གནས་ཚུལ་མཁོ་འདོན་པཿ དགེ་འདུན།
བོད་ནས་འབྱོར་བའི་གནས་ཚུལ་ལྟར་ན། སྤྱིར་བོད་ཟླ་དྲུག་པའི་ནང་མདོ་སྨད་རེབ་གོང་གི་ཡུལ་མི་རྣམས་ཀྱིས་རྒྱན་འདོགས་ཆ་བཏགས། གྱོན་གོས་གསར་བ་གང་རྫིག་རྫིག་གོན་ནས་ལྷ་རྩེད་ཀླུ་རྩེད་དམག་རྩེད། གཞན་ཡང་འཇིག་རྟེན་ཁྱིམ་པ་ཕོ་མོའི་བརྩེ་འདུན་མཚོན་བྱེད་དུ་གླུ་དང་ལ་གཞས་གར་རྩེན་སོགས་བྱེད་སྲོལ་ཡོད་མོད།
ད་ལོ་བོད་ཕྱི་ནང་གང་ས་ནས་བོད་མི་རིགས་དང་རིག་གཞུང་སྲུང་སྐྱོབ་ཆེད་རྒྱ་དམར་གཞུང་ལ་རང་ལུས་མེར་བསྲེགས་ཀྱིས་ངོ་རྒོལ་ཤུགས་ཆེན་པོ་གནང་ནས་དཔའ་བོ་དཔའ་མོ་མང་པོ་ཞིག་གི་སྐུ་སྲོག་དོར་ཡོད་པ་དང་། དཔའ་བོ་དཔའ་མོ་མང་པོ་ཞིག་རྒྱ་དམར་གྱི་བཙོན་ཁང་ནང་དམྱལ་བའི་སྡུག་བསྔལ་མྱོང་བཞིན་པར་བརྟེན། ཁོང་ཚོར་མྱ་ངན་དང་གདུང་སེམས་མཉམ་སྐྱེད་མཚོན་ཆེད་གླུ་ལེན་གར་རྩེད་མཚམས་འཇོག་དང། གྱོན་གོས་ཡང་རས་རྐྱང་གི་ལྭ་བ་གྱོན་པ་ལས་སྣམ་བུ་དང་གོས་ཆེན་གྱི་ལྭ་བ་མཚམས་བཞག་འདུག། གྲོང་སྡེ་ཁ་ཅིག་ནང་མི་ཤི་ནས་མྱང་ངན་བྱེད་སྐབས་སྐེ་རགས་བརྒྱབ་ལོག་མི་བཅིང་བར་མདུན་ཕྱོགས་བཅིངས་ནས་མྱ་ངན་བྱེད་སྲོལ་ཡོད་པ་བཞིན། དྲུག་པའི་ཀླུ་རོལ་སྐབས་ཡང་སྐེ་རགས་མདུན་དུ་བཅིངས་ནས་མྱ་ངན་ཤུགས་ཆེན་མཚོན་པར་བྱེད་འདུག་པ་དང་། ཆང་དང་ཐ་མག་ཡང་ནམ་རྒྱུན་ལས་ཆེས་ཉུང་དུ་བཏང་ནས་མྱ་ངན་ངང་སྲུང་བརྩི་གནང་འདུག། གཞན་ཡང་གྲོང་སྡེ་ཞིག་གི་གཞི་བདག་གམ་ལྷ་མིར་ཁོག་ཞུགས་ནས་ལྷ་པས་༧གོང་ས་མཆོག་གི་སྐུ་པར་མཐོང་གྲོལ་རིན་པོ་ཆེ་ལ་ཁ་བཏགས་སྒྲོན་འབུལ་ཞུ་རུ་བཅུག་འདུག།
ཡག་པོ་རེད་་་ལྷ་མི་གཉིས་ཀས་མཉམ་དུ་ལས་འགུལ་སྤེལ་འདུག་ཀ་་་
གདུང་སེམས་མཉམ་བསྐྱེད་གནང་བ་དཔེ་མི་སྲིད་ཡག་པོ་རེད། རེབ་གོང་པ།
ཡང་པོ་རེད།
གྲོགས་དགེ་འདུན་ལགས་ཀྱིས་གནས་ཚུལ་མཁོ་སྤྲོད་གནང་བར་ཐུགས་རྗེ་ཆེ།།་་་་་ཁྱེད་ལ་འབྲེལ་བ་བྱེད་སའི་ཁ་པར་ཨང་གྲངས་ཤིག་གནང་ཐུབ་བམ།
བོད་ཀྱི་ལྷ་ཀླུ་གཞི་བདག་དེ་ཚོས་ད་བར་མེར་སྲེག་གཅིག་ཀྱང་གཏོང་གི་མི་འདུག་དེ་གང་ཡང་ཡིན་ནམ།
གཅིག་བྱས་ན་་་་རྒྱ་མིའི་རྒྱུགས་ཁྱི་དང་ཡང་མིན་ན་དོལ་རྒྱལ་ཚོགས་པའི་རྗེས་འབྲངས་པ་མིན་འགྲོ་་་་་དོག་པ་ཡོད་ད་་་་་་་
ཞིབ་འཇུག་ཞིག་བྱེད་རན་་་་་་་བརྡ་སའི་བུད་མེད་ཚོགས་པར་རྩིས་སྤྲོད་ན་གཏན་གཏན་ཁོང་ཚོས་ཡག་པོ་བྱེད་ཀྱི་རེད་་་་་
ད་དེ་ག་རང་ཐག་གཅད་ཀྱིན་ཡིན་ད་་་་