བསྟན་འཇམ་ནས །
{ཁྱེད་ཚོའི་རེ་སྐུལ་དང་ལེན་བྱ་ཐབས་མ་བྱུང་ཡང་། བོད་མི་རྣམས་ཀྱི་ཡིད་ཆེས་བློ་འགེལ་ཡོད་པ་དེ་སྲིད་དུ་བོད་ཀྱི་ཡུལ་མི་ཞིག་ཡིན་པས་རང་འགན་ངེས་པར་བསྒྲུབ་རྒྱུ་ཡིན་ལ། རིམ་བཞིན་གནད་དོན་འདིའི་དགག་དགོས་པའི་རྒྱུ་མཚན་རྣམས་གོ་རྟོགས་ཀྱིས་ངོས་ཀྱི་ཐག་གཅོད་ལ་མོས་མཐུན་དང་ལེན་བྱེད་པའི་ཡིད་ཆེས་ཡོད} ། ཅེས་གོང་ས་མཆོག་གིས་་་་་་་་་་་་་་་དཔྱད་གྲུབ་དང་རང་བློ་བབ་པའི་སྐུ་དབང་ལ་མནོ་བསམ་རེ་བཏང་མཐར །
བརྒྱུད་ལམ་གཅིག་གི་ཐོག་ནས་ཞུས་ན། གཞན་ལ་སྐུལ་ལྕག་ཅིག་གིས་བོད་མིའི་ཆབ་དཔལ་རིགས་གསུམ་ལ་ཕན་ནུས་བཀླགས་མི་ཚར་བ་ཞིག་བྱུང་ཡོད་པ་དོན་དངོས་རེད ། ༧གོང་ས་མཆོག་སྐུ་སྒེར་གྱི་ངོས་ནས་མི་མང་ལ་བླང་དོར་བཀའ་སློབ་བརྩལ་པའི་ཤུགས་རྐྱེན་གྱིས་བོད་མི་ཡོད་དོ་ཅོག་གི་ཁ་ཕྱོགས་གཅིག་དང་། དམིགས་ཡུལ་གཅིག མདུན་སྐྱོད་གཅིག མདོར་ན་རྩ་དོན་གཅིག་ཏུ་འཁུམ་སྟེ ། རེ་བ་འགྱེལ་སར་ནས་ཡར་ལངས་ཏེ་འབྲས་བུ་གཡུར་དུ་ཟ་བ་ཞིག་བླངས་པ་འཛམ་གླིང་སྐྱེ་འགྲོ་ཀུན་ཡིན་སྨོན་དང་བཅས་ཏེ་མིག་སྔར་དུ་བཤམས་ཡོད ། ཁོང་གི་རླབ་ཆེ་བའི་མཛད་འཕྲིན་མཁའ་རུ་འཕགས་པའི་ཐུ་འོག་ནས་རང་རེའི་རྩ་དོན་ལ་རེ་བ་དོན་འབྲས་སུ་སྨིན་པའི་ཁར ། འུ་ཅག་གཞིས་བྱེས་གཉིས་ཀྱི་ཅིང་བསམ་ཤེས་གོ་རྟོགས་ཀྱི་མུན་པ་རིམ་པར་ཟད་དེ་བཅའ་ཁྲིམས་བསྒྱུར་བཅོས་བྱས་ནས ་༧གོང་ས་མཆོག་གིས་རེ་སྐུལ་དང་དུ་ལེན་བྱ་རྒྱུ་ཁ་ཚ་དགོས་གཏུགས་ཀྱི་གཙོ་གནད་ཅིག་རེད ། །
“བོད་མི་རྣམས་ཀྱི་ཡིད་ཆེས་བློ་འགེལ་ཡོད་པ་དེ་སྲིད་དུ་བོད་ཀྱི་ཡུལ་མི་ཞིག་ཡིན་པས་རང་འགན་ངེས་པར་བསྒྲུབ་རྒྱུ་ཡིན་ལ། རིམ་བཞིན་གནད་དོན་འདིའི་དགག་དགོས་པའི་རྒྱུ་མཚན་རྣམས་གོ་རྟོགས་ཀྱིས་ངོས་ཀྱི་ཐག་གཅོད་ལ་མོས་མཐུན་དང་ལེན་བྱེད་པའི་ཡིད་ཆེས་ཡོད” ། ཅེས་གསུངས་བྱུང་བ་འདི་གཞིགས་ན ། མང་གཙོའི་ལྟ་གྲུབ་ཅུང་ལམ་དུ་འགྲོ་ཡོད་ཀྱང་ད་ལྟའི་ཆར་བོད་མི་ཡོད་དོ་ཞེ་བློ་གཅིག་ལ་ཁེན་ཆོག་པའི་མི་ཞིག་བཙལ་ནས་རེག་མེད་པ་ཤུགས་སུ་བསྟན་ཡོད་ཁར ། བཀའ་ཤག་དང་སྤྱི་འཐུས་ལས་དོན་ཐད་ཐེ་ཇུས་ཅི་མི་བྱེད་པར་ཆོས་དཔོན་ཁོ་ན་རང་ཡིན་པས་སྲོལ་གྱི་མི་བཞུགས་པ་ཚང་མའི་སེམས་ཀྱི་ངེས་ཤེས་ཟབ་མོ་རྙིད་དགོས །
༧་གོང་ས་མཆོག་སྐྱབས་བཅོལ་དུ་ཕེབས་དགོས་དོན་གཙོ་ཡང་མི་རིགས་འདིའི་རྩ་དོན་རང་ལ་འབྲེལ་ཡོད་སྟབས ། ཆོས་སྲིད་གང་གི་ཐད་ལའང་ཕྱག་ལས་གནང་བ་རྩ་དོན་འདི་དང་འབྲེལ་བ་མེད་པར་གཡོ་ཐབས་ནམ་ཡང་ཡོད་པ་མ་མཆིས་པས ། སྲིད་བློན་མཚན་གནས་བརྗེ་སྤོར་གྱི་ཐུགས་འདུན་ཚང་མས་བློ་དོག་མེད་པར་ཀུ་ཡངས་ཀྱིས་བསམ་ཤེས་བྱ་དགོས །
བཀའ་འོས་བཀྲས་མཐོང་གི་གསུངས་དོན་ལྟར ། བདུན་ཕྲག་རེ་བཀའ་བློན་རྣམས་ཀྱི་ལས་དོན་ཚོགས་འདུན་འཚོགས་དགོས་པ་དང་། ་མ་འོངས་ལས་འཆར་དང་གྲུབ་ཟིན་པའི་ལས་ཀའི་མིང་ཤོག་གཤམ་མཚན་རྟགས་འགོད་རྒྱུའི་ཐད་༧་གོང་ས་མཆོག་གི་དགོངས་བཞེད་ལྟར་ང་ཚོས་བསྒྱུར་བཅོས་བཏང་སྟེ་བསྒྲུབ་དགོས་པ་རེད་ཅེས་བཤད་པ་བཞིན ། སྤྱི་འཐུས་གྲོས་ཚོགས་གཅིག་བུས་འགན་ཐེག་མི་ཐེག་ལ་མ་གཟིགས་པར་མ་འོངས་སྐབས་བཅུ་བཞི་བའི་སྤྱི་འཐུས་གྲོས་ཚོགས་སར་དགོངས་ཞུ་བཀའ་ཡིག་གི་འབྲུ་དོན་ལྟར་ཐག་གཅོད་བྱ་རྒྱུ་རེ་བ་བཟུང་ཡོད །
ང་རང་གི་ལྟ་ཚུལ་ལ་ཡེ་ཤེས་དབྱིངས་དཔྱད་ཡིན་ལབ་སྟེ་ལས་དོན་ཆེ་ཕྲ་ཆུང་ཙག་ཚང་མ་༧་གོང་ས་མཆོག་ཁག་དཀྲི་ན་ལུས་ཀྱི་ཐེག་ཡང་སེམས་ཀྱི་ནམ་ཡང་ཐེག་ཏུ་དཀའ་མོ་ཞིག་པས་ཁར ། ཡིད་ཆེས་བློ་གཏད་དེ་ཙམ་ཡོད་ན{རེ་བ་བཟང་ས་ནས་་རྒྱོབ } {གྲ་སྒྲིག་སྡུག་ས་ནས་བྱོས་}ཞེས་ཆབ་དཔལ་རིགས་གསུམ་ཐད་བཀའ་སློབ་ཡང་ནས་བསྐྱར་དུ་གནང་བ་ལྟར་མདུན་སྐྱོད་བྱོས་དང་། བཀའ་སློབ་ཀྱི་སྙིང་དོན་ལྟར་བསྒྲུབ་དགོས་ཞེས་ཚོགས་འདུ་རེ་སྐོང་ཀྱང་ཁ་ཤོམ་རེ་འཐེན་ནས་ཚོགས་འདུ་རྒྱལ་ཁས་ངང་མཇུག་སྒྲིལ་ཡིན་ཞེས་ཉི་མ་ག་ཚོད་ཅིག་སོང་ཚར་བ་རེད། དུས་ཚོད་ག་ཚོད་ཅིག་བསྐྱད་པ་ཡོད་པ་རེད ། ཉིས་སྟོང་བཅུའི་རྡ་སྟེང་བོད་ཕྲུག་ཁྱིམ་སྡེའི་མཛད་སྒོའི་ཐད་༧་གོང་མཆོག་གིས་མང་བོ་བཤད་མི་བཤད་མི་འདུག་ཕན་པ་མི་འདུག་ཅེས་སྡུག་སྐད་ཤོར་བ་ལ་ལྟོས་དང་ཡེ་ཤེས་དབྱིངས་དཔྱད་ལ་ཁག་ག་ཚོད་ཅིག་བཀལ་འདུག རང་གི་བདེ་སྡུག་རང་མོས་འོས་ཤོག་གིས་བསྐོས་བཞག་བྱས་པའི་བཀའ་ཁྲིས་ཆབ་དཔལ་རིག་གསུམ་གྱིས་འགན་ཁུར་ཏེ་༧གོང་ས་མཆོག་ཟུར་དཔུང་གི་སྲོལ་ཏུ་བཞུགས་པ་ཡིན་ན་ད་དུང་མདུན་བསྐྱོད་ལ་ཤུགས་རྐྱེན་བཟང་དུ་འགྲོ་བའི་རེ་བ་ཆེ་ཙམ་ཡོད །
ད་རེབ་སྤྱི་འཐུས་སྐབས་བཅུ་བཞི་ཚོགས་སྐབས་༧་གོང་ས་མཆོག་གི་འགན་དབང་ཐད་བསྒྱུར་བཅོས་ཆེན་པོ་གཏོང་མ་ཐུབ་ན་འང་། མ་མཐའ་ཡང་་ཡེ་ཤེས་དབྱིངས་དཔྱད་ལྟར་ཡིན་ཞེས་པའི་རྩ་ཚིག་འདི་མེད་པར་བཟོ་རྒྱུ་གནད་འགག་ཅིག་ཆགས་འདུག་སྙམ ། མི་ཆོས་རང་ལུགས་ཀྱི་ཆབ་སྲིད་འཐབ་འཛིང་ཁྲོད་དུ་༧་གོང་ས་མཆོག་ལ་ཁག་འདི་དཀྲི་ན་འགྲིག་པོ་ཞིག་མ་རེད་སྙམ །