རྔ་བ་ཀུན་བཟང་སྒྲོལ་མ།
སྐད་དང་ཡི་གེ་བོད་མིའི་སྲོག་རྩ་ཡིན།།
སྲོག་ལས་འགན་འཁྲི་ཕུ་ནུ་མིང་སྲིང་ཡིན།།
བྱམས་དང་སྙིང་རྫེ་སྤུན་ཟླའི་སེམས་པ་ཡིན།།
སྤུན་ཟླའི་ངོ་བོ་བཟང་བ་གཟི་བརྗིད་ཡིན།།
ཆོས་དང་རིག་གནས་བོད་མིའི་རྒྱན་ཆ་ཡིན།།
རྒྱན་ཆ་ལེགས་པ་བོད་མིའི་བསོད་ནམས་ཡིན།།
མར་དང་རྩམ་པ་ཁ་བའི་ཞིམ་ཟས་ཡིན།།
རྩམ་ཟ་བོད་མི་ཀུན་གྱི་མཆོད་ས་ཡིན།།
འབྲུ་དང་ཇོ་མ་ཁ་བའི་རྟགས་མཚོན་ཡིན།།
ནོར་ལུག་འཕེལ་ཁ་རྒྱས་བ་ངོ་སོ་བསྟོད།།
ཁྲིམས་དང་ངོ་ཚ་འགྲོ་བའི་གཞི་རྩ་ཡིན།།
ཁྲིམས་ལུགས་འགན་འཁྲི་མེད་ན་ངོ་རེ་ཚ།།
དཔའ་དང་སྟོབས་ཤུགས་འགྲོ་བའི་རྟགས་རྩལ་ཡིན།།
དཔའ་སྟོབས་ལ་རྒྱ་གླེང་ན་ངོ་མཚར་ཆེ།།
འདོད་དང་གཏི་མུག་མི་ཡི་དྲི་ངན་ཡིན།།
དྲི་མ་འདོར་ན་འགྲོ་བའི་རྒྱནཏུ་འགྱུར།།
སེམས་དང་བསམ་པ་མི་ཡི་གཤིས་རྒྱུད་ཡིན།།
གཤིས་འཇམ་ཁོག་ཡངས་མི་ཡི་མཛེས་སྡུག་ཡིན།།
ཐབས་དང་ཤེས་རབ་འགྲོ་བའི་སྒྲོན་མེ་ཡིན།།
སྐད་ཅིག་འབར་ན་འགྲོ་བའི་མུན་པ་བསལ།།
མི་རབས་གསར་བའི་ཤེས་རིག་བཀོལ་བའི་དུས།།
རིག་སྟོབས་ཐབས་བཟང་འཕྲུལ་གྱི་ལྡེ་མིག་དགོས།།
མ་བཟོད་སེམས་གྱི་རེ་འབོད་རྐང་གཅིག་པོ།།
མི་ཡུལ་ས་མཐའི་ཕྱོགས་ནས་གྲོགས་ཚོར་སྦྲིངས།།
༢༠༡༣ ༡ ༡༤
རྔ་བའི་ཀུན་བཟང་བུ་མོ་ཀུན་མཐུན་ཡིན།།
བཟང་ས་རྒྱན་ས་ཚང་མས་རྒྱན་དུ་གྱུར།།
རྔ་བའི་བུ་མོ་སྒྲོལ་མས་ཚ་མོ་ཡིན།།
སྒྲོལ་མ་དཀར་ཉེར་གཅིག་ཁོ་མོ་ཁ་དོན་ཡིན།།
ཀ་ཁའི་སྙན་ངག་ཀུན་བཟང་བུ་མོའི་འབྲི།།
གངས་ཅན་བོད་པ་ཀུན་བཟང་བུ་མོ་དགའ།།
སྒྲོལ་མ་དཀར་མོ་དབྱང་ཅན་ལྷ་མོ་གཉིས།།
རྔ་བ་བུ་མོ་འདི་ལ་བྱིན་རླབས་སྩོལ།།
རྔ་བའི་བུ་མོ་མཛེས་མ་མིན་ན་ཡང་། །
བྲིས་པའི་སྙན་ངག་མཛེས་མ་བརྒྱ་ཕྲག་གི། །
ལུས་ཀྱི་མཚར་སྡུག་མ་ལུས་བསྡུས་འདྲ་བས། །
འདྲེ་ངའི་སེམས་པ་འཕྲོག་པ་ཉུང་ཉུང་མིན། །