྲོན་མོ།།
ལྷན་གཅིག་ཏུ་འཛོམས་པའི་ཁྱིམ་གཞིས།།
འགྱུར་མེད་ཀྱི་གཏམ་ལ་བླགས་ཚེ།།
ཡི་རངས་ཀྱི་སྙིམ་པ་དམ་པོ།།
ལྷོད་མེད་དུ་སྙིང་ཁར་སྦྱར་ཡོད།།
2014/ 1/2
ཁ་བའི་འབྲོག་མོ་ཡི་ཐོབ་སྒུག་གང་ཡིན་མ་ཤེས།།
ཁ་བའི་འབྲོག་མོ་ལ་བརྩེ་དུངས་ཆེ་ཙམ་ཡོད་འདྲ།།
ཁ་བའི་འབྲོག་མོ་ཁྱེད་འབྲོག་མོ་དངོས་ཤིག་ཡིན་ཚེ།།
ཁ་བའི་འབྲོག་མོ་ཚོའི་ལྷད་མེད་གཤིས་ལ་ང་དགའ།།
སྐྱ་སོབ་སོབ་ཀྱི་གང་འདབ་ཁྲོད་དུ། ནག་རོབ་རོབ་ཀྱི་ནོར་ནག་འཚོ་བའི་འབྲོག་མོ། དྲན་གདུང་གི་འཚོ་བ་ཕྲ་མོ། གངས་ཁྲོད་ན་གསལ་ལ་མ་གསལ་བའི་རྐང་རྗེས་མངོན།
བུ་མོ་མཛེས་མ་ཞིག་གི་ལག་འོག་ན།།
སྟག་ཤར་གཞོན་པ་ཞིག་གི་རང་ཚུཊ་ཤོར།།
བུ་མོ་མཛེས་མ་ཞིག་གི་ཁ་ནང་ནས།།
བུ་ཆུང་དར་མ་ཞིག་གི་ཡོད་ཚད་ཤོར།།
དཔོན་ངན་རིགས་འགས་ལག་ནས་མི་བཟང་འཆི། །སྐྱེ་དམན་གཡོ་ཅན་འོག་ནས་ཕོ་རྒོད་ཁུམས། །འཇིག་རྟེན་འདི་ལ་ལྟ་ཕྱོགས་གཉིས་བཟུང་ཡང་། །དོན་དངོས་གཡོ་གར་འཁྲབ་སའི་སྟེགས་བུ་མངོན། །
སྙན་ངག་ཡག་གི བཀླགས་ཟིན་པའི་བརྡ་ཙམ་ཡིན།
རྩོམ་ལེགས་པོ་བྲིས་འདུག་ལགས