རེབ་གོང་དུ་བོད་ཡིག་སློབ་དེབ་བརྗེ་བསྒྱུར་ལ་ངོ་རྒོལ་གནང་འདུག

Comments (15) on “རེབ་གོང་དུ་བོད་ཡིག་སློབ་དེབ་བརྗེ་བསྒྱུར་ལ་ངོ་རྒོལ་གནང་འདུག”

1. བཀྲ་ཤིས་བདེ་ལེགས་ཞུ། དེ་རིང་ནས་བཟུང་སྟེ་ཁ་བརྡའི་ལེ་ཚན་ལ་ཞུགས་པ་ཡིན།

2. རེབ་གོང་གི་སློབ་ཕྲུག་ཚོར་བསྟོད་བསྔགས་འབུལ་ལོ། །
   རང་དབང་གི་གོ་རྟོགས་འདི་ལྟར་སད་ཡོང་ན་བརྟན་པོ་ཡིན།

3. བློབ་མ་ཚོ་ལ་རྗེས་སུ་ཡི་རང་ཡོད་སོ་སོའི་མི་རིགས་དང་རིགས་གཞུང་ལ་འཐབ་བརྩོད་དེ་འདྲ་བྱས་ན་རྟེན་རྟེན་བོད་མི་རིགས་འདི་ལ་རེ་བ་ཏོག་ཙམ་ཡོད

4. བོད་ལྗོངས་ཀྲུའུ་ཞི་ཡིས་བོད་ལྗོངས་ཀྱི་གཞོན་ནུ་འགའ་བོད་དང་བྲལ་ཏེ་ཏཱ་ལར་སྐྱབས་བཅོལ་བའི་སྐོར་གྱི་དྲི་བར་ལན་བསྐྱོན་པ།

   སྤེལ་དུས།　2012-03-09　　 ཡོང་ཁུངས།　SOHU 　　 རྩོམ་སྒྲིག་པ། 　བསྟན་འཛིན་གྱིས་བསྒྱུར།

   ཟླ་བ༣པའི་ཚེས༧ཉིན་གྱི་ཕྱི་དྲོར། སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་ཚོགས་འདུ་ཐེངས་ལྔ་པའི་བོད་རང་སྐྱོངས་ལྗོངས་ཀྱི་ཚང་འཛོམས་གྲོས་ཚོགས་ཚོགས་པ་མ་ཟད་རྒྱལ་སྤྱི་རྒྱལ་ནང་གི་གསར་འགོད་པར་སྣེ་ལེན་བྱས་པ་རེད།
   གསར་འགོད་པ་ཞིག་གིས“བོད་རིགས་ཀྱི་གཞོན་ནུ་འགའ་ཤས་བོད་ལྗོངས་ཀྱི་ས་ཁོངས་ནས་ཁ་བྲལ་ཏེ་ཏཱ་ལར་སྐྱབས་བཅོལ་པར་རང་སྐྱོང་ལྗོངས་སྲིད་གཞུང་ནས་དེར་བྱ་ཐབས་གང་ཞིག་འཛིན་གྱི་ཡོད་དམ”ཞེས་དྲིས་པར་རང་སྐྱོངས་ལྗོངས་ཀྱི་ཀྲུའུ་ཞི་པད་མ་འཕྲིན་ལས་ཀྱིས་ལན་བཏབ་པ་རེད།
   པད་མ་འཕྲིན་ལས་ཀྱིས་གསུངས་པར། “ང་ཚོ་དོན་དངོས་ལ་ཁ་ཕྱོགས་ན་འགྲིག་གི་ཡོད། ད་ལྟ་ཏཱ་ལས་དངོས་འབྲེལ་ང་ཚོའི་གཞོན་ནུ་འཕྲོག་ལེན་བྱེད་ཀྱི་ཡོད་མོད། ང་ཚོའི་འོས་འགན་ནི་སློབ་གསོ་ཡག་པོ་གཉེར་རྒྱུ་དང་དམངས་འཚོ་ལེགས་བཅོས་ཡག་པོ་བྱ་རྒྱུ་དེ་རེད། བོད་ལྗོངས་ཀྱི་འོས་འགན་སློབ་གསོའི་ཡུན་ཚད་ནི་ལོ་བཅོ་ལྔ་ཡིན་པ་དང་སློབ་ཞུགས་སྔོན་གྱི་སློབ་གསོ་ལོ་གསུམ་དང་སློབ་ཆུང་ལོ་དྲུག དམའ་རིམ་སློབ་འབྲིང་ལོ་གསུམ། མཐོ་རིམ་སློབ་འབྲིང་ལོ་གསུམ་བཅས་ཚང་མ་རིན་མེད་ངང་སློབ་གསོ་མྱོང་རྒྱུ་ཡོད་པ་རེད།”
   ང་ཚོས་ཏཱ་ལ་དང་འཕྲོག་ལེན་བྱེད་ཀྱི་མེད། འདིར་བཤད་པའི་དོན་སྙིང་ཡང་དེ་མ་ཡིན། གཙོ་གནད་ནི་ང་ཚོས་རང་གིས་ལས་དོན་ཡག་པོ་བསྒྲུབ་རྒྱུ་དེ་ཡིན་པ་དང་ཏང་གི་དམངས་ཕན་སྲིད་ཇུས་ཁག་དོན་འཁྱོལ་བྱ་རྒྱུ་དང་དེ་ལྟར་བྱས་པ་ཡིན་ཚེ་རྒྱ་ཆེའི་མང་ཚོགས་ཚོས་ཡང་གོང་བཀུར་བྱེད་ངེས་རེད།
   པད་མ་འཕྲིན་ལས་ཀྱིས་མཇུག་ཏུ་གསུངས་དོན། དོན་དངོས་ཐོག“བོད་རིགས་ཀྱི་གཞོན་ནུ་བོད་ལྗོངས་ཀྱི་ས་ཁོངས་ནས་ཁ་བྲལ་ཏེ་ཏཱ་ལར་ཁ་ཕྱོགས་མཁན”མང་པོ་མེད། ལོ་སྔོན་མར་བོད་ལྗོངས་ཀྱི་སློབ་ཆུང་ལོ་ཚད་ལོན་པའི་བྱིས་པ་སློབ་གྲྭར་ཞུགས་ཚད༩༨%ཟིན་ཡོད་པ་རེད།
   བོད་ལྗོངས་ཀྱི་ས་ཆའི་རྒྱ་ཁྱོན་སྤྱི་ལེ་ངོས་སྙོམས་གྲུ་བཞི་མ་ཁྲི༡༢༠ཡོད་པ་དང་མི་འབོར་འདི་ལྟར་ཁ་འཐོར་ཡིན་པས་གྲུབ་འབྲས་འདི་ལྟ་བུ་ཐོབ་པ་ནི་དངོས་གནས་ལས་སླ་པོ་ཞིག་མ་ཡིན། འོན་ཀྱང་གྲུབ་འབྲས་འདི་སྲ་བརྟན་དང་རྒྱ་ཆེར་གཏོང་དགོས་པ་དང་སློབ་གསོའི་ཐད་རྒྱལ་ཁབ་ཀྱིས་རྒྱབ་སྐྱོར་ཤུགས་ཆེན་གནང་གི་ཡོད། དེར་བརྟེན་མང་ཚོགས་རྣམས་ཏང་གི་རྗེས་སུ་འབྲངས་རྒྱུར་ཡིད་ཆེས་བརྟན་པོ་ཡོད་ཅེས་གསུངས་པ་རེད།

5. སློབ་མ་དེ་ཚོ་བོད་མི་རིགས་ཀྱི་མ་འོངས་པའི་སོ་རྩ་རེད་སྙིང་སྟོབས་དེ་འདྲ་ལོས་དགོ། ༢༠༠༨ལོ་ནས་བཟུང་བོད་ཀྱི་གཞོན་སྐྱེས་ཚོའི་སེམས་ལ་བག་ཆགས་ཟབ་མོ་ཞིག་བཞག་འདུག ཁོང་ཚོའི་དམིགས་ཡུལ་བོད་ཀྱི་སྐད་ཡིག་སྲུབ་སྐྱོབ་བྱ་རྒྱུ་དེ་རེད་རྗེས་སུ་ཡི་རངས་ཞུ།

6. རྒྱ་དམར་ཚང་གི་གཡོ་རྒྱུ་འཁྲབ་གང་འཁྲབ་ཀྱང་འདོད་ཐོག་ཏུ་ཡོང་རྒྱུ་ལས་སླ་བོ་མ་རེད། སྙིང་སྟོབས་ཅན་གྱི་སློབ་མ་དག་སེམས་ཤུགས་སྐྱེད་བདེན་པའི་སྟེག་བུ་ལས་མ་བརྒལ།

7. བོད་ཀྱི་ས་ཁུལ་མང་ཆེ་བར་སློབ་དེབ་རྒྱ་ཡིག་ཅན་སྤྱོད་བཞིན་ཡོད་པ་རེད། དེར་བལྟས་པ་ཡིན་ན། བོད་སྤྱི་ཡོངས་ནས་ཤུགས་བརྒྱབ་ན་མ་གཏོགས་གྲུབ་འབྲས་སོན་དཀའ། སྐད་འབོད་དང་ཞུ་གཏུགས། སློབ་མཚམས་འཇོག་པ་སོགས་མུ་མཐུད་ནས་སྤེལ་དགོས་པ་རེད། ཁྲིམས་ཡིག་ནང་གསལ་བ་དང་རང་སྐྱོང་སྲོལ་ཡིག་ནང་གསལ་བའི་ཐོབ་ཐང་དེ་ཚོ་དགོས་འདུན་བརྩོན་ལེན་གྱི་ཁ་ཕྱོགས་སུ་བེད་སྤྱོད་བྱེད་པ་དང་། ནུས་པ་ཁ་ཐོར་དུ་མ་སོང་བ་ཞིག་གི་སྟེང་ནས་མདུན་བསྐྱོད་བྱས་པ་ཡིན་ན། རེ་བ་ཆེ།

8. རེབ་གོང་རིག་པ་འབྱུང་བའི་གྲོང་ཁྱེར་ཟེར་བ་མིང་དོན་མཚུངས། བཙན་བྱོལ་ནང་ལའང་དེ་བཞིན་བུ་ཁྱིམ་སློབ་གྲྭ་ཁག་གི་ནང་ཁྲིད་གཞི་གཙོ་བོ་དབྱིན་ཇིའི་སྐད་ཡིག་ཐོག་ཡིན་པ་དང་བོད་ཡིག་མ་ཡིན། ཀློག་དེབ་ཀྱང་ཕལ་ཆེ་བ་དབྱིན་ཡིག་ཐོག་ཡིན་པ་ལས་བོད་ཡིག་མ་ཡིན། བཙན་བྱོལ་སློབ་མ་ཚོ་ལ་དེ་ལྟ་བུའི་བསམ་ཁྱེར་ཕལ་ཆེར་དབེན་པས་བོད་ནང་གི་སློབ་མ་ཚོ་ལ་བསྔགས་བརྗོད་ཞུ་འོས།

9. ཡུལ་འདིའི་སློབ་མ་ཚོས་སྔ་ལོར་ཡང་རང་གི་མི་རིགས་རིག་གནས་ལ་ཤ་ཚ་སྙིང་ཉེ་བརྩོན་པ་རེད། ད་ལོར་ཡང་འདི་ལྟར་རེད། གཞན་དག་གིས་ཁོང་ཚོར་མིག་དཔེ་བལྟ་འོས་པ་རེད། ཁོང་ཚོར་མིག་དཔེ་བལྟས་ན་ཁོང་ཚོ་དང་འདྲ་བ་ཆགས་གི་རེད། རིག་པའི་བུ་དང་བུ་མོ་ག་ས་གང་དུ་མིག་གིས་མཐོང་རྒྱུ་ཡོད་པ་རེད། ཁོང་ཚོས་བྱས་པ་གནང་བཞིན་བྱེད་ན་ཁོང་ཚོ་འདྲ་བ་ཆགས་གི་རེད། ཁེ་མ་གཏོགས་གྱོང་ཡོད་པ་རེད། རྫོང་དང་ཞང་། ཁུལ་དང་ལྗོངས་རིམ་པའི་བོད་རིགས་འདུས་སྡོད་ས་ཁུལ་ཚང་མ་ནས་ཁོང་ཚོར་དཔེ་བལྟ་དགོས་པར་འདུག
   བཙན་བྱོལ་ནང་གི་སློབ་གྲྭ་ཁག་ཅིག་གིས་ཀྱང་ངེས་པར་དུ་ཁོང་ཚོར་མིག་དཔེ་བལྟ་དགོས་པར་འདུག ལྷག་པར་དུ་་༼ T.C.V ༽ སོགས།

10. བོད་ནང་གི་སློབ་མ་ཚོའི་སོ་སོའི་སྐད་ཡིག་གི་བརྩེ་ཞེན་ལ་གཅིག་བལྟོས་དང་། བཙན་བྱོལ་རང་དབང་ལུང་པའི་སློབ་མ་ཚོ་ངོ་མ་ངོ་ཚ་དགོས་པ་ཞིག་རེད།

11. རེབ་གོང་རིག་པ་འབྱུང་གནས་ནི་མིང་དོན་མཐུན་པའི་བོད་མི་རིགས་ཀྱི་རྣམ་པ་ངོ་མ་ཡོད་སའི་གྲོང་ཁྱེ་ར་ཞིག་རེད་་་་་་་་་་་་་་་ང་ཚོ་དུས་རྟག་ཏུ་ཁྱེད་ཅག་དང་ལྷན་དུ་ཡོད་་་་་་་བཀའ་དྲིན་ཆེ་་་་་་་ད་དུང་མུ་མཐུད་་་་་་་་་་་་་་་་་ནས་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་སེམས་ཤུགས་མ་ལྷོད་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་་

12. ་བོད་ནང་གི་སློབ་མ་ཚོའི་རང་གི་རིག་གནས་དང་སྐད་ཡིག་གི་བརྩེ་ཞེན་ལ་འདི་འདྲའི་གནང་་པར་བསྟོད་བསྔགས་ཡོད། བཙན་བྱོལ་ནང་གི་སློབ་ཕྲུག་ཚོའི་ད་ལྟ་བསམ་བློ་ཞིག་གཏོང་རན་འདུག།

13. བོད་ནང་ལ་རྒྱ་ཡིག་ལས་ཨིན་ཡིག་གལ་ཆེ་བའི་ལས་འགུལ་དང་སློབ་སྦྱོང་འཛིན་གྲྭ་གང་མང་དགོས་མི་འདུག་གམ།

14. བོད་རིགས་ས་ཡ་དྲུག་གིས་བོད་ཡིག་དང་བོད་སྐད་གཉིས་ཀ་ཤེས་དགོས། བོད་རིགས་ས་ཡ་གསུམ་གྱིས་ཨིན་སྐད་ཤེས་དགོས། བོད་མི་ས་ཡ་གཅིག་གིས་རྒྱ་ཡིག་ཤེས་ན་ཡང་དེ་གས་འཐུས་པ་མི་འདུག་གམ། ཧ་ཧ། འདི་ནི་རྨི་ལམ་རེད་རེད་ལགས།

15. ཧ་ཧ། དི་ནི་རྨི་ལམ་རེད་རེད་ལགས། ཞེས་པ་འདི། ཧ་ཧ། འདི་ནི་ངའི་རྨི་ལམ་རེད་ལགས། ལ་བཅོས།